Встреча В.Путина с членами Совета Парламентской ассамблеи ОДКБ

Омодагии Русия ва СПАД барои кӯмак ба Афғонистон

10
(Таҷдидшуда 16:55 11.02.2016)
Русия ва муттаҳидонаш аз СПАД барои таъмини амнияту субот дар Афғонистон пас аз берун шудани нерӯҳои низомии НАТО омода ҳастанд. Ҳамзамон, ҳузури ҳарбиёни рус дар минтақа тақвият нахоҳад ёфт.

ДУШАНБЕ, 7 ноя — Радиф Тоҷикистон. Афғонистон дар сурати ноамнӣ ва ноором шудани вазъ пас аз ихроҷи неруҳои низомии Эътилофи Шимолӣ (НАТО) ба кӯмаки Русия ва Созмони Паймони Амнияти Дастаҷамъӣ умед баста метавонад, гуфт Владимир Путин аснои мулоқоташ бо ҳайати Ассамблеяи парлумонии СПАД, менависад сомонаи ин ташкилот.

"Дарк мекунем, ки баъди берун рафтани неруҳои низомии байналмилалӣ вазъият ором нахоҳад шуд. Дар сурати зарурӣ омода ҳастем, ки барои ба эътидол овардани вазъият китф ба китфи дӯстони афғонистонӣ гузорем, то дар ин кишвар суботу салоҳ ҳукмрон бошад",- гуфт Путин.

Ҳамчунин, иттилоъ дода мешавад, президенти Русия ба шеваи фаъолияти ҳамоҳангшудаи кишварҳои аъзои Созмони Паймони Амнияти Дастаҷамъӣ дар ростои тақвияти амният, аз ҷумла мубориза алайҳи ифротгароӣ ва ҷилавгирӣ аз хатари паҳншавии нашъа баҳои мусбат дод. Путин афзуд, дар ин бахш ба ҳамдигарфаҳфаҳмӣ ва ҷонибдории ҳамаи аҳзоби сиёсӣ дар парлумонҳои кишварҳои аъзои СПАД умед мебандем.

"Муносибати мо дар чорчӯби фаъолияти СПАД бо кишварҳои аъзо ва иттифоқчиёнамон дар ҳоли рушд мебошанд. Мақсад ва ҳадафи мо маълум аст, дар ин бахш низоми зарурӣ рӯи кор аст. Ҳар амалеро, ки мо анҷом медиҳем аз сӯи роҳбарони давлатҳо пуштибонӣ мешавад. Бе ҷонибдории ҷомеъаи шаҳрвандӣ ва қувваҳои сиёсӣ аз ин раванди ҳамкорӣ ҳарф гуфтан албатта душвор мебуд",- гуфт Путин аснои нишасти мазкур.

Николай Бордюжа, дабири кулли СПАД дар ҷаласаи АП СПАД иброз дошт, ки Созмон ба ҳеч ваҷҳ зиёд кардани теъдоди низомиёни русро дар сурати ихроҷи ҳарбиёни НАТО аз Афғонистон дар қаламрави кишварҳои Осиёи Марказӣ надорад.

"Ба ин зарурат нест, дар он ҷо неруҳои зарурӣ ҷиҳати анҷоми ҳама гуна супориш вуҷуд дорад. Дар ҳолати даркорӣ мо метавонем аз низомиёни гурӯҳи дастаҷамъии вокуниши сареъ — ГДВС (КСОР) истифода кунем", — гуфт Бордюжа.

Ёдрас менамоем, ду пойгоҳи низомии наздиктарини Русия ба Афғонистон дар қаламрави кишварҳои Осиёи Марказӣ ҷойгир шудаанд. Яке дар шаҳри Канти ҷумҳурии Қирғизистон ва дуввумӣ дар Тоҷикистон, дар шаҳрҳои Душанбе, Кӯлоб ва Қӯрғонтеппа мавзеъ доранд.

Маълумот дар бораи пойгоҳҳои низомии Русия дар хориҷ>>

Созмони Паймони Амнияти Дастаҷамъӣ (СПАД) — иттифоқи ҳарбӣ-сиёсӣ буда, аз ҷониби ҷумҳуриҳои собиқи шӯравӣ дар асоси Шартнома дар бораи паймони амнияти дастаҷамъӣ (ПАД) дар соли 1992 таъсис ёфтааст. Ин эътилофи амниятӣ соли 2002 ба СПАД табдили ном кард ва дар ҳоли ҳозир ҳафт кишвари собиқи шӯравӣ — Русия, Беларусу Арманистон, Қазоқистону Қирғизистон ва Тоҷикистону Ӯзбакистонро муттаҳид мекунад.   

 

10
Тарма дар роҳи Душанбе - Чаноқ

Дар Бадахшони Афғонистон 15 нафар зери тарма ҷон доданд

125
Тарма дар як гӯшаи дурдасти вилояти Бадахшони Афғонистон фаромадаст, ки зери назорати толибон қарор дорад

ДУШАНБЕ, 6 мар – Sputnik. Дар Афғонистон 15 нафар бар асари фаромадани баҳман ва ё тарма ҷон аз даст доданд.

Ба иттилои мақомоти Афғонистон, тарма рӯзи 4 март дар як гӯшаи дурдасти вилояти Бадахшони Афғонистон фаромад, ки он зери назорати толибон қарор дорад.

Макони фаромадани тарма рустои Зарандоб, ки дар ноҳияи Роғистон ҷойгир аст, гуфта мешавад. Дар ин макон кони тилло ҷойгир аст.

Масъулони Кумитаи ҳолатҳои фавқулодаи он кишвар хабар доданд, ки нахуст ҷасади 12 нафар аз зери тарма берун оварда шуд.

Сипас теъдоди қурбониёни ин офати табиӣ ба 15 нафар расид. Ҳамзамон панҷ нафари дигар бар асари фаромадани баҳман маҷрӯҳ шудаанд.

Дар Бадахшони Тоҷикистон бошад, рӯзи 24 феврал якбора 16 тарма дар масири Хоруғ - Ишкошим фаромад ва хушбахтона талафоти ҷонӣ дар пай надошт. Тарма танҳо барои чанд муддат баста шуд ва сипас бо талоши поксозони роҳ ин мушкилӣ бартарафгардид.

125
Барчаспҳо:
тарма, Афғонистон
Крокодил, архивное фото

Дар Индонезия тимсоҳ кӯдакро фурӯ бурд: шикамашро чок карда, ӯро бароварданд

2682
(Таҷдидшуда 19:16 06.03.2021)
Ҳарчанд падари кӯдак зуб бохабар шуд ва хост фарзандашро наҷот диҳад, вале тимсоҳ зуд худро ба даруни об андохта нопадид шуд

ДУШАНБЕ, 6 мар – Sputnik. Дар рӯдхонаи Темпакули Индонезия як фоҷиаи мудҳиш рух дод. Ба ҳангоми моҳидории падару писар, пимсоҳ ба кӯдак ҳамла намуда, ӯро комилан фурӯ бурд, менависад The ​​Sun.

Ба иттилои манбаъ, хазандаи шаш метра ҳангоми аз соҳил дур шудани падар ба фарзанди 8 - солаи ӯ ҳамла кард.

Вақте ки мард баргашт, ӯ кӯшиш кард, ки даррандаро набард кунаду фарзандашро наҷот диҳад, вале тимсоҳ зуд худро дар об нопадид  кард.

Манбаъ меафзояд, сокинони маҳаллӣ танҳо рӯзи дигар тимсоҳро дастгир намуданд. Онҳо шиками хазандаро чок карда, аз меъдаи ӯ кӯдакро берун оварданд.

Ҳарчанд ба кӯдак осебе нарасидааст, аммо ӯ мурда буд.

Ҳамин гуна ҳолат дар Филиппин соли 2019 рух дод. Хазанда ба наврас дар ҳоле ҳамла кард, ки ӯ ва бародари хурдиаш дар дарёи маҳаллӣ шиноварӣ мекарданд.

Даҳшат: тимсоҳи азимҷусса сагро дар пеши соҳибаш фурӯ бурд - видео

Он замон тимсоҳ аз дасти чапи кӯдак газида, ӯро ба қаъри дарё кашиданӣ буд, аммо падараш тавонист фарзанди худро наҷот диҳад.

Мард барои наҷоти фарзанд, тимсоҳро аз чанд ҷо газид, ки дар натиҷа ӯ кӯдакро раҳо кард ва худ зери об рафт.

2682
Барчаспҳо:
кӯдак, тимсоҳ, Индонезия
День 8 марта

Зодрӯзи Қоҳир Расулзода, Раҳмондӯсти Қурбониён ва Рӯзи Модарон: имрӯзи таърих

0
(Таҷдидшуда 19:15 06.03.2021)
Рӯзи 8 март - Рӯзи байналмилалии занон, дар Тоҷикистон – Рӯзи Модар, дар Малайзия – Рӯзи султон ва зимнан Рӯзи байналмилалии гурда мебошад

Рӯзи 8 март дар ҷаҳон чӣ рух дод

Соли 1759 Парлумони Порис "Энсиклопедия"-и Дени Дидроро маҳкум намуд.

Соли 1873 дар самти шимолу ғарби Канада фурӯши маҳсулоти спиртӣ манъ карда шуд.

Соли 1920 конгресси миллии Сурия истиқлолияти мамлакатро эълон намуд.

Соли 1950 Иттиҳоди Шӯравӣ расман дар бораи мавҷуд будани бомбаи атомии худ хабар дод.

Соли 1973 дар раъйпурсии Ирландияи Шимолӣ 59% овоздиҳандагон барои нигоҳдории ин қисм дар ҳайати Британияи Кабир овоз доданд.

Соли 1914 дар Иттиҳоди Шӯравӣ аввалин шумораи маҷаллаи "Работнитса" нашр шуд.

Соли 2013 расонаҳо хабар доданд, ки  роҳбарияти осорхонаи Британия ба Осохонаи миллии Тоҷикистон нусхаи 6 нигораи коллексияи ганчинаи Амударёро туҳфа намуданд.

Рӯзи 8 март дар Тоҷикистон чӣ рух дод

Соли 2011 дар мулоқоти Президент Эмомалӣ Раҳмон ва сарвазири вақти Покистон Юсуф Ризо Гелонӣ масоили ҳамкории тиҷоратӣ-иқтисодӣ, илмӣ-техникӣ, фарҳангӣ ва амниятии Тоҷикистону Покистон баррасӣ гардиданд.

Соли 2011 Эмомалӣ Раҳмон дар шаҳраки дипломатии Исломобод дар маросими гузоштани санги асоси таҳкурсии бинои нави Сафорати Ҷумҳурии Тоҷикистон дар Покистон иштирок намуд.

Соли 2017 Эмомалӣ Раҳмон дар ҷашни Рӯзи модар чун анъанаи накӯи баҳорӣ ва рамзи иди Наврӯзи байналмилалӣ бо Иҷрокунандаи вазифаи раиси шаҳри Душанбе Рустами Эмомалӣ ва Сомони Эмомалӣ дар ҳашари умумии ниҳолшинонӣ дар пойтахт иштирок карданд.

Ҷашнҳои рӯзи 8 март

  • Рӯзи байналмилалии занон.
  • Дар Тоҷикистон – Рӯзи Модар.
  • Дар Малайзия – Рӯзи султон.
  • Рӯзи байналмилалии гурда.

Рӯзи 8 март дар Тоҷикистон кӣ ба дунё омадааст

Соли 1944 - ҳунарманди мардумии Тоҷикистон Раҳмондусти Қурбониён.

Соли 1948 - раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хурсандмурод Зикиров.

Соли 1950 - шоира Хосият Вализода.

Соли 1956 - собиқ фармондеҳи Горди Президенти Тоҷикистон Ғаффор Мирзоев.

Соли1960 - овозхон Латофат Давлатова.

Соли 1961 - сарвазири Тоҷикистон Коҳир Расулзода.

 Премьер-министр Таджикистана Кохир Расулзода
Премьер-министр Таджикистана Кохир Расулзода на заседании правительства 2021

Соли 1978 - устоди варзиши байналмилалӣ Рауф Ҳикматов.

Соли 1981 - сароянда Баҳриддин Бегов.

0
Барчаспҳо:
Тоҷикистон, Ҷаҳон, ҷашн