Вилояти Қундузи Афғонистон. Акс аз бойгонӣ

Бар асари боришот дар Афғонистон 24 кас қурбон шуданд

24
(Таҷдидшуда 10:46 20.05.2016)
Обхезӣ якчанд деҳаро фаро гирифта, беш аз 200 хонаро дар ин минтақа хароб кардааст. Мутаасифона, сел боиси ҳалокати чанд одам низ гардидааст.

ДУШАНБЕ, 20 май — Sputnik. Дар манотиқи дурдасти музофоти Сарипули Афғонистон бар асари обхезие, ки дар натиҷаи боришоти пай дар пай сар зад, на кам аз 24 нафар қурбон шуданд, иттилоъ медиҳад шабакаи телевизионии "Тулӯъ".

"Дар натиҷаи офати табиие, ки дар минтақаи Куҳистон рух дод, дар маҷмӯъ 10 нафар осеб дида, 40 каси дигар бедарак гаштанд. Обхезӣ якчанд деҳаро фаро гирифта, беш аз 200 хонаро дар ин минтақа хароб кард",- иброз доштааст волии музофот Зоҳир Ваҳдат.

Ба қавли ӯ, обхезӣ ҳамчунин садҳо боғ ва ҳазорҳо гектар заминро шустааст. Теъдоди қурбониён ва осебдидагон низ шояд афзояд.

Тайи як моҳи ахир дар минтақаи Осиёи Марказӣ ва Афғонистон боришоти шадид боиси боло рафтани оби рӯдхонаҳо гардида, селу обхезӣ ба вуҷуд омад.

Қаблан, дар ноҳияҳои Дарвоз ва Панҷакенту Рӯдакии Тоҷикистон низ селу обхезӣ ба сокинон хисороти ҳангуфт ворид карда, беш аз 800 хонаи сокинонро тахриб кард.

24
Барчаспҳо:
ҳалокати 24 нафар, обхезӣ, офати табиӣ, боришоти шадид, Афғонистон
Мавзуъ
Ду қурбонӣ дар садамаҳо. Пас аз боришот
Девушки в защитных масках идут по улице в городе Душанбе

Дамои ҳаво: пешгӯии дақиқи ҳавошиносон барои имрӯз

3
Имрӯз дар ҷумҳурӣ ҳаво камабри бебориш шуда, ҳарорат дар шаҳри Душанбе рӯзона ба 18+20 дараҷа мерасад.

Ба иттилои Агентии обуҳавошиносӣ кишвар, имрӯз дар Вилояти Мухтори Кӯҳистони Бадахшон ҳаво  камабр ва дар баъзе ноҳияҳо тағйирёбандаи бебориш мешавад. Ҳаво дар ғарби вилоят шабона 6-11  дараҷа хунук ва рӯзона ҳаво 0-5 дараҷа  хунук мешавад. Дар шарқи вилоят ҳаво  шабона  22-27 ва рӯзона 15-20 дараҷа  хунук мешавад.

Ҳаво дар вилояти Суғд  камабр ва дар баъзе ноҳияҳо тағйирёбандаи бебориш шуда,  туман мефарояд.  Ҳаво  дар водиҳо шабона аз 1 дараҷа хунук  то 4 дараҷа гарм ва рӯзона 6+11 дараҷа гарм мешавад. Дар ноҳияҳои кӯҳӣ ҳаво шабона 5-10 дараҷа хунук  ва рӯзона  6+11 дараҷа гарм  мешавад.

Дар вилояти Хатлон  ҳаво камабри бебориш шуда, дар баъзе ноҳияҳо туман мефарояд.  Ҳаво дар водиҳо шабона аз 3 дараҷа хунук то  2 дараҷа гарм ва рӯзона 16+21 дараҷа гарм мешавад.  Дар ноҳияҳои доманакӯҳӣ ҳаво шабона 0+5 дараҷа гарм ва рӯзона 14+19 дараҷа гарм мешавад.

Дар шаҳру ноҳияҳои тобеи марказ ҳавои камабр ва дар баъзе ноҳияҳо тағйирёбандаи бебориш дар назар аст. Ҳаво  дар водиҳо  шабона аз 2 дараҷа хунук то 3 дараҷа гарм ва рӯзона 16+21 дараҷа гарм мешавад.  Дар ноҳияҳои кӯҳӣ ҳаво шабона аз 2  дараҷа хунук то 3 дараҷа гарм  ва рӯзона 4+9 дараҷа гарм  мешавад.

Дар  шаҳри Душанбе ҳавои камабри бебориш пешбинӣ шудааст.  Ҳарорати ҳаво шабона  аз 1 дараҷа хунук то 1 дараҷа гарм ва рӯзона   18+20 дараҷа гарм  мешавад.

3
Машина пожарной службы

ВКД сабаби зиёд шудани сӯхтор дар Тоҷикистонро гуфт

85
(Таҷдидшуда 17:15 15.01.2021)
Вазорати умури дохилии Тоҷикистон мегӯяд, ба далели сардӣ ҳолатҳои сар задани сӯхтор низ дар кишвар афзоиш меёбад

ДУШАНБЕ, 15 янв — Sputnik. ВУД бо нашри як иттилоия таъкид кардааст, ки дар мавсими зимистон шумораи бештари ҳодисаҳои сӯхтор дар манзилҳои истиқоматии шаҳрвандон, дар натиҷаи риоя нашудани одитарин талаботи қоидаҳои бехатарӣ сар мезананд.

Ин ниҳод изҳори нигаронӣ кардааст, ки шаҳрвандон ҳангоми истифодаи асбобу таҷҳизоти барқию газии маишӣ, печҳо ва тануру оташдонҳо, васлу насби ноқилҳои барқӣ қоидаҳоро сарфи назар мекунанд. Таъкид шудааст, ки аз меъёр барзиёд истифодабарии қувваи барқ, боиси сарборӣ ва расиши кӯтоҳи ноқилҳо мегардад.

Инчунин интихоби нодурусти ҷойҳои захираи хӯроки дурушти чорво, ҳезуму ангишт ва нигоҳдории маводу ашёҳои сӯзанда дар ҷойҳои аз ҷиҳати сӯхтор хавфдошта зикр шудаанд.

Ба иттилои ин ниҳод бо фармони вазири умури дохилӣ барои огоҳ кардани аҳолӣ бо меъёр ва талаботи қоидаҳои бехатарӣ аз сӯхтор корҳои фаҳмондадиҳӣ тақвият дода шуданд.

85
Барчаспҳо:
Вазорати умури дохила, сӯхтор, Тоҷикистон