Афғонистон. Акс аз бойгонӣ

Даргирӣ дар Фарёби Афғонистон 10 қурбонӣ дар пай дошт

18
(Таҷдидшуда 12:10 22.05.2016)
Манбаъ таъуид мекунад, ки ҳоло як воҳиди низомии давлатӣ миёни ин ду гуруҳ мустақар шуда ва онҳоро намегузорад бо ҳам даргир шаванд.

ДУШАНБЕ, 22 май — Sputnik. Муқовимати низомӣ миёни гуруҳҳои Абдурашиди Дӯстум ва Салоҳиддини Раббонӣ дар вилоятҳои Фарёб ва Балхи Афғонистон мунҷар ба марги 10 нафар гардид, иттилоъ медиҳад "Афганистан.ру".

Ба навиштаи ин пойгоҳи хабарӣ, даргирӣ рӯзи чоршанбе ба вуқӯъ пайваста он боиси вокуниши сареъи Ато Муҳаммади Нур, волии Балх ва Сайид Анвар Содот, волии Фарёб дар шабакаҳои иҷтимоӣ шуд.

Оқои Ато Муҳаммади Нур дар саҳифаи фейсбукии  худ хитоб ба роҳбарони Ҳукумати ваҳдати миллӣ навиштааст, ки: "Мо дар чанд ҷабҳа биҷангем?".

Волии Балх инчунин нерӯҳои мансуб ба Абдулрашиди Дӯстумро ба ташаннуҷи авзоъ дар минтақа муттаҳам кард ва навишт, дар ҳоле ки нерӯҳои Ҷамъияти исломӣ саргарми мубориза бо "Толибон" дар Фарёб ҳастанд, дар муноқишаи  шаби гузашта ба иловаи "Толибон" фармондеҳоне аз ҷунбиши миллӣ низ бар манотиқи генерал Форуқ Қотеъ, аз гуруҳи  аршади Ҷамъияти Исломӣ ҳамла карданд. Сайид Анвар Содот бошад, гуфтааст, ки ҷанг фақат миёни ду фармондеҳ рух дод.

Вай ҳамчунин тайид кард, ки дар ин даргирӣ аз ду ҷониб даҳ нафар кушта шуданд. Ба гуфтаи Содот ин гуна даргириҳо дар гузашта ҳам дар қаламрави дур аз вилоёт миёни нерӯҳои Ҷамъияти Исломӣ ва Ҷунбиши исломӣ рух медоданд.

18
Барчаспҳо:
марги 10 нафар, муқовимати низомӣ, даргирӣ, Толибон, Ато Муҳаммади Нур, Афғонистон
Мавзуъ
Бар асари боришот дар Афғонистон 24 кас қурбон шуданд
Русия ва Афғонистон бар зидди терроризм якҷоя мубориза хоҳанд бурд
Дар Афғонистон мубориза бо фасод тақвият меёбад
ВМ Афғонистон: истифодаи “Толибон” алайҳи ДИИШ бефоида аст
Гипермаркет Ашан в Душанбе, архивное фото

Сигоркашӣ дар ҳоҷатхонаи занона: сабаби сӯхтор дар Ашан маълум шуд

2152
(Таҷдидшуда 21:59 07.07.2020)
Омили сар задани сӯхтор дар бузургтарин фурӯшгоҳи маркази пойтахт "Душанбе - Мол" маълум гардид. Маъмурияти фурӯшгоҳ мегӯяд, сигоре, ки дар ҳоҷатхонаи занона кашида шуд, вале пурра хомӯш нашуда буд, ба сӯхтор оварда расонд

ДУШАНБЕ, 7 июл — Sputnik. Сигоре, ки дар ҳоҷатхонаи занона пас аз дуд задан пурра хомӯш нашуда буд, ба оташсӯзӣ дар бузургтарин фурӯшгоҳи пойтахт "Душанбе - Мол" оварда расонд. Дар ин бора маъмурияти фурудгоҳ дар сафҳаи расмии худ дар Фейсбук хабар доданд.

"Сӯхтор ба иллати дар ҳоҷатхонаи занона дар ошёнаи сеюм хомӯш нагардидани сигор сар задааст", - гуфта мешавад дар сафҳаи расмии ин марказ дар Фейсбук.

Қайд гардидааст, ки кормандони маркази савдо фавран барои хомӯш кардани сӯхтор чораандешӣ намуданд. Аммо дуд тавонист тавассути вентилятсия то қабатҳои поён ва ҳатто то таваққуфгоҳ паҳн шавад.

Маъмурияти марказ таъкид намуданд, ки дар зудтарин фурсат "Душанбе - Мол" ба қабули муштариён шурӯъ мекунад.

2152
Барчаспҳо:
маркази савдо, сӯхтор
Председатель Китая Си Цзиньпин и президент Таджикистана Эмомали Рахмон в Пекине

Изҳори тасаллияти Раҳмон ба Си Ҷинпин ва Синдзё Абэ дар робита ба обхезиҳои ахир

229
(Таҷдидшуда 19:44 07.07.2020)
Эмомалӣ Раҳмон, раисиҷумҳури Тоҷикистон имрӯз ба ҳамтои чинияш Си Ҷинпин ва сарвазири Япония Синдзё Абэ барқияи тасаллият ирсол кардааст.

ДУШАНБЕ, 7 июл — Sputnik. Тибқи иттилои дафтари матбуотии президенти Тоҷикистон Эмомалӣ Раҳмон номаи тасаллиятро дар робита ба обхезиҳои ахир дар Чин фиристодааст.

Дар номаи раисиҷумҳур аз ҷумла омадааст: “Хабари фоҷеабори сар задани обхезиҳои шадиду дар натиҷаи он ба ҳалокат расидани мардум ва ба вуқӯъ пайвастани харобиҳои зиёд дар як қатор ноҳияҳои ҷанубии Ҷумҳурии Мардумии Чин боиси андуҳи амиқи ин ҷониб гардид”.  

Эмомалӣ Раҳмон ҳамдардии самимии худро ба пайвандон ва наздикони қурбониёни ин офати табиӣ изҳор дошта, барои ҳамаи осебдидагон шифои комил хостааст.

Раисиҷумҳури кишвар ҳамзамон ба сарвазири Япония Синдзё Абэ низ изҳори тасаллият кардааст.

"Хабари дар ҷануби Япония сар задани ярчу обхезиҳои шадид, ки боиси ба ҳалокат расидани шаҳрвандон гардида, харобиҳои калонмиқёсро ба бор овардаанд, моро хеле андуҳгин кард",-омадааст дар номаи тасаллияти Эмомалӣ Раҳмон.

Президенти Тоҷикистон дар иртибот ба пайомадҳои фоҷеабори ин офати табиӣ ҳамдардиву тасаллияти амиқи худро ба пайвандону наздикони фавтидагон иброз дошта, ба ҳамаи осебдидагон шифои комил хостааст.

229
День 8 июля

Ҷашнҳои рӯзи 8 июл дар Тоҷикистон ва ҷаҳон

0
(Таҷдидшуда 21:55 07.07.2020)
Рӯзи ҳаштуми июл дар Тоҷикистон аз Рӯзи маъюбон ва пиронсолон ҷашн гирифта мешавад. Дар Русия бошад Рӯзи оила, боварӣ ва муҳаббат қайд гирифта мешавад

Рӯзи 8 июл дар ҷаҳон чӣ рух дод

Соли 1884 дар Лондон Ҷамъияти миллӣ оид ба пешгирии бераҳмӣ нисбат ба кӯдакон таъсис дода шуд.

Соли 1918 дар шаҳри Киеви Украина Сенати давлатии Украина ташкил карда шуд.

День 7 июля
© Sputnik / Стас Этвеш / Вишнякова Мария
Соли 1948 бомбаандози реактивии "Ил-28" аввалин парвози худро анҷом дод.

Соли 1944 дар Иттиҳоди Шӯравӣ унвони фахрии "Қаҳрамонмодар» таъсис дода шуд.

Соли 1796 Департаменти давлатии ИМА аввалин маротиба ба шаҳрвандони ин кишвар шиноснома дод.

Ҷашнҳои рӯзи 5 июл дар Тоҷикистон ва ҷаҳон

Соли 1889 аввалин шумораи рӯзномаи "The Wall Street Journal", ки яке аз бонуфузтарин рӯзномаҳои ИМА мебошад, нашр шуд. Соли 2010 адади нашри он ба зиёда аз 2 миллиону 100 ҳазор нусха расид.

Рӯзи 8 июл дар Тоҷикистон чӣ рух дод

Cоли 1932 дар Ҷумҳурии Тоҷикистон ноҳияи Данғара таъсис дода шуд.

Cоли 2004 дар шаҳри Душанбе раисҷумҳури Тоҷикистон Эмомалӣ Раҳмон ва Котиби вақти иҷроияи ИДМ Владимир Рушайло маҷмӯи васеи масъалаҳои дорои хусусияти  минтақавию байналмилалӣ, ҳамкории иқтисодии миёни мамлакатҳои узви ИДМ ва дигар мавзӯъҳои муҳими вобаста ба робитаҳои бисёрҷонибаи Тоҷикистонро баррасӣ карданд.

День 6 июль
© Sputnik / Стас Этвеш / Вишнякова Мария
Cоли 2010  дар деҳаи Искодари ноҳияи Айнии вилояти Суғд хишти аввали зеристгоҳи хатти баландшиддати барқи Хуҷанд-Айнӣ гузошта шуд, ки арзиши лоиҳавии он зиёда аз 130 миллион сомониро ташкил медиҳад.

Соли 2014 Президенти мамлакат Эмомалӣ Раҳмон ва Роҳбари вақти Департаменти федералии молияи Швейтсария  Эвелин Видмер-Шлюмпф масоили ҳамкории гуногунҷанбаи Тоҷикистону Швейтсарияро баррасӣ намуданд.

Соли 2015 масъалаҳои вобаста ба рушди ҳамкории Тоҷикистону Русия дар самтҳои сиёсат, иқтисод, илму маориф ва фарҳанг баррасӣ шуданд.

Ҷашнҳои рӯзи 8 июл

Дар Ҷумҳурии Тоҷикистон – Рӯзи маъюбон ва пиронсолон.

Дар Замбия — Рӯзи Ваҳдат.

Дар Русия — Рӯзи  оила, боварӣ ва муҳаббат.

Рӯзи 8 июл дар Тоҷикистон кӣ ба дунё омадааст

Соли 1903 – ҳунарманди халқии Тоҷикистон Николай Каюков.

Соли 1948 – рассом Раҳматулло Абдураҳмонов.

Соли 1950 – ходими давлатӣ Бобохон Маҳмадов.

Соли 1959 – ҳофиз, ҳунарманди хизматнишондодаи Тоҷикистон Усмоналӣ Раҳматов.

Соли 1964 – раққоса, ҳунарманди хизматнишондодаи Тоҷикистон Заррина Ёдгорова.

0
Барчаспҳо:
ҷашн, ҷаҳон, Тоҷикистон