Одамон дар маҳалли инфиҷор дар Лоҳури Покистон

Бар асари инфиҷор дар Покистон 69 нафар қурбон шуданд

22
(Таҷдидшуда 12:16 28.03.2016)
Дар натиҷаи таркиш дар дуюмин шаҳри калонтарин дар наздикии боғи кӯдакон чандин нафар зан ва атфол захм бардоштанд. Масъулияти таркишро гурӯҳи тундрави "Толибон" ба зимма гирифт.

ДУШАНБЕ, 28 мар — Sputnik. Шоми рӯзи якшанбеи 27 март дар шаҳри Лоҳури Покистон таркиш ба вуқӯъ пайваст, менависад оҷонсии Рейтер бо истинод ба намояндагони идораи наҷотдиҳӣ.

Маводи тарканда аз ҷониби террористи худкуш дар наздикии боғи фароғатӣ ба кор дароварда шудааст.

Бар асари инфиҷор наздики 69 нафар ҳалок гардида, аз ин шумора 23 нафарашон кӯдакон мебошанд. Зиёда аз 300 нафар захм бардошта, 56 тифл дар бемористони шаҳрӣ бистарӣ шуданд.

Ба қавли масъулини хадамоти интизомӣ ва амниятӣ, аксари ҳалокшудагон занон ва кӯдаконанд. Қайд мешавад, ки ҳадафи ҳамла масеҳиён будаанд.

Масъулияти ҳодисаро гурӯҳе аз созмони ифротии "Толибон" ба ӯҳда гирифтааст.

 

22
Барчаспҳо:
қурбон шуданд, таркиш, инфиҷор, ҷунбиши "Толибон", Лоҳур, Покистон