Ҳавопаймои ширкати  Egyptair. Акс аз бойгонӣ

Дар дохили ҳавопаймои EgyptAir шаҳрвандони Миср ва Фаронса буданд

15
(Таҷдидшуда 13:07 19.05.2016)
Аз Порис ба Қоҳира тавассути хатсайри MS804 30 шаҳрванди Миср, 15 шаҳрванди Фаронса, 2 нафар аз Ироқ ва ҳамчунин як нафарӣ аз Британия, Белгия, Қувайт, Арабистони Саудӣ, Португалия ва дигар кишварҳо қарор доштанд.

ДУШАНБЕ, 19 май — Sputnik. Дар дохили ҳавопаймои гумшудаи ширкати EgyptAir 30 шаҳрванди Миср ва 15 кас аз Фаронса қарор доштанд, хабар медиҳад РИА Новости бо истинод ба Вазорати авиатсияи Миср.

Ҳамчунин дар дохили ҳавопаймо як шаҳрванди Британия, як нафар аз Белгия, ду шаҳрванди Ироқ ва як нафарӣ аз Қувайт, Арабистони Саудӣ, Судан, Чад, Португалия, Алжир ва Канада қарор доштанд.

Мувофиқи маълумоти мақомот алоқа бо ҳавопаймо соати 2.30 шаб, ҳангоме, ки ҳаопаймо дар фазои минтақаи баҳри Миёназамин парвоз мекард канда шуд.

Қаблан хабар дода шуд, ки ҳавопаймои мусофиркаши марбут ба ширкати Egyptair, ки дар хатсайри Порис-Қоҳира парвоз мекард аз хатти назоратӣ ғайб зад.

Дар дохили ҳавопаймои A320 наздики 66 нафар қарор дошта ҳавопаймо аз фурӯдгоҳи Шарл-де-Гол парвоз кард.

Ширкати ҳавопаймоии EgyptAir барои таҳқиқи ҳодиса ҳайати амалиёти зудамал, ки аз намояндагони ширкатҳои ҳавопаймоии гуногун иборат аст ташкил дод.

15
Барчаспҳо:
ба баҳри Миёназамин афтод, ҳавопаймо, EgyptAir, Порис, Қоҳира
Мавзуҳо:
Ғайбзании ҳавопаймои EgyptAir зимни парвоз аз Порис ба Қоҳира (5)
Мавзуъ
Экипажи ҳавопаймо дар бораи мушкилот ҳангоми парвоз хабар надода буд
Деньги, архивное фото

Ба сари қарзаш рафту корд хӯрд: куштори Ҷоббиров дар Душанбе видео

660
(Таҷдидшуда 17:28 24.02.2021)
Вазорати умури доҳилии Тоҷикистон мегӯяд, бисёри ҷиноятҳои махсусан вазнин, аз ҷумла куштор дар бисёри ҳолатҳо дар заминаи баҳсҳои пулӣ сурат мегиранд

ДУШАНБЕ, 24 фев – Sputnik. Вазорати умури дохилии Тоҷикистон аз боздошти Зоирҷон Абдурасулов, сокини 22-солаи кӯчаи Помири шаҳри Душанбе хабар дод, ки дар куштори Сомон Ҷоббиров муттаҳам мешавад.

Ба иттилои ВУД, Абдурасулов аз Сомон Ҷоббиров, сокини 23-солаи ноҳияи Рӯдакӣ 90 ҳазор сомонӣ қарздор будааст.

Прапоршики Гвардияи миллӣ ҳамсар ва хусуру хушдоманашро паронд: куштори мудҳиш

“Ҷоббиров рӯзи 17 феврал тахминан соати 14:30 дақиқа ба хотири бозпас гирифтани маблағи худ ба манзили истиқоматии Абдурасулов дар кӯчаи Помири шаҳри Душанбе омадааст. Дар пайи муноқиша Абдурасулов дар ҳолати ғазаб як маротиба ба қафаси синаи Ҷобиров корд мезанад, ки дар натиҷа номбурда дар ҷои ҳодиса ба ҳалокат расидаст”, - гузориш дод ВУД.

Манбаъ такид кард, ки феълан алайҳи Абдурасулов парвандаи ҷиноӣ боз шуда, муттаҳам дар ҳабси пешакӣ қарор дорад. Назари бевоситаи айбдоршаванда дар бораи ин қазия маълум нест.

Тибқи иттилои расмии ВУД, соли гузашта дар Тоҷикистон 107 ҷинояти куштор, 33 роҳзанӣ, 161 ғоратгарӣ, 1325 авбошӣ, 2866 қаллобӣ, 6197 дуздӣ ва дигар ҷиноятҳо ба қайд гирифта шудаанд.

660
Барчаспҳо:
Душанбе, куштор, қарз, Тоҷикистон
Сотрудники милиции общаются с водителем в Душанбе

Ронандаи фирорӣ пас аз шикояти хабарнигор ба Рамазон Раҳимзода боздошт шуд

1297
(Таҷдидшуда 17:25 24.02.2021)
Ронандае, ки авоили моҳи ҷорӣ бо худраваш ба мошини як хабарнигори тоҷик бархӯрду фирор кард, боздошт шуд

ДУШАНБЕ, 24 фев — Sputnik. Хабарнигори рӯзномаи "Тоҷикистон"Ахмедов Абдумудассир зимни нишасти хабарии Вазорати умури дохилаи Тоҷикистон ба роҳбари ин ниҳод аз болои як ронанда шикоят кард.

Хабарнигор аз Рамазон Раҳимзода дархост кард, ки нисбати ронандаи автомашинаи тамғаи "Опел - Астра" чораҳои қонунӣ андешанд.

Ба таъкиди Абдумудассир, санаи 9-уми феврали соли ҷорӣ дар назди Комбинати бофандагии шаҳри Душанбе ронандаи мазкур ба худрави ӯ бархӯрд. Ҳарчанд мошини хабарнигор зарари техникӣ дид, вале ронанда ба хотири пинҳон шудан аз ҷавобгарӣ, ҷойи ҳодисаро фавран тарк кард.

Раёсати умури дохила дар шаҳри Душанбе хабар медиҳад, ки бо супориши бевоситаи Рамазон Раҳимзода, кормандони пулис ронандаи фирориро боздошт карданд.

Номбурда Хушвахтзода Мадати 38 - сола, сокини шаҳри Ваҳдат мебошад.

Ронандаи фирорие, ки сабаби марги чаҳор нафар гардид, боздошт шуд

Манбаъ меафзояд, нисбати номбурда бо моддаи 333 қисми 1 Коддекси ҳуқуқвайронкунии маъмурӣ протоколи ҳуқуқвайронкунии маъмурӣ тартиб дода шуда, ба суд ирсол карда шуд.

Ҳамзамон ронанда муваззаф шуд, ки зарари техникии автомашинаи хабарнигорро пурра барқарор кунад.

1297
Барчаспҳо:
боздошт, шикоят, хабарнигор, ронанда
Конкурс Чакомаи Гесу в Худжанде

Мӯдарозтарин духтари Душанберо муайян карданд

0
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

0