Сониҳаи нақлиётӣ дар Фаронса мунҷар ба марги 49 нафар шуд

© Sputnik / Сергей ЕщенкоСадама. Акс аз бойгонӣ
Садама. Акс аз бойгонӣ - Sputnik Тоҷикистон
Обуна шудан
Садама дар Жиронде – бузургтарин фоҷиа дар роҳҳои Фаронса аз соли 1982 ба ин сӯ аст.

ДУШАНБЕ, 23 окт — Sputnik. Бар асари ба ҳам бархӯрдани автобуси мусофирбар ва мошини боркаш дар ҷануби Фаронса 49 нафар ба ҳалокат расиданд, иттилоъ медиҳад РИА Новости бо истинод ба нашрияи маҳаллии SudOuest.

Дар ин фоҷиа, ки тақрибан 57 километр дуртар аз шаҳри Бордо рӯй дод, 49 нафар ҳалоку панҷ нафари дигар маҷрӯҳ шудаанд.

Автобус ва мошини боркаш баъд аз садама оташ гирифтанд. Ба гуфтаи мақомоти маҳаллӣ, 50 мусофири асосан кӯҳансоли автобус ба вилояти Ланде мерафтанд.

Раисҷумҳури Фаронса, ки айни ҳол бо сафари корӣ дар Афина қарор дорад, аз ин фоҷиа изҳори андӯҳ кард ва гуфт, ҳама хадамоти наҷотбахшӣ дар ҷойи ҳодисанд.

Интизор меравад дар зудтарин фурсат нахуствазири кишвар Мануэл Валс ва вазири умури дохила Бернар Казнев ба ҷои ҳодиса сафар кунанд.

 

Лентаи хабарҳо
0