Мошини террорист, баъди тирпаррорнии кормандони пулис. Акс аз бойгонӣ

Ҳамлаҳои террористии соли 2016: қурбониёни таркишҳо

40
(Таҷдидшуда 12:00 09.08.2016)
Ҳамла дар Нитса яке аз бузургтарин амалҳои террористӣ аз ҷиҳати шумораи қурбониён, ки 84 нафар кушта бар ҷой гузошт, мебошад. Аксари ҳамлаҳои террористӣ ба мардуми осоишта дар соли 2016 аз ҷониби гурӯҳи терористии Давлати Исломӣ анҷом дода шудаанд.

ДУШАНБЕ, 16 июл — Sputnik. Фаронса, Белгия, Туркия, Ироқ, Сурия, Нигерия, Афғонистон, Бангладеш, Яман — ҷуғрофияи ҳамлаҳо дар соли 2016 дар афзоиш аст. Ин дафъа ҷашни "Рӯзи ишғоли Бастилия" дар Нитса бо фоҷиаи бузург анҷом ёфт.

Шоми рӯзи 14 июл ронандаи боркаш  мардуми осоиштаро пахш намуда ба сӯяшон оташ кушод. Дар пайи ҳамлаи террористӣ 84 нафар ба ҳалокат расида, 18 кас бо ҷароҳатҳои вазнин дар ҳолати беҳушӣ қарор дошта, 50 нафари дигар замӣ шудаанд.

Ҳамлаҳои бузургтарини соли 2016

12 ва 13 июл дар қисми шимолии Бағдод ду таркиш ба амал омад. Дар инфиҷори аввал 11 нафар ба ҳалокат расида таркиши дуюм ҳафт кушта бар ҷой гузошт.

 8 июл на кам аз 12 нафар дар пайи ҳамлаи террористи худкуш, ки дар масҷиди шаҳри Дамбоаи иёлоти Борнои Нигерия ба вуқӯъ пайваст, ба ҳалокат расид.

Шаби 7 июл бар асари  якқатор таркишҳо дар шаҳри Балад, ки дар қисми шимолии Ироқ ҷойгир аст тақрибан 40 нафар ба ҳалоат расида 75 каси дигар ҷароҳатҳои гуногуни ҷисмонӣ бардоштанд.

Шаби 2 июл мошин дар дохилаш маводҳои тарканда дар маркази Бағдод, ҷое, ки тарабхонаҳои зиёд он ҷо воқеъ ҳастанд, таркид. Таркиши фоҷиабор чанд бинои наздикро ба сухтор дучор кард. Дар пайи он 292 нафар ҳалок шуданд.

Шоми 1июл террористони мусаллаҳ ба тарабхонаи шаҳри Дакка (Бангладеш) ҳуҷум карданд. Рӯзи баъди пулиси кишвар ҷои ҳодисаро тафтиш карда, шаш террористро нобуд кард. Дар рафти амалиёти вижа 13 нафар аз дасти ҷанггиён озод карда шуда, 20 нафар қурбон гардиданд.

Шоми 28 июн се таркиши бузург дар фурӯдгоҳи Отатурки Туркия рух дод. Бар асари таркишҳо 44 нафар ба ҳалокат расид аз онҳо 19 нафарашонро шаҳрвандони хориҷӣ ташкил доданд, 239 каси дигар ҷароҳатҳои гуногуни ҷисмонӣ бардоштанд.

Ситуация в аэропорту Анкары
© REUTERS / MURAD SEZER
Вазъияти фурӯдгоҳ дар Туркия

Субҳи рӯзи 20 июн дар Кобули Афғонистон микроавтобус, ки дар дохили он кормандони ҳифзи ҳуқуқи зодагони Непал қарор доштанд таркид. 14 нафар дар пайи таркиш ҳалок шуда на кам аз ҳашт кас захмӣ гардид.

11 июн ду таркиш дар минтақаи аҳолинишини Сеид Зейнаби Сурия рух дод. Таркиши аввал аз ҷониби террористи худкуш ба амал оварда шуда, инфиҷори баъдӣ ба вуқӯъ пайваст. 16 нафар қурбони ду таркиш гардида, 46 каси дигар захмӣ шуданд.

9 июн дар ду ноҳияи пойтахти Ироқ шаҳри Бағдод ду таркиш ба амал омад. Инфиҷори аввал дар нуқтаи аҳолинишини Ал-Ҷадид дар қисми шимолии Бағдод рух дода, таркиши дуюм дар шаҳри Таҷӣ ба вуқӯъ пайваст. Дар пайи ду инфиҷор 28 нафар ба ҳалокат расид.

7 июн таркиши бузург дар ноҳияи Баязиди маркази Истамбул зимни гузаштани автобуси кормандони ҳифзи ҳуқуқ рух дод. 11 нафар дар пайи ҳамлаи террористӣ ҳалок шуда, 36 каси дигар ҷароҳатҳои вазнин бардоштанд.

17 май на кам аз 13 нафар бар асари таркиши ду бомб дар Бағдоди Ироқ, 40 тани дигар захмӣ шуданд. Мошини дар дохилаш бомба дошта дар қисми ҷанубии ноҳияи Ар-Рашид таркид. Таркиши дуюм дар бозори ноҳияи Аш-Шааб рух дод.

Рӯзи 15 май террористи худкуш худро дар ҷануби Яман тарконида дар пайи он 41 нафар ба ҳалокат расида 60 тани дигар ҷароҳат бардоштанд.

11 май пойтахти Ироқ як қатор таркишҳоро аз сар гузаронд, ки дар пайи он 94 нафар ҳалок шуда, 150 каси дигар ҷароҳатҳои гуногуни ҷисмонӣ бардоштанд. Ҷавобгарии таркишро гурӯҳи ҷиноии Давлати Исломӣ (мамнӯъ дар Тоҷикистон) бар ӯҳда гирифт.  

10 май таркиши мошини боркаш дар Туркия ҷони 16 нафарро рабуд.

30 апрел мошини боркаш, ки дар дохилаш маводи тарканда ҷой дода шуда буд, дар Нахравани Бағдод таркида, 19 кушта бар ҷой гузошт.

22 апрел на кам аз 25 нафар бар асари таркиш дар масҷиди Ироқ ҳалок гардиданд.

19 апрел дар маркази Кобули Афғонистон ду инфиҷор рух дод. 64 нафар дар пайи таркиш ба ҳалокат расида 347 каси дигар захмӣ шуд.

Субҳи рӯзи 22 март дар фурӯдгоҳи байналмиллалии Брусел ду таркиш ба амал омад. Таркиши сеюм каме баъдтар дар дохили вагони қатора ба вуқӯъ пайваст. Дар пайи амалиёти террористӣ 32 нафар ҳалок ва зиёда аз 300 каси дигар ҷароҳат бардоштанд.

Терминал международного аэропорта в Брюсселе, где взорвалась бомба
© REUTERS / FRANCOIS LENOIR
Терминали фурӯдгоҳи Бруссел

Ҷавобгарии инфиҷорро ҳаракати тундрави Давлати Исломӣ (мамнӯъ дар Тоҷикистон) бар душ гирифт.

Шоми рӯзи 13 март дар маркази шаҳри Истамбули Туркия дар истгоҳи автобус ҳангоми зиёд шудани шумораи мардум мошини бомбадор таркид. Бар асари таркиш 37 нафар ҳалок шуда, 125 каси дигар захмӣ гардиданд.

29 феврал дар Ироқ террористи худкуш худро дар маросими видои нафаре  тарконд. Бино ба иттилои ВАО 35 нафар ба ҳалокат расида 50 тани дигар захмӣ шуданд.

9 феврал террористон ба лагери иёлоти Боно ҳуҷум намуданд. Дар пайи якқатор таркишҳо зиёда аз 60 нафар ба ҳалокат расида, чанд тани дигар захмӣ шуданд.

31 январ дар қисми ҷанубии Димишқ се таркиш рух дод. Дар пйи се таркиш биноҳио истиқоматӣ, мағозаҳо ва бозорҳо харобу валангор шуда, 76 нафар ба ҳалокат расид ва 128 тани дигар ҷароҳатҳои вазнин бардоштанд.

40
Барчаспҳо:
таркишҳо, инфиҷор, Давлати Исломӣ
Президент Таджикистана Эмомали Рахмон

Нигаронии Раҳмон аз иҷро нашудани барномаҳо, буҷа ва андоз дар Шаҳритус

241
(Таҷдидшуда 11:12 22.09.2020)
Эмомалӣ Раҳмон, президенти Тоҷикистон субҳи имрӯз, зимни мулоқот бо сокинони ноҳияи Шаҳритус аз иҷро нагаштани баъзе аз барномаҳо ва корҳо дар ноҳия изҳори нигаронӣ кард

ДУШАНБЕ, 22 сен — Sputnik. Тибқи иттилои дафтари матбуотии президент, Эмомалӣ Раҳмон бо таассуф гуфтааст “Барномаи рушди иқтисодиву иҷтимоии ноҳияи Шаҳритус барои солҳои 2016-2020” ҳамагӣ 56 фоиз иҷро шуд.

Ба гуфти президент, аз 104 лоиҳаи пешбинишуда ҳамагӣ 60 лоиҳа ба маблағи 33 миллион сомонӣ татбиқ гардида, дар 28 лоиҳаи дигар корҳо идома доранд. Яъне 16 лоиҳаи барнома иҷро намегардад, ки хеле ташвишовар мебошад.

Эмомалӣ Раҳмон вобаста ба ин, ба ҳукумати вилояти Хатлон ва  Шаҳритус дастур додааст, ки ҷиҳати самараноку босифат татбиқ гардидани барномаи қабулгардида ҳамкориро бо вазорату идораҳо, шарикони рушд ва бахши хусусӣ беҳтар ба роҳ монанд.

Зеро ба гуфти раисиҷумҳур, иҷрои босифати барномаи мазкур, пеш аз ҳама, ба таъсиси ҷойҳои нави корӣ ва беҳтар гардидани сатҳу сифати зиндагии мардум мусоидат мекунад.

Ба иттилои манбаъ,  дар бист соли охир дар ноҳияи Шаҳритус беш аз 30 ҳазор ҷойи корӣ таъсис дода шудааст, ки президент ин рақамро қонеъкунанда арзёби накарда гуфт, ноҳия хеле сераҳолӣ мебошад.

Ба иттилои манбаъ, дар ин давра истеҳсоли сабзавот, меваю ангур, гӯшту шир, тухму пашм, асал ва гӯшти моҳӣ зиёд гардида, вале истеҳсоли картошка, полезӣ ва пилла коҳиш ёфтааст.

"Соли ҷорӣ дар ноҳия ҳамагӣ дар майдони 388 гектар кишти картошка гузаронида шудааст, ки нисбат ба ҳамин давраи соли гузашта 133 гектар ё 25,5 фоиз кам мебошад. Аз ҳамин сабаб ҷамъоварии картошка низ нисбат ба ҳамин давраи соли гузашта 2,9 ҳазор тонна ё 32,4 фоиз кам гардидааст",- гуфтааст Эмомалӣ Раҳмон.

Ӯ ҳамзамон аз иҷроиши нақшаи буҷа ва андозҳо низ нигаронӣ карда гуфт, дар ҳафт моҳи соли 2020 ба буҷети маҳаллӣ беш аз 18 миллион сомонӣ маблағ ворид гардидааст, ки 94,5 фоизи нақшаро ташкил дода, дар ин давра нақшаи андозҳо аз даромад, боҷи давлатӣ, воситаҳои нақлиёт ва низоми махсуси андозбандӣ таъмин нагардидаанд.

“Ҳамзамон бо ин, дар ҳафт моҳи соли равон бақияи қарзи андозҳо 8,4 миллион сомониро ташкил додааст, ки нисбат ба аввали соли ҷорӣ 4,5 миллион сомонӣ зиёд мебошад”,-гуфтааст президент.

Президент барои рафъи камбудиҳо ба масъулини ноҳия дастур додааст, ки якҷо бо Кумитаи андоз корро дар самти фаҳмондадиҳӣ ба соҳибкорон ва аҳолӣ тақвият бахшида, барои пурра иҷро намудани нақшаи андозу пардохтҳо, кам кардани бақияпулиҳои андоз ва роҳ надодан ба пайдоиши бақияпулиҳои нав ҷораҷӯӣ намоянд.

 

241
Барчаспҳо:
мулоқот, н. Шаҳритус, Эмомалӣ Раҳмон, Тоҷикистон
Российской военно-транспортной авиации 89 лет

Мотам дар оилаи Тураевҳо: даргузашти тоҷири маъруф, ки “илтиҳоби шуш” дошт

7044
Султон Тӯраев, яке аз тоҷирони маъруфи Истаравшан ва бародари Сайфиддин ва Қурбон Тӯраевҳо, сиёсатмадорони маъруфи Тоҷикистон дар синни 69 – солагӣ бо зиндагӣ падруд гуфт

ДУШАНБЕ, 21 сен — Sputnik. Яке аз наздикони марҳум дар таъйиди ин хабар ба Sputnik Тоҷикистон гуфт, Султон Тӯраев тайи даҳ рӯзи ахир дар Шифохонаи шаҳрии Истаравшан бо ташхиси “илтиҳоби шуш” табобат мешуд.

“Баъди зуҳри имрӯз духтурон хабар доданд, ки вазъашон ба вахомат гароидааст. Соате нагузашта, хабар доданд, ки ҷон ба ҷонофарин таслим кардаанд”, - гуфт ӯ.

Султон Тӯраев дуввумин намояндаи хонаводаи маъруфи Тӯраевҳо дар Истаравшан аст, ки дар замони пандемияи “вируси корона” оламро тарк мекунад.

30 майи соли равон бародари ӯ Сайфиддин Тӯраев дар синни 75 – солагӣ аз маризии дил вафот карда буд. Бародари бузурги онҳо - Қурбон Тӯраев низ дар ин миён як бор ба маризӣ печида, пас аз муддате шифо ёфт.

Сайфиддин ва Қурбон Тӯраевҳо сиёсатмадорони маъруфи Тоҷикистонанд, ки дар солҳои 90 – ум барои истиқрори сулҳ ва як ҳукумати мутамарказ дар Тоҷикистон нақши боризе доштанд.

Сайфиддин Тӯраев дар гузашта вазири хидмати маишӣ (1986-89), муовини аввали раиси Шӯрои Олӣ буд ва дар интихоботи президентии ноябри соли 1999 номзад ба мақоми раисиҷумҳури Тоҷикистон пешниҳод шуд.

Қурбон Тӯраев дар замони Шӯравӣ раиси Кумитаи Ҳизби коммунисти Тоҷикистон дар навоҳии Айнӣ, Мастчоҳ, шаҳри Ӯротеппа, пас аз истиқлолият вазири кишоварзии Тоҷикистон буд.

Ҳарду солҳои 1990 узви Шӯрои олӣ буданд ва дар иҷлосияи XVI – и Шӯрои Олии Тоҷикистон даъвати дувоздаҳум, ки 16 ноябри соли 1992 дар Қасри Арбоби шаҳри Хуҷанд баргузор шуд, ширкат намуда, аз номзадии Эмомалӣ Раҳмон ба раёсати Шӯрои олӣ пуштибонӣ намудаанд.

Дар қиёс бо бародарони худ Султон Тӯраев як умр бо тиҷорат – пешаи хонаводагии Тӯраевҳо машғул буд. Пас аз суқути Иттиҳоди Шӯравӣ ӯ дар заминаи Идораи тиҷорати давлатии ҳукумати шаҳри Ӯротеппа (ҳоло Истаравшан) Ҷамъияти саҳҳомии “Хуросон” – ро таъсис дода, то дами марг мудири кулли он ба шумул мерафт.

Аз сӯи дигар, ба қавли наздикон, Султон Тӯраев ҳарчанд бо сиёсат сарукор надошт, аммо ба шеъру шоирӣ алоқаи зиёд дошт.

Сайфиддин Тӯраев собиқ номзади президентӣ аз олам даргузашт

“Чанд намунаи ашъори он кас низ нашр шудаанд, ки то ҷое дилу нарму дунёи шоиронаи он касро ошкор мекунад”, - гуфтанд онҳо.

Ҷанозаи марҳум асри имрӯз, 21 сентябр, дар қабристони Калламанораи шаҳри Истаравшан ба хок супурда шуд.

7044

Қоидаҳои вуруд шаҳрвандони Тоҷикистон ба Ӯзбекистон

0
(Таҷдидшуда 13:11 22.09.2020)
Давлати Ӯзбекистон аз аввали октябр маҳдудиятҳои вуруд ва хурӯҷ ба ин кишварро дар бахшҳои ҳавоӣ, роҳи оҳан ва заминӣ бо риояти муқаррароти қарантина ва беҳдоштӣ лағв мекунад
Қоидаи вуруд ба Ӯзбекистон ҳангоми пандемия

Бар асоси тасмими Комиссияи вижаи мубориза бо вируси корона дар Ӯзбекистон, маҳдудият барои тараддуди шаҳрвандон ва васоили нақлия аз тариқи гузаргоҳҳои марзӣ коҳиш меёбад.

Маҳдудиятҳо аз 1 октябри соли равон барои сайёҳони сабуктар мешавад.   

Афроде, ки аз тариқи гузаргоҳҳои заминӣ аз Тоҷикистон, Қазоқистон, Туркманистон ва Афғонистон ба ин кишвар ворид шаванд пас аз тести вируси корона барои қарантинаи 14 рӯза ба меҳмонхонаҳо эъзом хоҳанд шуд.

Парвозҳо низ ба дараҷаҳои “сурх”, “зард” ва “сабз” тақсимбандӣ шудааст ва афроди ворид шуда бо парвоз аз тариқи кишварҳои “сабз” шомили Чин, Таиланд, Малайзия, Кореяи Ҷанубӣ, Гурҷистон, Венгрия, Финляндия, Латвия, Утриш ва Япония метавонанд бидуни маҳдудият вориди Ӯзбекистон шаванд.

Афрод муқими кишварҳои “зард” монанди Озарбойҷон, Беларус, Имороти Муттаҳидаи Арабӣ ва кишварҳои Иттиҳоди Аврупо ғайр аз Англия ва Испания ва низ манотиқи қирмиз, ки соири кишварҳои ҷаҳонро дар бар мегирад фақат дар сурати надоштани бемории вируси корона метавонанд вориди Ӯзбекистон шаванд.

0
Барчаспҳо:
қоидаҳои вориду хориҷ шудан, беҳдоштӣ, роҳи оҳан, ҳавоӣ, маҳдудият, Ӯзбекистон, Тоҷикистон