Акбари Сатторро дар зодгоҳаш- деҳаи Мортеппаи Ҳисор ба хок супурданд

Акбари Сатторро дар зодгоҳаш- деҳаи Мортеппаи Ҳисор ба хок супурданд

35
(Таҷдидшуда 15:07 04.12.2015)
Дар шабакаҳои иҷтимоӣ, саҳфаҳои ВАО-и электрониву чопӣ, маҳофили журналистӣ хабари марги Акбари Саттор (Акбаралӣ Сатторов) тайи се рӯзи ахир дар сархат қарор дорад. Сиёсатмадорон, мансабдорони баландпоя, ашхоси оддӣ ва дӯстону ҳамкорон ба наздикони марҳум изҳори тасаллият карда, ба эшон сабри ҷамил мехоҳанд.

ДУШАНБЕ, 31 авг — Sputnik. Рӯзи шанбеи гузашта Акбари Саттор (Акбаралӣ Сатторов), раиси Иттифоқи журналистони Тоҷикистон ва раҳбари гурӯҳи расонаҳои "Чархи гардун" дар зодгоҳаш деҳаи Мортеппаи ноҳияи Ҳисор ба хок супурда шуд.

Дар маросими видоъ бо ӯ раиси ноҳияи Ҳисор Усмон Сабзов, раиси Иттиҳоди адибони Тоҷикистон Низом Қосим, сарвари кулли ҶСШК "Агроинвестбонк" ва собиқ муовини нахуствазири Тоҷикистон Муродалӣ Алимардон, шахсони дигари расмӣ, инчунин теъдоди зиёди хабарнигорон аз минтақаҳои кишвар иштирок доштанд.

Дар шабакаҳои иҷтимоӣ, саҳфаҳои ВАО-и электрониву чопӣ, маҳофили журналистӣ хабари марги Акбари Саттор (Акбаралӣ Сатторов) тайи се рӯзи ахир дар сархат қарор дорад. Сиёсатмадорон, мансабдорони баландпоя, ашхоси оддӣ ва дӯстону ҳамкорон ба наздикони марҳум изҳори тасаллият карда, ба эшон сабри ҷамил мехоҳанд.

Бино ба қавли бародари марҳум- Бахтиёр Сатторов қалби ӯ соати 16:00-и баъд аз зӯҳри рӯзи 28 август дар бӯстонсарои шахсиаш воқеъ дар маҳаллаи Чоряккорони ноҳияи Рӯдакӣ аз задан бозмондааст.

"Вақтҳои ахир вазъи саломатии Акбари Саттор хуб набуд. Ӯ аз бемории ҷигар ва қалб шикоят дошт".

© Sputnik
Бо Акбари Саттор дар Ҳисор видоъ гуфтанд

Акбари Саттор 10 феврали соли 1965 дар деҳаи Мортеппаи ноҳияи Ҳисор ба дунё омада, фориғуттаҳсили факултаи журналистикаи Донишгоҳи давлатии Ленинград ба номи Жданов (ҳоло Донишгоҳи давлатии Санкт-Петербург) мебошад.

Фаъолияти кориашро дар соли 1990 аз нашрияи "Ҷумҳурият" оғоз кардааст, баъд аз он ба рӯзномаи "Тоҷикистони советӣ" даъват шуда, сипас то соли 1994 дар нахустин нашрияи парлумонӣ- "Садои мардум" ба ҳайси хабарнигор, мудири шӯъбаи сиёсат ва ҳуқуқ кор кардааст.

Аввалин нашрияи худро дар соли 1994 бо номи "Дайджес пресс" рӯйи чоп оварда, ба дунболи он дар соли 1994 "Чархи гардун"-ро таъсис дод. Иттиҳодияи эҷодии "Чархи гардун"-и Акбари Саттор бар иловаи ин ду нашрия ҳамчунин "Вечерний Душанбе", "Аладдин" ва "Марду зан"-ро фаро мегирифт.​ Аз соли 2007 то дами маргаш вазифаи раисии Иттифоқи Журналистони Тоҷикистонро ба ӯҳда дошт.

Акбари Саттор соҳиби ҳамсар ва чаҳор фарзанд буд.

35
Барчаспҳо:
ба хок супурда шудани ҷанозаи Акбари Саттор, бемории ҷигар, даргузашти Акбари Саттор, сактаи қалб, рӯзномаи "Ҷумҳурият", Донишгоҳи давлатии Ленинград, ҶДММ "Чархи гардун", нашрияи "Садои мардум", ИЖТ, Бахтиёр Сафаров, Усмон Сабзов, Акбаралӣ Сатторов, Акбари Саттор, Муродалӣ Алимардон, Мортеппа, Чоряккорон, Ленинград, Ҳисор, Санкт-Петербург, Душанбе, Тоҷикистон
Детская игрушка возле дороги

Садамаи мудҳиши маргбор дар Шаҳритус: ронанда модару кӯдаконашро пахш карду гурехт

103
(Таҷдидшуда 13:30 08.08.2020)
Вазорати умури дохилии Тоҷикистон аз боздошти як сокини 32 солаи ноҳияи Шаҳритус хабар медиҳад, ки чор узви як хонаводаро пахш кардааст

ДУШАНБЕ, 8 авг — Sputnik. Бино ба иттилои манбаъ, садамаи маргбор санаи 6-уми августи соли ҷорӣ, тахминан соатҳои 19:50 дақиқа рух додааст.

Манбаъ мегӯяд, ронандаи автомашинаи тамғаи “Опел-Астра”, Менглиев Ҷӯрабек Ҳусанович, соли таваллудаш 1988, сокини ноҳияи Шаҳритус ҳангоми ҳаракат аз самти деҳаи Чоршанбе ба самти маркази ноҳияи Шаҳритус дар ҳудуди деҳаи Чинор бо суръати баланд ҳаракат намуда, аз ӯҳдаи идораи воситаи нақлиёт набаромада, саравал як сар чорвои калони шохдорро пахш намуда, баъдан ба қисми канори рости роҳ баромада пиёдагардонро пахш кардааст.

Гуфта мешавад, пиёдагардон Рузиева Умеда Тургуновнаи 18 сола, Алимардонова Тоҷихол Маматалиевнаи 23 сола ва фарзандони хурдсолаш Рузиева Мафтуна Бурибоевнаи 2 сола ва  Рузиев Неъматулло Бурибоевичи хануз яксола нашуда пас аз пахши мошин ҳалок шудаанд.

Ба иттилои манбаъ, ҳалокшудагон истиқоматкунандагони, ҷамоати деҳоти Х.Холматов буда, ронанда пас аз пахи онҳо аз ҷойи ҳодиса гурехтааст.

Садамаи мудҳиш дар роҳи "Душанбе-Хуҷанд": мард бо чор фарзанд ва занаш ба ҷарӣ чаппа шуд

“Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ронанда Менглиев Ҷ.Ҳ. дастгир карда шуд” ,-афзудааст манбаъ.
ВУД мегӯяд, аз рӯи ин ҳодиса таҳқиқот идома дорад.

103

Ҳабсу парванда алайҳи табибони Хуҷанд: прокурор гуфт, ба қасами хӯрдаатон хиёнат накунед

323
(Таҷдидшуда 12:57 08.08.2020)
Прокурори шаҳри Хуҷанд дар ҷаласа аз табибони шаҳри Хуҷанд таъкид намудааст, ки дигар ба ҷиноятҳои коррупсионӣ даст назананд ва рисолати касбии худро бо дасту дили пок ба иҷро расонанд

ДУШАНБЕ, 8 авг – Sputnik. Авазҷон Назарзода, прокурори Хуҷанд дар мулоқот бо ҳайати кормандони Бемористони клиникавии № 1 и шаҳр дар бораи содиршавии ҷиноятҳои коррупсионӣ аз сӯи шуморе аз табибон гуфтааст.

“Бо вуҷуди бурдани корҳои тарғиботӣ ва пешгирии қонуншиканӣ дар истеҳсолоти прокуратураи шаҳри Хуҷанд якчанд парвандаи ҷиноятӣ нисбати кормандони соҳаи тандурустии шаҳри Хуҷанд қарор дошта, алакай ду нафари гумонбар дар содир намудани ҷиноятҳои хусусияти коррупсионидошта ба ҳабс гирифта шудаанд”, гуфт Назарзода.

Прокурори Хуҷанд, дар суҳбат бо табибон афзудааст, ки бо вуҷуди дастгириҳои давлатӣ ва афзун намудани маоши кормандони соҳа, мутаассифона духтуроне ҳастанд, ки бо кирдорҳои ношоистаи худ доғ ба номи пуршарафи табибон меоранд ва эътимоди мардумро ба онон коста мегардонанд.

Назарзода аз кулли кормандони Беморхонаи клиникавии № 1 и Хуҷанд қатъӣ талаб намудаст, ки ба амалҳои коррупсионӣ даст назаданд ва шарафи худро поён набаранд.

“Табибон набояд бо ҳаргуна амалҳои номатлуб даст зада, шаъну эътиборашонро дар байни ҷомеа паст намоянд ва хилъати сафеди худро доғдор созанд. Бояд ҳар як нафар корманди ин даргоҳ бо дасту дили пок вазифаи худро иҷро намуда ба қасами ёдкардаи касби худ хиёнат накунад”, гуфтааст прокурор.

Таъкиди прокрор ба табибони Хуҷанд дар ҳолест, ки чанде қабл масъулони Раёсати Агентии назорати давлатии молиявӣ ва мубориза бо коррупсия дар вилояти Суғд аз парвандаи ба порадиҳӣ даст доштани Бобоҷониён Раҳмон, сардори муассисаи давлатии Кумаки аввалияи тиббию-санитарии шаҳри Истаравшан хабар дод.

"Санаи 18 - уми июни соли 2020, вақте кормандони оперативии мо барои санҷиш мераванд, роҳбари муассисаи давлатии Кумаки аввалияи санитарю тиббӣ” и шаҳри Истаравшан Бобоҷониён Раҳмон ба кормандони мо пора пешниҳод мекунад. Дар вақти додани пора 1900 доллари амрикоӣ ва 1000 сомонӣ пора Бобоҷнониён дастгир карда шуда, нисбаташ бо моддаи 320 қисми 1 парвандаи ҷиноятӣ оғоз карда шуда, айни ҳол тафтиши пешакӣ идома дорад”, - иттилоъ дод, Шараф Аваззода, сардори Ожонси мубориза бо фасод дар Суғд.

323
Барчаспҳо:
вохӯрӣ, масъулият, ҳабс, парванда, хиёнат, қасам, муроҷиат ба табибон, прокурор, Тоҷикистон

Таркиши мудҳиш дар Бейрут монеи маросимҳои издивоҷ гардид - навор

0
Таркиши мудҳише, ки дар Бейрут ба вуқӯъ пайваст нақшаи чандин ҷавононро барбод дод. Ҷуфтҳои хушбахт, ба хотири издивоҷ ба калисо омаданд, аммо таркиши шадид онҳоро ба висоли ҳам нарасонд

Пас аз таркиши мудҳиш дар Бейрут дар шабакаҳои иҷтимоӣ наворҳои гуногун аз лаҳзаи таркиш мунташир мешуданд.

Ду наворе, ки аз лаҳзаи омодагӣ ба маросими издивоҷ дар замони таркиш ба шабакаҳо роҳ ёфт, сербинандатаринҳо гардиданд.

Андӯҳи Эмомалӣ Раҳмон аз таркиш дар Бейрут

Дар навор маълум аст, ки меҳмонон барои қисмат кардани хурсандии ду ҷавон ба калисо омаданд ва баробари аз дар даромадани арӯс таркиши мудҳиш сар мезанад. Тирезаҳои  калиса аз шиддати таркиш пора гардиданд ва арӯсу меҳмонон зуд толорро тарк намуданд.

Ҳамчунин як навори дигар аз аксбардории арӯс дар берун аз калиса мунташир шудааст, ки нозу каришмаи духтарро таркиши мудҳиш ба ваҳму ҳарос мубадал намуд.

Таркиш дар бандари Бейрут шоми 4 август рух дод. Мақомоти маҳаллӣ сабаби ин ҳодисаро таркиши 2,7 ҳазор тонна нитрати аммиак, ки дар анбори бандар нигоҳдорӣ мешуд, арзёбӣ намуданд.

Ин маводро соли 2015 хадамоти гумрук мусодира намуда, онро  дар бандари мазкур нигоҳдорӣ мекардааст. Дар Бейрут барои ду ҳафта  вазъияти фавқулода эълон шудааст.

0
Барчаспҳо:
навор, таркиш, Бейрут