Курбон Чолов. Архивное фото

Эътирози дусоатаи савдогарони бозори Панҷшери Душанбе

61
(Таҷдидшуда 09:51 06.01.2015)
Корпартоии тоҷирони бозори "Панҷшер" дар Душанбе, ба гуфтаи шоҳидон, аз соати 8-и субҳ оғоз шуда, то соати 10 идома ёфтааст. Ин эътироз дар ҳолест, ки моҳе пеш соҳиби қаблии бозор - Панҷшер Чолов фавтид ва ин бозор ба ихтиёри Сулаймон Чолов, амаки ӯ гузашт.

ДУШАНБЕ, 6 янв — Sputnik. Субҳи имрӯз тоҷирони бозори "Панҷшер", (собиқ бозори Саховат), воқеъ дар ноҳияи Фирдавсии Душанбе бино бар далели боло рафтани арзиши иҷораи дӯконҳои савдо даст ба эътирози дусоата задаанд, хабар медиҳад "Радиои Озодӣ".

Корпартоии тоҷирони бозори "Панҷшер" дар Душанбе, ба гуфтаи шоҳидон, аз соати 8-и субҳ оғоз шуда, то соати 10 идома ёфтааст. Ин эътироз дар ҳоле иттифоқ меафтад, ки моҳе пеш соҳиби қаблии бозор — Панҷшер Чолов, писари Қурбон Чолов фавтид ва ин бозор ба ихтиёри Сулаймон Чолов, амаки ӯ гузашт.

Ҷавоне, ки худро Сулаймон ва ҳуқушиноси бозори "Панҷшер" муаррифӣ кардааст, ба "Озодӣ" гуфтааст, пас аз сӯҳбат бо эътирозгарон ва ваъдаи омӯзиши хостаҳояшон онҳо ором гирифта, ба ҷойҳои корашон баргаштаанд.

"Мо гуфтем, ки ҳоло раҳбарияти бозор нест. Вақте омад, назди ӯ шикоятатонро расонед. Онҳо моро фаҳмиданд ва ҳоло ба ҷои савдояшон рафтанд", — гуфтааст Сулаймон.

Тоҷирони эътирозгар ба "Озодӣ" гуфтаанд, ки пас аз фавти Панҷшер Чолов амаки ӯ арзишҳои иҷораи дӯконҳои савдоро "бе ягон сабаб боло бурд", ки барои соҳибкорон хеле гарон аст.

Бозори "Панҷшер" дар соли 2005 дар қисме аз ҳудуди бозори "Саховат" сохта шуд. Ин бозор ба Панҷшер Чолов рабт дошт, ки моҳе пеш дар синни 31 солагӣ аз дунё даргузашт. Ҳоло раҳбарии ин бозорро Сулаймон Чолов, яке аз дигар бародарони Чоловҳо ба дӯш дорад.

61
Барчаспҳо:
гаронии нарх, савдогарон, эътироз, Саховат, бозори Панҷшер, Қурбон Чолов, Сулаймон Чолов, Панҷшер Чолов, ноҳияи Фирдавсӣ, Душанбе
Украинский шоколад Рошен

Раис аз дасти коргар фиреб хурд: боздошти корманди ширкати “Афзалият-Групп” барои қаллобӣ

432
(Таҷдидшуда 12:54 08.07.2020)
Вазорати умури дохилаи Тоҷикистон аз боздошти як ҷавони 28-сола, ки дар содир намудани кирдори қаллобӣ гунаҳгор дониста мешавад, хабар дод

ДУШАНБЕ, 8 июл — Sputnik. Бино ба иттилои дафтари матбуоти вазорати умури дохилаи Тоҷикистон, ҳангоми як амалиёти махсус аз ҷониби кормандони милитсия марди 28-солаи сокини шаҳри Душанбе, ки дар ширкати “Афзалият-Групп” фаъолият мекардааст, бо гумони содир намудани кирдори қаллобӣ дастгир карда шуд. 

Манбаъ таъкид кардааст, ки номбурда, санаи 25-уми марти соли 2019, бо роҳи фиреб ба боварии директори ҶДММ-и мазкур зани 36-солаи сокини ҳамин пойтахт даромада, ба маблағи 119 ҳазор 715-сомонӣ шоколадҳои “Рошен”-ро гирифта, ба мағозаҳо фурӯхта маблағи ба даст овардаашро ба манфиати шахсиаш сарф намудааст.

Дар ҳамин ҳол, масъулини Вазорати умури дохилаи Тоҷикистон хабар доданд, ки аз рӯи ин ҳодисаи маҳзкур тафтишот идома дорад.

Ёдрас мешавем, ки ширкати истеҳсоли шоколади “Рошен” марбут ба соҳибкор ва ҳамакнун соби раисҷумҳури Украина Петро Прошенко аст, ки дар пайи ҳодисаҳои ахири Украина Русия воридоти ин шоколадҳоро ба кишвараш манъ кард.

Русия дар гузашта сабаби манъи онро дар мавҷуд будани моддаи ба саломатӣ зараровар дар таркиби ин шоколадҳо унвон мекард.

432
Барчаспҳо:
ВУД, милитсия, қаллобӣ, ҷавон, боздошт, Тоҷикистон
Жители Узбекистана в защитных масках

Мавҷи дуввум: коронавирус тамоми минтақаҳои Ӯзбекистонро фаро гирифт

369
(Таҷдидшуда 12:58 08.07.2020)
Дар Ӯзбекистон дигар минтақае намонд, ки озод аз коронавирус бошад. Шиддати паҳншавии ин беморӣ дар ин кишвар бо суръат идома дорад

ДУШАНБЕ, 8 июk — Sputnik. Ситоди фаврии назди ҳукумати Ӯзбекистон хабар дод, ки дар тамоми минтақаҳои ин кишвар бемории шадиди нави коронавирус ошкор шудааст.

Тибқи иттилои ситод, ҳолатҳои сирояти коронавирус дар вилояти Фарғона низ ба қайд гирифта шудааст, ки қаблан ягона минтақа буд, ки ин беморӣ вуҷуд надошт.

“Дар вилояти Фарғона се ҳолати нави сирояти COVID-19 ба қайд гирифта шудааст, ки ин маҳал унвони минтақаи “сабз”-ро аз даст дод”, - омадааст дар иттилоияи ситод.

Дар ҳоли ҳозир коршиносон тамоси беморонро таҳқиқ мекунанд ва дараҷаи сироятро дар минтақа муайян доранд

Бино бар пояи оморҳои ахир теъдоди гирифторони коронавирус дар Ӯзбекистон дар ҳоли афзоиш буда ба 10 ҳазору 838 нафар мерасад. Аз ин теъдод 40 нафар фавтидаю беш аз 6 ҳазору 811 бемор шифо ёфтаанд.

Даргузашти пизишк аз COVID - 19 дар Ӯзбекистон

Барои назорати вазъи паҳншавии коронавирус ҳамаи минтақаҳои Ӯзбекистон ба се минтақа тақсим карда шуданд - хатарноктарин “сурх”, “зард” ва озод аз коронавирус “сабз”.
Бо сабаби бад шудани вазъи эпидемиологӣ, мақомоти ин кишвар карантинро дар ҷумҳурӣ то 1 август тамдид карданд.

369
День 9 июля

Ҷашнҳои рӯзи 9 июл дар Тоҷикистон ва ҷаҳон

0
(Таҷдидшуда 20:44 08.07.2020)
Рӯзи нӯҳуми июл Рӯзи байналмилалии теннис буда, дар Озарбойҷон – Рӯзи кормандони сохторҳои хизмати дипломатӣ, дар Аргентина — Рӯзи Истиқлолият ва дар Қазоқистон – Рӯзи Хадамоти андоз мебошад

Рӯзи 9 июл дар ҷаҳон чӣ рух дод

Соли  1788 Коннектикут Иёлати панҷуми ИМА шуд.

Соли 1948 Созмони байналмилалии меҳнат Конвенсияи ҳифзи ҳуқуқи иттиҳодияҳоро қабул намуд.

День 8 июля
© Sputnik / Стас Этвеш / Вишнякова Мария

Соли 1952 Ҷумҳурии Демократии Германия  (ГДР) дар бораи таъсис додани сотсиализм қарор қабул кард.

Соли 1957 дар ҷадвали химиявии Менделеев 102-юмин  элементи химиявӣ кашф карда шуд. Элементи навро донишмандоне, ки дар Швейтсария фаъолият мекарданд, ба хотири Алфред Нобел «Нобелий»  номгузорӣ намуданд.

Соли 1961  Юнон дар бораи дохил шудан ба Иттиҳоди иқтисодии Аврупо қарор қабул кард.

Соли 1988  варзишгари немис  Габриэла Ранш барои партофтани гурз  ба масофаи 76 метру 80 сантиметр рекорди ҷаҳонӣ гузошт.

Соли 1997 чемпиони ҷаҳон Майк Тайсон барои раҳоӣ ёфтан аз дасти ҳарифи худ дар майдони ҳарб гӯши ӯро газид ва аз бозӣ ронда шуд.

Соли 2006 дар давраи ниҳоии Чемпионати ҷаҳон оид ба футбол дар Германия дастаи мунтахаби Италия дастаи Франсияро дар силсилазарбаҳои 11-метра (вақти асосӣ 1:1) мағлуб намуд ва маротибаи 4-ум чемпиони чаҳон шуд.

Рӯзи 9 июл дар Тоҷикистон чӣ рух дод

Соли 1996 дар Ҷумҳурии Тоҷикистон аз тарафи ширкати муштараки Тоҷикистону Голландия «Тоҷик Тел» мавҷи телефонӣ сар дода шуд.

День 7 июля
© Sputnik / Стас Этвеш / Вишнякова Мария

Соли 2010 дар тарабхонаи «Суҳбати дӯстон»- и шаҳри Истаравшан бо ширкати  Эмомалӣ Раҳмон тӯйи хонадоршавии 10 ҷуфти ҷавон ва хатнатӯйи 40 кӯдак аз оилаҳои камбизоат баргузор гардид.

Соли 2012  Президент Эмомалӣ Раҳмон ва Сафири Фавқулода ва Мухтори вақти Америка дар Тоҷикистон Кеннет Гросс масоили гуногунҷанбаи ҳамкории Тоҷикистону ИМА-ро баррасӣ намуданд.

Соли 2015 дар шаҳри Уфа-пойтахти Ҷумҳурии Бошқирдистони Федератсияи Русия Эмомалӣ Раҳмон дар мулоқоти ғайрирасмии сарони давлатҳои аъзои БРИКС (Бразилия, Россия, Ҳиндустон, Чин ва Африқои Ҷанубӣ), СҲШ ва Иттиҳоди иқтисодии Авруосиё, ки дар мавзӯи «Роҳҳои баланд бардоштани некуаҳволии мардумони кишварҳои мо» баргузор шуд, иштирок ва суханронӣ намуд.

Ҷашнҳои рӯзи 9 июл

  • Рӯзи байналмилалии теннис.
  • Дар Озарбойҷон – Рӯзи кормандони сохторҳои хизмати дипломатӣ.
  • Дар Аргентина — Рӯзи Истиқлолият.
  • Дар Қазоқистон – Рӯзи Хадамоти андоз.

Рӯзи 9 июн кӣ ба дунё омадааст

1901 — Барбара Картленд (соли даргузашт. 2000), нависандаи пурмаҳсули англис дар асри  XX.

1931 — Андрей Капитса (соли даргузашт 2011), ҷуғрофдони рус, таҳқиқгари Антарктида, профессор, узви Академияи илмҳо.

1938 - Лия Ахеджакова, ҳунарпешаи театр ва синамо, ҳунарманди халқии Русия.

1950 — Виктор Янукович, сиёсатмадори украинӣ, президенти Украина дар солҳои (2010—2014).

1956 — Том Хэнкс, ҳунарманди амрикоӣ, коргардон, продюсер дорандаи ду ҷоизаи "Оскар" ва чаҳор  "Золотой глобус".

Рӯзи 9 июл дар Тоҷикистон кӣ ба дунё омадааст

1941-2008 – нависанда  Азиз Раҳим.

1954 – ҳавошинос, нависанда Александр Пиров.

0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 6 июл дар Тоҷикистон ва ҷаҳон
Ҷашнҳои рӯзи 4 июл дар Тоҷикистон ва ҷаҳон
Ҷашнҳои рӯзи 3 июл дар Тоҷикистон ва ҷаҳон
Ҷашнҳои рӯзи 5 июл дар Тоҷикистон ва ҷаҳон
Ҷашнҳои рӯзи 7 июл дар Тоҷикистон ва ҷаҳон
Ҷашнҳои рӯзи 8 июл дар Тоҷикистон ва ҷаҳон