Рӯди Ванҷ дар ноҳияи Ванҷ. Акс аз бойгонӣ

Ванҷ: тахриби як манзили зист дар пайи заминларза

37
(Таҷдидшуда 12:51 03.05.2017)
Ба иттилоъи расида, маркази заминларза дар қаламрави ноҳияи Мурғоби Тоҷикистон воқеъ буд.

ДУШАНБЕ, 7 дек — Sputnik. Соати 12:51 ба вақти Душанбе дар қаламрави Тоҷикистон замин ҷунбид.

Бино ба иттилоъи Оҷонсии зилзиласанҷии Аврупо, маркази заминҷунбӣ дар атрофи минтақа ва шаҳраки Мурғоб дар вилояти Мухтори Кӯҳистони Бадахшони Тоҷикистон, воқеъ дар 367 километрии ҷануби шаҳри Душанбе буда, шиддати зилзила дар ин ҷо 7,2 дараҷаи Рихтерро ташкил додааст.

Дар ҳоли ҳозир, Кумитаи ҳолатҳои фавқулоддаи Тоҷикистон дар мавриди талафоти ҷонӣ ва хисороти молӣ иттило надодааст.

Дар ҳамин ҳол, Наҷмиддин Муҳиддинов, устоди мактаби миёнаи рақами 24-и деҳаи Поймазори Ванҷ, воқеъ дар ВМКБ аснои суҳбати телефонӣ бо хабарнигори Sputnik гуфт, зилзилаи сахте замини русторо такон дод.

"Тахминан соати 12-51 замин сахт такон хӯрда, аз сақфи мактаб хок рехт. Аз кӯҳ ба деҳа чанд санги бузург сарозер шуд, хушбахтона талафоти ҷонӣ ба қайд нарасид, аммо дар ҳамсоядеҳаи Ван-ван як манзили маскунӣ, ки ба Аҳмад Ризвонов таалуқ дорад, комилан тахриб гардидааст",- афзуд ӯ.

Маврид ба ёдоварист, шаби 23-юми ноябри соли равон низ Марказҳои зилзилашиносии ҷаҳон заминларзаи 5 баллиро ба қайд гирифта буданд, ки иқтидораш беш аз 5 бал арзёбӣ мегардид.

Рӯзи 26 октябри соли равон низ марокизи зилзиласанҷӣ заминларзаи 7,5 баллиро ба қайд гирифта буданд, ки соати тақрибан 14:09 бо вақти Душанбе Тоҷикистонро такон дода буд. Дар пойтахти Тоҷикистон иқтидори он 5-6 балл гуфта шуд. Ин заминларза инчунин Непал, Қирғизистон, Озарбойҷон ва Қазоқистонро ҳам такон дода буд.

 

37
Барчаспҳо:
як хона вайрон шуд, хисороти моливу ҷонӣ нест, такони замин, зилзила, заминҷунбӣ, заминларза, Оҷонсии зилзиласанҷии Аврупо, КҲФ, Кумитаи ҳолатҳои фавқулоддаи Тоҷикистон, мактаби миёнаи рақами 24-и деҳаи Поймазори Ванҷ, Аҳмад Ризвонов, Наҷмиддин Муҳиддинов, Поймазор, Ван-ван, Бадахшон, ВМКБ, Мурғоб, Ванҷ, Душанбе, Тоҷикистон
Мавзуҳо:
Заминларза дар Тоҷикистон (21)
Детская игрушка возле дороги

Боз садама дар шоҳроҳи "Душанбе-Хуҷанд": кӯдаки худрдсол ҳалок шуд

307
(Таҷдидшуда 12:39 18.09.2020)
Бино бар иттилои Вазорати корҳои дохилии Тоҷикистон ронанда аз ӯҳдаи идораи худрав набаромадааст, ки дар натиҷа як нафар ҳалок шудааст

ДУШАНБЕ, 18 сен — Sputnik. Тавре манбаъ менависад, ҳодиса дирӯз, 17 сентябр рух додааст.

Бино бар иттилои манбаъ, тақрибан соатҳои 13:30 ронандаи "Мерседе-Бенс" Бобоев Шоҳрухи 25-сола, сокини Истаравшан ангоми ҳаракат бо роҳи мошингарди "Душанбе-Хуҷанд-Чаноқ" дар ҳудуди деҳаи Лакати шаҳри мазкур аз уҳдаи идораи воситаи нақлиёт набаромадаст.

ВКД меафзояд, дар натиҷа худрави Бобоев пиёдагарди худрсоли Юсуфҷони 10-соларо, ки сокини деҳоти Зарҳалоли Истаравшан будааст, пахш намудааст.

Дар натиҷа, пиёдагарди хурдсол Ҳоҷиев Ю.Б. ҷароҳати вазнини ҷисмонӣ бардошта, дар беморхона ба ҳалокат мерасад.

Аз рӯи ҳодисаҳои мазкур таҳқиқот идома дорад.

Садамаи мудҳиш дар роҳи "Душанбе-Хуҷанд": мард бо чор фарзанд ва занаш ба ҷарӣ чаппа шуд

 

307
Продавец в магазине считает сдачу

Боздошти ҷавони 23-сола барои ғоратгарӣ дар варзишгоҳи мактаб

197
Вазорати умури дохилии Тоҷикистон аз боздошти як сокини 23-солаи шаҳри Панҷакент хабар дод, ки дар ғоратгарӣ муттаҳам мешавад

ДУШАНБЕ, 17 сен — Sputnik. Тибқи иттилои Вазорати умури дохилӣ, маъмурини милиса дар пайи чорабиниҳои оперативӣ - ҷустуҷӯӣ ҷавони 23-солаи сокини шаҳри Панҷакентро бо гумони содир намудани ҷинояти ғоратгарӣ дастгир карданд.

Манбаъ таъкид кард, ки ҳолати ғоратгарӣ шабона дар майдони варзишии мактаби рақами 29 рух дод.

“Номбурда, санаи 4-уми августи соли 2020, тахминан соати 22:30-дақиқа, дар ҳолати мастӣ дар майдони варзишии МТМУ №29 бо роҳи зӯроварӣ аз дасти ҷавони 18-солаи сокини шаҳри мазкур 7 ҳазору 190 сомониро тасарруф намуда, аз ҷойи ҳодиса ғайб задааст”, - омадааст дар иттилоияи ВУД.

Қарори Ҳукумат: хоҷагии зотпарварии Хуросон ба тавозуни “Чашмаи Нуқра”-и Данғара гузашт

Манбаъ таъкид кард, ки нисбати гумонбаршаванда бар асоси моддаи 248 қисми 2-и Кодекси ҷиноятии Тоҷикистон  парванда оғоз карда шуда, тафтишот идома дорад.

197
Барчаспҳо:
ғоратгарӣ, Варзишгоҳ, Тоҷикистон
Парламентские выборы в Таджикистане

Мастчоҳ ба интихоботи президентӣ омодааст: ифтитоҳи 35 участкаи интихоботӣ дар ноҳия

0
(Таҷдидшуда 19:39 18.09.2020)
Мақомоти ноҳияи Мастчоҳ ҷидди ба интихоботи президентӣ омодагӣ гирифтааст. Дар ноҳия 35 участкаи интихоботӣ таъсис дода шудааст

ДУШАНБЕ, 18 сен — Sputnik. Бино бар иттилои дафтари матбуоти мақомоти вилояти Суғд, дар ноҳияи Куҳистони Мастчоҳ ба баргузории интихоботи Президенти Тоҷикистон, ки санаи 11-уми октябри соли 2020 баргузор мегардад, омодагӣ гирифтааст.

Президент Таджикистана Эмомали Рахмон
© Официальная страница пресс-службы президента РТ в Facebook.

Бино ба иттилои​ Ҳотамбек Аҳмадзода, роҳбари дастгоҳи раиси ноҳияи Кӯҳистони Мастчоҳ​ омодагиҳо ба интихоботи президентӣ дар сатҳи зарурӣ ба роҳ монда шуда, маводи иттилоотӣ дастраси аҳолӣ ва шиору овезаҳо дар гӯшаву роҳравҳо ва ҷойҳои ҷамъиятӣ насб гардидаанд.

Гуфта шудааст, ки дар ноҳияи Куҳистони Мастчоҳ як ҳавза ва 35​ участкаи интихоботӣ таъсис дода шудааст.

Шумораи умумии интихобкунандагон дар ҳавзаи №39-и ноҳияи Кўҳистони Мастчоҳ 14987 нафар буда, аз инҳо 429 нафарашон бори аввал дар интихобот ширкат мекунанд.

Мутобиқи қарори муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аз 6 августи соли 2020 интихобот дар Тоҷикистон 11 октябри соли ҷорӣ баргузор хоҳад шуд.

0
Барчаспҳо:
мақомот, таъсис, участкаҳо, Интихоботи президентӣ, интихобот, Тоҷикистон