Роҳи кӯҳистони Помир. Акс аз бойгонӣ

Боз як фоҷиа: ҳалокати милиса дар Бартанг бар асари резиши санг

34
(Таҷдидшуда 13:36 08.12.2015)
Ҳудуди 700 манзил дар водии Бартанги ноҳияи Рӯшон дар заминҷумбиҳои рӯзи гузашта хисорот дида, тибқи ҳисобҳои пешакӣ 200 манзил пурра хароб гардида, наздик ба 500 манзили сокинони минтақа қисман осеб дидаанд.

ДУШАНБЕ, 8 дек — Sputnik. Дар пайи заминларзаҳои давомдор дар вилояти Мухтори Кӯҳистони Бадахшон як корманди милисаи минтақавӣ дар водии Баратанг ба ҳалокат расидааст, иттилоъ медиҳад дафтари матбуотии Кумитаи ҳолатҳои фавқулодда.

"Аснои сафар ба водии Бартанг мошини кормандони милиса зери резиши сангпораҳо мемонад, ки дар натиҷа нозири минтақавии ҷамоати деҳоти Паскуфи ноҳияи Рӯшон Илҳомбег Шогунбеков ба ҳалокат мерасад",- мегӯяд манбаъ.

Зимнан, рӯзи гузашта бар асари фаромадани сангпора дар километри 462-юми шоҳроҳи Душанбе- Хоруғ дар деҳаи Хехики ҷамоати деҳоти Язгуломи ноҳияи Ванҷ  як автомашинаи боркаши тамғаи «Дулан» зери санг монда, ронанда Ҷонӣ Ғаниев ба ҳалокат расида буд.

Бино ба маълумоти муассисаи илмии "Хадамоти геофизикӣ"-и Академияи илмҳо рӯзи гузашта дар Бадахшон се бор ларзидани замин ба қайд гирифта шуд. Ларзиши аввал соати 12-50  ба вақти маҳаллӣ ба вуқуъ пайваст.

Маркази заминларза дар 357 км ҷанубу шарқи Душанбе дар 22-километрии кӯли Сарез воқеъ будааст, ки шиддати он  ба7-8 бали ҷадвали Рихтер арзёбӣ мешавад. Ларзиши замин дар Сарез 5-6 ва дар шаҳри  Душанбе 3-4 балро ташкил дод.

Бори дуюм, соати 15-04 дар 370 километри ҷанубу шарқ аз шаҳри Душанбе ларзиши замин ба қайд гирифта шуд, ки  дар марказаш 5-6 бал ва дар шаҳри Душанбе 2-3 балро ташкил дод. Такроран баъди 30 дақиқа дар ҷойи аввала заминларза ба вуқуъ пайваст, ки қувваи он  дар марказаш ба 5-6 бал ва дар шаҳри Душанбе 2-3 бал баробар буд.

Алъон, ҳукумат комиссияи вижаро таҳти сарварии муовини нахуствазири кишвар Азим Иброҳим барои ҳисоб ва бартараф кардани хисороти ворида ташкил додааст.  

34
Барчаспҳо:
зилзила, хисорот, заминҷунбӣ, Маркази зилзилашиносии АУ, ҳукумати ҶТ, ҳукумати вилояти Бадахшон, Вазорати нақлиёт, Кумитаи ҳолатҳои изтирорӣ, КҲФ, Эмомалӣ Раҳмон, Азим Иброҳим, Ҷонӣ Ғаниев, Сарез, Душанбе, Ванҷ, Рӯшон, Бартанг, Бадахшон, ВМКБ, Тоҷикистон
Мавзуҳо:
Зилзилаи Бадахшон ва бартарафсозии оқибатҳои он (16)
Сейсмография, архивное фото

Тоҷикистонро заминларзаи 5 - баллӣ такон дод

421
(Таҷдидшуда 14:35 05.08.2020)
Имрӯз дар марзи Тоҷикистону Қирғизистон заминҷунбӣ рух дод. Қувваи заминҷунбӣ дар марказаш 5 балл буд

ДУШАНБЕ, 5 авг — Sputnik. Имрӯз соати 13:18 ба вақти маҳаллӣ дар қаламрави  Тоҷикистон зилзила ба амал омад.

Тибқи иттилои Хадамоти геофизикии Академияи миллии илмҳои Ҷумҳурии Тоҷикистон, маркази зилзила  дар 245 км шимолу шарқи Душанбе, дар марзи Тоҷикистону Қирғизистон  — 12 км шарқи Исфара воқеъ будааст.

Сокинони Тоҷикистон: замин сахт ҷунбид, ҳамсояҳо аз тарс ба берун баромаданд

Бино ба гузориши АМИТ "Ховар" қувваи заминларза дар марказаш 5 баллро ташкил дод.

Тоҷикистонро заминларзаи 4 - балла такон дод

Манбаъ афзуда, ки дар бораи хисороти зилзила иттилоъ дода нашудааст.

421
Барчаспҳо:
зилзила, Тоҷикистон, заминҷунбӣ
Учения служб чрезвычайных ситуаций, архивное фото

Марг баъди наҷот: писараки 17-соларо аз об гирифтанд, вале дар роҳ ба бемористон ҷон дод

120
(Таҷдидшуда 14:11 05.08.2020)
Кумитаи ҳолатҳои фавқуллодаи Тоҷикистон менависад, ба ин наврас кормандони ниҳод кӯмаки аввалия расонида, ёрии таъҷилиро даъват карданд, вале писарак дар роҳ ба бемористон ҷон бохт

ДУШАНБЕ, 5 авг — Sputnik. Бино бар иттилои манбаъ, ҳодиса 4 август, тахминан соатҳои 12:00 рух дод.

Гуфта мешавад, писараки ғарқшуда, 17-сола, сокини  кӯчаи Шафақи ноҳияи Исмоили Сомонии пойтахт будааст.

Тибқи маълумоти Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар шаҳри Душанбе, ин ҳодиса дар дарёи Душанбе, наздикии Маркази гармидиҳии №2, воқеъ дар маҳаллаи Хоҷамбиёи поён рух додааст.

"Гурӯҳи зудамали Раёсати Кумита фавран ба ҷойи ҳодиса расид ва якҷо бо сокинони маҳаллӣ ҷавонро аз об берун оварданд. То омадани мошини ёрии таъҷилӣ ҳама кумаккҳои аввалияи тиббӣ барояш расонда шуд", - менависад манбаъ.

Пайдо шудани ҷасади зани номаълум аз соҳили дарёи назди Донишгоҳи миллии Тоҷикистон

Аммо мутаассифона, дар роҳи интиқол ба бемористон наврас ҷони худро аз даст дод, афзудааст КҲФ ва аз волидон хоҳиш кардааст, ки фарзанонашонро беназорат нагузоранд ва ба шаҳрвандон таъкид кардааст, ки қоидаҳои бехатариро риоя кунанд.

120
Сотрудники КЧС Таджикистана проводят профилактические мероприятия против коронавируса

То шурӯъи дарс 12 рӯз монд: масъулин аз таъсири COVID-19 ба соҳаи маориф гуфтанд

0
(Таҷдидшуда 17:36 05.08.2020)
Рӯзи 17 уми август, таҳсил дар макотибҳои кишвар шурӯъ мешавад. Масъулони соҳаи маориф мегуянд, машғулиятҳои мактабии соли хониши қаблӣ, ки ба сабаби доман паҳн кардани пандемияи COVID-19 иҷро ношуда монда буд то 1 уми сентябр пурра ба иҷро расонида хоҳад шуд

 ДУШАНБЕ, 5 авг – Sputnik. Осим Каримзода, сардори Раёсати маорифи вилояти Суғд дар нишасти матбуотӣ дар бораи таъсири бемории каронавирус ба раванди таҳсил дар муассисаҳои таълимӣ таъкид варзид.

Бино ба гуфти ин масъули соҳаи маориф бо сабаби доман густурдани пандемияи COVID - 19, 16 % и дарсу машғулиятҳои мактабӣ иҷро ношуда боқи мондаанд.

“Таҳсил аз санаи 17 уми август тасодуфӣ интихоб карда нашудааст. Чи хеле, ки ба ҳамагон маълум аст, моҳи март дарсҳои мактабӣ ҷамъбаст шуданд, аммо бинобар сабаби паҳни бемории каронавирус мо барои ҷамбаст кардани чоряки сеюми соли хониш вақтамон нарасид.

Баҳои вазири маориф ба сифати таҳсил дар донишгоҳҳои кишвар: аз минтақа камие надорем

Чунки тибқи қарори Ситод оид ба пешгирӣ ва мубориза бо COVID-19, дар мактабҳо таътили муваққатӣ эълон карда шуд. Бинобар ҳамин соатҳои дарсие, ки бояд тибқи Барномаи таълим гузаронида мешуд, ҳамагӣ 84 % иҷро расонида шуд”, гуфт Каримзода.

Сардори Раёсати маорифи Суғд афзуд, имсол дарс дар мактабҳо тибқи тавсияҳои Ситоди муқобила бо COVID-19 аз санаи 17 уми август сурат мегирад ва то санаи 1 сентябр машғулиятҳои ба таъхиргузошташудаи соли хониши қаблӣ ба иҷро расонида мешавад.

Осим Каримзода иброз намуд, ки дар пайи хуруҷи бемории каронавирус дар кишвар, имтиҳонсупории толибилмон дар макотиб баргузор нагардид.

“Дар охирҳои моҳи март эълон шуда буд, ки дар ҳоли ба эътидол омадани вазъ имтиҳонҳои давлатӣ супорида мешаванд. Аммо вазъият мураккаб шуд ва ба ин делел имтиҳонсупории хонандагон доир ношуда монду дар асоси чоряки сеюм, чоряки чорум ва ҳаминтариқ баҳои имтиҳони солонаро гузоштем”, гуфт Каримзода.

Дар рӯзи 26 уми апрел, вазорати маориф ва илми Ҷумҳурии Тоҷикистон бо дастури Ситоди ҷумҳуриявии пешгирӣ аз пандемияи маризии вируси корона ё COVID – 19 эълон кард, ки аз 27 апрел то 10 майи соли 2020 муваққатан дар муассисаҳои таълимӣ - кӯдакистону боғча, мактабҳо, литсейҳои касбӣ – техникӣ, коллеҷҳо - таътил эълон карда шавад.

Аммо дар пайи доман паҳн кардани бемории вируси корона Вазорати маориф ва илми Тоҷикистон аз тамдиди таътил дар муассисаҳои таҳсилоти томактабӣ ва миёнаи умумӣ хабар дода, рӯзи 5 уми май эълон кард, ки хонандагон ва омӯзгорони муассисаҳои таҳсилоти умумӣ дар кишвар то 16 август ба таътили тобистона мераванд ва соли таҳсили 2020 – 2021 аз 17 август оғоз мешавад.

“Ин фоҷиа аст”: нигаронии Дабири кулли Созмони Милали Муттаҳид аз таътили мактабҳо

Тибқи иттилои расмӣ, дар Тоҷикистон 662 боғча бо 102 ҳазору 175 кӯдак ва 9 ҳазору 766 омӯзгор, 3884 мактаби миёна бо 2 миллиону 033 ҳазору 900 хонанда ва 124 ҳазору 593 омӯзгор, 63 муассисаи таҳсилоти ибтидоии касбӣ бо 21 ҳазору 890 хонанда ва 2 ҳазору 305 омӯзгор ва 75 муассисаи таҳсилоти миёнаи касбӣ бо 87 ҳазору 696 донишҷӯ ва 6 ҳазору 381 омӯзгор фаъолият мекунанд, ки ҷамъ 4686 муассиса, 2 миллиону 245 ҳазору 661 муҳассил ва 143 ҳазору 045 омӯзгорро ташкил медиҳад.

0