Қоҳир Расулзода. Акс аз бойгонӣ

Расулзода ба Рашт ба маҳалли офат рафт

14
(Таҷдидшуда 16:56 21.07.2015)
Гармои шадид, боришот ва обхезӣ дар чанд рӯзи ахир ба иқтисодиёти Тоҷикистон хисороти ҳангуфт ворид карда, ба замми ин сел ҷони 6 нафарро дар Ванҷу Рашт гирифт. Вазорати умури хориҷа аллакай аз ҷомеъаи ҷаҳонӣ хостори кӯмаки фаврӣ шудааст.

ДУШАНБЕ, 21 июл — Sputnik. Субҳи рӯзи сешанбе ҳайати кории ҳукуматӣ бо роҳбарии нахуствазири мамлакат Қоҳир Расулзода ба маҳалли аз офати табиӣ зарардидаи ноҳияи Рашт рафт, иттилоъ медиҳад АМИТ Ховар.

Дар ҷамоати деҳоти Навдеҳи ноҳияи Рашт ҳайати кории ҳукуматӣ аз деҳаҳои Ҳалқарф ва Бедак, ки бар асари фаромадани сел зарар дида буданд, дидан карданд. Дар ин рустоҳо беш аз 50 хона қисман ва пурра зарар дида, 5 трансформатор корношоям гаштааст. Инчунин, дар инҷо 5 пул, 6 км хати интиқоли нерӯи барқ, 100 симчӯб, 5310 метр хатҳои обгузар ва роҳҳои маҳаллӣ хароб гаштаанд.

Мутаассифона, бар асари ин офати табиӣ талафоти ҷонӣ ҳам ба қайд гирифта шудааст. Қоҳир Расулзода ба хонаи нафари ҳалокшуда ташриф оварда, ба ин оила таъзия ва кӯмаки пулии  сарвари давлатро расонид.

Ба иттилоъи манбаъ, дар ҳоли ҳозир ба ҷойи ҳодиса кӯмакҳои ғизоӣ дар ҳаҷми 10 тонна расида, бунёди шаҳраки хаймаҳо дар деҳаи Ҳалқарф оғоз шудааст. Дар худи минтақа аллакай барои бунёди манзилҳои истиқоматӣ 8 гектар замин ҷудо гаштааст.

Хисороти воридшуда дар саросари кишвар аз офатҳои табиӣ ҳудуди 100 миллион доллар арзёбӣ гардидааст.

Тамоми матолиби марбут ба мавзӯъро аз ин ҷо дарёфт карда метавонед>>

14
Барчаспҳо:
100 миллион хисорот, сел ҷони як нафарро дар Рашт гирифт, офати табиӣ, сел, нахуствазири Тоҷикистон, Қоҳир Расулзода, Бедак, Тоҷикистон, Рашт
Мавзуҳо:
Сел, обхезӣ ва қурбониҳои он дар Тоҷикистон: талафоти ҷонӣ низ ҳаст (29)
Медицинская каталка в больнице, архивное фото

Ҳалокати 5 донишҷӯи ҳамхона бар асари заҳролудшавӣ

288
(Таҷдидшуда 21:18 28.02.2021)
Панҷ донишҷӯ дар шаҳри Тошканд, ки дар як хона зиндагӣ мекарданд, дар пайи заҳролудшавӣ аз моддаи номаълум фавтиданд

ДУШАНБЕ, 28 фев - Sputnik. Маводи номаълум сабаби марги панҷ донишҷӯ дар ноҳияи Юнусободи шаҳри Тошканд шуд, хабар дод дафтари матбуоти Додситонии кулли Ӯзбекистон. 

Тибқи маълумоти пешниҳодшуда, донишҷӯён якҷоя дар хонаи хусусӣ дар кӯчаи Инжободи маҳаллаи Фирдавсӣ зиндагӣ мекарданд. Онҳо дар бино иҷоранишин буданд.

Манбаъ афзуд, ки ташхисгарон то ҳол натавонистаанд моддаеро, ки боиси марги донишҷӯён шудааст, муайян кунанд.

Дар байни кушташудагон, бино ба иттилои Додситонии кул, се донишҷӯи соли дуюми Донишгоҳи технологияҳои иттилоотии Тошканд, донишҷӯи соли дуюми Донишкадаи рушди менеҷменти Сингапур ва донишҷӯи соли якуми Донишгоҳи Инҳаи Тошканд ҳастанд. Тафсилоти дигари ҳодиса мушаххас карда мешавад.

Маълум аст, ки додситонии ноҳияи Юнусобод тибқи моддаи вайрон кардани қоидаҳои бехатарӣ аз сӯхтор, ки боиси марги чанд нафар шудааст, парвандаи ҷиноӣ боз кардааст. Рафти тафтишот таҳти назорати Дастгоҳи марказии Додситонии кул қарор дорад.

Қаблан дар вилояти Самарқанд панҷ нафар бо заҳролудшавӣ аз хӯрок дар беморхона бистарӣ шуда буданд. Яке аз онҳо фавтид. Маълум аст, ки дар Самарқанд консервҳои помидор боиси заҳролудшавӣ шудаанд.

288
Барчаспҳо:
ҳалокат, заҳролудшавӣ, Ӯзбекистон
Старик , архивное фото

Латукӯби пирамард дар кӯча: пулу телефонашро гирифтаанд

813
Вазорати умури дохилии Тоҷикистон аз ҳолати латукӯб ва ғорати марди солхӯрда дар шаҳри Душанбе хабар додааст

ДУШАНБЕ, 28 фев – Sputnik. Ба иттилои ВУД, ба идораи милиса дар шаҳри Ваҳдат пирамарди 73-сола муроҷиат карда, арз доштааст, ки дар кӯча мавриди латукӯб ва ғорат қарор гирифтааст.

Муроҷиаткунанда изҳор доштааст, ки  25-уми феврали соли 2021, тахминан соати 21:00, дар кӯчаи Хуросон шахси номаълум бе ягон асос ӯро лату кӯб намуда, бо роҳи зӯроварӣ аз ҷайбаш 1 адад телефони мобилии тамғаи “Алкател”  - ро гирифтааст.

Манбаъ афзуд, ҳамлагар дар баробари телефон инчунин  каме маблағро тасарруф намуда, аз ҷойи ҳодиса ғайб задааст.

Вазорати умури дохилии Тоҷикистон мегӯяд, маъмурини милиса дар пайи гузаронидани чорабиниҳои оперативӣ-ҷустуҷӯӣ марди 30-сола,  сокини шаҳри Ваҳдатро бо гумони латукӯб ва ғорати пирамард боздошт кардаанд.

Маълум шудааст, ки дастгиршуда пеш бо моддаҳои 237 ва 244-и Кодекси ҷиноятии Тоҷикистон суд шудааст.

Мақомоти умури дохилӣ мегӯянд, феълан чораандешӣ барои оғози парвандаи ҷиноятӣ идома дорад. Назари бевоситаи дастгиршуда дар мавриди иттиҳомоти эълонкардаи мақомот маълум нест.

813
Барчаспҳо:
боздошт, латукӯб, Тоҷикистон
Горы в  Таджикистане, архивное фото

Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон

0
(Таҷдидшуда 22:03 28.02.2021)
Ҳукумати ҷумҳурии Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст

ДУШАНБЕ, 28 фев – Sputnik. Қарорҳои Ҳукумати Тоҷикистон дар бораи номгузориҳои ҷадид зимни Маҷлиси вакилони халқи ВМКБ қироат карда шуданд.

Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.

Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.

Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.

Маҷлиси вакилони халқи ВМКБ дар бораи номгузориҳои ҷадид қарорҳои дахлдорро қабул намудааст.

0
Барчаспҳо:
Хоруғ, фурудгоҳ, Тоҷикистон