Тамриноти НАТО дар Гурҷистон

НАТО то тирамоҳ дар Гурҷистон маркази тамринот ифтитоҳ мекунад

12
(Таҷдидшуда 17:21 17.03.2015)
Ифтитоҳи маркази омӯзишиву тамринот дар Гурҷистон дар чорчӯби иқдомоти мушорикат барои узвияти ин кишвар дар НАТО, ки дар ҳамоиши ин созмон дар Уэлс дар моҳи сентябри соли 2014 тасвиб шуда буд, сурат мегирад.

ДУШАНБЕ, 17 мар — Sputnik. Маркази тамриноти НАТО дар Гурҷистон эҳтимолан дар тирамоҳи соли ҷорӣ боз мешавад, изҳор дошт рӯзи сешанбе муовини вазири дифоъ Леван Гирсиашвили дар нишсти хабарӣ, менависад РИА Новости.

Ифтитоҳи маркази омӯзишиву тамринотӣ дар Гурҷистон, менависад хабаргузорӣ, дар чорчӯби иқдомоти мушорикат барои талошҳои Гурҷистон барои узвият дар НАТО, ки дар ҳамоиши ин созмон дар Уэлс дар моҳи сентябри соли 2014 тасвиб шуда буд, сурат мегирад. Дар ин марказ низомиёни ин созмон ва кишварҳои шарик омӯзиш дода мешаванд.

Хабаргузорӣ бо истинод ба "Новости — Грузия" менависад, ки ба манзури арзёбии зербаноҳо барои таъсиси маркази тамринотӣ дар Гурҷистон намояндагони НАТО қарор доранд. Рӯзи сешанбе онҳо ҷузъиёти ин мавзӯъро дар вазорати дифои кишвар матраҳ кардаанд.

"Эҳтимолан дар тирамоҳ мо дар сададем ин марказро ифтитоҳ кунем, барои ин раванд муддати муайяне зарур аст", — изҳор дошт Гирсиашвили дар нишасти хабарӣ баъд аз ин дидор. Ҳамзамон вай боз иброз дошт, ки таъсиси маркази тамринотӣ дар Гурҷистон "хатароте дар пай надорад, зеро пойгоҳи низомӣ маҳсуб намешавад".

Қаблан муовини дабири кулли НАТО Александр Вершбоу изҳор дошта буд, ки пойгоҳи низомии "Вазиани" дар наздики Тбилисиро номзади қавӣ барои таъсиси маркази омӯзишиву тамринотии муштарак арзёбӣ мекунад.

Ҳамкории Гурҷистон бо НАТО аз соли 1994 оғоз шуд, ки он замон Гурҷистон ба барномаи "Ҳамкорӣ ба хотири сулҳ" (PfP — Parntnership for Peace) бипайваст. Баъд аз вуқӯи "инқилоби садбаргҳо" аз соли 2004 ҳамкории Гурҷистон бо НАТО тақвият ёфтанд. Дар моҳи апрели соли 2008 дар Бухарест дар ҳамоиши раҳбарони кишварҳои узви ин созмон таъйид шуд, ки Гурҷистон дар оянда агар ба меъёрҳои ин созмон ҷавобгӯ шавад, метавонад ба узвияти НАТО пазируфта шавад.

 

12
Барчаспҳо:
ифтитоҳи маркази тамринотӣ, НАТО, Александр Вершбоу, Леван Гирсиашвили, Гурҷистон
Мавзуъ
НАТО аз Қирғизистон хост, Созишномаи транзити колоро тамдид кунад
Путин: артиши Киев ин легиони НАТО аст
Расонаҳо: даъвати ҷаласаи изтирории кумиссиюни НАТО аз сӯйи Украина
Президенти Афғонистон ҷонибдори тамдиди ҳузури неруҳои НАТО аст
Поёни маъмурияти низомии ИМА ва НАТО дар Афғонистон
Сардори Сарситоди Украина аз НАТО ёрӣ мехоҳад
Сейсмография, архивное фото

Тоҷикистонро заминларзаи 5 - баллӣ такон дод

551
(Таҷдидшуда 14:35 05.08.2020)
Имрӯз дар марзи Тоҷикистону Қирғизистон заминҷунбӣ рух дод. Қувваи заминҷунбӣ дар марказаш 5 балл буд

ДУШАНБЕ, 5 авг — Sputnik. Имрӯз соати 13:18 ба вақти маҳаллӣ дар қаламрави  Тоҷикистон зилзила ба амал омад.

Тибқи иттилои Хадамоти геофизикии Академияи миллии илмҳои Ҷумҳурии Тоҷикистон, маркази зилзила  дар 245 км шимолу шарқи Душанбе, дар марзи Тоҷикистону Қирғизистон  — 12 км шарқи Исфара воқеъ будааст.

Сокинони Тоҷикистон: замин сахт ҷунбид, ҳамсояҳо аз тарс ба берун баромаданд

Бино ба гузориши АМИТ "Ховар" қувваи заминларза дар марказаш 5 баллро ташкил дод.

Тоҷикистонро заминларзаи 4 - балла такон дод

Манбаъ афзуда, ки дар бораи хисороти зилзила иттилоъ дода нашудааст.

551
Барчаспҳо:
зилзила, Тоҷикистон, заминҷунбӣ
Учения служб чрезвычайных ситуаций, архивное фото

Марг баъди наҷот: писараки 17-соларо аз об гирифтанд, вале дар роҳ ба бемористон ҷон дод

135
(Таҷдидшуда 14:11 05.08.2020)
Кумитаи ҳолатҳои фавқуллодаи Тоҷикистон менависад, ба ин наврас кормандони ниҳод кӯмаки аввалия расонида, ёрии таъҷилиро даъват карданд, вале писарак дар роҳ ба бемористон ҷон бохт

ДУШАНБЕ, 5 авг — Sputnik. Бино бар иттилои манбаъ, ҳодиса 4 август, тахминан соатҳои 12:00 рух дод.

Гуфта мешавад, писараки ғарқшуда, 17-сола, сокини  кӯчаи Шафақи ноҳияи Исмоили Сомонии пойтахт будааст.

Тибқи маълумоти Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар шаҳри Душанбе, ин ҳодиса дар дарёи Душанбе, наздикии Маркази гармидиҳии №2, воқеъ дар маҳаллаи Хоҷамбиёи поён рух додааст.

"Гурӯҳи зудамали Раёсати Кумита фавран ба ҷойи ҳодиса расид ва якҷо бо сокинони маҳаллӣ ҷавонро аз об берун оварданд. То омадани мошини ёрии таъҷилӣ ҳама кумаккҳои аввалияи тиббӣ барояш расонда шуд", - менависад манбаъ.

Пайдо шудани ҷасади зани номаълум аз соҳили дарёи назди Донишгоҳи миллии Тоҷикистон

Аммо мутаассифона, дар роҳи интиқол ба бемористон наврас ҷони худро аз даст дод, афзудааст КҲФ ва аз волидон хоҳиш кардааст, ки фарзанонашонро беназорат нагузоранд ва ба шаҳрвандон таъкид кардааст, ки қоидаҳои бехатариро риоя кунанд.

135
Шанхай, архивное фото

Чин мӯҳлати пардохти қарзи 40-миллионии Тоҷикистонро ба таъхир андохт

0
Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар, аз ҷумла аз Тоҷикистон боздошт

ДУШАНБЕ, 5 авг — Sputnik. Пардохти қарзи Тоҷикистон ба Чин ба маблағи 40 миллион доллар муваққатан ба таъхир андохта шуд. Дар ин бора муовини вазири рушди иқтисод ва савдо Абдураҳмон Абдураҳмонзода хабар дод.

Ба гуфтаи вай, Чин вазъи мураккаби иқтисодии Тоҷикистонро дар робита бо пандемияи коронавирус ба назар гирифта, мӯҳлати пардохти онро тамдид кард.

Афзун бар ин, Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар боздошт.

Пештар Вазорати молия гуфта буд, қарзи умумии берунаи Тоҷикистон дар нимсолаи аввали соли 2020 3 миллиарду 96 миллионро ташкил медиҳад.

Маълум аст, ки қарзи бештари Тоҷикистон, 36 дар сади он, ба бонки Чин рост меояд, ки он 1 миллиарду 133,4 ҳазор доллар аст.

“Ҳисоби абҷад”: “Талко” қарзҳои андозро ғайривоқеӣ хонд

 

0