Завлона

Корманди ниҳодҳои додгоҳӣ ба иттиҳоми ришваситонӣ боздошт шуд

12
(Таҷдидшуда 16:31 27.03.2015)
Тибқи иттилои таҳқиқот, корманди додгоҳ аз як сокини Душанбе барои қонунӣ кардани фурӯшгоҳи хусусиаш 2,5 ҳазор доллар тақозо кардааст.

ДУШАНБЕ, 27 мар — Sputnik. Корманди додгоҳе рӯзи панҷшанбе дар Душанбе ба иттиҳоми ришваситонӣ боздошт шуд, хабар медиҳад ВКД Тоҷикистон.

Таҳқиқот бар ин назар аст, ки фарди боздоштшудаи 57 сола аз сокини 42 солаи пойтахт барои қонунӣ сохтани фурӯшгоҳи хусусиаш $2,5 ҳазор тақозо кардааст.

Корманди додгоҳ баъд аз гирифтани $2 ҳазор дархост кардааст, ки $500 дигарро низ барояш пардохт кунад, вале аз сӯйи маъмурони интизомӣ боздошт мешавад.

Аз рӯйи ин ҳодиса парвандаи ҷиноӣ боз шуда таҳқиқи он идома дорад, омадааст дар хабари маркази матбуотии вазорати корҳои дохилӣ.
Тибқи омори расмӣ дар панҷ соли ахир дар Тоҷикистон ниҳодҳои интизомӣ 11 ҳазору 741 мавриди аъмоли фасодиро ошкор кардаанд.

Дар феҳрасти ахири созмони "Transparency International" Тоҷикистон дар миёни 175 кишвари ҷаҳон дар заминаи муқовимат бо фасод ҷойгоҳи 152 касб кардааст.

12
Барчаспҳо:
фасод, парвандаи ҷиноӣ, 2,5 ҳазор доллар, боздошти корманди додгоҳ барои ришваситонӣ, Transparency International, додгоҳ, Душанбе, Тоҷикистон
Мавзуъ
ММТ: ба ҳеч кас ришва надиҳед
Маъмури пулиси тоҷик ба иттиҳоми гирифтани ришва боздошт шуд
Российской военно-транспортной авиации 89 лет

Даргузашти Шоира Бузурукова, вакил ва сартабиби таваллудхонаи вилоятӣ дар Хуҷанд

369
Шоира Бузрукова, сардухтури таваллудхонаи вилояти Суғд санаи 4 июли соли 2020 дар шаҳри Хуҷанд аз олам даргузашт

ДУШАНБЕ, 5 июл — Sputnik. Дар бораи марги табиб Назира Ғаффорӣ дар саҳифаи фейсбукияш иттилоъ додааст.

Баҳодурхон Раҳматов, донишноманигори шинохтаи тоҷик
Сарредаксияи илмии Энсиклопедияи миллии Тоҷик
“4 июли соли 2020 дили яке аз инсонҳои наҷиб, табиби ҳозиқ, вориси арзандаи Сино, бонуи оқилу бафазилат, номзади илмҳои тиб, роҳбари кордону ташаббускор, ташкилотчии моҳир, зани соҳибмаърифату соҳибикром, матиниродаву накӯкор, зиндагидӯсту зебопараст, ҳалиму меҳрубон, хушсухану хушодоб, модари мушфиқу ғамхор Бузурукова Шоирахон Камоловна аз тапиш бозмонд”,-навиштааст хонум Ғаффорӣ.

Ба навиштаи ӯ, Шоирахон Камоловна барои рушди соҳаи тандурустӣ дар вилоят, ҳифзи саломатии модару кӯдак ва ҳамчун вакили мардумӣ дар Маҷлисҳои вакилони халқи шаҳри Хуҷанд ва вилояти Суғд дар ҳалли бисёр масъалаҳои мубрами ҳаёти ҷомеа, хосатан дар соҳаи тиб саҳми шоиста гузоштааст.

Аммо дар бораи аз чи беморӣ фавтидани табиб иттилоъ дода нашудааст.

Гуфта мешавад, Шоира Бузурукова, дар раёсати тандурустии вилояти Суғд кор кардаву муддатҳо  таваллудхонаи шаҳри Хуҷандро роҳбарӣ мекард.

Солҳои охир вай ба ҳайси сардухтури таваллудхонаи вилояти Суғд  ва ҳамзамон вакили мардумӣ дар Маҷлисҳои вакилони халқи шаҳри Хуҷанд ва вилояти Суғд буд.

369
Мужчина с ножом в руках, архивное фото

Донишҷӯи Донишкадаи технологӣ ҳамраҳи 22 - солаи худро корд зада кушт - акс

236
(Таҷдидшуда 14:41 05.07.2020)
Раёсати умури дохилии Тоҷикистон аз боздошти донишҷӯйи бахши 2 - юми Донишкадаи технологӣ хабар медиҳад, ки ҳамраҳи 22 солаи худро бо корд зада куштаст

ДУШАНБЕ, 5 июл — Sputnik. Кормандони пулиси Душанбе ҷавони 20 - соларо бо гумони даст доштан дар ҳодисаи куштор боздошт намуданд.

акс аз сафҳаи РВУД Тоҷикистон
Бабаев Ансор гумонбар дар қатли сокини 22 - солаи пойтахт

Котиботи Раёсати умури дохилии дар пойтахт хабар медиҳад, ҳодисаи куштор шоми 29 - уми июн дар ноҳияи Фирдавсии шаҳри Душанбе рух дод.

Манбаъ меафзояд, миёни Бабаев Ансор соли таваллудаш 18-уми октябри 2000, сокини шаҳри Душанбе маҳаллаи Гулбутта, донишҷӯи курси 2-и Донишкадаи технологии Тоҷикистон ва Маҷидов Аюбҷони 22 - сола сокини шаҳри Душанбе муноқиша бархост.

Шавҳар ба милиса шикоят бурд: занам маро бо корд зад

Дар натиҷа Ансор, ки бо корд мусаллаҳ буд ба қисмати рони пои чапи Маҷидов якчанд маротиба зарба задааст.

Гуфта мешавад, Маҷидов аз ҳисоби талаф додани хуни бисёр дар беморхона ба ҳалокат расид.

РВУД Тоҷикистон мегӯяд, айни замон нисбати донишҷӯи гумонбаршуда, бо моддаи 110 қисми 3 банди "в"-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, нисбаташ чораи пешгирӣ дар намуди ба ҳабси пешакӣ гирифтан татбиқ карда шудааст.

236
Барчаспҳо:
боздошт, донишҷӯ, куштор, Тоҷикистон

Марди ҳиндӣ барои ҳифозат аз коронавирус ниқоби тиллоӣ бо арзиши 4 000 доллар мепӯшад

0
Ин мард мегӯяд, ниқоби тиллоиро пас аз он фармоиш дод, ки нафареро бо ниқоби нуқрагӣ дида буд. Ниқоби ӯ 2,5 кило вазн дорад

ДУШАНБЕ, 5 июл — Sputnik. Шанкар Кударе шаҳрванди Ҳиндустон бо арзиши 4 ҳазор доллар ниқоби тиллоӣ харида барои муҳофизат кардани худ аз коронавирус мепӯшад. Дар ин бора худи ӯ ба РИА Новсоти хабар додааст.

Сокини иёлати Махараштра изҳор доштаст, ки пас аз дидани нафаре бо ниқоби нуқрагӣ, хост барои худ айнан чунин ниқоб, вале тиллоиро фармоиш диҳад.

"Он замон дар сарам фикре дар бораи фармоиш додани ниқоби тиллоӣ пайдо шуд. Азбаски ман тиллоро дӯст медорам ва занҷирҳои тиллоро мепӯшам, қарор додам чаро ниқоби тиллоиро напӯшам? Сипас аз заргари маҳаллӣ хоҳиш кардам, ки барои ман ниқоби тиллоиро омода созад", - афзудааст Кударе.

Дунёи ниқобпӯшон: роҳҳои пешгирӣ аз коронавирус дар кишварҳои гуногун - акс

Ниқоби ӯ 2,5 кило вазн дошта 3870 доллар арзиш дорад.

Ӯ мегӯяд, барои муҳофизат кардан аз маризии коронавирус танҳо пӯшидани ниқоб кумак намекунад. Аз ин рӯ, номбурда дар баробари бо ниқоби тиллоӣ ба кӯча баромадан, риоя кардани фосилаи иҷтимоиро низ фаромӯш намекунад.

Кударе мегӯяд, ниқобаш ӯро миёни мардум ва ҳамчунин ВАО шӯҳратёр кард.

"Вақте бо ниқоби тиллоӣ ба берун баромадам, диққати ҳамаро ба худ ҷалб кардам, зеро ин гуна ниқоб тамоман чизи нав аст ва ҳайрати одамонро ба бор овард", - мегӯяд вай.

Бар тибқи маълумоти ахир, дар Ҳиндустон 648 ҳазор нафар мубталои коронавиурс шуда, 18 ҳазор мариз ҷон аз даст доданд.

0
Барчаспҳо:
тилло, Ҳиндустон
Мавзуҳо:
Пайомадҳои COVID-19 дар Тоҷикистон ва ҷаҳон