Разбитая фара автомобиля. Архивное фото

ВКД: садамаҳо дар Дарвоз ва Душанбе боиси марги 11 нафар шуданд

57
(Таҷдидшуда 11:02 10.08.2015)
Айни замон ҷустуҷӯи ғарқшудагони ҳодисаи садама дар дарёи Панҷ идома дорад.

ДУШАНБЕ, 10 авг — Sputnik. Дар пайи садамаи нақлиётӣ дар шоҳроҳи Душанбе — Кӯлоб — Дарвоз нӯҳ нафар ба дарёи Панҷ ғарқ шуда, ҷон бохтаанд, иттилоъ медиҳад хадамоти матбуотии ВКД.

Ба иттилоъи манбаъ, ин ҳодиса шаби 7 ба 8 август рух дода, дар пайи он нӯҳ нафар ба ҳалокат расидаанд.

Нақлиёти  сабукрави "Опел-Астра", ки ба Маҳмадулло Ҷумъаеви 34-сола, сокини деҳаи Ширги ноҳияи Дарвоз таалуқ дошт, ҳангоми ҳаракат дар километри 319-уми шоҳроҳи "Душанбе-Кӯлоб-Дарвоз"  ба тарафи рости роҳ аз баландии 12 метр ба дарёи Панҷ чаппа шудааст.

Бар асари ҳодиса,сарнишини автомашина ва мусофиронаш: Воҳидова Оиниссо (1984), Ҷумъаева Ҳабиба (1976), Сурхова Раҳима (1982) — сокинони шаҳри Душанбе, Шокирова Садбарг (1978), сокини ноҳияи Шаҳринав, Мансури Адабҷон (2011), Наргисаи Умар (2012), Фотимаи Диловар (2014) ва Умедаи Диловар (2009) дар дарё ғарқ шудаанд.

Ҷасади ду нафар аз ҳалокшудагон дарёфт шуда, ҷустуҷӯи боқимонда идома дорад.

Ҳамчунин, дар ҳамин рӯз, ронандаи автомашинаи тамғаи "Долонг", сокини 30-солаи шаҳри Турсунзода, ҳангоми ҳаракат аз шаҳри Душанбе ба тарафи Кӯлоб, аз ӯҳдаи идораи воситаи нақлиёт набаромада, ба тарафи рости роҳ чаппа шудааст.Дар натиҷа, худи ронанда ҷароҳати вазнини ҷисмонӣ бардошта, дар беморхона ба ҳалокат расидааст.

Манбаъ мегӯяд, рӯзи 8 август, ронандаи автомашинаи тамғаи "Мерседес-Бенс", марди 23-солаи сокини шаҳри Душанбе, ҳангоми ҳаракат аз тарафи кӯчаи Деҳотӣ ба самти кучаи Абайи пойтахт, дар ҳудуди кӯчаи Борбад аз ӯҳдаи идораи воситаи нақлиёт набаромада, пиёдагард, марди 42-солаи сокини ноҳияи Рӯдакиро пахш намудааст. Бар асари ҷароҳатҳои сангин пиёдагард дар касалхона ҷон бохтааст.

Оиди ин далелҳо парвандаи ҷиноӣ боз гардида тафтишот идома дорад.   

57
Барчаспҳо:
нақлиёт ба дарёи Панҷ сарозер шуд, дар сонеҳа 9 нафар дар Дарвоз ҳалок шуданд, садама, ВКД ҶТ, Сурхова Раҳима, Маҳмадулло Ҷумъаев, Воҳидова Оиниссо, Мансури Адабҷон, Ширг, Дарвоз, Турсунзода, Кӯлоб, Душанбе, Тоҷикистон
Милиционеры в Душанбе, архивное фото

Ҷасади занро аз яхдон ёфтанд: рашки шавҳар дар Душанбе-видео

3567
(Таҷдидшуда 18:56 14.08.2020)
Вазорати умури дохилии Тоҷикистон бо нашри як гузориш аз қатли ҳамсар аз ҷониби шавҳар дар Душанбе хабар дод. Инчунин гузориш дод, ки чӣ гуна як сокини Данғара миллионҳо доллари атбои тоҷику чиниро гирифта, соҳиби хонаю мошинҳои зиёд ва занҳои ҷавон шудааст

ДУШАНБЕ, 14 авг — Sputnik. Тибқи гузориши ВУД, муайян шудааст, ки Саъдӣ Шарипови 42-сола пайваста нисбати  занаш рашк мекардааст ва шаби 23 июл дар пайи чунин як муноқиша ӯро буғӣ карда, куштааст.

Манбаъ афзуд, Шарипов барои пинҳон кардани ҷиноят, ҷасади модари 4 фарзандашро дар яхдон ҷой кардааст. Феълан муттаҳам дар боздоштгоҳ буда, таҳқиқи парвандаи ҷиноӣ алайҳи ӯ идома дорад. Назари худи боздоштшуда дар бораи ин қазия феълан маълум нест.

Боздошти Зоҳиров: аз тоҷири чинӣ 1,6 млн доллар гирифту кони тилло ваъда дод

Вазорати умури дохилии Тоҷикистон дар идомаи гузориши телевизионии худ аз боздошти Зоҳиров Эшонқул, сокини 39-солаи деҳаи Гулбулоқи ноҳияи Данғара хабар дод, ки аз соҳибкори чинӣ 1,6 миллион доллар гирифта, ваъда додаст, ки аз Ҳукумат иҷозатномаи коркарди кони тиллоро мегирад.

Тибқи гузориши ВУД, Зоҳиров соли 2010 бо шаҳрванди Чин, Ли Хо Фу, ҷамъияти“Истихроҷи маъданҳои куҳии Тоҷикистону Хитой”- ро таъсис дода, худаш директору Ли Хо Фу муовин шудааст. Манбаъ афзуд, ки Зоҳиров аз Ли Хо Фу 1,6 миллион доллар гирифта, ваъда додааст, ки ба иваз аз Ҳукумат иҷозатномаи коркарди кони тиллоро мегирад, аммо иҷро накардааст.

ВУД таъкид намуд, ки Зоҳиров инчунин аз шаҳрвандони Тоҷикистон бо ваъдаҳои гуногун беш аз 100 ҳазор доллар гирифта, барнагардондааст.

Намоиши хонаҳою мошинҳои гаронарзиш ва занҳои ҷавони Зоҳиров-видео

Мақомоти умури дохилӣ инчунин хонаю бӯстонсароҳо, занҳои то 20-cола ва мошинҳои гаронарзиши Зоҳировро намоиш доданд.

Дар гузориш таъкид шуд, қазияҳои қаллобии Зоҳиров баъди он ошкор шуд, ки ӯ моҳи майи соли равон бо мақсади тарсондани шаҳрвандони хориҷӣ дар ноҳияи Лахш сӯи шаҳрванди Чин, Ву Лиго ва шаҳрванди Қирғизистон Багӣ Эдир ду маротиба аз силоҳи шикорияш тир холӣ кардааст.

ВУД илова намуд, ки дар натиҷа ҳолатҳои қаллобии Зоҳиров ошкор гардида, алайҳи ӯ парвандаи ҷиноӣ оғоз гардид. Манбаъ таъкид кардааст, ки боздоштшуда инчунин аз 2014 то 2020 чор занро ба тариқи мусалмонӣ ба никоҳи худ дароварда, аз зиндагии якҷояшон 10 фарзанд дорад.

Феълан назари худи Зоҳиров дар бораи иттиҳоми эълоншуда алайҳи ӯ ва гузориши нашркардаи мақомот маълум нест.

3567
Барчаспҳо:
ҷазо, боздошт, Тоҷикистон
Новая эстакада в Душанбе

Бе ҳуҷҷати ронандагӣ ва бо суръати баланд: садама дар эстакадаи Душанбе - видео

1187
Ронандаи 30 - сола, ки воситаи нақлиёташро бо суръати баланд меронд, нахуст ба монеасанги канори роҳ ва сипас ба поясутуни симчӯб бархӯрда автомашинаашро чаппа кард

ДУШАНБЕ, 14 авг — Sputnik. Раёсати Вазорати умури дохили дар шаҳри Душанбе, навор аз як садамаи нақлиётӣ дар эстакадаи пойтахтро шарҳ дод. Навори мазкур чанде пеш ба шабакаҳои иҷтимоӣ роҳ ёфт ва мавриди баҳси корбарон қарор гирифт.

Зимнан, кормандони пулис ронандаи автомашинаеро, ки пас аз бархӯрдан ба монеасанги канори роҳ ва поясутуни симчӯб чаппа шуда буд, дастгир намуданд.

Дастгиршуда Оев Қосими 30 - сола, сокини шаҳри Душанбе буда, санаи 13-уми август, тақрибан соатҳои 15:00 дақиқа ҳангоми ҳаракат аз кӯчаи Н.Махсум ба тарафи кӯчаи Б.Ғафуров дар рӯ ба рӯи истгоҳи воситаҳои нақлиёти мусофирбар, аз уҳдаи идораи воситаи нақлиёт набаромада, ба монеасанги (бардюр) канори роҳ ва сипас ба бетони поясутуни симчӯб бархӯрда, автомашинаи худро чаппагардон кард.

Садама дар шоҳроҳи Душанбе-Хуҷанд: ВУД аз қурбонии ҳодиса гуфт

Манбаъ меафзояд, дар садамаи мазкур касе осеби ҷиддӣ надид.

Зимни пурсиш маълум гардид, ки  ронанда бидуни ҳуҷҷати ронандагӣ худравашро бо суръати ниҳоят баланд идора мекард, ки дар натиҷа ба садама дучор шуд.

РВУД дар шаҳри Душанбе мегӯяд, вобаста ба ҳолати мазкур маводҳои лозима тартиб дода шуда, таҳқиқ дар ин самт ҷараён дорад.

1187
Здание парламента Республики Таджикистан

Баррасии ҳамкориҳои парлумонӣ: мулоқоти раиси Маҷлиси намояндагон бо сафири Ҳинд

0
(Таҷдидшуда 01:31 15.08.2020)
Раиси Маҷлиси намояндагони Тоҷикистон бо сафири Ҳинд дар Душанбе дидору мулоқот кард

ДУШАНБЕ, 15 авг — Sputnik.  Ба нақл дафтари матбуоти парлумони Тоҷикистон, Муҳаммадтоҳир Зокирзода, бо Вироҷ Синг сафири Ҳиндустон дар Душнбе дидор ва гуфтугӯ кард.

Муҳаммадато Султонов сухангӯи Маҷлиси намояндагони Тоҷикистон гуфт, дар мулоқот ду тараф дурнмои ҳамкориҳои байни парлумонии Тоҷикистон ва Ҳиндустон баҳс ва баррасӣ шуд. 

Вай афзуд, дар ин мулоқот таъкид шуд, ки Маҷлиси  намояндагони Маҷлиси Олии Тоҷикистон ба тавсеа ва густариши муносибот бо Ҳинд таваҷҷӯҳи  вижа кунад. 

Бояд қайд кард, ки мақомоти Тоҷикистон ва Ҳиндустон аз соли 1991 то кунун 70 тавофуқнома барои ҳамкорӣ дар бахшҳои мухталиф бо якдигар имзо карданд.

Ҳудуди 80 ширкати ҳиндӣ дар Тоҷикстон фаъолият мекунанд.

0
Барчаспҳо:
Душанбе, маҷлис, парлумон, ҳамкорӣ, Ҳинд, Тоҷикистон