Заминларзаи харобиовар дар Непал. Акс аз бойгонӣ

Заминларзаи навбатӣ дар Непал: 117 нафар ҳалок шуданд

5
(Таҷдидшуда 17:28 15.05.2015)
Теъдоди қурбониёни заминҷунбии такрорӣ дар Непал, ки се рӯз қабл рух дод, бештар шуд.

ДУШАНБЕ, 15 май — Sputnik. Шумораи ҳалокшудагон дар заминларзаи такрорӣ дар Непал ба 117 нафар расид, иттилоъ медиҳад РИА Новости дар истинод ба Twitter-и Маркази миллии ҳолатҳои изтирорӣ.

Ёдрас менамоем, қаблан дар мавриди 96 қурбонии фоҷиа сухан мерафт.

Дар натиҷаи ду заминларзаи ахир дар Непал 8316 кас ҳалоку 76638 нафар захмӣ шудаанд.

Фурудгоҳи байнулмилалии шаҳри Катманду, пойтахти кишвар, дубора баста шуд.

Хадамоти назорати геологӣ рӯзи сешанбе хабар дод, ки маркази зилзилаи нерӯяш 7,4 дараҷаи Рихтер дар 68-километрии ғарби минтақаи Навчӣ Бозор, дар байни Катманду ва кӯҳи Эверест ва дар марзҳои Чин воқеъ буд.

Непалро ду ҳафта боз заминларзаҳо такон медиҳанд. Мудҳиштарин заминларза рӯзи 25 апрел ба вуқӯъ пайваста буд, ки бар асари он беш аз 8 ҳазор нафар ба ҳалокат расида, теъдоди зиёде маҷрӯҳ шуданд. Нерӯи он заминларза 7,8 дараҷаи Рихтер буд.

5
Барчаспҳо:
заминларза дар Непал, заминҷунбии харобиовар, 117 кас ҳалок шуданд, хадамоти назорати геологӣ, Маркази миллии ҳолатҳои изтирорӣ, Катманду, Непал
Мавзуъ
Зилзила дар Непал – теъдоди қурбониён аллакай 7,5 ҳазор нафар
Теъдоди қурбониёни заминларзаи Непал беш аз 6 ҳазор шуд
Аз Непал 8 шаҳрванди Тоҷикистон интиқол шуданд
Наҷотёбии ҳайратовар дар Непал: марде зери харобаҳо 80 соат буд
Пойтахти Непал то ва баъд аз зилзила. Навор аз ҳавопаймои бе сарнишин
Шаҳрвандони Тоҷикистон аз Непал ба Русия интиқол шуданд
18 нафар шаҳрванди Тоҷикистон интизори берун шудан аз Непал ҳастанд
ВКХ ҶТ: мавзӯъи ихроҷи атбои тоҷик аз Непал ҳалл мешавад
Зилзилаи фоҷиъабор дар Непал
Теъдоди қурбониёни зилзила дар Непал ба 3218 нафар расид

Садамаи мудҳиш дар роҳи "Душанбе-Хуҷанд": мард бо чор фарзанд ва занаш ба ҷарӣ чаппа шуд

1190
Дар натиҷаи садамаи мудҳиш дар шоҳроҳи байни пойтахт ва шимоли Тоҷикистон марди 40-сола ва тифли худсоли тақрибан 1-солааш ба ҳалокат расидаанд

ДУШАНБЕ, 3 авг — Sputnik. Вазорати умури дохилаи Тоҷикистон гузориш дод, ки дар шоҳроҳи Душанбе-Чаноқ як худрави ҳомили шаш нафар, ки ҳамагӣ узви як хонавода буданд, ба ҷарии ҳудудан 200-метра сарозер шуд.

Дар натиҷа ронандаи автомобил, падари хонавода ва тифли тақрибан яксолааш дар ҷои ҳодиса ба ҳалокат расидаанд.

Бино бар иттилои манбаъ, ҳодиса субҳи 1 август дар ҳудуди ноҳияи Айнӣ, дар ҷамоати деҳоти Айнӣ рух додааст.

"Ронандаи автомашинаи тамғаи "Мерседес-Бенс", Ашуров Абдуалим Рустамович, соли таваллудаш 1980, сокини ноҳияи М.Ҳамадонӣ,  аз ӯҳдаи идораи воситаи нақлиёт набаромада, ба ҷарии чуқуриаш 150-200 метр фаромада, чаппа шудааст", - тавзеҳ медиҳад манбаъ.

Дар натиҷа ронанда Ашуров А.Р ва фарзанди хурдсолаш, Ашурзода Иброҳим Абдуалим, соли таваллудаш 2019, аз ҷароҳатҳои вазнини бардоштаашон дар ҷойи ҳодиса ба ҳалокат расидаанд, афзудааст манбаъ.

Фавти ноболиғ дар садама: ронанда ӯро дар роҳи мошингарди кӯча пахш кард

Инчунин, дигар мусофиронаш ҳамсараш, Холматова Саида Шамсидиновна, соли таваллудаш 1985, фарзандони ноболиғаш; Ашуров Исохон Абдуалимович, соли таваллудаш 2005, Ашурова Сумая Абдуалимовна, соли таваллудаш 2007, ва Ашурова Ҳалима Абдуалимовна, соли таваллудаш 2011, истиқоматкунадагони ҳамон ҷо ҷароҳати ҷисмонӣ бардошта дар беморхона бистарӣ гардидаанд.

1190
Гулмурод Халимов, архивное фото

ВКД: Гулмурод Ҳалимов бо аҳли оилааш нобуд шудааст

1263
(Таҷдидшуда 12:47 03.08.2020)
Вазорати корҳои дохилии Тоҷикистон аз кушта шудани собиқ фармондеҳи ОМОН-и ВУД Тоҷикистон Гулмурод Ҳалимов ва аҳли хонаводааш хабар дод

ДУШАНБЕ, 3 авг — Sputnik. Вазири корҳои дохилии Тоҷикистон Рамазон Раҳимзода имрӯз дар нишасти матбуотии ниҳодаш аз нобуд шудани Гулмурод Ҳалимов хабар дод.

Ӯ гуфт, кушта шудани низомии фирории тоҷик Гулмурод Ҳалимов ва аҳли оилаашро шоҳидоне, ки бозпурсӣ шудаанд, таъйид карданд.

"Тибқи қонунгузорӣ барои тасдиқи мурдаи ин ё он нафар санад ё мадраке бояд бошад, мо чунин санадро надорем, лекин бино ба гуфти шоҳидон - онҳое, ки аз Сурия баргаштаанду боздошт шудаанд, Гулмурод Ҳалимов ҳамроҳи аҳли оилааш кушта шудааст", - гуфт Рамазон Раҳимзода дар нишасти хабарӣ.

Моҳи феврали соли равон, Раҳимзода изҳор дошта буд ки иттилоъ дар бораи кушта шудани Ҳалимовро аз расонаҳо ва ҳамкорон гирифтаанд, аммо боз санҷишҳои иловагӣ ҳастанд, ки онро анҷом дода истодаанд.

Раҳимзода таъкид намуд, ки то ҷасадро набинад, дақиқан кушта шудани Ҳалимовро тасдиқ карда наметавонад.

“Наметавонам, ба ин суол мушахассан ҳа ё не посух диҳам, то ҷасадро набинам”, - изҳор дошт вазири умури дохилӣ.

Ӯ гуфт, дар маҷмуъ иттилоъ гирифтаанд, ки Ҳалимов дар пайи як амалиёти махсус кушта шудааст. Вазир афзуд, дар мавриди Ҳумайро Мирова, собиқ корманди Хадамоти гумруки Тоҷикистон ва ҳамсари Ҳалимов, ки баъдан бо ӯ пайваст, феълан иттилое рӯи даст надоранд.

Вазорати мудофиаи Русия моҳи сентябри соли 2017 хабар дода буд, ки дар шаҳри Дайруззори Сурия дар натиҷаи ҳамлаҳои қувваҳои ҳавоии Русия собиқ фармондеҳи ОМОН-и ВУД Тоҷикистон Гулмурод Ҳалимов кушта шуд.

Гулмурод Ҳалимов сарҳангу фармондеҳи пешини Нерӯҳои ошӯбнишони ВУД Тоҷикистон буд, ки соли 2015 аз Тоҷикистон фирор карду ба гурӯҳи тундрави ДОИШ пайваст. Пас аз он ки вай дар паёме видеоӣ пайвастанаш ба ДОИШ-ро эълом кард, Интерпол номашро дар феҳристи пайгарди байналмилалӣ сабт кард.

1263
Барчаспҳо:
вазир, Рамазон Раҳимзода, ВКД ҶТ, кушта шуд, Роҳбари низомии ДИ таъин гаштани Гулмурод Ҳалимов, фирори Гулмурод Ҳалимов, Гулмурод Ҳалимов, Ҷаҳон
Зрители в кинотеатре

Дар ноҳияи Спитамен кинотеатри замонавӣ сохта мешавад

0
(Таҷдидшуда 15:26 03.08.2020)
Бино аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад

ДУШАНБЕ, 3 авг — Sputnik. Раиси вилояти Суғд Раҷаббой Аҳмадзода дар ноҳияи Спитамен бо рафти корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон ошно шуд, хабар медиҳад хадамоти матбуотии раиси вилоят.

Гуфта мешавад, ки Аҳмадзода сараввал дар Ҷамоати шаҳраки Навкат бо ҷараёни сохтмони бинои баландошёнаи истиқоматӣ бо нуқтаҳои хизматрасонӣ ва кинотеатри замонавӣ ошно шудааст.

"Иншооти мазкур дар доираи омодагиҳо ба ҷашни 30 – солагии Истиқлолияти давлатии Ҷумҳурии Тоҷикистон аз ҷониби кооперативи “Гулрез” сохта шуда истодааст. Масоҳати умумии сохтмон 1000 метри мураббаъро ташкил медиҳад", - омадааст дар хабарнома.

Тибқи иттилои манбаъ, бинои сохташаванда тибқи лоиҳа аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад.

Филм барои +18 ё поинтар: тағйири қонуни Тоҷикистон “Дар бораи кино”

Мувофиқи харҷномаи пешакӣ арзиши умумии сохтмон зиёда аз 7 миллион сомониро ташкил мекунад. Корҳои сохтмониро бунёдкорони ҶДММ “Книал” бар дӯш дорад.

Раиси вилоят ҳангоми шиносоӣ барои бо сифати баланд ба итмом расонидани корҳои сохтмонӣ ва ободонии атрофи иншоот ба масъулин супоришҳо додааст.

0
Барчаспҳо:
рушду ободонӣ, Раҷаббой Аҳмадзода, Суғд, Спитамен