Пробирки с биоматериалом в лабораторном комплексе

Ташхиси COVID-19 дар Тоҷикистон ройгон шуд: сокинон дигар 120 сомонӣ намесупоранд

625
(Таҷдидшуда 19:39 19.02.2021)
Дар Тоҷикистон қаблан ин намуд ташхис, ки барои сафар намудан ба хориҷа ҳатмӣ буд, 120 сомонӣ арзиш дошт

ДУШАНБЕ, 19 фев – Sputnik. Абдумавлон Абдуллозода, сардори Раёсати назорати давлатии санитарию эпидемиологии Суғд бо таъйиди ин иттилоъ дар суҳбат ба Sputnik Тоҷикистон гуфт, ташхис коронавирус ройгон шудааст.

Ӯ афзуд, аз моҳи декабри соли гузашта бо фармони Вазорати тандурустӣ ва ҳифзи иҷтимоии аҳолии Тоҷикистон озмоиши коронавирус (ПЦР) дар ҳама озмоишгоҳҳои кишвар ройгон гузаронида мешавад.

"Пештар сокиноне, ки бо мақсади сафар кардан ба хориҷи кишвар гирифтани ин намуд ташхис лозим буд, 120 сомонӣ пардохт менамуданд. Ҳоло бештар аз ду моҳ аст, ки ин тахшис барои ҳамаи сокинон ройгон аст", -  гуфт Абдуллозода.

Бино ба иттилои манбаъ, соли 2020 баъд аз насб шудани таҷҳизоти лабараторӣ (ПЦР) беш аз 55 ҳазор озмоиш шуда, аз ин теъдод 7679 ҳолат натиҷаи ташхис барои COVID-19 мусбӣ муайян шудааст.

Масъулони Раёсати тандурустии Суғд мегӯянд, давоми нуҳ моҳи хуруҷи бемории ҳамагири навъи COVID -19, дар ҳудуди вилоят 4392 ҳолат ба ин беморӣ сироят шуда ва 30 нафар фавтидаанд.

Маъруфҷон Ҳоҷибев, муовини сардори Идораи тандурустӣ дар суҳбат ба Sputnik Тоҷикистон иброз намуд, ки ин беморӣ бештар аз ҳама дар шаҳру ноҳияҳои Хуҷанд, Б. Ғафуров, Панҷакент ва Истаравшан сабт шудааст.

Вазорати тандурустии Тоҷикистон иттилоъ медиҳад, ки аз моҳи апрел то моҳи декабри соли 2020 дар кишвар 13 ҳазору 308 нафар ба бемории каронавирус сироят шуда, аз ин шумор 13 ҳазору 218 нафар шифо ёфта, 90 нафар фавтидаанд.

Омори нави COVID - 19 дар Тоҷикистон: Вазорати тандурустӣ чӣ мегӯяд?

Вазорат мегӯяд, аз санаи 25 декабри соли 2020 ба ин тараф ҳеҷ мавриди сироятёбӣ ба қайд гирифта нашудааст.

625
Барчаспҳо:
ройгон, ташхис, Тоҷикистон

COVAX даҳҳо кишварро бо ваксин таъмин кард: Тоҷикистон дар навбат аст

40
(Таҷдидшуда 18:41 06.03.2021)
Интизор меравад, ҳафтаи оянда боз 31 кишвари дигар дар доираи механизми COVAX бо ваксин алайҳи коронавирус таъмин шаванд

ДУШАНБЕ, 6 мар – Sputnik. Созмони ҷаҳонии беҳдошт мегӯяд, даҳҳо кишвари олам тибқи барномаи байналмилалии COVAX соҳиби ваксин алайҳи маризии коронавирус шуданд.

Ба иттилои манбаъ, дар доираи ин барнома аз ҷумла кишварҳои африқоӣ ба мисли Нигария, Судон, Гана, Руандо,Лесота ваксинро дастрас карданд.

Илова бар ин, COVAX, Ҳиндустону Комбоҷа, Молдова ва Колумбияро низ бо ваксин таъмин кардааст.

Дар ҳамин ҳол, СҶБ мегӯяд, ҳафтаи оянда боз 31 кишвари дигар соҳиби ваксин алайҳи вируси COVID - 19 мегарданд. Ҷамъан 14,4 миллион воя ваксин миёни 31 давлат таҳсимбандӣ мешавад.

Ёдовар мешавем, ки Тоҷикистон расман ваксини AstraZeneca-ро тасдиқ кард. Чанде пеш, Наврӯз Ҷаъфаров, сардори Раёсати амнияти санитарию эпидемиологии Вазорати тандурустӣ иттилоъ дод, ки моҳи март 732 ҳазор вояи он ба Тоҷикистон ворид мешавад.

Ба таъкиди ӯ, Тоҷикистон барои қаблуи ваксини мазкур тамоми шароит дорад ва ҳоло воситаҳои нақлиёт барои интиқол ва ҳамчунин макони нигаҳдории он омода шудааст.

Таъкид мегардад, ки дар доираи механизми COVAX, эмкунии 20% аҳолии Тоҷикистон ба нақша гирифта шудааст.

40
Мавзуҳо:
Пайомадҳои COVID-19 дар Тоҷикистон ва ҷаҳон
Джамолиддин Абдуллозода встретился с постоянным представителем Всемирного банка в Таджикистане

Сипосгузории Ҷамолиддин Абдуллозода аз Бонки ҷаҳонӣ

145
(Таҷдидшуда 14:12 05.03.2021)
Бонки ҷаҳонӣ дар доираи тарҳи вижа то 1 январи соли 2021  ба Тоҷикистон 11,3 миллион доллар кумак кардааст, ки аз ин маблағ 9,4 миллион доллари он харҷ гардидааст, ки 83,4 фоизи маблағи умумии Лоиҳаро ташкил мекунад

ДУШАНБЕ, 5 мар — Sputnik. Вазири тандурустии Тоҷикистон Ҷамолиддин Абдуллозода бо намояндаи доимии Бонки ҷаҳонӣ дар Тоҷикистон  Ян Петтер Олтерс баргузор гардид.

Ҷамолиддин Абдуллозода аз номи Ҳукумати Тоҷикистон барои дастгириҳои пайваста дар рушд ва пешрафти соҳаи тандурустӣ, махсусан дар давраи пандемияи COVID-19 ҷиҳати пешгирӣ ва табобати бемории сироятии коронавирус ба Бонки ҷаҳонӣ изҳори миннатдорӣ баён кард.

Вазорати тандурустӣ мегӯяд, кумаки Бонки ҷаҳонӣ дар давраи ҳамагирии коронавирус ба Тоҷикистон назаррас мебошад.

Махсусан, бо ин мақсад "Лоиҳаи фавқулоддаи муқовимат ба вируси COVID-19 дар Тоҷикистон"-и назди Вазорати тандурустӣ дар доираи Созишномаи маблағгузорӣ байни Ҳукумати Тоҷикистон ва Бонки ҷаҳонӣ (гранти №D604-TJ) аз 3 апрели соли 2020 ба фаъолият оғоз намуд, ки  ҳадафи  он таъмини омодагӣ ва эътино ба пандемияи сирояти COVID-19 дар Тоҷикистон мебошад.

Дар доираи маблағгузории ин тарҳ то имрӯз як қатор корҳо анҷом дода шудаанд. Махсусан, ҷиҳати таҳкими иқтидори шӯъбаҳои табобатӣ ва эҳёи 10 беморхонаҳои интихобгардида 23 номгӯи таҷҳизоти тиббӣ, 9 номгӯи воситаҳои муҳофизати шахсӣ ва 77 номгӯи доруворӣ харидорӣ ва дастрас карда шуда, инчунин корҳои таъмирӣ дар ин беморхонаҳо гузаронида шудаанд.

Инчунин, бо мақсади тақвият додани сатҳи огоҳонии аҳолӣ аз пешгирӣ ва хавфу оқибатҳои имконпазири пандемияи COVID-19 дар Ҷумҳурии Тоҷикистон тавассути роҳҳои мухталифи иттилоот ва алоқа дар мавриди  пешгирии ин беморӣ 15 номгӯи маводҳои иттилоотӣ (постерҳо, овезаҳо, брошюра ва буклетҳо) бо теъдоди 424 ҳазор нусха,  инчунин, шакли варақаи ҳуҷҷатҳо барои таъйин кардани кӯмакпулии иҷтимоӣ бо теъдоди 800 ҳазор нусха ба табъ расонида шуда, ба ҳамаи шаҳру ноҳияҳои кишвар дастрас карда шуданд.

Ҳамзамон, ҷиҳати баланд бардоштани заминаи техникии Маркази матбуоти Вазорати тандурустӣ дар доираи лоиҳаи мазкур 12 номгӯи таҷҳизоти техникӣ, аз ҷумла дастгоҳи рақамии наворбардор ва пахшкунанда, компютер, асбобҳои аксбардор, принтери ранга ва дигар воситаҳои техникӣ харидорӣ  ва ба маркази  мазкур супорида шуданд.

Бо мақсади дастгирии табақаҳои ниёзманди аҳолӣ, ки дар давраи паҳншавии сирояти COVID-19 аз нуқтаи назари амнияти озуқаворӣ осебпазир ба шумор мерафтанд, ба 64 469 оилаҳои камбизоати Тоҷикистон кӯмакпулии яквақтаи иҷтимоӣ расонида шуд.

Кӯмакпулии якдафъаина ба андозаи 500 сомонӣ ба як оилаи камбизоати дорои кӯдакони то синни 3-сола як маротиба ҳамчун дастгирии иҷтимоии иловагӣ аз тарафи  Ҳукумати Ҷумҳурии Тоҷикистон расонида шудааст. То имрӯз барои  пардохти кӯмакпулии яквақтаи иҷтимоӣ ба оилаҳои камбизоати кӯдакони то 3 сола дошта дар ҳаҷми 32 234 500 сомонӣ ё зиёда аз 3,0 миллион доллари ИМА маблағ сарф карда шудааст.

Дар доираи амалисозии лоиҳаи мазкур ҳамзамон барои нигаҳдории ҳайати кормандон, анҷом додани чорабиниҳои хариди мол, кор ва хизматрасониҳо, таҳияи ҳисоботҳои молиявӣ, муҳосибӣ, мониторинг ва арзёбии рафти татбиқи Лоиҳа хароҷоти муайян пешбинӣ шудааст.

Бояд гуфт, ки мониторинги рафти татбиқи лоиҳа, аз ҷумла дастраснамоии таҷҳизотҳои тиббӣ, воситаҳои муҳофизати шахсӣ ва дорувории харидоригардида ба беморхонаҳо, инчунин сифати корҳои таъмирӣ дар муассисаҳои тандурустӣ аз ҷониби кормандони Гурӯҳи татбиқи Лоиҳа гузаронида шудааст.

Манбаъ афзуда, ки дар маҷмӯъ, то 1 январи соли 2021  аз 11,3 миллион доллар маблағи пешбинигардида 9,4 миллион доллари он харҷ гардидааст, ки 83,4 фоизи маблағи умумии Лоиҳаро ташкил мекунад.

145
Барчаспҳо:
Бонки ҷаҳонӣ, тандурустӣ, Ҷамолиддин Абдуллоев, Вазорати тандурустии ҶТ

Кай ҳамагирии коронавирус анҷом меёбад: пешгӯии навбатии СҶБ

0
(Таҷдидшуда 18:53 06.03.2021)
Намояндаи Созмони ҷаҳонии Беҳдошт дар масъалаи ваксина ба сабру таҳаммул даъват кард, зеро эм кардани ҳамаи сокинони сайёра якбора ғайриимкон аст

ДУШАНБЕ, 6 мар – Sputnik. Ҳамагирии коронавирус дар соли 2021 хотима намеёбад. Дар ин бора сардори шӯъбаи урупоии Созмони Ҷаҳонии Беҳдошт (СҶБ) Ҳанс Клюге дар мусоҳиба бо Die Welt  гуфт.

Ба гуфтаи ӯ, соли 2021 "як соли дигари COVID хоҳад буд", аммо агар дар соли 2020 мардум дар бораи бемории нав каме иттилоъ дошта будандд, ҳоло пандемия "пешгӯишаванда ва идорашаванда аст".

"Соли 2020 terra incognita, номуайянии илмӣ ва сиёсӣ буд. Пас аз як сол, мо чизҳои бештареро медонем. Мо асбобҳо, барномаҳои ташхисӣ дорем, ваксина дорем. Барои ман, дар кори худ нақшаи пешакӣ муҳим аст. Пандемия то аввали соли 2022 хотима хоҳад ёфт", - гуфт ӯ дар мусоҳиба.

Ба ақидаи ӯ, муҳим аст, ки чӣ гуна кишварҳо маҳдудиятҳоро бекор мекунанд: агар зуд ба амал ояд, вазъ ба тасвири аввала бармегардад.

Клуге инчунин даъват кард, ки дар масъалаи ваксина мардум сабур бошанд, зеро эм кардани ҳамаи сокинони сайёра якбора ғайриимкон аст.

0
Барчаспҳо:
пешгӯӣ, вируси корона, хатм, СҶБ