Мошини ёрии таъҷилӣ. Акс аз бойгонӣ

Рашк, ҷанҷол, куштор: тавзеҳи мақомоти Русия дар бораи ҳалокати муҳоҷири тоҷик

208
(Таҷдидшуда 13:09 14.02.2017)
Дӯстони муҳоҷири кушташуда мегӯянд, ки пизишкони шаҳри Екатеринбург ӯро ба баҳонаи надоштани санадҳои лозим ба бемористон роҳ надоданд

ДУШАНБЕ, 14 фев — Sputnik. Хабаргузории "РИА Новости" гузориш медиҳад, ки намояндагони бемористони марказии шаҳри Екатеринбург хабарҳо дар бораи роҳ надодани як шаҳрванди захмишудаи Тоҷикистонро такзиб карданд.

Ёдоварӣ мекунем ки ин муҳоҷири тоҷик шанбе шаб дар пайи муноқиша захмӣ шуда буд ва дӯстонаш ӯро ба бемористони №23 оварданд, вале пизишкон ӯро ба баҳонаи надоштани санадҳои лозим ба бемористон роҳ надодаанд. Дӯстонаш он ҷавонро ба дигар бемористон бурдаанд, вале ӯ дар роҳ ба бемористон даргузаштааст.

Намояндагони бемористони шаҳрӣ ин иттиҳомро қатъан радд мекунанд ва мегӯянд, ки ҳеҷ касе бо захми корд ба ин бунгоҳ муроҷиат накардааст.

Яке аз пизишкони ин бемористон гуфт: "Бомдоди рӯзи шанбе, 12 феврал, соати 4.30, афроди ношинохтае мардеро бо захми корд дар ҷигаргоҳ ба бемористон оварданд. Ӯ беҳуш буд ва вазъаш бисёр бад буд. Пизишкон зуд ба кӯмак пардохтанд ва гурӯҳи эҳёгариро низ даъват карданд. Онҳо зуд расиданд, вале марди захмишуда ҷон бохта буд".

Ҳамзамон ёвари аршади роҳбари Идораи минтақавии Кумитаи бозҷӯии Русия Александр Шулга эълом карда ки ин ниҳод барои бозҷӯсти қазияи куштори муҳоҷири тоҷик парванда боз кардааст.

Муттаҳам ба қатл дастгир шуда ва дар сурати собит шудани ҷурмаш ӯро то 15 сол зиндон дар пеш хоҳад буд. Бино бар иттилоъоти муқаддамотӣ, сабаби муноқишае ки ин ҷавон дар паи он кушта шуда, рашки беасос будааст.

208
Барчаспҳо:
марги муҳоҷир, духтурон, шарҳ, муноқиша, Кумтаи тафтишоти ФР, Екатеринбург, Русия
Мавзуъ
Дар Русия барфи зиёд боми корхонаро чаппа кард: қурбонӣ- се муҳоҷир
Қиссаҳои муҳоҷир аз велосипеди дуздида, то "бачаҳои крутой"-и пулталаб
Муин Гафуров. Архивное фото

Муин Ғафуров: ба ҷои UFC, размикор метавонад ба Ҷопон биравад

46
(Таҷдидшуда 09:24 11.07.2020)
Ширкати  размикори тоҷик Муин Ғафуров дар бузургтарин ташкилоти ММА ба таъхир гузошта шудааст. Акнун ӯ метавонад дар Лигаи Ҷопон бозӣ кунад

ДУШАНБЕ, 11 июл – Sputnik. Муштзани тоҷик Муин Ғафуров ният дорад, ки ба Ҷопон биравад, гуфт роҳбари Лига самбои  размӣ ва ММА-и Тоҷикистон Аҳтам Ҳокиров.

"Эҳтимол, рӯзҳои наздик дар бораи шартномаи Муин Ғафуров барои як муҳориба бо лигаи ҷопонӣ Rizin Fighting Federation дақиқи шавад" гуфт ӯ.

Қаблан хабар дода шуда буд, ки як размикори тоҷик Муин Ғафуров,  бо UFC, бузургтарин лигаи MMA дар ҷаҳон шартнома бастааст. Аммо, он гоҳ ин тасдиқ карда нашуд.

Тавре маълум шуд, Ғафуров ҳаққи қонунии бастани шартнома бо UFC надорад, зеро вай бо як ташкилоти дигар шартнома дошт. Ин ширкати ONE FC буд,  ки размикор пеш бо он кор карда буд.

Ёдовар мешавем, ки соли 2016 Муин бо ONE FC шартнома бастааст. Вай 18 мубориза дар сатҳи касбӣ баргузор кард, ки дар он 16 ғалаба  ва ду шикастро паси сар кардааст.

Муин охирин бор санаи 6 октябри соли 2018 дар мусобиқаи One One - Kingdom of Heroes  размикори Бразилия Леандро Исаро тариқи нокаут дар аввалин раунд мағлуб кард. Қабл аз ин, 14 октябри соли 2017, дар мусобиқаи Tajikistan Fighting Championship 5, Ғафуров бразилии дигар Итало Фрейтасаро  нокаути техникӣ дар даври 1 мағлуб кард.

Муин Ғафуров (қад - 170,18 см, вазн - 64 кг) дар муҳорибаҳои омехта таҳти лақаби Тоҷик баромад карда - қаҳрамони дукаратаи ҷаҳон оид ба самбо (WCSF), қаҳрамони ҷаҳон оид ба грэпплинг (FILA), қаҳрамони ҷаҳон дар MMA (WKA), устоди варзиши дараҷаи байналмилалӣ оид ба самбои размӣ мебошад.

46
Пассажирский самолет вылетает из аэропорта города Красноярска

Санаи барқароршавии парвозҳои байналмилалӣ дар Русия дақиқ шуд

302
(Таҷдидшуда 09:24 11.07.2020)
Муовини сарвазири Русия Татяна Голикова дубора барқарор шудани парвозҳои байналмилалии ҳавоӣ дар Русияро эълом кард

ДУШАНБЕ, 11 июл – Sputnik. Иҷозати парвозҳои байнулмилалӣ дар Русия 15 июл оғоз хоҳад шуд, гуфт муовини сарвазири ин кишвар Татяна Голикова.

Барои барқарор кардани парвозҳо бо кишвар се омил муҳим аст: бемории COVID-19 бояд ба 100 ҳазор нафар аҳолӣ тақрибан 40 нафар бошад, афзоиши миёнаи шабонарӯзии сироятҳо набояд аз 1% зиёд бошад ва паҳншавии вирус набояд аз 1 зиёд бошад.

Фаврӣ: 13 парвози дигар аз Русия ба Тоҷикистон дар моҳи июл - ҷадвали парвозҳо

Ин меъёрҳоро гурӯҳи машваратии эпидемиологҳо таҳия намуданд.

Фаъолияти дубора ба роҳ мондани парвозҳои байналмилалии ҳавоӣ ба туфайли коҳиши дарозмуддати бемории коронавирус дар Русия имконпазир гардид, гуфт муовини сарвазир.

Русия омода аст парвозҳоро ба 13 кишвар барқарор кунад 

Ёдовар мешавем, ки бар асари пандемияи коронавирус, Русия парвозҳои байналмилалии нақшавӣ ва чартериро 27 март ба таъхир андохт.

 

302
Матч между душанбинским Истиклолом и Худжандом

Санаи рақобатҳои "Истиқлол"-у "лтин Асир" ва "Хуҷанд"-у "Дордой" дақиқ шуд

0
(Таҷдидшуда 10:39 11.07.2020)
Конфедератсияи футболи Осиё ҷадвали рақобатҳо марҳилаи гурӯҳии Ҷоми Конфедератсияи футболи Осиё-2020-ро дар минтақаи Осиёи Марказӣ нашр намуд.

ДУШАНБЕ, 9 июл – Sputnik. Тибқи иттилои федератсияи Футболи кишвар,  Тоҷикистон дар Ҷоми Конфедератсияи футболи Осиё-2020 шомили гуруҳи "D" мебошад.

Ба иттилои манбаъ, бозиҳои гурӯҳи "D" бо иштироки дастаҳои футболи  "Истиқлол"-и Тоҷикистон, "Алтин Асир"-и Туркманистон, "Дордой"-и  Қирғизистон ва "Хуҷанд"-и  Тоҷикистон аз 23  октябр то 4  ноябри соли равон, доир мешаванд.

Ба иттилои манбаъ, ҳар чор бозӣ  дар як кишвар доир мегардад, ки  то ҳануз дақиқи набуда, тасмими ниҳоӣ дар бораи макони баргузорӣ рӯзҳои наздик гирифта мешавад.

 

 

0