Гург, акс аз бойгонӣ

Кӯдакеро дар Шуғнон гург куштааст

296
(Таҷдидшуда 17:50 04.07.2017)
Ин фоҷеъа аввали моҳи июл дар деҳаи Имом-даргоҳ аз рустоҳои ноҳияи Шуғнон дар вилояти мухтори Кӯҳистони Бадахшон рух додааст.

ДУШАНБЕ, 4 июл — Sputnik. Вазорати умури дохилаи Тоҷикистон аз куштани шудани кӯдаке дар ҳамлаи гургон хабар медиҳад.

Ин фоҷеъа аввали моҳи июл дар деҳаи Имом-даргоҳ аз рустоҳои ноҳияи Шуғнон дар вилояти мухтори Кӯҳистони Бадахшон рух додааст.

"Гургҳо ба писараки дусола, ки дар назди хонаашон бозӣ мекарда, ҳамла кардаанд. Ин фоҷеъа соатҳои 15 рӯз иттифоқ афтодааст. Кӯдак аз захми дандони гург ҷонашро бохтааст", — тавзеҳ медиҳад вазорат.

Гуфта мешавад, ки он кӯдак Муҳаммадназар ном дошта ва падару модараш ҳамакнун дар Русия кор мекунанд. Ӯро бобову бибиаш тарбия мекардаанд. 

Аҳолии маҳаллӣ мегӯянд, ин авхоир мавориди ҳамлаи гургон ба ҷорвои хонагӣ бисёр шудааст. 

"Дар он русто бузу гӯсфанде намондааст", — мегӯяд яке аз аҳолии деҳи Имом-даргоҳ.

Бархе аз бадахшониён ҳамчунин мегӯянд, ки гургон дар водии Бартанг низ чорвои мардумро талаф кардаанд.

Гуфта мешавад, ки шикори ин дарандаҳо мамнуъ аст ва барои куштани гург ҷарима ҳам ситонда мешавад.

296
Барчаспҳо:
гург, кӯдак, гург, кӯдак, ҳамла, Шуғнон, ВМКБ, Тоҷикистон
Бывший президент Франции Николя Саркози

Николя Саркозӣ ба се соли ҳабс маҳкум шуд

160
(Таҷдидшуда 19:38 01.03.2021)
Додгоҳи Порис Николя Саркозиро дар фасод гунаҳкор донист ва кишвардори собиқро ба мӯҳлати се сол маҳкум ба зиндон намуд

ДУШАНБЕ, 1 март - Sputnik. Додгоҳи Порис президенти пешини Фаронса Николя Саркозиро дар фасод ва тиҷорати нуфуз гунаҳгор донист ва ӯро ба се соли зиндон маҳкум кард, ки ду соли он шартан аст.

Худи президенти собиқ ҳамаи иттиҳомотро комилан рад кард ва дар мурофиа ҳам ҳузур надошт. 

Додситонӣ инчунин изҳор дошт, ки Николя Саркозӣ кӯшиш кардааст, ки ба корманди суди кассатсионӣ Гилберт Азиберт ришва диҳад ва аз ӯ дар бораи тафтишоти маблағгузории ғайриқонунии маъракаи президентӣ аз ҷониби духтари бунёдгузори L'Oreal Лилиан Беттанкурт маълумот гирад.

Тахмин зада мешуд, ки тавассути вакили шахсии худ Саркозӣ ваъда додааст, ки ба кормандони суд дар гирифтани мақоми бонуфуз дар Монако кӯмак хоҳад кард.

Ҳамчун, сабтҳоии гуфтугуи телефонии боздоштшудаҳо пешниҳод гардид, ки дар он иштирокчиёни сӯҳбатҳо ҳеҷ гоҳ якдигарро бо номи воқеии худ намегирифтанд ва худи собиқ сарвари кишвар тахаллуси Пол Бисмутро истифода мебурд.

Ташхис муайян кард, ки дар сабтҳои телефонӣ худи Саркозӣ суҳбат кардааст.

Ҳимоятгар изҳор дошт, ки прокуратура барои баровардани хулоса ҳеҷ асосе надорад. Адвокат Жаклин Лаффонт тавзеҳ додааст, ки "ин танҳо як сӯҳбати дӯстона буд".

Додгоҳ Гулнора Каримоваро барои 13 солу 4 моҳ равонаи зиндон кард

Аммо Саркозӣ бар ин назар аст, ки ҳамаи парвандаҳо як навъ интиқом гирифтани додрасҳо аз ӯст, ки замони раисҷумҳур будан ваколатҳои онҳоро маҳдуд мекард.

Зимнан, прокуратураи молиявӣ хоҳиш кард, ки ба ӯ 4 соли зиндон, аз ҷумла ду сол шартӣ дода шавад.

Ба ҳамин минвол, Саркозӣ аввалин президенти собиқи Фаронса мебошад, ки ҳукми воқеии зиндонро гирифт.

Ҳанӯз соли 2011, раҳбари пешини Фаронса Жак Ширак барои ташкили ҷойҳои бардурӯғи кори дар шаҳрдории Порис ба 2 соли ҳабси шартӣ маҳкум шуд.

160
Барчаспҳо:
Николя Саркози, Фаронса
Камнепад перекрыл движения по трассе Душанбе-Худжанд

Ду ҳодисаи нохуш дар Бадахшон: яке худкушӣ карду, дигаре дар сангрезӣ ҷон бохт

118
Як ҳодисаи нохуш дар шаҳри Хоруғ ва дигаре дар ноҳияи Роштқалъи ВМКБ ба қайд гирифта шуд

ДУШАНБЕ, 1 мар — Sputnik. Раёсати Кумитаи ҳолатҳои фавқулода дар ВМКБ аз рух додани ду ҳодисаи нохуш хабар медиҳад.

Ба иттилои манбаъ, ҳодисаи аввал дар маркази вилоят - шаҳри Хоруғ ба вуқӯъ пайвастааст.

Гуфта мешавад, субҳи рӯзи 27 феврал дар соҳили дарёи Ғунд дар шаҳри Хоруғ ҷасади шахсияташ номаълум намоён шудааст. Зимнан, кормандони раёсати мазкур ҷасадро фавран аз дарё берун оварда, барои дақиқ шудани асли воқеа онро ба мақомоти дахлдор супурданд.

Муайян шудааст, ки марҳум сокини 57 - солаи шаҳраки Исмоили Сомонии шаҳри мазкур мебошад.

Ҳамчунин як ҳодисаи дигар дар ноҳияи Роштқалъа рух додааст.

Раёсати КҲФ дар вилоят хабар медиҳад, ки рӯзи 28 феврал, соати 16:10 бар асари резиши санг дар деҳаи Видоҷи ҷамоати деҳоти Мирсаид Миршакари ноҳияи Роштқалъа сокини 52-сола ба ҳалокат расидааст.

Ҷустуҷӯи ҷасади зани 71 - сола дар Бадахшон идома дорад: бемори рӯҳӣ буд

Бино ба гуфтаи шоҳидон, марҳум дар кӯҳ машғули чорвочаронӣ будааст. Сокинони деҳа ҷасади ӯро аз кӯҳ поин оварда, ба соҳибонаш супурдаанд. Ҷузъиёти бештари марги сокини Роштқалъа ифшо нашудааст.

118
День 2 марта

Тоҷикистон ба узвияти СММ пайваст: имрӯзи таърих

0
(Таҷдидшуда 19:06 01.03.2021)
Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд

Рӯзи 2 март дар ҷаҳон чӣ рух дод

Соли 1993 Шӯрои байниҳукуматии ИДМ оид ба нафту газ ташкил карда шуд.

Соли 1923 дар ИМА аввалин шумораи маҷаллаи "Time" нашр шуд.

Соли 2010 дар Париж дар қароргоҳи ЮНЕСКО маросими ботантанаи ифтитоҳи Соли байналмилалии наздикшавии фарҳангҳо доир гардид.

Рӯзи 2 март дар Тоҷикистон чӣ рух дод

Соли 1992 ҷумҳуриҳои Тоҷикистон, Қазоқистон, Озарбойҷон, Арманистон, Қирғизистон, Молдава, Туркманистон ва Ӯзбекистон  ҳамчун давлати соҳибистиқлол узви Созмони Милали Муттаҳид шуданд.

Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд.

День 27 февраля нац
© Sputnik/ Стас Этвеш/ Мария Вишнякова

Соли 2011 дар Тоҷикистон Шӯрои рушди тарбияи ҷисмонӣ таъсис дода шуд.

Соли 2012 дар шаҳри Душанбе вазъи вақт ва дурнамои ҳамкории Тоҷикистону Британияи Кабир баррасӣ гардид.

Соли 2016 аз ҷониби кишвардори Тоҷикистон Эмомалӣ Раҳмон ангораи ҷашни Наврӯз тасдиқ карда шуд.

Соли 2017 Эмомалӣ Раҳмон ба муносибати 25-солагии барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Финляндия ба Президенти Ҷумҳурии Финляндия Саули Вяйнямё Нийнистё барқияи табрикӣ ирсол намуданд.

Ҷашнҳои рӯзи 2 март

  • Рӯзи байналмилалии гӯгирд.
  • Дар Ливия – Рӯзи тахлия.

Рӯзи 2 март дар Тоҷикистон кӣ таваллуд шуд

Соли 1946 - журналист Мухиддин Олимпур. 

Соли 1950 – ҳунарманди халқии Тоҷикистон Даврон Алиматов.

Соли 1959 – ҳунарманди хизматнишондодаи Тоҷикистон Акбар Мирраҷабов.

0
Барчаспҳо:
ҷашн, ҷаҳон, Тоҷикистон