Бинои Фурудгоҳи байналмилалии Душанбе. Акс аз бойгонӣ

Милиса дар фурудгоҳи Душанбе ҳамкорашро парронд

39
(Таҷдидшуда 15:56 20.08.2015)
Дар Вазорати корҳои дохилии Тоҷикистон тасдиқ кардаанд, ки воқеан чунин ҳодиса рух дод. Аммо аз шарҳи қазия худдорӣ кардаанд.

ДУШАНБЕ, 20 авг — Sputnik. Дар фурудгоҳи байналмилалии шаҳри Душанбе як афсари милиса аз тири силоҳи ҳамкораш ба ҳалокат расидааст, иттилоъ медиҳад ОИ Tojnews бо истинод ба як манбаъ аз ВКД.

"Воқеъа шаби 19-ум ба 20-уми август дар шӯъбаи корҳои дохилӣ дар назди фурудгоҳ сурат гирифтааст. Ду афсари милиса, ки хатмкардаҳои Академияи ВКД буданд, миёни ҳам бо силоҳ бозӣ кардаанд. Яке аз милисаҳо аз тири силоҳ захмӣ шуда, ба ҳалокат расидааст",-илова кардааст манбаъ.

Дар Вазорати корҳои дохилии Тоҷикистон тасдиқ кардаанд, ки воқеан чунин ҳодиса рух дод. Аммо аз шарҳи қазия худдорӣ кардаанд.

39
Барчаспҳо:
аз тири ҳамкор кушта шудани милиса, ҳалокати як милиса дар фурудгоҳ, тирпарронӣ, ВКД, Душанбе, Тоҷикистон
ДТП, архивное фото

Нохушӣ дар оилаи Комиловҳо: ҳалокати се узви як оила ва мусофир зимни садамаи нақлиётӣ

429
(Таҷдидшуда 12:06 04.08.2020)
Вазорати умури дохилии Тоҷикистон аз рухдоди як садамаи мудҳиши нақлиётӣ хабар медиҳад, ки дар натиҷаи он чор нафар ҳалок шудаву ду тани дигар захмӣ гаштаанд

ДУШАНБЕ, 4 авг — Sputnik.  Бино ба иттилои дафтари матбуотии вазорат, ҳодисаи нохуш рӯзи гузашта тахминан соати 06:30-дақиқа дар шоҳроҳи Ваҳдат-Рашт-Лахш сар задааст.

Ба иттилои манбаъ, ронандаи автомашинаи тамғаи “Опел-Астра”, Комилов Хуҷавалӣ Нуралиевич, соли таваллудаш 1990, сокини ноҳияи Сангвор, ҳангоми ҳаракат кардан аз самти ноҳияи Сангвор ба самти шаҳри Душанбе дар 78 километрии роҳи мошингарди Ваҳдат-Рашт-Лахш аз уҳдаи идораи воситаи нақлиёт набаромада, ба канори чапи роҳ воситаи нақлиётро ба чуқурии 70-метр чаппа намудааст.

“Дар натиҷа, ронанда Комилов Хуҷавалӣ Нуралиевич ва мусофирони автомашинаи мазкур Комилов Нуралӣ, соли таваллудаш 1955, Комилов Сайвалӣ Нуралиевич, соли таваллудаш 1996, Хоҷаев Наврӯз Маҳмадраҳимович, соли таваллудаш 2003, сокинони ноҳияи Сангвор дар ҷойи ҳодиса ба ҳалокат расидаанд”.

Гуфта мешавад, мусофирони дигари ҳамин автомашина, Хоҷаев Раҷабалӣ Маҳмадраҳимович, соли таваллудаш 2001 ва хурдсол Хоҷаев Муҳаммадҷон, соли таваллудаш 2013, сокинони ҳамон ҷо ҷароҳатҳои гуногуни ҷисмонӣ бардоша, дар беморхона бистарӣ гардидаанд.
ВУД мегӯяд, аз рӯи ҳодисаи мазкур таҳқиқот идома дорад.

Ин дуввумин садамаи мудҳиш аст, ки тайи се рӯзи ахир сар мезанад.

Садамаи маргбор дар шоҳроҳи Душанбе-Хуҷанд: писараки 7-сола ҳалок шуд

Вазорати умури дохилаи Тоҷикистон рӯзи гузориш дод, ки дар шоҳроҳи Душанбе-Чаноқ як худрави ҳомили шаш нафар, ки ҳамагӣ узви як хонавода буданд, ба ҷарии ҳудудан 200-метра сарозер шуд.

Дар натиҷа ронандаи автомобил, падари хонавода ва тифли тақрибан яксолааш дар ҷои ҳодиса ба ҳалокат расидаанд.

 

 

429
Грузовики перевозят грузовые контейнеры, архивное фото

“Роҳи осон ба Аврупо”: Тоҷикистон мехоҳад ба REX пайвандад

353
(Таҷдидшуда 09:41 04.08.2020)
 Ҳукумати Тоҷикистон барои ворид шудан ба Низоми содиркунандаи сабтшуда (Registered Exporter System) бо Иттиҳоди Аврупо вориди музокирот шудааст

ДУШАНБЕ, 4 авг — Sputnik. Шавкат Бобозода, директори Агентии содироти назди ҳукумати Тоҷикистон, зимни нишасти матбуотии ин ниҳод гуфт, ҳукумат лоиҳаи қарорашро барои муайян намудани мақоми ваколатдори давлатӣ барои вуруд ба ин низомро таҳия ва барои мувофиқа ба вазорату идораҳои зирабт пешниҳод намудааст.

Вай афзуд, тибқи низоми REX ба тамоми молу маҳсулоте, ки вориди Аврупо мешавад, то 10% тахфиф дода мешавад ва ширкатҳо ба гирифтани ҳар гуна сертификат зарурат надоранд.

“Дар ин низом як бор сабти ном мекунанд. Мо ҳамчун оператори давлатӣ онҳоро сабти ном мекунем. Онҳо аз ҳама гуна боҷу хироҷе, ки ҳаст, озод мешаванд. Бо ҳамон рақаме, ки аз компютер мегиранд, қаблан тамоми иттилоъ ва мушаххасоти техникиро дар бораи молу маҳсулоташон мефиристанд. Пас аз мувофиқа бидуни ягон мушкил моли худро ба Аврупо интиқол медиҳанд. Ҳоло расмиёт маблағҳои калонро талаб мекунад. Талоши мо бар ин аст, ки онҳо барои ширкатҳое, ки содирот мекунанд, ройгон тамом шаванд. Як нуктаро зикр кунам, ки тамоми хизматрасониҳои Агентии содирот маҷҷонӣ ё ройгон аст. Инро ҳатман дар матбуот зикр кунед”, - гуфт Шавкат Бобозода.

Аврупо барои маҳсулоти Тоҷикистон як бозори бегона нест. Тибқи иттилои Агентии омор, тайи нимсолаи соли равон 46,4% - и содироти Тоҷикистон, умдатан алюминиум ба Шветсария рост меояд. Ин кишвар шарики асосии содироти Тоҷикистон ба шумор меравад.

Бино ба ин манбаъ, тайи шаш моҳи ахир афзоиши назарраси содирот бар воридот дар амалиёти тиҷорӣ бо Шветсария (300,6), Белгия (12,9), Латвия (2,7), Хорватия (2 миллион доллар) мушоҳида шудааст.

Савдои хориҷӣ дар Суғд : воридот зиёду содирот кам

Агентии содироти Тоҷикистон ду соли пеш, моҳи августи соли 2018 ба хотири рушди содироти ва рақобатпазир шудани молҳои истеҳсоли Тоҷикистон дар бозорҳои ҷаҳонӣ таъсис ёфтааст.

Бо мақсади рушди иқтидори содиротии кишвар мутобиқи қарори ҳукумати Тоҷикистон аз 27 майи соли 2020 дар назди Агентӣ КВД “Тоҷикагропромэкспорт” таъсис дода шуд.

Воридот ду баробар бештар аз содирот

Ҳадаф аз ташкили корхонаи мазкур харид, захира, нигоҳдорӣ, бастабандӣ ва содироти маҳсулоти рақобатпазир ба хориҷи кишвар арзёбӣ мешавад.

Зимнан, тибқи иттилои Агентии содироти Тоҷикистон, дар ними соли равон новобаста аз пандемияи “вируси корона” ва баста будани марзҳо содироти Тоҷикистон ба беш аз 654 миллион доллар расидааст, ки аз ҳамин давраи соли гузашта 15% зиёд мебошад.

353
Одиночная фотография журналиста из Приморья Юрия Смитюка «Остров Врангеля»

Озмуни ёдбуди аксбардор Андрей Стенин ғолиби овоздиҳии онлайниро эълон кард

0
(Таҷдидшуда 14:53 04.08.2020)
Корбарони интернет ғолиби Озмуни байналмилалии фотожурналистии ёдбуди Андрей Стенинаро интихоб карданд

ДУШАНБЕ, 4 авг — Sputnik.  Беҳтарин кори Озмуни байнулмилалии ёдбуди Андрей Стенин, ба андешаи корбарони интернет, акси ягонаи рӯзноманигор аз Юрий Ситюк таҳти унвони"Ҷазираи Врангел" шинохта шуд.

Павел Кулемеев, корманди илмӣ ва нозири мамнуъгоҳи "Ҷазираи Врангел" бо истиқбол ва таассуроти зиёд акси рӯзноманигорро табиӣ ва воқеӣ хонадаас.

Ҷазираи Врангелел шимолтарин ҷазираи муҳофизатшаванда дар Арктикаи Русия аст. Уқёнуси Арктика ҷазираро аз ҷониби меридиан 180 дараҷа тақсим кардааст ва аз ин рӯ он дар ду ҷониб ҳам ғарб ва ҳам шарқи сайёраи мо ҷойгир аст.

Сафарҳо ба мамнуъгоҳҳои табиии “Ҷазираи Врангел” маҳдуданд, аммо дар тобистон ва тирамоҳ тақрибан даҳҳо хатсайрҳои сайёҳӣ мавҷуданд.

Моҳи сентябр Озмуни байналмилалии фотожурналистии ёдбуди Андрей Стениндар ғолибонашро дар сомонаи stenincontest.ru | эълон хоҳад кард, ҳамзамон дар Маскав намоишгоҳи аксҳои барандагони он кушода мешавад.

Озмун инчунин ният дорад, ки намоиши анъанавии аксҳои ғолибонро дар шаҳрҳои ҷаҳон то охири сол ба роҳ монад.

Озмуни байналмилалии фотожурналистии ёдбуди Андрей Стенин ҳамасола барои аксбардорони ҷавони аз 18 то 33 сола доир мешавад. Имсол, озмун беш аз 5000 асарро аз 75 кишвари ҷаҳон ҷамъ овардааст.

Аз оғози роҳандозии озмун соли 2014 то кунун аксҳои ғолибони он дар Москва, Кейп Таун, Будапешт, Мадрид, Деҳлӣ, Милан, Ню Йорк, Анқара, Буэнос-Айрес ва дигар шаҳрҳои ҷаҳон ба намоиш гузошта шуданд.

Қабули дархостҳо барои ширкат ҳамасола 22 декабр дар зодрӯзи аксбардор МИА "Россия сегодня" Андрей Стенин, ки дар вақти адои хизмат вафот кард, қабул карда мешаванд.

Шарикони байналмилалии ВАО-и озмун: агентии хабарӣ ва радиои Sputnik, агентии иттилоотии Askanews, медиахолдинги Independent Media, агентии хабарии Notimex, агентии иттилоотии ANA, шабакаи телевизион ва сомонаи RT, Shanghai United Media Group (SUMG), сомонаи рӯзномаи интернетии China Daily, сомонаи интернетии The Paper, шабакаи расонаҳои Al Mayadeen, агентии хабарии Prensa Latina, агентии хабарии News1, сомонаи хабарии DBW, пойгоҳи хабарии Brasil247.

Ҳамчун шарикони соҳа озмунро дастгирӣ мекунанд: Маҷаллаи National Geographic Россия, портали Russian Photo, портали Photo-study.ru, мактабӣ аккосии “Академияи аксбардорӣ”, портали иттилоотӣ YOung JOurnalists, маҷаллаи Fotoargenta, клуби фотожурналистикаи Ню-Дели, маҷаллаи Enfoque Visual, маҷалла LF Magazine, сайти шарики байналмилали шарик - фестивали PhotON.


0
Барчаспҳо:
ёдбуд, ғолиб, намоиш, Аккос, Озмун, Русия