Хиёбон дар Бангладеш. Акс аз бойгонӣ

Ҳалокати се сарнишини ҳавопаймои Ан- 26

18
(Таҷдидшуда 18:03 09.03.2016)
Ба қавли табибон, ҳамаи ҳайати ҳавопаймо, ки чаҳор нафар буданд, шаҳрвандони Украина мебошанд. Ҳавопаймо Ан-26 дар соҳилҳои Бангладеш дар ҳудуди шаҳри Кокс-Базар суқут кард.

ДУШАНБЕ,  9 мар — Sputnik. Дар дохили ҳавопаймо чор нафар қарор доштанд, ки аз онҳо се нафарашон ба ҳалокат расиданд, иттилоъ медиҳад РИА Новости бо истинод ба сарпизишки беморхонаи "Cox's Bazar Sadar Hospital" Ратан Чоудхри.

"Аз чор мусофири ҳавопаймо се нафарашон ба ҳалокат расида, як нафари дигар ҷароҳатҳои вазнини ҷисмонӣ бардошт",- гуфт ӯ.

Ба қавли ӯ,  ҳамаи мусофирон мардони синнашон аз 42 то 50 мебошанд, шаҳрвандии онҳо маълум карда мешавад.

"Ба мо гуфтанд, ки онҳо шаҳрвандони Украина ҳастанд, вале то ҳол ин маълумот тасдиқ нагардидааст. Аммо мо аниқ гуфта метавонем, ки ҳамаи онҳо аврупоианд",-  иброз дошт Чоудхри.

Қаблан иттилоъ пахш шуда буд, ки ҳавопаймои боркаши Ан-26  дар соҳилҳои Бангладеш дар наздикии шаҳри Кокс-Базар ба садама дучор шуд. Консулгарии вазорати хориҷии Украина дар дохили ҳавопаймои  Ан-26 қарор доштани шаҳрвандони Украинаро аз эҳтимол дур намедонад.

18
Барчаспҳо:
марги сарнишинон, суқути Ан-26, суқут, ҳалокат, садама, беморхонаи "Cox's Bazar Sadar Hospital", Ратан Чоудхри, Бангладеш, Украина, Русия
Мавзуҳо:
Суқути Ан-26 дар Бангладеш ва таҳқиқи ҳуввияти қурбониён (3)
Российской военно-транспортной авиации 89 лет

Мотам дар "Амонатбонк": Зариф Ҷӯраев даргузашт

4065
(Таҷдидшуда 19:52 29.10.2020)
Зариф Ҷӯраев, мудири филиали бонки давлатии "Амонатбонк", дар шаҳри Бӯстон дар синни 47 - солагӣ дунёи фониро падруд гуфт

ДУШАНБЕ, 29 окт – Sputnik. Манобеи муътамад аз Бонки давлатии "Амонатбонк" дар вилояти Суғд бо таъйиди ин хабар ба Sputnik Тоҷикистон гуфтанд, ки Ҷӯраев дар Бемористони марказии шаҳри Бӯстон аз бемории "илтиҳоби шуш" табобат мегирифт, вале зуҳри имрӯз ҷон ба Ҳақ таслим кард.

"Он кас аз мутахассисони варзидаи соҳаи бонкдорӣ буд. Хабари даргузашти Зариф Ҷӯраев моро бисёр андуҳгин намуд. Ба аҳли пайвандон ва дӯстонашон сабри ҷамил мехоҳем", - зикр намуд манбаъ.

Зариф Ҷӯраев, 15 ноябри соли 1973 дар ноҳияи Бобоҷон Ғафуров таваллуд шудааст. Хатмкардаи Донишгоҳи муосири шаҳри Маскав (РОСНОУ) мебошад.Ӯ солҳои зиёд дар шуъбаҳои бонки давлатии амонатгузории кишвар "Амонатбонк" фаъолият намудааст. Аз ҷумла, то соли 2018, мудири филиали "Амонатбонк" дар Хуҷанд буд.

Дар оғози соли 2019, бо фармони сардори Раёсати бонки давлатии амонатгузории Ҷумҳурии Тоҷикистон "Амонатбонк" мудири ин бонк дар вилояти Суғд таъйин шуд ва дар ин мақом ҳудуди ҳашт моҳ фаъолият кард.

Набӣ Шораҳмонов даргузашт: иллати марги ӯ номаълум аст

Аз моҳи феврали соли ҷорӣ, мудири "Амонатбонк" дар шаҳри Бӯстон буд. Онҳое, ки бо Зариф Ҷӯраев ҳамроҳ кор кардаанд, аз ӯ ба унвони як мутахассиси варзидаи соҳаи бонкдорӣ ёд намуда, даргузашти ӯро як талафоти бузург дар "Амонатбонк" арзёбӣ мекунанд.

4065
Барчаспҳо:
даргузашт, мудир, "Амонатбонк", Бӯстон
Полицейские охраняют территорию после сообщения о нападении с ножом в церкви Нотр-Дам в Ницце

Теракт дар Фаронса: нафари мусаллаҳ сари занеро буриду ду нафари дигарро парронд - навор

1169
(Таҷдидшуда 17:14 29.10.2020)
Наздикии Нотр - Дам - де Нитса як фарди мусаллаҳ ба роҳгузарон ҳамла намуд. Ӯ сари як занро аз тан ҷудо карду дуи дигаро ҳадафи тир қарор дод

ДУШАНБЕ, 29 окт — Sputnik. Теракти мудҳиш дар наздикии Нотр - Дам - де Нитса тақрибан соати 11:00 ба вақти Маскав рух дод. Бар тибқи маълумоти расмӣ, фарди ношинос бо истифода аз корд сари як зани роҳгузаро бурида, чанд нафари дигарро ҳадафи тир қарор дод.

Бо такя ба маълумоти ахир, бар асари ин теракт дасти кам се нафар ҷони худро аз даст доданд. Гуфта мешавад, ба кормандони мақомоти ҳифзи ҳуқуқ муяссар шуд, ки ҳамлаварро дастгир ва шахсияташро муайян созанд.

Ҳоло омили асосии даст задан ба ин амали нангин дақиқ мешавад.

Раиси шаҳри Нитса Кристиан Эстрози ҳодисаи мазкурро амали террористӣ арзёбӣ кард.

Дар Фаронса сари омӯзгори таърихро аз тан ҷудо карданд: аксҳои пайғамбарро масхара мекард

Дақиқан, чанд ҳафта пеш дар Фаронса ҳодисаи ба ин монанд рух дода буд. Он замон сари профессори коллеҷ аз тан ҷудо карда шуд. Омӯзгори марҳум ба донишҷӯёни худ тасвирҳои танзмези Пайғамбар Муҳаммад (с) - ро нишон медод.

1169
Барчаспҳо:
теракт, Фаронса
(0:00 / .00Mb / просмотров видео: 53)

Маросими савгандёдкунии президенти Тоҷикистон - пахши мустақим

148
(Таҷдидшуда 09:04 30.10.2020)
Имрӯз дар Тоҷикистон маросими ба иҷрои вазифаи Президенти Ҷумҳурии Тоҷикистон шурӯъ намудани Эмомалӣ Раҳмон баргузор мешавад

Маросими савгандёдкунии президент - расман ба иҷрои вазифаи президенти Тоҷикистон шурӯъ намудани Эмомалӣ Раҳмон аст.

Инаугурация Эмомали Рахмона в 2013 году
© Официальная страница пресс-службы президента РТ в Facebook

Он чун анъана дар Қасри миллат ва мисли савгандёдкуниҳои пештар пуршукӯҳ баргузор мешавад.

Ин маросим одатан бо супурдани шаҳодатномаи Президенти Ҷумҳурии Тоҷикистон аз ҷониби Раиси Комиссияи марказии интихобот ва раъйпурсии Тоҷикистон ва Нишони Президенти Ҷумҳурии Тоҷикистон аз ҷониби Раиси Суди Конститутсионии кишвар ба Эмомалӣ Раҳмон оғоз меёбад.

Раисҷумҳур дасти рост ба болои Сарқануни Тоҷикистон гузошта, савганд ёд мекунад.

Ёдрас мешавем, интихоботи раисиҷумҳур дар Тоҷикистон рӯзи якшанбеи 11 октябр тариқи раъйдиҳии пинҳонӣ сурат гирифт. Дар интихоботи президентӣ 5 номзад аз аҳзоби мухталифи кишвар вориди рақобат шуда буданд.

Роҳбандиҳо ҳангоми савганди Раҳмон дар Душанбе: эълони ВКД

Дар интихоботи президентӣ аксари кулли овозҳо 3 млн. 837 ҳазор 227 - 90,92 дарсадро президенти амалкунандаи ҷумҳурӣ Эмомалӣ Раҳмон соҳиб шуд ва боз барои 7 соли дигар президент интихоб гардид.

148