ДУШАНБЕ, 19 мар — Sputnik. Дар пайи тирпарронӣ дар ресторане дар ҷазираи Хисингени шаҳри Гетеборг ду нафар кушта ва ҳашт нафари дигар захмӣ шуданд, менависад РИА Новости бо истинод ба расонаҳои Шветсия.
Тирпаррониро аз автоматҳо, ба гуфтаи шоҳидон, ду фарди зимни ворид шудан ба ресторан оғоз карданд.
Пулис ҳадс мезанад, ки теъдоди кушташудагон метавонад афзоиш ёбад, зеро вазъи бархе за ҷароҳат бардоштагон вазнин аст.
"Мусаллам аст, ки ин ҷинояти оддӣ нест. Ин ҷинояти сангин мебошад ва далоиле вуҷуд дорад, ки ин амр ба гурӯҳҳои ҷиноӣ марбут мебошад", — гуфт намояндаи пулиси Гетеборг Улла Брем.
Дар бораи боздошти муттаҳамон то ҳол гузориш нашудааст.
