Оқибати офати табиӣ дар ВМКБ. 20 июли соли 2015

Таслияти Эмомалӣ Раҳмон бо қурбониёни офати табиӣ

30
(Таҷдидшуда 11:39 21.07.2015)
Раисҷумҳури Тоҷикистон ба зердастонаш супориш додааст, ки ба хонаводаҳои қурбониён ва зарардидагони дигари офати табиӣ кумаки модиву маънавӣ расонанд.

ДУШАНБЕ, 21 — Sputnik. Президент ба ашхоси мутасааддӣ супориш дод, ки ҳарчи зудтар барои бартараф намудани оқибатҳои ҳолатҳои ногувор ва рафъи мушкилоти мардуми зарардида кӯмак расонанд, навиштааст сомонаи президент.

Эмомалӣ Раҳмон ҳамзамон ба аҳли хонавода ва наздикону пайвандони фавтидагон изҳори тасаллияту ҳамдардӣ кардааст. Ба масъулини ҷумҳуриявию маҳаллӣ дастур додааст, ки аз аҳволи хонаводаҳои шахсони кушта шуда бохабар гардида, дастгирии моддию маънавии худро дареғ надоранд.

#Vanjflood

Posted by Bahtier Shokarimov on Sunday, July 19, 2015

Раисҷумҳур ба сарвазир Қоҳир Расулзода, муовини сарвазир Азим Иброҳим, Вазири нақлиёт Шералӣ Ганҷалзода, Вазири энергетика ва захираҳои об Усмоналӣ Усмонзода, Раиси Кумитаи ҳолатҳои фавқулода ва мудофиаи гражданӣ Хайриддин Абдураҳимов ва раисони ноҳияҳои аз офатҳои табиӣ зарардида барои бартараф кардани харобиҳои ноҳияҳои Шуғнон, Рушон ва Ванҷу Дарвози Вилояти Мухтори Кӯҳистони Бадахшон супориш додааст.

"Барои барқарор намудани роҳу пулҳо, хатҳои барқӣ ва дигар иншооти харобгардида ва пеш аз ҳама барои дастгирии аҳолии осебдида техникаю таҷҳизоти зарурӣ, қувваи корӣ ва тамоми лавозимоти аввалия ба миқдори зарурӣ сафарбар карда шавад", — таъкид кардааст раисҷумҳур.

Офати табиӣ дар Ванҷ 5 нафар ва як каси дигарро дар Рашт кушт.

Тайи шабонарӯзи гузашта дар натиҷаи борони шадид ва омадани сел 6 нафар дар ноҳияи Ванҷ ва 1 нафар дар ноҳияи Рашт кушта шуданд.

30
Барчаспҳо:
моддиву маънавӣ, кумак, изҳори таслият, оқибатҳои обхезӣ, сел дар Бадахшон, хисорот, офати табиӣ, Эмомалӣ Раҳмон, ВМКБ, Ванҷ
Мавзуҳо:
Сел, обхезӣ ва қурбониҳои он дар Тоҷикистон: талафоти ҷонӣ низ ҳаст (29)
Старик , архивное фото

Латукӯби пирамард дар кӯча: пулу телефонашро гирифтаанд

52
Вазорати умури дохилии Тоҷикистон аз ҳолати латукӯб ва ғорати марди солхӯрда дар шаҳри Душанбе хабар додааст

ДУШАНБЕ, 28 фев – Sputnik. Ба иттилои ВУД, ба идораи милиса дар шаҳри Ваҳдат пирамарди 73-сола муроҷиат карда, арз доштааст, ки дар кӯча мавриди латукӯб ва ғорат қарор гирифтааст.

Муроҷиаткунанда изҳор доштааст, ки  25-уми феврали соли 2021, тахминан соати 21:00, дар кӯчаи Хуросон шахси номаълум бе ягон асос ӯро лату кӯб намуда, бо роҳи зӯроварӣ аз ҷайбаш 1 адад телефони мобилии тамғаи “Алкател”  - ро гирифтааст.

Манбаъ афзуд, ҳамлагар дар баробари телефон инчунин  каме маблағро тасарруф намуда, аз ҷойи ҳодиса ғайб задааст.

Вазорати умури дохилии Тоҷикистон мегӯяд, маъмурини милиса дар пайи гузаронидани чорабиниҳои оперативӣ-ҷустуҷӯӣ марди 30-сола,  сокини шаҳри Ваҳдатро бо гумони латукӯб ва ғорати пирамард боздошт кардаанд.

Маълум шудааст, ки дастгиршуда пеш бо моддаҳои 237 ва 244-и Кодекси ҷиноятии Тоҷикистон суд шудааст.

Мақомоти умури дохилӣ мегӯянд, феълан чораандешӣ барои оғози парвандаи ҷиноятӣ идома дорад. Назари бевоситаи дастгиршуда дар мавриди иттиҳомоти эълонкардаи мақомот маълум нест.

52
Барчаспҳо:
боздошт, латукӯб, Тоҷикистон
Скорая помощь, архивное фото

Садамаи маргбор дар роҳи Душанбе - Чаноқ: ронанда фавтиду мусофирон ҷароҳат бардоштанд

1281
(Таҷдидшуда 15:35 26.02.2021)
Ронандаи 27 - сола дар ҷойи ҳодиса ба ҳалокат расида, мусофирони ӯ ба бемористон интиқол ёфтанд

ДУШАНБЕ, 26 фев — Sputnik. Дар садамаи маргбори нақлиётӣ дар роҳи Душанбе - Чаноқ як нафар ҳалок ва дуи дигар сахт ҷароҳатдор шуданд, хабар медиҳад Вазорати умури дохилаи Тоҷикистон.

Ба иттилои манбаъ, садама рӯзи 24, тахминан соати 20:30 дақиқа дар киломметри 269 -200 - и шоҳроҳи мошингарди Душанбе - Чаноқ рух додааст.

Гуфта мешавад, ронандаи автомашинаи тамғаи "Мерседес-Бенс", Бектошов Умари 27 - сола, сокини шаҳри Хуҷанд аз ӯҳдаи идораи худрави худ набаромадаст.

Зимнан, номбурда ба самти муқобили роҳ баромада, ба автомашинаи тамғаи "Опел-Вектра", таҳти идораи Абдуғаниев Абдурауфи 29 - сола бархӯрдааст.

ВУД Тоҷикистон мегӯяд, дар натиҷа, Бектошов ронандаи автомашинаи "Мерседес-Бенс" ҷароҳати ҷисмонӣ бардошта, дар ҷойи ҳодиса ба ҳалокат расидааст.

Садама дар Анзоб: мошин чаппа шуду як нафар ҳалок гашт

Инчунин мусофирони автомашинаи тамғаи мазкур Бектошова Назираи 27 - сола, сокини шаҳри Хуҷанд ва Раҳимов Машраби 24 - сола, сокини ноҳияи Спитамен, ҷароҳати ҷисмонӣ бардошта, дар беморхона бистарӣ гардидаанд.

Манбаъ меафзояд, аз рӯи ҳодисаи мазкур таҳқиқот идома дорад.

1281
Барчаспҳо:
роҳ, мошин, садама