Ҷасади боз як шаҳрванди Тоҷикистон аз таги барф ёфт шуд

© REUTERS \ Omar SobhaniҒарқшавии мошин дар барф. Акс аз бойгонӣ
Ғарқшавии мошин дар барф. Акс аз бойгонӣ - Sputnik Тоҷикистон
Обуна шудан
Наҷотдиҳандагони Кумитаи ҳолатҳои фавқуллодаи ҶТ ҷасади боз як шаҳрванди Тоҷикистонро аз таги браф бароварданд

ДУШАНБЕ, 6 фев — Sputnik. Ҷасади шаҳрванди Тоҷикистон, ки санаи 28-уми январ дар пайи бориши зиёди барф дар роҳи Душанбе-Хуҷанд нопадид шуд, дирӯз аз ҷониби наҷотдиҳандагон бароварда шуд, менависад РИА Новости аз қавли сухангӯи хадамоти матбуоти КҲФ Умеда Юсупова.

"Дар пайи тармафароӣ, ки санаи 28-29-уми январ дар кишвар ба қайд гирифта шуд, дар роҳи Душанбе-Хуҷанд нӯҳ нафар ба ҳалокат расид. Ҷасади нафари 10-ум, ки гумшуда ҳисобида мешуд, рӯзи якшанбе дарёфт шуд. Шахсияти ҳамаи фавтидагон маълум ва ҷасади онҳо ба хешовандонашон супурда шуд",-гуфт ӯ.

Яхҳои тори девор. Акс аз бойгонӣ - Sputnik Тоҷикистон
Ҳушёр бош !: КҲФ аз лағзиши барф ва афтиши шушаҳои ях огоҳ мекунад

Мувофиқи маълумоти IRS, ки фаъолияти роҳи Душанбе-Хуҷандро бар дӯш дорад, хабар дод, ки дар айни замон шоҳроҳи Душанбе-Чанак дар пайи фаромадани тарма дар минтақаи 48-73-километрӣ баста шудааст. Дар минтақаи гуфташуда, техникаҳои махсус сафарбар карда шудаанд.

Дар баробари ин ҳафтаи дуюм мешавад, ки роҳи марказии Вилояти Мухтори Кӯҳистони Бадахшон шаҳри Хоруғ баста аст. 

Кормандони КҲФ танҳо ба муддате, роҳҳои Хоруғ-Душанберо кушоданд, вале шоҳроҳҳои дохилии Хоруғ-Мурғоб ва Хоруғ Ишкошим дар натиҷаи тармафароӣ ҳамоно бастааст.

Кумитаи ҳолатҳои фавқуллода ҳамоно аз хатари яхбандӣ бориши барзиёди барф ва тармафароӣ огоҳ мекунад. КҲФ  аз аҳолӣ хоҳиш мекунад аз сафарҳои бидуни зарурат ба манотиқи тармахез худдорӣ карда, хеле эҳтиёткор ва ҳушёр бошанд.

Лентаи хабарҳо
0