Бинои ВКХ ФР. Акс аз бойгонӣ

ВКХ ФР: қазияи марги тифли тоҷик таҳти назорат аст

11
(Таҷдидшуда 09:19 19.10.2015)
Вазорати умури хориҷаи Федератсияи Русия дар посух ба нотаи сафорати Тоҷикистон дар пойтахти ин кишвар гуфтааст, қазияи марги тифли панҷмоҳаи тоҷик дар Санкт- Петербургро таҳти назорат қарор медиҳад.

ДУШАНБЕ, 19 окт — Sputnik. Вазорати корҳои хориҷии Тоҷикистон ва сафорати ҶТ дар Маскав тафтиши ҳодисаи марги тифли панҷмоҳаи тоҷик Умаралӣ Назаровро таҳти назорати қатъӣ қарор додаанд, иброз доштанд масъулини мақомоти дипломатии Тоҷикистон дар такя ба изҳороти вазорати умури хориҷии Русия.

Дар посух ба нотаи эътирозии сафорати Тоҷикистон дар Маскав, вазорати умури хориҷии Русия навиштааст, ки муроҷиати сафорат ҷиддӣ гирифта шудааст. Зимнан, дар номаи ВКХ ФР ба волидайни Умар Назаров изҳори таслият иброз гардида, гуфтаанд, ки ҳамроҳ бо онҳо мотам дорем.

Барои ошкор кардани сабабҳои марги Умаралӣ Назарови панҷмоҳа ба Вазорати умури дохилӣ, Хадамоти федеролии мухоҷират, Вазорати тандурустӣ ва Додситонии кулли Русия ба таври оҷил дархост фиристода шудааст.

"Аз натоиҷи тафтиши қазия ва омилҳои марги кӯдаки панҷмоҳа ҷониби Тоҷикистон фавран огаҳ карда хоҳад шуд",-омадааст дар охири номаи Вазорати умури хориҷаи Русия.

Рӯзи 13 октябр мақомоти пулиси Санкт-Петербург бо баҳонаи нақзи қонуни муҳоҷират ва анҷоми мӯҳлати будубош дар ФР, шаҳрвандони Тоҷикистон Далер Назаров, Заррина Юнусова ва ҳамроҳ бо онҳо писарашон Умаралӣ Рустамович Назарови панҷмоҳаро боздошт карданд. Дар идораи пулис тифлро аз водидайн ҷудо карда, ба модар ҳеҷ иттилое дар бораи шароити нигаҳдории тифл надорданд. Худи ҳамон рӯз Назаров ва Юнусоваро ба додгоҳи ҷиноятҳои маъмурӣ бурда, баъди панҷ соат додгоҳ қарор кард, ки ин ду нафар барои роҳ додан ба қонуншикании маъмурӣ бояд бо ихтиёри худ аз хоки Русия берун шаванд.

Вақте Заррина Назарова ба идораи пулис барои гирифтани фарзандаш рафт, ба ӯ иттилои дақиқе дар бораи маҳалли нигаҳдории тифлаш дода натавонистанд, рӯзи 14 октябр бошад, ба ӯ занг зада гуфтанд, ки писараш даргузаштааст.

Баъдан, шабакаҳои телевизионии пойтахти шимолии Русия наворҳоеро мунташир карданд, ки даҳҳо нафар дар назди дарвозаи консулгарии Тоҷикистон ҷамъ омада ва аз мақомоти Русия таҳқиқи мунсифона ва ҳарчи зудтари сабаби марги Умар Назарови 5-моҳаро доранд. Дар яке аз ин наворҳо дида мешавад, ки ёвари консули Тоҷикистон ба ҷамъомадагон вазъро шарҳ медиҳад.

Сафорати ҷумҳурии Тоҷикистон дар Маскав ҳоло аз мақомоти Русия талаб дорад, ки ин қазияро таҳқиқ ва дар бораи натиҷаҳояш намояндагии дипломатиро огоҳ намояд.

Вазорати умури хориҷаи Федератсияи Русия дар посух ба нотаи сафорати Тоҷикистон дар пойтахти ин кишвар гуфтааст, қазияи марги тифли панҷмоҳаи тоҷик дар Санкт- Петербургро таҳти назорати ҷиддӣ қарор медиҳад.

11
Барчаспҳо:
таҳқиқи ҳодиса, марги Умаралии панҷмоҳа, нотаи Сафорати Тоҷикистон, қазияи марги тифли панҷмоҳаи тоҷик дар Петербург, Вазорати корҳои хориҷии ФР, консулгарии ҶТ дар Санкт-Петербург, сафорати ҶТ дар Русия, Умаралӣ Рустамович Назаров, Далер Назаров, Заррина Юнусова, Санкт-Петербург, Маскав, Русия
Сотрудник милиции проверяет салон маршруток в Душанбе

Аз боздошти ронандаҳои маст то афзоиши садамаҳои ҳалокатовар дар Суғд

125
(Таҷдидшуда 17:18 03.08.2020)
Раёсати Вазорати корҳои дохилӣ дар вилояти Суғд омори қоидавайронкунии ҳаракати роҳ аз ҷониби ронандаҳои маст ва шумори садамаҳои ҳалокатбор дар роҳ давоми шаш моҳи охирро шарҳ дод

ДУШАНЕБ, 23 авг – Sputnik. Бино ба оморе, ки дафтари матбуоти РВКД вилояти Суғд дар ихтиёри Sputnik Тоҷикистон қарор дод, давоми шаш моҳи соли ҷорӣ беш аз 300 ҳолати рондани воситани нақлиёт дар ҳолати мастӣ ошкор шудааст.

“Аз ҷониби масъулини Бозрасии давлатии автомобилӣ аз ҷумла идораи воситаи нақлиёт дар ҳолати мастӣ 301, идораи воситаи нақлиёт бе ҳуҷҷатҳои ронандагӣ 227, идораи воситаи нақлиёт бо шишаҳои сиёҳ бидуни иҷозат 182, идораи воситаи нақлиёт бо аломати қайди давлатии бегона 47 ҳолат ошкор карда шуда, дар умум ҳуқуқвайронкунандагон ба маблағи 9 милиону 17 ҳазору 750 сомонӣ ҷаримабандӣ карда шуданд”, - омадааст дар иттилоияи РВКД.

Бино ба иттилоъи манбаъ, дар ин давра аз ҷониби масъулини Бозрасии давлатии автомобилӣ 183 ҳазору 833 ҳолати қоидавайронкунии ҳаракат дар роҳ ба қайд гирифта шудааст.

Ин рақам ҳарчанд дар муқоиса ба ин давраи соли қаблӣ ба андозаи 26, 3 ҳазор ё 12, 5 % кам аст, вале рухдоди садамаҳои ҳалокатовар ба 40 маврид ё 5, 3 % ва шумори шахсони ҳалокшуда ба 58 нафар расидааст, ки ин ба андозаи 20, 8 % зиёд шудааст.

Нимашаб маст аз тарабхона баромаданд: ҳабс ва ҷаримаи 4 духтар барои дашному занозанӣ

РВКД дар Суғд мегуяд, садамаҳои ҳалокатовар дар шаҳрҳои Хуҷанд, Конибодом, Исфара, Панҷакент, ноҳияҳои Мастчоҳ, Ашт ва Шаҳристон бештар қайд гирифта шудааст.

125

Садамаи мудҳиш дар роҳи "Душанбе-Хуҷанд": мард бо чор фарзанд ва занаш ба ҷарӣ чаппа шуд

2284
Дар натиҷаи садамаи мудҳиш дар шоҳроҳи байни пойтахт ва шимоли Тоҷикистон марди 40-сола ва тифли худсоли тақрибан 1-солааш ба ҳалокат расидаанд

ДУШАНБЕ, 3 авг — Sputnik. Вазорати умури дохилаи Тоҷикистон гузориш дод, ки дар шоҳроҳи Душанбе-Чаноқ як худрави ҳомили шаш нафар, ки ҳамагӣ узви як хонавода буданд, ба ҷарии ҳудудан 200-метра сарозер шуд.

Дар натиҷа ронандаи автомобил, падари хонавода ва тифли тақрибан яксолааш дар ҷои ҳодиса ба ҳалокат расидаанд.

Бино бар иттилои манбаъ, ҳодиса субҳи 1 август дар ҳудуди ноҳияи Айнӣ, дар ҷамоати деҳоти Айнӣ рух додааст.

"Ронандаи автомашинаи тамғаи "Мерседес-Бенс", Ашуров Абдуалим Рустамович, соли таваллудаш 1980, сокини ноҳияи М.Ҳамадонӣ,  аз ӯҳдаи идораи воситаи нақлиёт набаромада, ба ҷарии чуқуриаш 150-200 метр фаромада, чаппа шудааст", - тавзеҳ медиҳад манбаъ.

Дар натиҷа ронанда Ашуров А.Р ва фарзанди хурдсолаш, Ашурзода Иброҳим Абдуалим, соли таваллудаш 2019, аз ҷароҳатҳои вазнини бардоштаашон дар ҷойи ҳодиса ба ҳалокат расидаанд, афзудааст манбаъ.

Фавти ноболиғ дар садама: ронанда ӯро дар роҳи мошингарди кӯча пахш кард

Инчунин, дигар мусофиронаш ҳамсараш, Холматова Саида Шамсидиновна, соли таваллудаш 1985, фарзандони ноболиғаш; Ашуров Исохон Абдуалимович, соли таваллудаш 2005, Ашурова Сумая Абдуалимовна, соли таваллудаш 2007, ва Ашурова Ҳалима Абдуалимовна, соли таваллудаш 2011, истиқоматкунадагони ҳамон ҷо ҷароҳати ҷисмонӣ бардошта дар беморхона бистарӣ гардидаанд.

2284

Хайр Маскав: маросими пӯшидашавии Олимпиадаи соли 1980 - аксҳои нодир

0
(Таҷдидшуда 19:45 03.08.2020)
  • Маросими пӯшидашавии Олимпиадаи XXII соли 1980
  • Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд
Рӯзи 3 августи соли 1980 дар Маскав маросими пӯшидашавии Бозиҳои тобистона баргузор гардид. Ин маросим аз зеботарин маросимҳо дар таърихи олимпиада шинохта шудааст

Бозиҳои тобистонаи олимпии соли 1980 дар Маскав аз 19 июл то 3 август идома кард. Ин нахустин олимпиада дар қаламрави Урупои Шарқӣ буд. 

Макони асосии баргузории мусобиқаҳо шаҳри Маскав буд. Вале бархе аз рақобатҳо дар Таллин, Киев, Ленинград ва Минск низ гузаронида шуданд.

Ба Бозиҳои тобистонаи олимпии соли 1980 - 5179 варзишкор аз 80 давлати ҷаҳон омада буданд.

Номбардорони Тоҷикистон дар Олимпиадаи соли 1980

Маросими пӯшидашавии Олимпиада рӯзи 3 август баргузор гардид. Барномаи консертӣ чанд соат идома кард.

Байрақи сафеди олимпӣ фароварда шуд ва таҳти навои Эдуард Артёмов "Эй варзиш ту ҳамеша пешравӣ ҳастӣ" духтарон бо пироҳанҳои якранг ба майдон баромаданд ва композитсияи даврони Юнони қадимро нишон доданд. Оташи олимпӣ ҳамон лаҳза хомӯш шуд.

Дар рӯи экран симои Хирсак - рамзи Олимпиадаи соли 80-ум намудор шуд. Расми Хирсакро навиштаҷоти "Роҳи сафед" ҳамроҳӣ мекард.

Яке аз ҳассостарин лаҳазот ашкрезии хирсак шуд.

Дар охири маросим меҳмононро сюрприз интизор буд. Дар мобайни майдон таҳти суруди "Хайр Маскав" дар иҷрои Лев Лешенко ва Татяна Антсиферева хирси бузурге бо пуфакҳо пайдо шуд.

Таҳти суруд ва замоне, ки Хирсак ба ҳаво бармехост, аксари мардум ашк мерехтанд.

Олимпиадаи соли 1980 то ҳол дар хотири меҳмонон ва аксари тамошобинону варзишкорон нақш бастааст. Ин бозиҳо яке аз боадолаттарин дар таърихи варзиш шинохта шудаанд, зеро пас аз итмоми онҳо ягон аризаи шикоятӣ ба комиссияи варзишӣ ворид нашудааст.

0
  • Маросими пӯшидашавии Олимпиадаи XXII соли 1980
    © Sputnik / Сергей Гунеев

    Маросими пӯшидашавии Олимпиадаи XXII соли 1980, 3 август дар майдони ба номи Ленин (Лужники) баргузор гардид.

  • Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).
    © Sputnik / Дмитрий Донской

    Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).

  • Маросими пӯшидашавии Олимпиадаи XXII соли 1980
    © Sputnik / Юрий Сомов

    Маросими пӯшидашавии Олимпиадаи XXII соли 1980.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Олимпиадаи соли 1980 натанҳо барои шаҳрвандони ИҶШС балки мардуми ҷаҳон рухдоди муҳиме шуд.

  • Маросими пӯшидашавии Олимпиадаи XXII соли 1980
    © Sputnik / Юрий Абрамочкин

    Торжественная церемония закрытия Игр XXII Олимпиады. Центральный стадион имени В.И. Ленина 3 августа 1980 года.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Барои миллионҳо меҳмони хориҷӣ Бозиҳои олимпии соли 1980 дар Маскав бо меҳмоннавозӣ ва меҳрубонии мардуми рус ёддошт шуд.

  • Маросими пӯшидашавии Олимпиадаи XXII соли 1980
    © Sputnik / Сергей Гунеев

    Оташбозӣ дар маросими пӯшидашавии Олимпиадаи XXII соли 1980 дар майдони Лужники.

  • Маросими пӯшидашавии Олимпиадаи XXII соли 1980
    © Sputnik / Юрий Абрамочкин

    Олимпиадаи соли 1980 яке аз бозиҳои боадолаттарин дар ҷаҳони варзиш шинохта шудааст, чун дар давоми мусобиқот ягон аризаи шикоятӣ дар бораи натиҷаҳои бозиҳо навишта нашудааст.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Маросими пӯшидашавии Олимпиадаи XXII соли 1980 дар майдони Лужники.

  • Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд
    © Sputnik / Владимир Акимов

    Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд.

Барчаспҳо:
маросим, олимпиада, Маскав