Сел дар ВМКБ. Акс аз бойгонӣ

Сел 700 метр роҳро дар ноҳияи Ашт хароб кардааст

59
Дар пайи борони сахте, ки рӯзи гузашта борид, қисме аз роҳҳои мошингард дар навоҳии Ашту Истаравшан хароб шуда, чанде аз мошинҳо низ зери обу лой мондаанд.

ДУШАНБЕ, 18 май — Sputnik. Дар Истаравшан шаш худрав зери лой монда, ҳоло кормандони Кумитаи ҳолатҳои изтирорӣ ба дунболи рафъи оқибатҳои ин офати табиианд, менависад Радиои Озодӣ.

Ба қавли сухангӯи КҲФ Ориф Нозимов,  бар асоси иттилое, ки онҳо гирифтаанд, дар Ашт тақрибан 700 метр роҳи мошингарди маҳаллӣ зарар дидааст. "Ҳарчанд дар ноҳияи Ҳисор ҳам жолаи сахт боридааст, аммо ҳоло зиёне ба қайд гирифта нашудааст",- илова кард ӯ.  

Дар ҳамин ҳол, сокинони Истаравшан аз ҳадди ақалл ба зери об рафтани 11 мошин хабар медиҳанд. Шоҳидони ҳодиса мегӯянд, ки ин бориши сахти борон соати 13 сар шуда, дар як дам сатҳи оби сой, ки аз маркази шаҳри Истаравшан мегузарад, боло рафтааст.

Ориф Нозимов афзудааст, иттилои комил баъд аз ҷамъоварии хабарҳо аз манотиқи кишвар ироа хоҳад шуд.

59
Барчаспҳо:
11 мошин зери об монд, сатҳи сой боло рафт, боришоти шадид, роҳро хароб кардани сел, сел, Кумитаи ҳолатҳои изтирорӣ, КҲФ, Кумитаи ҳолатҳои фавқулодда, Ориф Нозимов, Ҳисор, Истаравшан, Ашт, Тоҷикистон
ДТП, архивное фото

Мошини боркаши “ДОЛУН” ба чуқурии канори роҳ чаппа шуд: ронанда ба ҳалокат расид

8
(Таҷдидшуда 12:07 30.05.2020)
Вазорати умури доохилаи Тоҷикистон дар бораи садамаи маргбор дар шоҳроҳи “Душанбе-Кӯлоб” хабар доданд

ДУШАНБЕ, 30  май — Sputnik. Бино бар иттилои дафтари матбуоти вазорати умури дохилаи Тоҷикистон санаи садамаи маргбор санаи 29-уми майи соли равон тахминан соати 02:30-и шаб дар шоҳроҳи “Душанбе-Кӯлоб” рух додааст.

Тавре манбаъ хабар додааст ронандаи мошини боркаши тамғаи “ДОЛУН”, таҳти идораи Зиёхолов Саидбек Ҷӯраевич, соли таваллудаш 1959, сокини ҷамоати деҳоти Гулистони шаҳри Ваҳдат ҳангоми ҳаракат кардан дар шоҳроҳи “Душанбе-Кӯлоб” аз самти шаҳри Душанбе ба самти шаҳри Кӯлоб дар 84-км аз шаҳри Душанбе, воқеъ дар ҳудуди ҷамоати деҳоти Ёхсу аз уҳдаи идораи воситаи нақлиёт набаромада, мошинашро дар чуқурии канори роҳ чаппа кардааст.

ВУД Тоҷикистон қайд кардааст, ки дар натиҷаи ин садама худи ронанда Зиёхолов Саидбек ҷароҳатҳои гуногуни ҷисмонӣ бардошта, дар беморхона ба ҳалокат расидааст.

Ҳамзамон манбаъ зикр кардааст, ки мусофири дар дохили автомашинаи мазкур буда, Қурбонов Ҷаҳонбек Шарифович, соли таваллудаш 1987, сокини шаҳри Ваҳдат ҷароҳати ҷисмонӣ бардошта, дар беморхона бистарӣ гардидааст.

Дар ҳоли ҳозир, кормандни милитсияи ҷумҳурӣ аз рӯи ҳодисаи мазкур таҳқиқотро идома доранд.

8
Барчаспҳо:
мошин чаппа шудааст, шоҳроҳи Душанбе-Кӯлоб, шоҳроҳ, маргбор, Тоҷикистон, садама
Детская игрушка возле дороги

Духтараки ду сола зери чархи мошини боркаш ба ҳалокат расид

107
(Таҷдидшуда 12:38 30.05.2020)
Вазорати умури дохилаи Тоҷикистон аз ҳодисаи нохуше, ки дар ҷамоати деҳоти Дӯстии ноҳияи Абдураҳмони Ҷомӣ сурат гирифтааст, хабар дод

ДУШАНБЕ, 30  май — Sputnik. Бино бар иттилои дафтари матбуоти вазорати умури дохилаи Тоҷикистон, фавти кӯдаки ду сола зери чархи мошини боркаш санаи 29-уми майи соли равон сурат гирифтаат.

Манбаъ қайд намудааст, ки ронандаи автомашинаи боркаши тамғаи “Зил ММЗ-554”, Тошматов Эшонқул Добулович, соли таваллудаш 1974, сокини ҷамоати деҳоти Қ.Ғиёсови ноҳияи А.Ҷомӣ ҳангоми ба қафо ҳаракат кардан дар роҳи байнидеҳавии деҳаҳои Б.Ҳилолӣ ва Шерободи ҷамоати деҳоти Дӯстии ноҳияи мазкур хурдсол Ватаниева Солеҳамоҳ Маҳмадюнусовна, соли таваллудаш 2018, сокини ҷамоати деҳоти Дӯстии ҳамин ноҳияро пахш намудааст.

ВУД Тоҷикистон таъкид намудааст, ки дар натиҷаи ин ҳодиса хурдсол, Ватаниева Солеҳамоҳ ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

Дар ҳоли ҳозир? кормандони милитсия аз руи ин ҳодиса таҳқиқотро идома доранд.

Ёдрас мешавем, ки чанде пеш вазорати умури дохилаи Тоҷикистон хабап дода буд, ки  як ронанда дар шаҳри Хуҷанд аз беэҳтиётӣ духтарчаи панҷ соларо дар назди нуқтаи шустушӯи воситаҳои нақлиётӣ ба номи “AUTO SPО” пахш намуд.

Дар натиҷа, хурдсол Хайруллоева Нозия ҷароҳати вазнини ҷисмонӣ бардошта, дар ҷойи ҳодиса ба ҳалокат расид.

107
Барчаспҳо:
дӯстӣ, ҳодисаи нохуш, ҳодиса, садама, Тоҷикистон