Сӯхтор дар бозори Адмирал-и Қазон.

Теъдоди тоҷикони ҳалокшуда дар сӯхтори бозори Қазон ба 6 нафар расид

10
(Таҷдидшуда 10:29 13.03.2015)
Шумораи қурбониён дар сӯхтори бузург дар фурӯшгоҳи "Адмирал"-и шаҳри Қазон, пойтахти Тотористон бештар мешавад. Наҷотдиҳандагон ҷасади ҳалокшудаҳоро аз зери вайронаҳо берун мекашанд, аммо барои шиносоӣ шудани бархе аз онҳо танҳо ташхиси махсуси тиббӣ (ДНК) кӯмак карда метавонад.

ДУШАНБЕ, 13 мар — Sputnik. Шумори муҳоҷирони тоҷики ҳалокшуда дар сӯхтор дар маркази тиҷоратии "Адмирал" дар шаҳри Қазон, пойтахти Тотористон, ба дастикам 6 нафар расидааст, менависад сайти намояндагии вазорати меҳнат дар ФР.

"Дар нимаи дуюми рӯз ҷасади боз ду шаҳрванди Тоҷикистонро пайдо кардаанд. Онҳо Ҳомидов Шокир Ҳомидович ва Асадулло ном фурӯшандаи атриёт дар бозори "Адмирал", ки исми хонаводагиаш ҳанӯз дақиқ нашудааст, мебошанд",- қайд мекунад манбаъ.

Қаблан,   рӯйхати 4 тоҷики ҳалокшуда дар сӯхтори бозори Қазонро дар ихтиёри расонаҳо гузошта буданд, ки онҳо  аз 18 то 44 сол доштаанд.

Сарчашма гуфт, аснои сӯхтор шаҳрвандони Тоҷикистон- Қосимҷон Аъзамхоҷаевич Тӯраеви 44-сола аз шаҳри Душанбе, Ҳикматуллои Ҳайтуллохони 23-сола, сокини ноҳияи Рӯдакӣ, Эмомалӣ Раҳматуллоевич Риёеви 31-сола, аз ноҳияи Рӯдакӣ ва Алишер Азизович Давронови 19-сола ба ҳалокат расидаанд.

Фурӯшгоҳи "Адмирал", ки яке аз бузургтарин бозорҳои шаҳри Қазон, пойтахти ҷумҳурии мухтори Тотористони Русия буд, шаби 11 март ба коми оташ рафт. Бино ба гузоришҳо, сӯхтор 4 000 метри мураббаъ замини бозори "Адмирал"-ро фаро гирифта, мунҷар ба ҳалокати чандин нафар шудааст. 25 тани дигар, бовар меравад, ки зери вайронаҳои бинои бозор мондаанд ва расман нопадидшуда ба шумор мераванд.

10
Барчаспҳо:
қурбониёни сӯхтор, ҳалокати тоҷикон дар бозори Қазон, оташсӯзӣ, бозори "Адмирал", Ҳикматуллои Ҳайтуллохон, Шокир Ҳомидов, Эмомалӣ Риёев, Алишер Давронов, Қосимҷон Тӯраев, Қазон, Тотористон, Русия
Мавзуъ
Ҳалокати 5 тоҷикистонӣ дар сӯхтори Қазон
Изҳори ҳамдардии Сафорати ҶТ ба қурбониёни оташсӯзии бозори "Адмирал"
Тонущий человек, архивное фото

Корманди БДА дар Суғд донишҷӯдухтарро аз худкушӣ наҷот дод

785
Раҳматзода Даврон, муовини сардори Бозрасии давлатии автомобилии Суғд ҳамин чанд лаҳза пеш бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кард

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишҷӯдухтари тақрибан 18 - сола ба қасди худкушӣ худро аз болои пул ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт, манзари ғарқшавиро дида, фавран бо қаиқ ба маҳалли ҳодиса шитофта, донишҷӯдухтарро, ки дар ҳоли фурӯрафтан ба коми дарё буд, ҳамроҳ бо кормандони ситоди ҳолатҳои фавқулода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

"Агар Раҳматзода ва кормандони КҲФ фавран ба қаҳри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз ғарқшавӣ наҷот дода шуд”, - иброз намуд, Аваззод.

Ба иттилои манбаъ, зимнан донишҷӯдухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд. Дафъаҳои охир хабарҳо дар бораи даст ба худкушӣ задани шаҳрвандон дар руду обанборҳо зиёд ба нашр мерасад.

"Кӯмак кунед, кӯмак кунед": як ҷавони тоҷик дар Русия ғарқ шудааст

Субҳи имрӯз, дафтари матбуоти КҲФ Тоҷикистон аз дарёфти ду ҷасад аз дарёи Вахш хабар дод. Бар пояи эълони КҲФ зани 31 - солаи сокини ноҳияи Ёвон рӯзи 27 сентябр ҳамроҳ бо духтарчаи 9 - солааш дар дарёи Вахш ғарқ шуд.

785
Барчаспҳо:
донишҷӯдухтар, ғарқ, Суғд
Скорая помощь в Афганистане, архивное фото

Таркиши минаи сарироҳӣ дар марзи Тоҷикистону Афғонистон 4 кушта барҷой гузошт

206
(Таҷдидшуда 18:55 28.09.2020)
Музофоти Қундузи Афғонистон, ки ҳаммарз бо Тоҷикистон аст, минаи сарироҳӣ инфиҷор шудааст. Дар натиҷа чанд кас бар асари таркиш ҷон бохтанд

ДУШАНБЕ, 28 сен — Sputnik. Бар асари таркиши минаи сарироҳӣ дар марзи Тоҷикистону Афғонистон дасти кам 4 нафар ба ҳалокат расиданд, хабар медиҳад шабакаи Shamshad News.

Ба иттилои манбаъ, таркиш дар вулусволии Алиобод дар музофоти Қундуз, ки бо Тоҷикистон ҳаммарз аст, рух додааст.

Бар хабари маълумоти расмӣ, минаи сарироҳӣ асное ба кор даромад, ки воситаи нақлиёт убур кард. Ба эҳтимоли зиёд, минаро Ҷангиёни ҳаракати Толибон гузошта буданд.

Ҳушдори гурӯҳи Толибон ба ширкатҳои ҳавопаймоии Афғонистон

Пизишкон фавти чаҳор нафаро расман тасдиқ намуданд, аммо мақомоти ҳифзи ҳуқуқи ин кишвар аз ҳалокати 6 нафар хабар доданд.

Алъон ҷангиёни Толибон масъулияти ин ҳамларо бар ӯҳда нагирифтанд.

206
Барчаспҳо:
мина, таркиш, Афғонистон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1718
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1718