Международный комитет Красного Креста

Бемористони Ишкошим аз Кумитаи байналмилалии Салиби Сурх доруву дармонафзор дарёфт кард

255
(Таҷдидшуда 20:48 06.05.2017)
Бемористони ноҳияи Ишкошим дар вилояти мухтори Кӯҳистони Бадахшон аз Кумитаи байналмилалии Салиби Сурх доруву маҳлулу маводи захмбанду захмдӯз дарёфт кард

ДУШАНБЕ, 6 май — Sputnik. Равобити умумии Кумитаи байналмилалии Салиби Сурх аз ирсоли дору ва таҷҳизот ба бемористони ноҳияи Ишкошим барои дармони сарбозону дигар захмишудагон дар набардҳо бо Толибон дар вулусволии Зебок хабар дод.

Ин кумак аз доруву маводи захмбандиву захмдӯзӣ ва бархе пизишкафзорҳо ташкил шудааст.

"Доруҳои фиристодашуда ниёзҳои феълии бемористонро бароварда месозанд", — мегӯяд раҳбари намояндагии КБСС дар Душанбе Клаудия Аззолинӣ.

Вай афзуд, агар чунончи даргириҳо дар вилояти Бадахшон ҳамчунон идома ёбанд ва захмиҳову дармонҷӯни бештаре ба Тоҷикистон оварда шаванд, Кумита теъдоди бештари доруву таҷҳизот ба Ишкошим хоҳад фиристод.

Сарпизишки бемористони ноҳияи Ишкошим Парвиз Бораков низ эълом кард, ки ин бемористон ҳамакнун тавон дорад даҳ захмиро ёрии таъҷилии пизишкӣ бирасонад, вале агар захмиҳо бештар шаванд, ниёз ба кумаи бештар хоҳад дошт.

Ёдоварӣ мекунем, ки чанд рӯз пеш ягоне аз Толибон, ки камубеш 400 ҷангҷӯро дар бар мегирифт, аз сӯи Вардуҷ, ки чаҳор сол боз дар дасташон аст, ба Зебок ҳуҷум карда ва маркази онро гирифт. Дар пайкорҳо бо ҳаросафканон панҷ тан аз нерӯҳои амниятии Афғонистон, аз ҷумла қумондон Абдулфайз, кушта ва даҳҳо сарбоз захмӣ шуда буд. Ҳафт тан аз сарбозони захмӣ ба бемористони ноҳияи Ишкошим оварда шуданд. Аз он шумор як сарбоз аз захмҳо дар ин бемористон дар гузашт ва яке дигарро барои анҷоми амали ҷарроҳӣ ба бемористони шаҳри Хоруғ бурданд.

Нерӯҳои давлатии Афғонистон амалиёти бозпасгирии Зебокро ду рӯз пеш оғоз кардаву аз Файзобод ва дигар вулусволиҳо ба Зебок беш аз 800 сарбозро фиристодаанд. Дирӯз нерӯҳои ҳавоии Афғонистон сангарҳои Толибонро бомборон кард ва нерӯҳои заминӣ низ беш аз 100 ҳаросафканро нобуд кардаанд.

255
Барчаспҳо:
дору, ёрии пизишкӣ, Кумитаи байналмилалии Салиби Сурх, Толибон, Саидбек Шакаров, Парвиз Бораков, Клаудия Аззолинӣ, Вардуҷ, Ишкошим, Бадахшон, Афғонистон, Тоҷикистон
Мавзуъ
Коршинос: Толибон нерӯе надорад, ки дар Бадахшон биҷангад
Наздикии хатарнок: марзбонони тоҷик аз пешрафти Толибон нигарон шуданд
Молоток

20 соли зиндон: сокини Хатлон арақ ва оби ҷав нӯшида дар Гипрозем мардеро корд зада кушт

279
(Таҷдидшуда 20:22 11.08.2020)
Додгоҳи шаҳри Душанбе ҳукми сокини ноҳияи Хатлонро эълон кард, ки дар ҳолати мастӣ мардеро дар бозори "Сомон" нахуст дашном додаву сипас бо корд зада куштааст

ДУШАНБЕ, 11 авг – Sputnik. Меҳроҷиддин Саидҷаъфар сокини ноҳияи Восеи вилояти Хатлон моҳи майи соли ҷорӣ мардеро корд зада кушт, хабар медиҳад Прокуратураи генералии Тоҷикистон.

Ба иттилои манбаъ, номбурда бегоҳии 6 - уми май дар нуқтаи фурӯши машруботи спиртӣ, воқеъ дар Гипрозем арақу оби ҷав нӯшида бо шаҳрванд Муродов Дустмурод ҷанҷол намуда, ӯро дашном додааст.

Панҷ сол ҳукми зиндони ҷавони 26 солаи пойтахт барои ғорати мағозаи “Эксклюзив”

Ҳарчанд Муродов ба алфози қабеҳи Меҳроҷиддин аҳамият намедод, дувумӣ ӯро мавриди дашному ҳақорат қарор дод.

Аснои аз нуқтаи фурӯши машрубот берун баромадани Муродов, сокини Хатлон ба ӯ дарафтода бо корди дар дасташ буда, ду маротиба ба узвҳои ҳаётан муҳими ӯ зарба задааст.

"Номбурда аз ҷароҳатҳои бардошта, дар ҷойи ҳодиса ҷон бохт", - гуфта мешавад дар хабар.

Зимнан, нисбати Меҳроҷиддини Саидҷаъфар аз ҷониби прокурори ноҳияи Сино бо аломати моддаи 104 қисми 2 банди "к" Кодекси ҷиноятии Тоҷикистон парвандаи ҷиноятӣ оғоз гардида, ба суд ирсол карда шуд.

Суди шаҳри Душанбе Меҳроҷиддинро гунаҳгор дониста, ба ӯ ҷазо дар намуди маҳрум сохтан аз озодӣ ба муҳлати 20  сол бо нигоҳ доштан дар колонияи ислоҳии дорои низомаш сахт таъйин намудааст.

279
Похороны в Таджикистане, архивное фото

Худкушӣ ё маризи COVID - 19 буд: даргузашти собиқ раиси филиали "Агроинвестбонк"

2740
(Таҷдидшуда 19:26 11.08.2020)
Дар ноҳияи Шаҳринав собиқ раиси филиали "Агроинвестбонк" Зоирҷон Қурбонов дар синни 36 - солагӣ фавтидаст

ДУШАНБЕ, 11 авг – Sputnik. Даргузашти собиқ раиси филиали "Агроинвестбон" дар ноҳияи Шаҳринавро рӯзноманигори тоҷик Саидэҳсони Ҷалолиён дар сафҳаи худ дар Фейсбук нашр намудаву аз марҳум инсони хоксору заминӣ ёдовар шудааст.

Зимнан, дар аксар расонаҳои кишвар хабари даргузашти Зоирҷон Қурбонов нашр шуд ва иллати марги ӯро худкушӣ навиштанд.

Андӯҳи маорифи Хуҷанд аз даргузашти мудири кӯдакистон аз беморӣ

Аммо манобеи Фараж бо такя ба гуфтаҳои наздикони Зоирҷон хабар дод, ки собиқ раиси филиали ин бонк дар ноҳияи Шаҳринав аз маризии коронавирус ба ҳалокат расидааст.

"Марҳум аз бемории илтиҳоби дутарафаи шуш азият мекашид ва тайи як ҳафтаи ахир дар бемористони ноҳияи Шаҳринав бистарӣ буд", - таъкид мешавад дар хабар.

Ба қавли наздикон, Зоирҷон Қурбонзода ду моҳ қабл ба бемории коронавирус гирифтор шуда будааст.

"Ин беморӣ баъдан ба шушҳояш таъсир гузошт", — афзудаанд пайвандони марҳум.

2740
Барчаспҳо:
Агроинвестбонк, филиал, раис, собиқ, даргузашт, Тоҷикистон
День 12 августа

Ҷашнҳои рӯзи 12 август дар Тоҷикистон ва ҷаҳон

0
(Таҷдидшуда 23:18 11.08.2020)
Рӯзи ёздаҳуми август аз Рӯзи байналмилалии ҷавонон ҷашн гирифта мешавад. Дар Русия бошад аз Рӯзи варзишгарон ҷашн гирифта мешавад

Рӯзи 12 август дар ҷаҳон чӣ рух дод

Соли 1981 компютери фардии IBM PC пешниҳод карда шуд.

Соли 1992 ИМА, Канада ва Мексика оид ба таъсис додани  Минтақаи озоди иқтисодии Амрикои Шимолӣ созишнома ба имзо расониданд.

Рӯзи 12 август дар Тоҷикистон чӣ рух дод

Соли 2010 дар Қасри миллат Президенти Ҷумҳурии Тоҷикистон Эмомалӣ Раҳмон машварати корӣ доир намуда, таъкид карданд, ки «ҳар ваҷаб замини корам, хусусан заминҳои обӣ бояд пурсамар истифода бурда шавад, то ки бозори истеъмолии мамлакат бештар бо маҳсулоти дохилӣ таъмин шуда, аз таъсири манфии омилҳои берунӣ эмин бошад».

День 11 августа
© Sputnik / Стас Этвеш / Вишнякова Мария

Соли 2011  дар шаҳри Остонаи Қазоқистон Сарвари давлати  Тоҷикистон Эмомалӣ Раҳмон дар мулоқоти ғайрирасмии Сарони давлатҳои узви Созмони Аҳдномаи Амнияти Дастаҷамъӣ иштирок намуданд.

Соли 2011 муштзани тоҷик Анвар Юнусов дар Чемпионати Осиё оид ба бокс, ки дар шаҳри Инчхони Кореяи Ҷанубӣ  баргузор гардида буд, соҳиби медали тилло ва унвони чемпион шуд.

Ҷашнҳои рӯзи 9 август дар Тоҷикистон ва ҷаҳон

Соли 2015 маросими ифтитоҳи Рӯзҳои фарҳанги Тоҷикистон дар Русия баргузор гардида, се рӯз идома ёфтанд.

Соли 2017 дар шаҳри Душанбе Анҷумани 3-юми ҷавонони дар хориҷи кишвар таҳсилкунанда баргузор гардид.

Соли 2016 вазъ ва дурнамои ҳамкории Тоҷикистон ва Бонки ҷаҳонӣ дар соҳаҳои энергетика, инфрасохтор, кишоварзӣ, дастгирии буҷети давлатӣ, иҷтимоӣ ва дигар бахшҳои афзалиятнок баррасӣ гардиданд.

Ҷашнҳои рӯзи 12 август

  • Рӯзи байналмилалии ҷавонон.
  • Дар Таиланд — зодрӯзи шоҳзода ва Рӯзи модар.
  • Дар Русияя – Рӯзи  варзишгарон.
0
Барчаспҳо:
ҷашн, ҷаҳон, Тоҷикистон