Таҷҳизоти тиббӣ. Акс аз бойгонӣ

Озодӣ: сарбоз як моҳ қабл аз мураххас шуданаш латукӯб шудааст

43
(Таҷдидшуда 09:46 11.03.2015)
Як сарбози нерӯҳои зудамали Вазорати мудофиаи Тоҷикистон бо осеби ҷиддии косахонаи сар чор рӯзи охир дар шӯъбаи эҳёгарии беморхонаи Қарияи боло бистарӣ шудааст.

ДУШАНБЕ, 11 мар — Sputnik. Рӯзи гузашта Баҳриддин Насриддинови 22-сола, сарбози нерӯҳои зудамали Вазорати мудофиаи Тоҷикистон аснои ҷанҷол бо як ҳамхизматаш ҷароҳат бардоштааст, менависад радиои Озодӣ ба истинод пайвандони сарбоз.

"Аз рӯи гуфтаи шоҳидон, дар ошхона рафиқаш задааст. Ҳангоми сар задани ҳодиса касе дар он ҷо набуда, дигарон садои онҳоро шунида давида омадаанд. То ҳол аниқ намедонем чӣ гап гузаштааст. Сару рӯяш хеле варам карда буд. Шикамаш ҳам каме зарб хӯрдааст. Мегӯянд, ки гӯё як мушт зада бошаду тамом. Аммо бо як мушт чӣ тавр метавонад ду ҷой устухони сар кафад?!",- изҳор доштааст модари сарбоз Гулчеҳра Насриддинова аснои мусоҳиба бо радио.

Ба қавли модари аскар, ин ҳодиса ҳамагӣ  як моҳ пеш аз анҷоми хизмати аскарии писараш рух дод. Аз рӯи ин ҳодиса парвандаи ҷиноӣ боз шудааст. Феълан дар бораи шахсияти сарбози дигар, ки Насриддиновро латукӯб кардааст, чизе маълум нест.

Баҳриддин Насриддинови 22-сола, наздик ба ду соли пеш аз шаҳри Хуҷанд барои хизмати аскарӣ ба қисми низомии Вазорати мудофиа дар шаҳри Душанбе даъват шуд. Модараш мегӯяд, ки то ин дам ӯ на аз хизмати низомӣ ва на аз ҳамхизматҳояш ҳеч шикояте надошт.

Насриддинов дар ҳоли беҳушӣ қарор дошта, дар шӯъбаи эҳёгарии касалхона бистарист. Хароҷоти табобати ин сарбозро Вазорати мудофиаи Тоҷикистон пардохт мекунад.

Масъулини қисми низомӣ дар беморхона ҳузур доштанд, аммо аз шарҳи қазия худдорӣ карданд.

Дар ҳамин ҳол, дар додгоҳи ҳарбии гарнизони Душанбе баррасии шикояти сарбози дигар, Шаҳбол Мирзоев ба Сарраёсати нерӯҳои марзбонии Кумитаи давлатии амнияти миллӣ е бо даъвои пардохти 180 ҳазор сомонӣ (муодили 30 ҳазор доллар) ҷуброни зарари сомонӣ зарари маънавӣ идома дорад. Мурофиаи навбатии додгоҳӣ рӯзи 12 март баргузор хоҳад шуд.

Шаҳбол Мирзоеви 23-сола, сокини деҳаи Понғози ноҳияи Ашт ва фориғуттаҳсили Донишгоҳи ҳуқуқ ва тиҷорати шаҳри Хуҷанд, соли 2013 довталабона ба хидмати низомӣ рафта буд. Ӯ шоми 8 марти соли 2014 аз сӯи ҳамхидматаш дар қисми ҳарбии марзбонии 2620 мавриди латту кӯби шадид қарор гирифта, сутунмӯҳрааш мешиканад. Пас аз табобати тӯлонӣ дар хориҷ ва дохили кишвар сарбоз ҳанӯз мустақилона ҳаракат карда наметавонад.

43
Барчаспҳо:
қабл аз мураххасӣ, беморхона, косахонаи сар, латукӯби сарбоз, неруҳои зудамали ВМ, вазорати мудофиа, КДАМ, Шаҳбол Мирзоев, Гулчеҳра Насриддинова, Баҳриддин Насриддинов, Ашт, Душанбе, Тоҷикистон
Водохранилище Таджикское море

Паҳнкунандагони хабари дурӯғ дар бораи рахнашавии обанбори Қайроққум боздошт шуданд

588
(Таҷдидшуда 17:33 16.01.2021)
Дар ин бора аз эфири телевизиони минтақавии Sirdaryo MTRK маълум шуд. Дар ҳоли ҳозир, аз рӯи ин далел тафтишоти пешакӣ идома дорад.

ДУШАНБЕ, 16 янв – Sputnik. Мақомоти ҳифзи ҳуқуқи Ӯзбекистон шаҳрвандонеро боздошт карданд, ки дар бораи рахнашавии сарбанди обанбори Қайроққум маълумоти бардурӯғ паҳн кардаанд.

Дар ин бора шабакаи телевизиони минтақавии Sirdaryo MTRK маълумот додааст.

Дар ҷараёни тафтиш маълум шудааст, ки як сокини минтақаи Сардоба ба маълумоти беасоси шиносҳояш бовар карда, ба ҳамсараш амр додааст, ки фавран ба кӯча барояд.

Ин овозаҳо дар маҳаллаи "Дӯстлик" -и минтақаи Сардоба ваҳмро ба вуҷуд овард. Ғайр аз ин, як блогер аз минтақаи Акалтин дар Ютюб видеоеро нашр карда, мардумро ба тарки хонаҳо даъват кардву аз обхезӣ дар Тоҷикистон ҳушдор додааст.

Ғайр аз он, як сокини ноҳияи Мирзоободи ин хабарро аз шаҳрвандони ду ноҳияи дигар шунида, ба бедор кардани ҳамсояҳо шурӯъ кардаву  гуфтааст, ки ҳарчи зудтар аз хонаҳо бароянд.

Дар ҳоли ҳозир, аз рӯи ин далел тафтишоти пешакӣ идома дорад.

Истеҳсоли барқ дар неругоҳи "Қайроққум"-ро то 38% зиёд мекунанд: барқрасонӣ хубтар мешавад

Ёдовар мешавем шаби 14 ба 15-уми январ овозаи рахнашавии сарбанди обанбори “Қайроққум”-и Тоҷикистон аҳолиии чанд минтақаи Ӯзбекистонро дар таҳлука андохт.

"Қайроққум" то соли 2023 таҷдид мешавад

 Дар пайи ин ҳолат,  Вазорати ҳолатҳои фавқулодаи Ӯзбекистон хабарҳо дар бораи рахнашавии обанбори Қайроққумро рад кард ва мардумро ба оромӣ даъват карда гуфт, иншоот солим ва муътадил кор мекунанд.

588
Девушка в наручниках, фото из архива

Зани 22-cола дар Ваҳдат хушдори 68-солаи чиниашро бо курсии чӯбин зада кушт

1116
(Таҷдидшуда 12:42 16.01.2021)
Цзян Венсин аз соли 2019 инҷониб бо шаҳрванд “М”-и 22 сола, модари танҳо, шиносоӣ пайдо намуда, мунтазам ӯро бо баҳонаи маҳс кардани баданаш ба бошишгоҳи саҳроӣ, ки онҷо зиндагонӣ мекард, даъват карда, бар ивази аз 50 то 100 сомонӣ алоқаи ҷинсӣ анҷом медодааст

ДУШАНБЕ, 16 янв – Sputnik.  Додситонии кулли Тоҷикистон аз боздошти як ҷавонзани 22-сола, сокини шаҳри Ваҳдат хабар медиҳад, ки дар куштори марди чинӣ муттаҳам мешавад.

Ба иттилои дафтари матбуотии ин ниҳод, санаи 8 январи соли 2021 да беморхонаи шаҳри Ваҳдат шаҳрванди Ҷумҳурии Халқии Хитой, Тсзян Венсини 68-сола, муваққатан истиқоматкунандаи шаҳри Вахдат, деҳаи Чиртак, ки аз соли 2008 инҷониб ба истеҳсоли маҳсулоти кишоварзӣ машғул буд, ба ҳалокат расида, барои баррасии ҳолат 9 январи парвандаи ҷиноятӣ оғоз карда шуда.

 Муайян карда шуд, ки Тсзян Венсин аз соли 2019 инҷониб бо шаҳрванд “М”-и 22 сола, модари танҳо, соҳиби як фарзанд, зодаи ноҳияи Дарвоз, сокини шаҳри Вахдат, деҳаи Чиртак, шиносоӣ пайдо намудааст.

“Ӯ мунтазам “М”-ро бо баҳонаи маҳс кардани баданаш ба бошишгоҳи саҳроӣ, ки онҷо зиндагонӣ мекард даъват карда, бар ивази аз 50 то 100 сомонӣ алоқаи ҷинсӣ анҷом медодааст”,-мегӯяд манбаъ.

Гуфта мешавад, 8 январи соли 2021, тахминан соати 18:30 дақиқа “М” бо даъвати навбатии Тсзян Венсин барои маҳси бадан ба бошишгоҳи саҳроии номбурда рафтааст.

Тсзян Венсин бошад чун ҳарвақта ҳангоми баданашро маҳс кардани “М” бар ивази 100 сомонӣ анҷом додани алоқаи ҷинсиро пешниҳод кардааст.

““М” дар давраи ҳайзи занона гирифтор буданаш талаби номбурдаро рад кардааст. Тсзян Венсин ба суханони “М” аҳамият надода, маҷбуран бо номбурда як маротиба алоқаи ҷинсӣ анҷом дода, аз охирин талаб кардааст, ки то саҳар бо ӯ дар бошишгоҳи саҳроияш монад. “М” талаби ӯро рад намуда, ба сӯи дари бошишгоҳи саҳроӣ рафта, аз Тсзян Венсин хоҳиш кардааст, ки бинобар танҳо будани фарзанди хурдсолаш барои ба хонаашон рафтан иҷозат диҳад”,-афзудааст, манбаъ.

Аммо, Тсзян Венсин аз ин рафтори “М” ба қаҳру ғазаб омада, бо истифодаи ноқили оташков ба қисми қафои сари номбурда як маротиба зада, ба номбурда ҷароҳати ҷисмонӣ расонидааст.

Баъди алоқаи ҷинсӣ бо ноболиғ: мард 70 ҳазор пешниҳод кард, ки аз ҷавобгарӣ халос шавад

Шаҳрванд “М” аз қаҳру ғазаб курсии чубини дар назди кати хоби Тсзян Венсин бударо гирифта, бо он якчанд маротиба ба қисми фарқ ва чаккаи сари номбурда зарбаҳо задааст, ки Тсзян Венсин ҷароҳати вазнини ҷисмонӣ бардошта, ба ҳалокат расидааст.

1116
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

0
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

0
Барчаспҳо:
баргузор, саноат, Душанбе, намоишгоҳ, Афғонистон