Бистарӣ кардани захмиёни садама бо иштироки киштӣ дар соҳили Гонконг

Теъдоди қурбониёни садамаи киштӣ дар соҳили Гонконг ба 124 расид

14
(Таҷдидшуда 13:48 26.10.2015)
Киштие, ки дар он беш аз 170 нафар ҳузур доштанд, дар роҳ аз Макао ба Гонконг ба садама дучор шудааст.

ДУШАНБЕ, 26 окт — Sputnik. Шумори қурбониёни садама бо иштироки киштӣ шаби якшанбе дар соҳили Гонконг ба 124 нафар расид, — хабар медиҳад, РИА Новости бо истинод ба радиои маҳаллии RTHK.

Ин ҳодиса шоми якшанбе, тақрибан соатҳои 19:00 ба вақти маҳаллӣ рух додааст. Дар дохили ин киштӣ бар иловаи 11 нафар кормандаш 163 мусофири дигар ҳам ҳузур доштааст ва киштӣ дар роҳ аз Макао ба Гонконг ба объекти зериобие бархурдааст.

Қаблан шумори ҳалокшудагон 100 нафар гуфта мешуд.

Тибқи иттилои ахир, 50 мусофири ин киштӣ ҳанӯз ҳам дар беморхона қарор дошта, вазъи саломатии 5 нафарашон вахим арзёбӣ мешавад ва инчунин 6 тани дигар низ дар ҳолати вазнин қарор доранд.

Таҳқиқи омилҳои садама идома дорад.

14
Барчаспҳо:
шумор, бархурдан, садама, киштӣ, соҳил, қурбонӣ, теъдод, садама бо иштироки киштӣ, Макао, Гонконг
Самолет авиакомпании Сомон Эйр, архивное фото

Чипта 42 евро: “Сомон Эйр” парвозҳои масири Душанбе-Хуҷанд-Душанберо барқарор кард

166
(Таҷдидшуда 15:43 27.11.2020)
Ширкати ҳавопаймоии “Сомон Эйр” парвозҳо дар масири Душанбе-Хуҷанд-Душанберо барқарор менамояд

ДУШАНБЕ, 27 ноя — Sputnik. Тибқи иттилои дафтари матбуотии ширкат, бо мақсади қонеъ намудани талаботи мардум ба интиқолоти ҳавоии самти шимоли кишвар, ширкати ҳавопаймоии “Сомон Эйр” парвозҳоро дар масири Душанбе-Хуҷанд-Душанбе аз сар мегирад.

Ба иттилои манбаъ, иҷрои парвозҳо аз Душанбе ба Хуҷанд санаи 29-уми ноябр шурӯъ мегардад.

Манбаъ мегӯяд,  интизор меравад минбаъд парвозҳо ҳафтае ду маротиба дар ин самт амалӣ гардад.

“Тибқи талабот кулли мусофирон дар толори фурудгоҳ ва дар ҷараёни парвоз бояд ниқоб ва дастпӯши ҳифозатӣ дошта бошанд”,-афзудааст, манбаъ.

 Ин ширкат таъкид кардааст, ки мусофироне, ки таби баланд ё аломатҳои беморӣ доранд ба нуқтаи бақайдгирии мусофирон ва дохили ҳавопаймо роҳ дода намешаванд.

“Меъёри интиқоли ройгони бағоҷ 20 кг (эконом-класс) ва бори дастӣ 7 кг муқаррар шудааст”,-гуфтааст, дафтари матбуотии ширкат.

Парвозҳо миёни Тоҷикистону Миср имкон аст, роҳандозӣ шавад

Гуфта мешавад, хоҳишмандони сафар чиптаҳоро дар нуқтаҳои чиптафурӯшӣ метавонанд ба даст оваранд.

Тибқи нишондоди сомонаи ширкат нархи сафар барои як тараф 42 евро эълон шудааст.

166
Пожарный тушит огонь, архивное фото

Сӯхтор дар кӯдакистони қадимии шаҳри Бохтар

178
(Таҷдидшуда 12:59 27.11.2020)
Дар Кӯдакистони рақами 2-и шаҳри Бохтар сӯхтор ба амал омад. Онро шонздаҳ нафар наҷотбахшон хомӯш карданд

ДУШАНБЕ, 27 ноя — Sputnik. Бино ба гузориши Кумитаи ҳолатҳои фавқулода cӯхтор рӯзи 25-уми ноябри тақрибан соатҳои 07:20 дақиқа рух дод.

КҲФ мегӯяд, баъди гирифтани хабари фаврӣ дастаи махсуи зудамали наҷоти бахши Раёсат дар шаҳри Бохтар, дар ҳайати 16-нафар ба ҷои ҳодиса сафарбар шуда, якҷо бо хадамоти оташнишонии шаҳри Бохтар, барои хомӯш намудани алангаи оташ ва кӯчонидани молу амволи Кӯдакистони мазкур мусоидат намуданд.

Фавти 4 муҳоҷири тоҷику ӯзбек дар Самара: 5 тани дигар ҷароҳат бардоштанд

"Дар рафти сӯхтор дар Кӯдакистони №2-и шаҳри Бохтар, талафоти ҷонӣ бақайд гирифта нашудааст", - омадаатс дар хабарномаи КҲФ.

Манбаъ афзудааст, ки ин боғча яке аз кӯдакистонҳои хеле қадимии шаҳр аст ва он дар назди Коллеҷи тиббии шаҳр ҷой гирифтааст.

Даҳшат: сӯхтор дар Смоленкс ҷони 5 кӯдак ва 2 калонсолро гирифт

Мақомоти ҳифзи ҳуқуқ сабабҳои сар задани сӯхторро таҳқиқ мекунанд.

178
Барчаспҳо:
кӯдакистон, сӯхтор, Бохтар
Посещение озера Сарез Генеральным секретарем ООН Антониу Гутерришем

Даҳ миллион доллар барои хариди таҷҳизот ба хотири назорати кӯли Сарез

0
(Таҷдидшуда 16:12 27.11.2020)
Бонки Рушди Осиё (БОР) ба Тоҷикистон барои хариди таҷҳизот барои назорати кӯли Сарез маблағ ҷудо кардааст

ДУШАНБЕ, 27 ноя — Sputnik. Кумитаи ҳолатҳои фавқулода ва мудофиаи граждании Тоҷикистон барои интиқол, насб ва ба истифодаи таҷҳизот барои навсозии системаи назорат ва огоҳии пешакӣ кӯли Сарез дар Тоҷикистон шартнома ба имзо расонид, иттилоъ додааст намояндагии Бонки Рушди Осиё (БОР) дар Тоҷикистон.

 Таъкид шудааст, ки шартнома қисми Лоиҳаи миллии идораи хатари офатҳои табиӣ мебошад, ки аз ҷониби гранти БОР ба маблағи 10 миллион доллар маблағгузорӣ мешавад.

Шартнома ба маблағи 750 ҳазор доллар бо ширкати “Group Limited Liability Partnership”-и Қазоқистон, ки дар натиҷаи озмуни кушоди БОР интихоб гардидааст, имзо шуд.

Таъкид шудааст, ки таҷҳизоти нави назорат ва огоҳкунии барвақт аз дастгоҳҳои GPS, акселерометрҳои қавиҳаракат, санҷандаҳои (датчики) фишори зериобӣ, бесарнишин, радио, телефонҳои моҳворавӣ, истгоҳҳои обу ҳавои автомобилӣ, истгоҳҳои гидрологӣ, истгоҳҳои гидрометрӣ ва ғайра иборатанд.

Кӯли Сарез дар кӯҳҳои Помири Тоҷикистон ҷойгир аст. Ин кӯл соли 1911 дар натиҷаи заминларзаи шадид, ки ярчҳои азимеро ба амал овард ва дарёи Мурғобро баст, ба вуҷуд омадааст. Дарозии кӯл зиёда аз 60 км, чуқуриаш 500 м буда, тақрибан 17 километри мукааб об дорад. Минтақаи кӯл зери фаъолнокии назарраси сейсмикӣ қарор дорад, ки он назорати кӯлро талаб мекунад.

БОР моҳи сентябри соли 2018 Лоиҳаи идораи хатари офатҳои табииро барои кумак ба Тоҷикистон дар омодагӣ ва вокуниш ба офатҳои табиӣ ва тағирёбии иқлим, инчунин коҳиш додани таъсири офатҳои табиӣ ба одамон тасдиқ кард. Кумитаи ҳолатҳои фавқулода ва мудофиаи гражданӣ иҷрокунандаи ин лоиҳа мебошад.

0
Барчаспҳо:
харидорӣ, таҷҳизот, назорат, БОР, Тоҷикистон