Рустое дар водии Ромит

Ҳукумати Восеъ: фармондеҳи “Алфа” дар Тугарак ба хок супурда мешавад

62
(Таҷдидшуда 17:35 16.09.2015)
Ба қавли мудири шӯъбаи фарҳанги ҳукумати ноҳияи Восеъ, ҳоло фаъолон ва раҳбарияти ин ноҳия мунтазири расидани ҷасади сарҳанги кушташудаи гуруҳи “Алфа” мебошанд, ки дар роҳ ба сӯи зодгоҳ қарор дорад. Ӯ мегӯяд, ҷанозаи Рустам Амакиев дар зодгоҳаш – ҷамоати Тугарак ба хок супорида мешавад.

ДУШАНБЕ, 16 сен — Sputnik. Ҷанозаи фармондеҳи гуруҳи "Алфа"-и Кумитаи давлатии амнияти миллии Тоҷикистон, Рустам Амакиев дар ноҳияи Восеъ ба хок супорида мешавад, гуфт раҳбари шӯъбаи фарҳанги ҳукумати ин ноҳия Хисрав Алиев дар суҳбат бо Sputnik.

"Аз соати 5 субҳ тамоми фаъолон ва раҳбарияти ноҳия мунтазиранд, ки кай ҷасади марҳум ба зодгоҳаш мерасаду онро ба хок супоранд. Албатта, ҳоло маълум нест, он кай ба ин ҷо мерасад. Ҷанозаи ӯ дар ҷамоати Тугарак баргузор хоҳад шуд",- иброз дошт Алиев.

Ӯ қайд кард, ки ҳанӯз ҷузъиёти қатли сарҳанг барои онҳо маълум нест.

Қаблан расонаҳо иттилоъ дода буданд, ки ҳамроҳ бо Амакиев ду узви дигари гуруҳи "Алфа" низ ҳангоми задухӯрд бо дастаи Абдуҳалим Назарзода кушта шудаанд.

Полковник Рустам Амакиев зодаи ноҳияи Восеъ буда, дар соли 1974 ба дунё омадааст. Вақтҳои ахир бошад, дар шаҳри Душанбе зиндагӣ мекард. Соли 1997 омӯзишгоҳи ҳарбӣ-десантии шаҳри Рязани Русияро хатм карда, аснои ифои вазифа аз ҷониби давлат бо медали "Шуҷоат" мукофотонида шудааст. Ӯ оиладор, соҳиби як фарзанд мебошад.

Дар ҳамин ҳол, як манбаъи мӯътамад аз мақомоти ҳифзи ҳуқуқи кишвар дар суҳбат бо Sputnik гуфт, ҳоло дар дараи Ромит музокирот бо худи Назарзода идома дорад. Аммо ҳамсуҳбати мо нагуфт, бо собиқ муовини вазири дифои кишвар кӣ вориди музокира шудааст.

Инчунин, тибқи иттилои манбаъи мо, дар пайи задухӯрди неруҳои кишвар бо дастаи генерал Назарзода, Ҷунайдулло Умаров, полковники пешини Вазорати дифоъ ва яке аз ҷонибдорони генерали фирорӣ кушта шудааст. Вале сарчашмаи хабар аз ироаи ҷузъиёти бештар ҳалокати ӯ худдорӣ намуд.

Бояд гуфт, имрӯз хабари нобуд сохтани гуруҳи Абдуҳалим Назарзода бо шумули худи генерал ҳам дар шабакаҳои иҷтимоӣ ва расонаҳои хабарӣ нашр шуд, ки аз сӯи мақомот то ҳол ин иттилоъ тасдиқ ё такзиб нашудааст.

Ёдрас менамоем, амалиёти нируҳои қудратии Тоҷикистон зидди афроди мусаллаҳ дар дараи Ромит рӯзи 4 сентябр оғоз гардида буд. Субҳи он рӯз гурӯҳҳои мусаллаҳ ба ШКД шаҳри Ваҳдат ва посгоҳи милиса дар шаҳри Душанбе ҳамла карда, 9 корманди мақомоти қудратиро куштанд. Вазорати умури дохилии кишвар пас аз чанд соати ин ҳамалот бо нашри изҳороте ин ҳамаро кори дастаи террористие хонд, ки гӯиё аз сӯи Абдуҳалим Назарзода, муовини пешини вазири дифои Тоҷикистон ташкил гардидааст.

Матолиби бештари марбут ба қазияро аз ин ҷо дарёфт карда метавонед>>

 

62
Барчаспҳо:
амалиёти низоми алайҳи генерали фирорӣ, ҳалокати сарҳанги КДАМ, ҷанг дар Ромит, амалиёти мақомот дар дараи Ромит, фармондеҳи Алфаи КДАМ, шӯъбаи фарҳанги Восеъ, ҳукумати ноҳияи Восеъ, ОМОН, Хисрав Алиев, Рустам Амакиев, Ҷунайдулло Умаров, Ҳоҷӣ Ҳалим, Ромит, Душанбе, Ваҳдат
Мавзуҳо:
Балвои генерал: аз Душанбе то Ромит (22)
Машина пожарной службы

Мақомот сабаби сӯхтори хонаи раиси бозор дар Душанберо гуфтанд-видео

251
Мақомот сабаби сӯхтори хонаи раиси бозори “Зарафшон”-и маҳаллаи Зарафшони шаҳри Душанбе Меҳрӣ Бӯриеваро, ки шоми 17 январ рух дод, расиши ноқилҳои барқӣ гуфтаанд

ДУШАНБЕ, 18 янв — Sputnik. Сӯхтор дар хонаи Меҳрӣ Бӯриева тахминан соати 19:30, замоне рух додааст, ки аъзои оила дар хона ҳузур доштанд, хабар додааст сомонаи “Фараж”.

Манбаъ аз қавли корманди  хадамоти сӯхторхомӯшкунӣ дар ноҳияи Рӯдакӣ, Нурмаҳмад Хӯшаев афзудааст, ки оташсӯзӣ масоҳати 50 метри мураббаъро дарбар гирифтааст.

Таъкид шудааст, ки сабаби сӯхтор расиши кӯтоҳи ноқилҳои барқӣ дар боми манзили истиқоматии соҳибкор Меҳрӣ Бӯриева будааст.

Оташнишонҳо саривақт ба ҷои ҳодиса расиданд ва аз зарари бештар ҷилавгирӣ карда шуд. Хушбахтона, ягон нафар аз аъзои оила дар сӯхтор зарари ҷисмонӣ набардоштанд, таъкид намудааст подполковник Нурмаҳмад Хӯшаев.

Дар баробари ин сомонаи Фараж хабар додааст, ки дар макони ҳодиса, яке аз ҳамсояҳои хонум Бӯриева гуфт, зарардида барои гарм кардани хонааш аз ангиштсанг истифода мекардааст ва пас аз гармии зиёди дудбаро боми хона, ки аз масолеҳи бомпӯши навъи “Ондулин” иборат аст, оташ гирифтааст.

251
Сотрудники милиции

Пулис ду сокини Хатлонро дар Душанбе барои ташкили "алик-малик" боздошту ҳабс кард

254
(Таҷдидшуда 14:05 18.01.2021)
Ин ду ҷавони боздоштшуда қаблан низ аз ҷониби кормандони милитсия барои кирдорҳои ғайриқонунӣ боздошт ва ҷазо дода шуданд

ДУШАНБЕ, 18 янв — Sputnik. Ҳафтаи гузашта кормандони милитсия дар шаҳри Душанбе назди бозорҳо ва ҳамчунин дар кӯчаҳо рейдҳо роҳандозӣ намуданд, хабар медиҳад Раёсати умури дохила дар пойтахт.

Ба иттилои манбаъ, кормандони пулис асосан қиморбозонро дастгир мекарданд.

Рейд: боздошти гургҳои қиморбози "алик-малик" дар Душанбе

Ҳамин тариқ, РВУД дар шаҳри Душанбе аз боздошти ду ҷавони 26 ва 27 - сола хабар медиҳад, ки яке сокини шаҳри Кӯлоб ва дигаре сокини ноҳияи Фархор мебошанд.

"Ҳомидов Хуршед ва Юнусов Самандар, ки дар кӯчаи Муҳаммадҷон Қосимови ноҳияи Фирдавсӣ ба бозии "алик-малик" машғул буданд, дастгир шуданд", - таъкид мешавад дар хабар.

Манбаъ меафзояд, ки ҳар ду боздоштшуда қаблан низ аз ҷониби кормандони милитсия барои кирдорҳои ғайриқонунӣ боздошт шуда буданд.

Ҳамин тариқ, бо ҳукми суд нисбати ҳар кадоме ҷазо дар намуди ҳабси маъмурӣ ба муҳлати 7 шабонарӯзӣ таъин карда шуд.

254
Барчаспҳо:
ҷилавгирӣ аз фаъолияти қиморхонаҳо, боздошт, Душанбе
Рустами Шоҳмурод, вакили парлумони Тоҷикистон, акс аз бойгонӣ

Қонуни нави хизмати ҳарбӣ: маблағу тартибро Ҳукумат муайян мекунад

805
Шӯрои Маҷлиси намояндагони Тоҷикистон лоиҳаи қонуни нав “Дар бораи уҳдадории ҳарбӣ ва хизмати ҳарбӣ”-ро ҷонибдорӣ кард

ДУШАНБЕ, 18 янв — Sputnik. Рустам Шомурод, раиси кумитаи Маҷлиси намояндагон оид ба тартиботи ҳуқуқӣ, мудофиа ва амният зимни ҷаласаи Шӯро аз ҳадафҳои қонуни нав гуфт.

“Уҳдадории ҳарбиро шаҳрвандони ҷинси марди Ҷумҳурии Тоҷикистон, қатъи назар аз миллат, нажод, забон, эътиқоди динӣ, мавқеи сиёсӣ, вазъи иҷтимоӣ, таҳсилот ва молу мулк, ки аз ҷиҳати саломатӣ ва инкишофи ҷисмонӣ қобили адои хизмат мебошанд, инчунин шаҳрвандони ҷинси зани Ҷумҳурии Тоҷикистон, ки ба талаботи муқарраршуда ҷавобгӯ буда, аз рӯи ихтисосҳо барои Қувваҳои Мусаллаҳи Ҷумҳурии Тоҷикистон, қӯшунҳо ва воҳидҳои дигари ҳарбӣ ихтиёран тайёрии заруриро гирифтаанд, иҷро мекунанд”, - изҳор доштааст Шомурод.

Ба иттилои котиботи Маҷлиси намояндагон, лоиҳи қонуни мазкур бо мақсади пурра ба танзим даровардани муносибатҳои хизмати ҳарбӣ, аз ҷумла даъвати шаҳрвандон ба хизмати ҳарбӣ, таҳия ва пешниҳод гардидааст.

“Дар лоиҳаи Қонун тартиби нави хизмати ҳарбӣ дар ҳайати захираҳои даъвати сафарбарӣ пешбинӣ гардидааст. Айни ҳол шаҳрвандони дар ҳайати эҳтиётӣ қарордошта сол ба сол бинобар синну соли ниҳоии дар ҳайати эҳтиётӣ будан кам шуда истодаанд, ки ҳангоми сафарбарӣ ё ҳолати ҷангӣ пуррагардонӣ ба Қувваҳои Мусаллаҳи Ҷумҳурии Тоҷикистон бо мақсади таъмини амнияти кишвар мушкилиро ба миён меорад”, - омадааст дар иттилоия.

Таъкид шудааст, ки татбиқ намудани чунин намуди хизмати ҳарбӣ ба зиёд гардидани шаҳрвандони ҳайати эҳтиётӣ ва ҷалби бештари ҷавонон мусоидат намуда, саркашии онҳо аз иҷрои вазифаи конститутсионӣ бартараф мегардад. Тартиб ва андозаи маблағи хизмати ҳарбии мазкурро Ҳукумати Ҷумҳурии Тоҷикистон муайян мекунад, афзудааст котиботи Маҷлиси намояндагон.

“Зимнан, дар лоиҳаи Қонуни мазкур ҷиҳати басанда будани афсарони ҳайати эҳтиётӣ ва ба танзим даровардани фаъолияти кафедраҳои ҳарбии назди муассисаҳои таълимии давлатии таҳсилоти олӣ, ба хатмкунандагони кафедраҳои ҳарбӣ додани рутбаи ҳарбии афсарӣ пас аз адои 12 моҳи хизмати ҳарбии ҳатмии муҳлатнок пешбинӣ карда шудааст”, - омадааст дар иттилоия.

805
Барчаспҳо:
қонун, хизмати ҳарбӣ, Тоҷикистон