Рӯзи мотам ба хотири гиромидошти қурбониёни оташсӯзӣ дар Адмирал

Аҷсоди афроди дар “Адмирал” фавтидаи тоҷик ба ватан мунтақил мешаванд

11
(Таҷдидшуда 13:57 16.03.2015)
Намояндаи сафорати Тоҷикистон дар ФР хабар дод, ки зимни оташсӯзӣ дар маркази тиҷоратии “Адмирал” чаҳор шаҳрванди тоҷик фавтидаанд, на шаш нафар, ки қаблан гузориш шуда буд. Фавтидагон сокинони ноҳияи Рӯдакӣ ва шаҳри Душанбе будаанд.

ДУШАНБЕ, 16 мар — Sputnik. Намояндагии вазорати меҳнат, муҳоҷират ва шуғли аҳолии ҶТ дар Русия умуреро барои интиқоли аҷсоди фавтидагон дар оташсӯзии маркази тиҷорати "Адмирал" дар Қазон ба ватан анҷом медиҳад, менависад сомонаи ин ниҳод.

"Рӯзҳои наздик аҷсоди қурбониёни ин фоҷиъа дар ватан хоҳанд буд", — омадааст дар хабар.

Ин дар ҳолест, ки хабаргузории "Авеста" менависад, ки тибқи иттилоъи ахири сафорати Тоҷикистон дар оташсӯзии Қазон чаҳор нафар шаҳрвандони Тоҷикистон кушта шудаанд, на шаш нафаре, ки қаблан гузориш шуда буд. Боз шаш атбоъи дигари тоҷик захмҳо ва ҷароҳатҳо бардоштаанд.

Ба гуфтаи Муҳаммад Эгамзод, сухангӯйи сафорати Тоҷикистон, кушташудагон — сокинони ноҳияи Рӯдакӣ Эмомалӣ Риёеви 30 сола, Ҳимутуллоҳи Ҳайтуллохони 23 сола ва сокинони шаҳри Душанбе — Қосимҷон Тӯраеви 43 сола ва Алишер Давронови 18 сола мебошанд.

"Феълан дар бемористонҳои Қазон се нафар шаҳрвандони ҶТ — Абдусалом Сатторов (соли таваллудаш 1971), Саидхӯҷа Наботов (соли таваллудаш 1966) ва Абдуназар Миров (соли таваллудаш 1987) қарор доранд", — хабар дод Эгамзод.

Ҳамчунин ба гуфтаи вай, аз бемористон се нафар шаҳрвандони Тоҷикистон — Хайриниссо Мавлонова, Тоҷиддин Қандилов ва Кароматулло Обидов муррахас шудаанд.

Эгамзод хабар дод, ки ҳамаи кушташудагон ва осебдидагон дар фурӯшгоҳи "Адмирал" ба унвони фурӯшанда кор мекарданд ва ҳукумати Тотористон ба хонаводаҳои онҳо ҷубронпулӣ пардохт мекунад.

"Ба хонаводаҳои кушташудагон ҳукумати ҷумҳурӣ 1 миллионӣ рубл пардохт мекунаду махориҷи интиқоли аҷсод ба ватанро ҷуброн мекунад. Ба афроди осебдида ҷубронпулӣ ба маблағи аз 200 то 400 ҳазор рубл пардохт мешавад", — зикр кард вай.

Оташсӯзи дар маркази тиҷоратии "Адмирал" дар пойтахти Тотористон рӯзи чаҳоршанбе рух дод. Масоҳати оташсӯзи 4 ҳазор метри мураббаъро фаро гирифт.

11
Барчаспҳо:
оташсӯзӣ, сӯхтор дар Қазон, интиқоли аҷсоди кушташудагон ба ватан, намояндагии вазорати меҳнат дар Русия, Муҳаммад Эгамзод, Қазон, Русия
Мавзуъ
Теъдоди тоҷикони ҳалокшуда дар сӯхтори бозори Қазон ба 6 нафар расид
Ҳалокати 5 тоҷикистонӣ дар сӯхтори Қазон
Тонущий человек, архивное фото

Корманди БДА дар Суғд донишҷӯдухтарро аз худкушӣ наҷот дод

809
Раҳматзода Даврон, муовини сардори Бозрасии давлатии автомобилии Суғд ҳамин чанд лаҳза пеш бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кард

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишҷӯдухтари тақрибан 18 - сола ба қасди худкушӣ худро аз болои пул ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт, манзари ғарқшавиро дида, фавран бо қаиқ ба маҳалли ҳодиса шитофта, донишҷӯдухтарро, ки дар ҳоли фурӯрафтан ба коми дарё буд, ҳамроҳ бо кормандони ситоди ҳолатҳои фавқулода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

"Агар Раҳматзода ва кормандони КҲФ фавран ба қаҳри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз ғарқшавӣ наҷот дода шуд”, - иброз намуд, Аваззод.

Ба иттилои манбаъ, зимнан донишҷӯдухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд. Дафъаҳои охир хабарҳо дар бораи даст ба худкушӣ задани шаҳрвандон дар руду обанборҳо зиёд ба нашр мерасад.

"Кӯмак кунед, кӯмак кунед": як ҷавони тоҷик дар Русия ғарқ шудааст

Субҳи имрӯз, дафтари матбуоти КҲФ Тоҷикистон аз дарёфти ду ҷасад аз дарёи Вахш хабар дод. Бар пояи эълони КҲФ зани 31 - солаи сокини ноҳияи Ёвон рӯзи 27 сентябр ҳамроҳ бо духтарчаи 9 - солааш дар дарёи Вахш ғарқ шуд.

809
Барчаспҳо:
донишҷӯдухтар, ғарқ, Суғд
Скорая помощь в Афганистане, архивное фото

Таркиши минаи сарироҳӣ дар марзи Тоҷикистону Афғонистон 4 кушта барҷой гузошт

208
(Таҷдидшуда 18:55 28.09.2020)
Музофоти Қундузи Афғонистон, ки ҳаммарз бо Тоҷикистон аст, минаи сарироҳӣ инфиҷор шудааст. Дар натиҷа чанд кас бар асари таркиш ҷон бохтанд

ДУШАНБЕ, 28 сен — Sputnik. Бар асари таркиши минаи сарироҳӣ дар марзи Тоҷикистону Афғонистон дасти кам 4 нафар ба ҳалокат расиданд, хабар медиҳад шабакаи Shamshad News.

Ба иттилои манбаъ, таркиш дар вулусволии Алиобод дар музофоти Қундуз, ки бо Тоҷикистон ҳаммарз аст, рух додааст.

Бар хабари маълумоти расмӣ, минаи сарироҳӣ асное ба кор даромад, ки воситаи нақлиёт убур кард. Ба эҳтимоли зиёд, минаро Ҷангиёни ҳаракати Толибон гузошта буданд.

Ҳушдори гурӯҳи Толибон ба ширкатҳои ҳавопаймоии Афғонистон

Пизишкон фавти чаҳор нафаро расман тасдиқ намуданд, аммо мақомоти ҳифзи ҳуқуқи ин кишвар аз ҳалокати 6 нафар хабар доданд.

Алъон ҷангиёни Толибон масъулияти ин ҳамларо бар ӯҳда нагирифтанд.

208
Барчаспҳо:
мина, таркиш, Афғонистон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1776
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1776