По дороге в Душанбе. Архивное фото

Дар ноҳияи Айнӣ бар асари садама 4 нафар ҷон бохтанд

28
(Таҷдидшуда 11:12 05.03.2015)
Раёсати корҳои дохилии вилояти Суғд иттилоъ дод, ки бар асари як садамаи автомобилӣ дар наздикии деҳаи Вешаби ноҳияи Айнӣ, чаҳор сокини деҳкадаи Рарз бо шумули ду зан, ҷони худро аз даст доданд.

ДУШАНБЕ, 5 март — Sputnik. Бар асари садамаи автомобилӣ дар ноҳияи Айнӣ, чаҳор нафар аз сокинони деҳаи Рарзи ин ноҳия ба ҳалокат расиданд, навиштааст "Радиои Озодӣ".

Раёсати корҳои дохилии вилояти Суғд иттилоъ дод, ки бар асари як садамаи автомобилӣ дар наздикии деҳаи Вешаби ноҳияи Айнӣ, чаҳор сокини деҳкадаи Рарз бо шумули ду зан, ҷони худро аз даст доданд.

Манбаъ афзуд, ҳодиса субҳи рӯзи чоршанбе дар километри 44-уми роҳи мошингарди миёни ноҳияи Айнӣ ва Куҳистони Мастчоҳ дар наздикии деҳаи Вешаб рух додааст ва ронандаи мошини "ВАЗ 21" Шоҳназар Шоҳназаров аз рӯи беэҳтиётӣ аз баландии 100 метр сарозер мешавад, ки дар натиҷа ронанда ва се мусофир — Саима Мирзоев, Савримо Турсунова ва Мирсиддиқ Исматов ба ҳалокат мерасанд.

Дар ҳоли ҳозир кормандони Идораи бозрасони вилояти Суғд ва ноҳияи Айнӣ сабабҳои сар задани ин садамаро мавриди омӯзиш қарор додаанд. Ин дар ҳолест, ки чанде қабл дар ҳамин масир як мошини мусофирбари Старекс ба садама дучор шуда буд, ки 11 нафар ҷони худро аз даст дода буданд.

28
Барчаспҳо:
4 нафар, нақлиёт, марг, садама, Савримо Турсунова, Саима Мирзоев, Мастчоҳ, Айнӣ

Тағо ва ҷиян буданд: боздошти дуздони касбӣ, ки 10 мағозаи "Фаровон" - ро ғорат карданд

198
Кормандони пулиси пойтахт ба доди фурӯшандаҳои мағозаҳо дар бозори "Фаровон" расида, ду дузди касбӣ, ки чандин мағозаҳоро ғорат намуданд, боздошт карданд

ДУШАНБЕ, 13 авг — Sputnik. Раёсати умури дохилӣ дар шаҳри Душанбе аз боздошти ду дузди касбӣ хабар медиҳад, ки ба ҳамдигар пайванди хешу таборӣ доранд.

Манбаъ меафзояд, ба  кормандони пулиси пойтахт фурӯшандаҳои бозори "Фаровон" муроҷиат намуда, наворҳо аз лаҳзаи дуздии молу амвол дар чанд мағозаҳои бозорро пешниҳод карданд.

Гуфта мешавад, дуздони касбӣ давоми чанд рӯзи ахир аллакай 10 мағозаи ин бозооро мавриди ғорат қарор дода, ба соҳибони он хисороти калони моддӣ расонданд.

Оташ мезананду ғорат мекунанд: мавҷи эътирозҳо дар Амрико - видео

Зимнан, кормандони пулис ду нафар гумонбаршуда дар ғорати мағозаҳоро дастгир намуданд, ки инҳо Калонов Бурҳони 48 - сола, сокини вилояти Хатлон ва Ҳафизов Абуҷафари 35 - сола сокини пойтахт мебошанд.

Ҳар ду гумонбарон доғи судӣ дошта ҷияну тағо ҳастанд.

Муайян гардид, ки гумонбаршудаҳо тибқи маслиҳати пешакӣ аз якчанд мағозаҳои бозори Фаровон маҳсулоти ниёзи аввалро дуздидаанд.

ВКД маълум кард, ки дар шаҳри Душанбе идораи букмекерии “Рахш”-ро кӣ ғорат кард

Мавриди зикр аст, ки аз лаҳзаи боздошт то инҷониб чораҳои аввалини тафтишотӣ алакай 6 ҳолати силсиладуздиҳои ду нафар дуздони касбиро муайян намуда, ба ҳайси далел якчанд маводи рабудашуда аз дасти онҳо мусодира карда шуд.

РВУД дар шаҳри Душанбе мегӯяд, вобаста ба далели мазкур маводҳои ҷамъовардашуда барои оғоз намудани парвандаи ҷиноятӣ тибқи талаботи моддаи 244 Кодекси ҷиноятии ҶТ (дуздӣ) андешида шуда истодааст.

198
Американский морской пехотинец на территории посольства США в Багдаде, Ирак. 4 января 2019

Оғози ҷанг дар Ироқ ва бохти Амрико: асли воқеа чӣ гуна буд?

167
(Таҷдидшуда 17:46 13.08.2020)
Мудохилаи Амрико дар ҷанги Ироқ аз чӣ манша гирифт. Китобе, ки тоза дар Амрико вобаста ба ҳамин масъала нашр шудааст, бозгӯ менамояд, ки дар ҷанги Ироқ на танҳо номутобиқатии дастаи ҳокимони ҳамон замон - Ҷорҷ Буш ва дигарон буд, балки сабабҳои амиқтаре дорад

ДУШАНБЕ, 13 авг — Sputnik. Биёед аз нуқтаи назари нафаре ба ин масоил баҳогузорӣ кунем, ки амрикоӣ набошад. Ҷанги Ироқ ҷаҳону Амрикоро ба чӣ овард?

  • Аз ҳама муҳим ин ки, ба хаёлоти солҳои 90 - ум бобати ҳастии давлати абарқудрат, ки ҷаҳонро идора мекунад, нуқа гузошта шуд. Зеро ин давлат ба ҷаҳон нишон дод, ки дар қиболи давлати заиф неруманд аст ва метавонад онро шикаст диҳад, аммо ин ғалаба давлати ғолибро метавонад нест кунад.
  • Муайян гардид, ки шарикони наздик аз ҷумла Олмон ва Фаронса дар ин масъала метавонанд нуқтаи назари худ дошта бошанд. Агар зарур ояд, мавқеи Амрикоро нодида ҳам мегиранд.
  • Дигар ин ки, Амрико бо тамоми қудрату тавонмандии худ натавонист Ироқро шукуфон кунад. Аз ин рӯ, дигар давлатҳо дарк намуданд, ки Амрикоро натанҳо лозим, балки зарур аст, ки нодида бигиранд.

Китоби Драпер пеш аз ҳама ба мо як сюжети тасодуфиро нишон медиҳад: таназзули иттилооти Амрико. Маълум мешавад, ки дар охири солҳои 90-ум CIA бо маъмурияти Билл Клинтон то ба қисматҳо тақсим кардани оҷонсӣ мушкилот дошт. Аммо баъд аз он, ки 11 сентябри соли 2001 ҳамлаи террористӣ ба вуқӯъ омад ва сардори он замон Ҷорҷ Тенет аз нав эъдо кардани таъсир умед бахшид.

Ба ҳар ҳол, камбудиҳои CIA дар солҳои 90-ум сабабҳои худро доштанд ва хеле гуногун буданд, аммо баъдан вазъияти хандоваре аз ҷумла дар Шарқи Наздик ба миён омад, аз ҷумла норасоии мутахассисони соҳибақл ва қобилиятнок эҳсос мешуд. Ва он гоҳ Теннет бояд чизи мавҷуднобударо собит созад, яъне роҳбари Ироқ Саддом Ҳусейн дар иттифоқи махфӣ бо Алқоида, ки ҳамлаи террористии 11-уми сентябрро бар ӯҳда дошт ба муқобили Иёлоти Муттаҳида аслиҳаи қатли омро омода кардааст.

Акнун дар ин ҳолат системаи иктишоф чӣ гуна амал мекунад. Танҳо аз пеши худ чизи мавҷуднабударо мебофад ва кӯшиш мекунад, ки дигаронро бовар кунонад. Воқеан, вазъ дар муқоиса бо соли 2003 чандон тағйир наёфт, достони "дахолати Русия ба интихоботи Амрико" низ аз маводҳои беарзиш асос ёфта буд. Хулас, иктишофи боақлона ба давлат маблағи зиёд меораду, иктишофи аблаҳона мушкилоти зиёд.

Сафорати Русия дар Амрико гузориши Департаменти давлатиро оиди "таблиғот" шарҳ дод

Аммо нокомии як шӯъба он қадар даҳшатовар нест. Агар тими Ҷорҷ Буш ва аз ҷумла нафаронеро, ки ӯ сари мансабҳои калидӣ баргузидда буд, аз CIA маълумоти мавҷуднабударо талаб намекарданд, ин фалокат шояд рух намедод. Худи Тенет идораашро ба агентие ташкил дод, ки маълумот дар мавриди он ки Саддом Ҳусейн барои Амрико хатарзост, паҳн мекарданд.

Чаро онҳо ин корро карданд? Зеро онҳо идеологҳои глобализм буданд. Ҳатто дар вазифаҳои пешини худ, дар охири солҳои 90-ум, онҳо ба қабули "Санади озодкунии Ироқ" аз ҷониби Конгресс ноил шуданд, комиссияҳо таъсис доданд, ки дар асл, CIA-ро дар огоҳ накардани "таҳдид" аз Ироқ муттаҳам мекарданд. Хуб, вақте террористон ба Ню Йорк зарба заданд, кишвар ба ғазаби идоранашаванда мубаддал гашт, ки ҳамаи ин одамон наметавонистанд аз он сӯистифода накунанд.

Натиҷа: Бино ба гуфтаи Драпер, дар маъмурият оид ба оғози ҷанг дар Ироқ ягон мубоҳиса гузошта нашудааст. Сӯҳбатҳо танҳо дар бораи кай ва чӣ гуна буд.
Ҳамин тавр, вақте идеяҳо пешакӣ муқаррар карда мешаванд ва далелҳо бояд ба онҳо мувофиқат кунанд, инро ҷаҳолат ва таназзули синфи ҳукмронии давлат меноманд.

Агар президентҳо, сарвазирҳо ё подшоҳҳо ба андозае тағир ёбанд, пас миллат дар маҷмӯъ мушкилтар аст. Ин ғоя дар посухҳо ба китоби Драпер мунташир шудааст: "Ҷамъияти мо зидди зеҳнӣ аст", "мактабҳое, ки ба таълими таърих, ҷомеашиносӣ, фарҳанг машғуланд" дар бештар мавридҳо пул ҷамъ мекунанд ва ба таълимоти беасос мепардозанд....

167
Тотальный диктант в Душанбе

Хобгоҳҳо каму иҷорахонаҳо қимат: шикваи донишҷӯёни тоҷик аз гаронии нарх

191
То оғози таҳсил дар омӯзишгоҳу донишгоҳҳои Тоҷикистон, камтар аз 4 рӯзи дигар боқӣ мондааст, аммо мушкили камбуди хобгоҳ ва гароншавии арзиши хонаҳои иҷоравӣ бисёре аз донишҷӯёнро ба тавшвиш овардааст

ДУШАНБЕ, 13 авг – Sputnik. Донишҷӯёни тоҷик мегуянд, ба фарқ аз соли гузашта дарёфти хонаҳои иҷроравӣ дар шаҳрҳои Душанбеву Хуҷанд душвортар шудааст.

Иқбол Раҳимов шуморе аз донишҷӯёни Донишгоҳи тиббии ба номи Абӯалӣ ибни Сино дар шаҳри Душанбе мегуяд, қимати хонаҳои иҷоравӣ аз ҳар вақт дида ҳоло баланд шудааст.

"Ба 1000 сомонӣ ҳам ёфтани хонаи иҷоравӣ дар шаҳри Душанбе қариб ки номумкин шудааст. Соли гузашта мо бо ин қиммат хона иҷора гирифта будем, аммо имсол соҳибхона бо ин нарх хонаро ба иҷора намедиҳад", - гуфт Раҳимов.

Донишҷӯёни Хуҷанд низ аз мушкили дарёфти хонаҳои иҷоравӣ таъкид меварзанд.

Санҷар Шаропов, аз ҷумлаи донишҷӯёнест, ки баъди хатми таҳсили Коллеҷи тиббии шаҳри Хуҷанд азм дорад, имсол барои гирифтани маълумотии олии тахассусаш ба Донишгоҳи давлатии Хуҷанд ба номи академик Бобоҷон Ғафуров таҳсил намояд, аммо гарон шудани қиммати хонаҳои иҷоравӣ ӯро дар ташвиш гузоштааст.

"Дар соли қаблӣ мо 4 нафар донишҷӯён бар ивази 600 сомонӣ дар як хонаи як ҳуҷрагӣ иқомат мекардем. Ҳоло бо ин нарх пайдо кардани хонаи иҷоравӣ душвор аст. Нархи хонаҳо то ба 800 -1000 сомонӣ баланд шудааст", - гуфт донишҷӯ.

Ҳоло дар шаҳри Хуҷанд, чаҳор муассисаи таҳсилоти олӣ аз ҷумла Донишгоҳи давлатии Хуҷанд ба номи академик Б. Ғафуров, Донишгоҳи давлатии ҳуқуқ бизнес ва сиёсати Тоҷикистон, Донишкадаи иқтисод ва савдои Донишгоҳи давлатии тиҷорати Тоҷикистон, Донишкадаи политехкиникии Донишгоҳи давлатии техникии Тоҷикистон ба номи М. Осимӣ фаъолият мекунанд ва дар онҳо бештар аз 30 ҳазор донишҷӯ таҳсил мекунад.

Бемории 7 донишҷӯи тоҷик бо таби баланд дар Вуҳан маълум шуд: шарҳи сафорат

Аммо ин донишгоҳҳо дар мувозинати худ ҳамагӣ як ва ё дутоӣ хобгоҳ барои донишҷӯён доранд. Дар ин миён танҳо ДДХ ба номи академик Б. Ғафуров дар мувозинаи худ чаҳор хобгоҳ дорад, ки дар онҳо кам ё беш аз 2500 ҳазор донишҷӯ, умдатан онҳое, ки тибқи Квотаи президентӣ дохил шудаанд таъмин мешаванд, аммо беш аз 20 ҳазор донишҷӯи дигари ин донишгоҳ аз ҳисоби худ хонаи иҷорави мегиранд.

Дар ҳоли ҳозир донишгоҳҳои кишвар имкони бо хобгоҳ таъмин кардани шумори қобили мулоҳизаи донишҷӯёнро надоранд ва дарёфти хонаҳои иҷоравӣ барои донишҷӯён мушкили аслӣ боқӣ мемонад.

191