Шаҳри Бағдод. Акс аз бойгонӣ

ВАО: ҳалокати 13 нафар бар асари таркишҳо дар Бағдод

10
(Таҷдидшуда 13:57 17.09.2015)
Дар пайи пурзуршудани фаъолияти ҷангиёни “Давлати исломӣ” вазъият дар Ироқ ҳамоно мутшанниҷ аст. Қурбониёни ҳамлаву таркишҳои ҷангиёни ин созмон, ки як қисамти қаламрави Ироқро дар даст доранд, дар бештари маврид сокинони осоишта мебошанд.

ДУШАНБЕ, 17 сен — Sputnik. Дар натиҷаи ду таркиш, ки аз сӯи ҷангиёни интиҳорӣ дар маркази шаҳри Ироқ анҷом дода шуданд, 13 нафар кушта шуда, 69 тани дигар ҷароҳат бардоштаанд, навиштааст РИА Новости бо истинод ба шабакаи тилевизионии As Sumaria.

"Бар асари таркише, ки аз тарафи ҷангиёни маргталаб дар майдони ал-Васб анҷом дода шуд, 5 нафар ба ҳалокат расида, 29 тани дигар ҷароҳат бардоштаанд, ки миёни онҳо 5 корманди пулиси роҳ ҳам ҳаст",-иттилоъ додааст As Sumaria аз қавли мақомоти қудратии ин кишвар.

Як манбаъи дигар аз мақомоти қудратии Ироқ бидуни бурдани номаш гуфтааст, дар минтақаи "ал-Боб ал-Шарқия", воқеъ дар маркази Бағдод инфиҷоре рух додааст, ки 7 кушта ва 40 захмӣ бар ҷой гузошт ва миёни онҳо кормандони пулис низ ҳаст. То ҳол ҳеч гуруҳи террористе масъулияти ин ҳамлаҳоро бардӯш нагирифтааст.

Дар пайи пурзӯр шудани фаъолияти ҷангиёни "Давлати исломӣ" вазъият дар Ироқ ҳамоно мутшанниҷ мебошад. Қурбониёни ҳамлаву таркишҳои ҷангиёни ин созмон, ки як қисмати қаламрави Ироқро дар даст доранд, дар бештари маврид сокинони осоишта мебошанд.

10
Барчаспҳо:
инфиҷор 13 кушта бар ҷой гузошт, таркиш ва сӯхтор дар Одесса, ҷанг дар Ироқ, ДИ, Давлати исломӣ, Бағдод, Ироқ
Машина скорой помощи в Таджикистане, архивное фото

Садамаи маргбор дар роҳи "Душанбе-Кӯлоб" як куштаю се захмӣ бар ҷой гузошт

343
(Таҷдидшуда 14:41 26.01.2021)
Вазорати умури дохилаи Тоҷикистон аз садамаи маргборе дар роҳи "Душанбе-Кӯлоб" хабар медиҳад, ки дар паи он як мусофир ҷон бохта, се тани дигар бистарӣ гардиданд

ДУШАНБЕ, 26 январ - Sputnik. Бино ба гузориши Вазорати корҳои дохилӣ, ин ҳодисаи нохуш рӯзи 24-уми январ, тахминан соати 16:30, дар ҳудуди ноҳияи Данғара ба вуқӯъ пайвастааст.

Гуфта мешавад, ронандаи худрави "Тайота-Кемри", Раҳмонзода Фирдавс, сокини 36 - солаи Душанбе, ҳангоми ҳаракат аз самти шаҳри Кӯлоб ба самти шаҳри Душанбе аз уҳдаи идораи воситаи нақлиёт набаромада, ба автомашинаи тамғаи "Опел-Астра" бархӯрдааст.

ВУД қайд мекунад, ки худрави дуюм таҳти идораи Даминов Убайдулло, сокини 31 -солаи ҷамоати деҳоти Арали ноҳияи Восеъ будааст. 

"Дар натиҷа, мусофири автомашинаи тамғаи "Тайота-Кемри", Бобоёрова Ҷамолбӣ, сокини 61 - солаи шаҳри Душанбе, дар ҷойи ҳодиса ба ҳалокат расидааст", - омадааст дар хабарнома.

Чаппа шудани мошин дар роҳи Хоруғ - Душанбе: ронанда бо ду мусофир ҷон дод

Ҳамчунин, ронандаи автомашинаи тамғаи "Опел-Астра", Даминов ва мусофирони ӯ Мирзоев Комилҷон, сокини 51 - солаи ҷамоати деҳоти Меҳнатободи ноҳияи Ҳамадонӣ ва ноболиғ Раҳмонзода Саидбилол, сокини 8 - солаи  Душанбе ҷароҳатҳои гуногуни ҷисмонӣ бардошта, дар беморхона бистарӣ карда шудаанд.

Манбаъ афзуда, ки аз рӯи ҳодисаи мазкур таҳқиқот идома дорад.

343
Барчаспҳо:
ВУД ҶТ, Данғара, садама
Скорая помощь в Душанбе

Таркиши чойхона дар хиёбони Рӯдакӣ: 12 нафар ба бемористон интиқол ёфт

3818
(Таҷдидшуда 16:53 25.01.2021)
Вазорати умури дохилаи Тоҷикистон аз таркиши мудҳиш дар чойхонаи "Самарқанд" воқеъ дар шаҳри Панҷакент хабар медиҳад

ДУШАНБЕ, 25 янв— Sputnik. Дар чойхонаи "Самарқанд"- и шаҳри Панҷакент таркиш рух додааст, хабар медиҳад Вазорати умури дохилаи Тоҷикистон.

Ба иттилои манбаъ, ҳодисаи мазкур рӯзи 25 январ, тахминан соати 12:20 дақиқа сар задааст.

Таркиш дар НФС дар ноҳияи Ёвон 8 захмӣ бар ҷой гузошт- навор аз ҷои ҳодиса

Гуфта мешавад, чойхонаи мазкур дар хиёбони Рӯдакӣ - 157 воқеъ буда, Тиллоев Ёлқини 42 - сола онро ба иҷора гирифта будааст.

Манбаъ меафзояд, бар асари риоя нагардидани қоидаҳои бехатарӣ дар чойхона балони газ таркидаст, ки дар натиҷа чандин нафар ҷароҳатҳои гуногуни ҷисмонӣ бардоштанд.

ВУД Тоҷикистон мегӯяд, феълан 12 нафар бар асари рух додани ин ҳодисаи нохуш ба бемористон интиқол ёфтанд.

Ҳоло мақомоти дахлдор аз рӯи ҳодисаи баамаломада тафтишот мебарад.

3818
Барчаспҳо:
чойхона, таркиш, Панҷакент

Интиқоди тунди Жириновский аз Туркия: наравед ба он ҷо

0
(Таҷдидшуда 20:07 26.01.2021)
Владимир Жириновский, раиси Ҳизби либерал-демократи Русия аз сафар ба "кишвари маккор" - Туркия, ҳушдор дод

ДУШАНБЕ, 26 янв — Sputnik. Раиси Ҳизби либерал-демократи Русия, Владимир Жириновский макони истироҳат - Туркияро кишвари "маккортарин" номид.

"Ба Туркия наравед, маккортарин кишвар аст", - изҳор дошт Жириновский.

Бо чунин суханон Жириновский ҳамлаи мусаллаҳона ба чор шаҳрванди Русияро шарҳ дод. Ин ҳамла дар кӯчаи Бешикташи шаҳри Истамбул ба вуқӯъ пайвастааст.

Як марди кӯчарӯб ба ду зан ва як марди русиягӣ ҳамла кардааст. Гуфта мешавад, ки ӯ аз ҷиҳати равонӣ бемор будааст.

Шаҳрвандони Русия ҷароҳатҳои гуногун бардоштанд. Сокинони маҳаллӣ ба захмиён кумаки аввалия расонида ва баъдтар онҳо бистарӣ карда шуданд.

Яке аз замхиёнро ба зудӣ аз бемористон ҷавоб хоҳанд дод, чун вазъи саломатии ӯ хуб арзёбӣ мешавад.

Жириновский: Тоҷикистон ва Арманистон бояд ба ҳайати Русияи Бузург ҳамроҳ шаванд

Ёдрас мешавем, ки чанде пеш нархномаи истироҳат барои шаҳрвандони Русия дар Туркия дар қиёс бо соли 2020, то 15 дарсад боло рафт.

Коршиносон пешгӯӣ мекунанд, ки ин нархнома боз ҳам гаронтар хоҳад шуд. Ногуфта намонад, ки 90 дар сади истироҳаткунандагон Анталияро интихоб мекунанд.

0
Барчаспҳо:
Русия, Туркия, Владимир Жириновский