Одамон дар наздикии театри Баталкан дар Порис

Ташдиди чораҳои амниятӣ дар Фаронса: аз бастани марзҳо то таълимгоҳҳо

21
(Таҷдидшуда 14:56 16.11.2015)
Бар асоси иттилои аввалия, дар пайи ин ҳамлаҳо дасти кам ҳалокати 8 террорист ба қайд гирифта шудааст, ки баъзе аз онҳо барои иҷрои ин ҳамлаҳо худро таркондаанд.

ДУШАНБЕ, 16 ноя — Sputnik. Дар пайи ҳамлаҳои хунин ва бесобиқаи Порис, ки ҷони беш аз 100 нафарро гирифта, даҳҳо тани дигарро маҷруҳ сохтанд, дар қаламрави Фаронса ҳолати фавқулода эълон гардида, тадобири амниятӣ пурзӯр шудааст.

Ҳоло марзҳои Фаронса бо тамоми кишварҳои ҳамсояаш баста буда, фаъолияти тамоми муассисаҳои таълимӣ муваққатан қатъ шудааст ва ҳатто кори метрополитени пойтахти ин кишвар низ маҳдуд гардидааст.

Эмомали Рахмон. Архивное фото
Официальная страница пресс-службы президента РТ в Facebook

Тибқи иттилои расмии мақомоти ин кишвар, шаби 13 ба 14 ноябри соли равон дар умум дар 6 минтақаи пойтахти Фаронса таркишу тирпарониҳо сурат гирифт. Аз ҷумла он шаб афроди номаълум ба ошхонае дар округи 10-уми шаҳри Порис ва бинои театри "Батаклан ворид шуда, ҷониби ҳунармандон ва тамошобинон оташ кушодаанд.

Инчунин он шаб дар наздикии варзишгоҳи "Стад де Франс", ки дар он вохурии дустонаи дастаи мунтахаби футболи Фаронсаву Олмон дар ҳузури президент Франсуа Оланд ва афроди дигари баландпояи ду кишвар идома дошт, се таркиши дигари мудҳиш аз сӯи маргталабон ба вуқуъ пайвастааст.

Дар натиҷаи ин ҳамлаҳои ҳаросафканӣ, дар Порис наздик ба 160 нафар кушта шуда, 200 тани дигар захм бардоштаанд, ки вазъи 40 нафари онҳо вазнин гуфта мешавад. Мақомоти Фаронса эълон кардаанд, ки ҳамлагарон инчунин даҳҳо тани дигарро ҳам ба гарав гирифтаанд.

Бар асоси иттилои аввалия, дар пайи ин ҳамлаҳо дасти кам ҳалокати 8 террорист ба қайд гирифта шудааст, ки баъзе аз онҳо барои иҷрои ин ҳамлаҳо худро таркондаанд.

Ҳамагӣ чанд дақиқа баъд аз сурат гирифтани ҳамлаҳо ҷангиёни созмони террористии маъруф ба ДИИШ онҳоро кори дасти ҳаммаслакони худ хонда, масъулиятро бар уҳда гирифтаанд.

Дар пайи ин ҳаводис мақомоти Фаронса бо бастани марзҳои худ аз сокинони ин кишвар ҳам даъват карданд, бидуни зарурат аз баромадан ба кучаҳо худдорӣ кунанд. Ҳатто аксари ширкатҳои ҳавопаймоии ҷаҳон парвози ҳавопаймоҳои худ ба шаҳри Порисро муваққатан манъ карданд.

Ҳамлаҳои ҳаросафкании шаби 13 ноябри Порис дар таърихи Фаронса бесобиқа буда, вокуниши шадиди ҷомеаи ҷаҳониро ба бор овард. Раҳбарони давлатҳои аксари ҷаҳон, аз ҷумла раисҷумҳури Тоҷикистон Эмомалӣ Раҳмон ин ҳамлаҳоро ғайриинсонӣ хонда, шадидан маҳкум кард.

21
Барчаспҳо:
Стад де Франс, Франсуа, Олланд, Порис, ҳаросафканӣ, ҷон, Фаронса, ДИИШ, амниятӣ, маҷруҳ, захмӣ, қурбонӣ, ҳамла, Эмомалӣ Раҳмон, ташдиди чораҳои амниятӣ, ДИИШ, Эмомалӣ Раҳмон, Порис, Фаронса, Сурия, Тоҷикистон
Мавзуҳо:
Ҳамлаҳои хунин дар Порис: изтироби ҷаҳониён (12)

Афзоиши фавтидагон аз COVID-19 дар Эрон

38
Вазорати беҳдошти Эрон мегӯяд, теъдоди ҷонбохтагон аз COVID-19 дар ҷумҳурӣ ба 56 ҳазору 803 нафар расид

ДУШАНБЕ, 17 янв — Sputnik. Тибқи иттилои Вазорати беҳдошт, шабонарӯзи гузашта 86 нафар аз COVID-19 фавтида, теъдоди умумӣ ба 56 ҳазору 803 нафар расид.

Радиои тоҷикии Садои Хуросон аз қавли Вазорати беҳдошт, дармон ва омӯзиши пизишкии Эрон хабар додааст, ки дар 24 соати гузашта 6 ҳазору 16 бемори нави гирифтор ба корона дар Эрон шиносоӣ ва 631 нафар аз онҳо бистарӣ шуданд.

Бар асоси маҷмӯи беморони вируси  COVID-19 дар Эрон ба як миллиону 330 ҳазору 411 нафар расидааст, ки то кунун 1 миллиону 119 ҳазору 137 нафар аз ин беморон беҳбуд ёфта ва ё аз бемористонҳо ҷавоб шудаанд.

Манбаъ афзуд, бемории COVID-19бар асоси омори расмии кишварҳо то кунун беш аз наваду панҷ миллион нафарро дар дунё мубтало карда ва беш аз ду миллион нафар низ бар асари ин беморӣ ҷони худро аз даст додаанд.

38
Барчаспҳо:
Эрон

Ҳалокати писарчаи тоҷик ҳангоми бозӣ

211
(Таҷдидшуда 17:19 17.01.2021)
Фоҷиа бо кӯдакон аз оилаи тоҷикистонӣ рӯзи 15 январ дар вилояти Маскав ҳангоми яхмолакбозӣ рух додааст

ДУШАНБЕ, 17 янв — Sputnik. Дар вилояти Маскав писарчаи 8-солаи тоҷик ҳангоми барфбозӣ ба ҳалокат расидааст, хабар додааст ТАСС бо такя ба хадамоти матбуоти додситонии вилояти Маскав.

Зикр шудааст, ки писарча ҳангоми баромадан ба баландӣ барои лағжиш як нӯги гарданбандашро дар боло баста, гирифтани нӯги дигарашро аз гардан фаромӯш кардааст.

“Вақте хоҳар ҷисми беҳаракати бародарашро дидааст, талоши кумаки аввалия кардааст, аммо бенатиҷа. Роҳгузарон низ натавонистаанд, писарчаро наҷот диҳанд”, - хабар дод манбаъ.

Нашрияи "МК" дар мавриди тафсилоти ин ҳодиса хабар додааст, ки кӯдак зодаи Тоҷикистон буда, бо оилааш се моҳи қабл ба ноҳияи Дмитрови назди Маскав омадааст.

Зикр шудааст, ки баъди кумакхоҳии хоҳар, як роҳгузар бо ҳамсараш низ талош кардаанд, кӯдакро наҷот диҳанд, аммо натиҷа надодааст.

Дар робита ба ин қазия додситонии шаҳрии Дмитров санҷишро оғоз кардааст.

211
Барчаспҳо:
кӯдак, Русия, ҳалокат, фоҷиа