Ҳаводиси табиӣ ва оқибатҳои он дар Ванҷ. Рустои Техарв, 18-июли соли 2015

Ифшои ному насаби қурбониёни Ванҷ

30
(Таҷдидшуда 13:43 16.09.2015)
Ин афрод ҳамагӣ сокинони ноҳияи Ванҷ буда, ҷасадҳои онҳо ёфт ва ба наздиконашон супурда шудааст.

ДУШАНБЕ, 21 июл — Sputnik. Қурбониҳои офати табиӣ, ки шаби 20-ум дар ноҳияи Ванҷ кушта шуданд — Раҳмиддин Раҳмонов, Саидаҳрор Раҳмонов, Саломатшо Убайдов, Субҳӣ Худойбахшов ва ҳамсари ӯ — буда, ҷасадҳояшон ёфт ва ба наздиконашон супурда шудааст, менависад "Радиои Озодӣ".

Ин афрод ҳамагӣ сокинони ноҳияи Ванҷ будаанд. Дар пайи омадани сел шаби 20-ум ба 21 июл дар мавзеи байни деҳаҳои Бунай ва Рави ин ноҳия ин сокинон ҷон бохтанд.

Ин дар ҳолест, ки АМИТ Ховар бо такя ба қавли хабарнигоронаш дар минтақа аз марги шаш нафар дар ҷамоати деҳоти Ҷовидони ноҳияи Ванҷ бар асари фаромадани сел хабар медиҳад. Сел як мусофирбари тамғаи "Старекс"-ро бо худ бурдааст, ки чор мусофираш ҳалок шуда, боқимондаҳо ба сахтӣ аз он ҷо берун омадаанд, навиштааст "Ховар".

Нилуфар Асламшоева, мудири бахши иттилоот ва таҳлили дастгоҳи ҳукумати Бадахшон, 21 июл ба "Озодӣ" гуфтааст, ҳоло муовини нахуствазири Тоҷикистон — Азим Иброҳим ва раиси вилояти Бадахшон, Шодихони Ҷамшед ба ноҳияи Ванҷ рафтаанд. Ба қавли Асламшоева, дар ноҳияи Ванҷ инчунин, ду мошини борбар ва як экскваторро, ки аз Душанбе ба Хоруғ оварда мешуданд, сел бурда ва як ронанда низ ба ҳалокат расидааст.

Дар ҳамин ҳол, бино ба иттилои Ҳамдулло Шарифов, раҳбари дастгоҳи ҳукумати ноҳияи Ғарм, шаби гузашта сел дар рустои Бедаки ин ноҳия ҳудуди 70 манзилро вайрон карда, ҷони як сокини 28-соларо низ гирифтааст.

Аз рӯзи 16 июл боз сел дар ноҳияҳои вилояти Бадахшон даҳҳо манзили сокинон ва роҳу хатҳои интиқоли нерӯи барқро вайрона карда, танҳо хисороташ дар ҷамоати деҳоти Сӯчон ба беш аз се миллион доллар баробар будааст. Қоҳир Расулзода, нахуствазири Тоҷикистон, 20 июл дар сӯҳбаташ бо намояндагони созмонҳои байнулмилалӣ ва корпусҳои дипломатӣ дар Душанбе хисороти сел ба иқтисоди кишварро бештар аз 50 миллион доллар дониста, барои рафъи оқибатҳои сел аз онҳо ёрӣ хостааст.

30
Барчаспҳо:
ному насаб, 5 нафар, ҳалокати одамон, сел, офати табиӣ, Субҳӣ Худойбахшов, Саломатшо Убайдов, Саидаҳрор Раҳмонов, Раҳмиддин Раҳмонов, Нилуфар Асламшоева, ВМКБ, Ванҷ
Мавзуҳо:
Сел, обхезӣ ва қурбониҳои он дар Тоҷикистон: талафоти ҷонӣ низ ҳаст (29)
Скорая помощь, архивное фото

Садамаи маргбор дар роҳи Душанбе - Чаноқ: ронанда фавтиду мусофирон ҷароҳат бардоштанд

1196
(Таҷдидшуда 15:35 26.02.2021)
Ронандаи 27 - сола дар ҷойи ҳодиса ба ҳалокат расида, мусофирони ӯ ба бемористон интиқол ёфтанд

ДУШАНБЕ, 26 фев — Sputnik. Дар садамаи маргбори нақлиётӣ дар роҳи Душанбе - Чаноқ як нафар ҳалок ва дуи дигар сахт ҷароҳатдор шуданд, хабар медиҳад Вазорати умури дохилаи Тоҷикистон.

Ба иттилои манбаъ, садама рӯзи 24, тахминан соати 20:30 дақиқа дар киломметри 269 -200 - и шоҳроҳи мошингарди Душанбе - Чаноқ рух додааст.

Гуфта мешавад, ронандаи автомашинаи тамғаи "Мерседес-Бенс", Бектошов Умари 27 - сола, сокини шаҳри Хуҷанд аз ӯҳдаи идораи худрави худ набаромадаст.

Зимнан, номбурда ба самти муқобили роҳ баромада, ба автомашинаи тамғаи "Опел-Вектра", таҳти идораи Абдуғаниев Абдурауфи 29 - сола бархӯрдааст.

ВУД Тоҷикистон мегӯяд, дар натиҷа, Бектошов ронандаи автомашинаи "Мерседес-Бенс" ҷароҳати ҷисмонӣ бардошта, дар ҷойи ҳодиса ба ҳалокат расидааст.

Садама дар Анзоб: мошин чаппа шуду як нафар ҳалок гашт

Инчунин мусофирони автомашинаи тамғаи мазкур Бектошова Назираи 27 - сола, сокини шаҳри Хуҷанд ва Раҳимов Машраби 24 - сола, сокини ноҳияи Спитамен, ҷароҳати ҷисмонӣ бардошта, дар беморхона бистарӣ гардидаанд.

Манбаъ меафзояд, аз рӯи ҳодисаи мазкур таҳқиқот идома дорад.

1196
Барчаспҳо:
роҳ, мошин, садама
Река Душанбинка. Архивное фото

Ҷавондухтари 24 - сола дар Душанбе, ки қасди худкушӣ кард, наҷот ёфт

1422
(Таҷдидшуда 12:35 26.02.2021)
Ҷавондухтар ҳоло дар беморхона қарор дорад ва табибон вазъи саломатии ӯро мӯътадил арзёбӣ мекунанд

ДУШАНБЕ, 26 фев — Sputnik. Сокини 24 - солаи пойтахт аз худкушӣ наҷот ёфт, хабар медиҳад Вазорати умури дохилаи Тоҷикистон.

Ба иттилои манбаъ, номбурда шоми рӯзи 25 феврал, тахминан соати 21:00 худро ба дарёи Душанбе андохт.

Гуфта мешавад, ӯ пас аз як муноқишаи оилавӣ ба мақсади худкушӣ аз хона баромада, ба назди дарёи Душанбеи кӯчаи Соҳилии пойтахт омад ва худро ғарқи оби дарё намудааст.

Дар ҳамин ҳол, кормандони Хадамоти давлатии "Муҳофиза"- и ВУД, ки дар қисмати қафои даромадгоҳи муассисаи давлатии тандурустии "Истиқлол" хизмат мебурданд бо шунидани сару садо зуд ба ҷойи ҳодиса ҳозир шуданд.

"Кормандони хадамоти мазкур, ҷавондухтарро аз марг наҷот дода, ӯро зуд ба бемористон бурданд", - таъкид мешавад дар хабар.

ВУД Тоҷикистон мегӯяд, ҳоло ин духтар дар бемористон таҳти назорати табибон қарор дорад ва вазъи саломатии ӯ мӯътадил аст.

1422
Барчаспҳо:
наҷот, духтар, худкушӣ, Душанбе
 Врач разговаривает с пациентом

Ӯзбекистон сохтмони як беморхонаро дар Тоҷикистон ба анҷом расонид

0
(Таҷдидшуда 10:52 28.02.2021)
Узбакистон ҳамчунин дар моҳи сентябри соли 2020 сохти як мактаб барои 630 донишомӯзро дар ноҳияи Спитамени Тоҷикистон ба поён расонд.

 ДУШАНБЕ, 28 фев – Sputnik. Бемористони сохти Ӯзбекистон дар ноҳияи Қубодиёни вилояти Хатлон омодаи пазириши беморон, аз ҷумла афроди мубтало ба Ковиди 19 шуд.

Сохти ин бемористон соли 2018 бо ҳазинаи ҳукумати Узбакистон оғоз шуда буд.

Ин бемористон 200 тахти хоби муҷаҳҳаз бо таҷҳизоти пешрафтаи ташхиси вируси корона мебошад, ки дар Тоҷикистон беназир аст.

Ин таҷҳизот дар кӯтоҳтарин замони мумкин беморони мубтало ба вируси коронаро мушаххас мекунад.

Ӯзбекистон ҳамчунин дар моҳи сентябри соли 2020 сохти як мадраса барои 630 донишомӯзро дар ноҳияи Спитамени Тоҷикистон ба поён расонд.

Бар асоси тавофуқи дуҷониба Тоҷикистон низ бояд як мактаб барои 640 донишомӯз дар вилояти Самарқанд ва як боғчаи бачагон дар вилояти Фарғонаи Ӯзбекистон бисозад, ки ба далели густариши вируси корона ин ду нақша ҳанӯз такмил нашудааст.

0