Иззат Амон таджикский активист в России, архивное фото

Иззат Амон: аз тазоҳурот даст кашидем. Нахостем бо эҳсоси мардум бозӣ кунем

667
(Таҷдидшуда 10:57 23.09.2017)
Мақомоти Тоҷикистон аз мо хостанд, ки аз мудохила дар ин қазия даст нигаҳ дорем то мардум аз сари эҳсос даст ба хато назананд

ДУШАНБЕ, 21 сен — Sputnik. Иззат Амон, фаъоли иҷтимоъӣ ва мудофеъи ҳуқуқи муҳоҷирони тоҷик дар Русия, дар паи лату кӯби чанд тан аз коргарони фурӯшгоҳи "Москва" дар шаҳри Маскав аз муҳоҷирон хостааст, ки имрӯз дар ин фурӯшгоҳ тазоҳурот ва муҷозот додани латукӯбкунандаҳоро талаб кунанд.

Sputnik Тоҷикистон ҷузъиёти ин қазияро аз мудофеъи ҳуқуқи муҳоҷирон Иззат Амон пурсид.

— Имрӯз қарор буд, ки дар назди фурӯшгоҳи "Маскав" ҷамъ омада, аз масъулин далели латукӯби муҳоҷирони тоҷикистонӣ, аз ҷумла Наврӯз Каримовро хостор шавед. Чаро тасмиматонро тағйир додед?

— Мо дирӯз то нимашаб ин қазияро пайгирӣ мекардем. Аз роҳбарони созмонҳои муҳоҷиратии тоҷикон ва фаъолон даъват кардем, ки фардо дар назди фурӯшгоҳ ҷамъ омада, аз масъулини бозори далели лату кӯби тоҷиконро пурсон шавем то ҳақ ба ҳақдор бирасад. То тоҷикон бидонанд, ки соҳиб доранд. Аммо аз баргузории ин тазоҳурот даст кашидем, зеро ки аз Душанбе бо мо тамос гирифтаанду гуфтанд, ки кормандони Сафорати Тоҷикистон дар Русия ва намояндагони Вазорати кору муҳоҷират ин қазияро пайгирӣ доранд ва бо нерӯҳои интизомии Русия дар тамос шудаанд. Хоҳиш карданд, ки бо эҳсосоти мардум бозӣ накунем, зеро мардум сахт ба эҳсосот дода шуда буданд.

— Чаро тасмим гирифтед ин қазияро пайгирӣ кунед?

— Мо бояд ҳамчун созмони мудофеъ аз ҳуқуқи башар ин қазияро пайгирӣ мекардем. Ҳама созмонҳои тоҷикӣ ва тоҷикони обрӯманд ин даъвати моро қабул карданд. Дирӯз то ними шаб дар тамос будем, вале имрӯз субҳ аз Душанбе ва Сафорат зангамон заданду гуфтанд, ки ин қазияро пайгирӣ мекунанд. Дархост карданд, ки мо даст нигаҳ дорем то дахолатамон вазъро бадтар накунад.

— Яъне Шумо он дархостро пазируфтед?

— Бале. Онҳо гуфтанд, ки мардум эҳсосотианд. Нахостем ба эҳсоси мардум бозӣ кунем. Ҳалли ин қазияро дигар аз ҷониби мақомоти Тоҷикистон интизор мешавем. Ман бо бародари Наврӯз Каримов дар тамос ҳастам.

— Тазоҳургароне, ки ҳоло дар боздошт ҳастанд, кистанд ва чӣ мехостанд?

— Онҳо муҳоҷиранд. Мақсади онҳо посух ёфтан ба суоле буд, ки чаро коргарони тоҷикро лату кӯб кардаанд.

— Як манбаъи Sputnik Тоҷикистон гуфт, ки дар лату кӯби коргарон на танҳо нигаҳбонҳои бозор, балки бригадирҳои тоҷик ҳам даст доштаанд. Шумо дар ин бора чӣ мегӯед?

— Ин гап дуруст нест. Масалан, раиси аробакашони тоҷик Ҳоҷӣ Абдусамад аз ин қазия хабар надошт. Ӯ то нимашаб ҳамроҳи мо дар бемористон буд ва ҳама мунтазири хабари зиндаву саломат будани Наврӯз Каримов будем.

— Сипосгузорем аз лутфу посухҳоятон.

— Саломат бошед!

667
Барчаспҳо:
тазоҳурот, лату кӯб, посух, қазия, Иззат Амон, Русия
Мавзуҳо:
Задухӯрди муҳоҷирон дар назди маркази савдои "Москва" (9)
Мавзуъ
Вазорати кору муҳоҷират: ҷавоне, ки дар бозори Маскав лату кӯб шуда, зинда аст
Навори яке аз муҳоҷирони латукӯбшуда дар Фейсбук мунташир шуд
Медицинская каталка в больнице, архивное фото

Ҳалокати 5 донишҷӯи ҳамхона бар асари заҳролудшавӣ

313
(Таҷдидшуда 21:18 28.02.2021)
Панҷ донишҷӯ дар шаҳри Тошканд, ки дар як хона зиндагӣ мекарданд, дар пайи заҳролудшавӣ аз моддаи номаълум фавтиданд

ДУШАНБЕ, 28 фев - Sputnik. Маводи номаълум сабаби марги панҷ донишҷӯ дар ноҳияи Юнусободи шаҳри Тошканд шуд, хабар дод дафтари матбуоти Додситонии кулли Ӯзбекистон. 

Тибқи маълумоти пешниҳодшуда, донишҷӯён якҷоя дар хонаи хусусӣ дар кӯчаи Инжободи маҳаллаи Фирдавсӣ зиндагӣ мекарданд. Онҳо дар бино иҷоранишин буданд.

Манбаъ афзуд, ки ташхисгарон то ҳол натавонистаанд моддаеро, ки боиси марги донишҷӯён шудааст, муайян кунанд.

Дар байни кушташудагон, бино ба иттилои Додситонии кул, се донишҷӯи соли дуюми Донишгоҳи технологияҳои иттилоотии Тошканд, донишҷӯи соли дуюми Донишкадаи рушди менеҷменти Сингапур ва донишҷӯи соли якуми Донишгоҳи Инҳаи Тошканд ҳастанд. Тафсилоти дигари ҳодиса мушаххас карда мешавад.

Маълум аст, ки додситонии ноҳияи Юнусобод тибқи моддаи вайрон кардани қоидаҳои бехатарӣ аз сӯхтор, ки боиси марги чанд нафар шудааст, парвандаи ҷиноӣ боз кардааст. Рафти тафтишот таҳти назорати Дастгоҳи марказии Додситонии кул қарор дорад.

Қаблан дар вилояти Самарқанд панҷ нафар бо заҳролудшавӣ аз хӯрок дар беморхона бистарӣ шуда буданд. Яке аз онҳо фавтид. Маълум аст, ки дар Самарқанд консервҳои помидор боиси заҳролудшавӣ шудаанд.

313
Барчаспҳо:
ҳалокат, заҳролудшавӣ, Ӯзбекистон
Старик , архивное фото

Латукӯби пирамард дар кӯча: пулу телефонашро гирифтаанд

828
Вазорати умури дохилии Тоҷикистон аз ҳолати латукӯб ва ғорати марди солхӯрда дар шаҳри Душанбе хабар додааст

ДУШАНБЕ, 28 фев – Sputnik. Ба иттилои ВУД, ба идораи милиса дар шаҳри Ваҳдат пирамарди 73-сола муроҷиат карда, арз доштааст, ки дар кӯча мавриди латукӯб ва ғорат қарор гирифтааст.

Муроҷиаткунанда изҳор доштааст, ки  25-уми феврали соли 2021, тахминан соати 21:00, дар кӯчаи Хуросон шахси номаълум бе ягон асос ӯро лату кӯб намуда, бо роҳи зӯроварӣ аз ҷайбаш 1 адад телефони мобилии тамғаи “Алкател”  - ро гирифтааст.

Манбаъ афзуд, ҳамлагар дар баробари телефон инчунин  каме маблағро тасарруф намуда, аз ҷойи ҳодиса ғайб задааст.

Вазорати умури дохилии Тоҷикистон мегӯяд, маъмурини милиса дар пайи гузаронидани чорабиниҳои оперативӣ-ҷустуҷӯӣ марди 30-сола,  сокини шаҳри Ваҳдатро бо гумони латукӯб ва ғорати пирамард боздошт кардаанд.

Маълум шудааст, ки дастгиршуда пеш бо моддаҳои 237 ва 244-и Кодекси ҷиноятии Тоҷикистон суд шудааст.

Мақомоти умури дохилӣ мегӯянд, феълан чораандешӣ барои оғози парвандаи ҷиноятӣ идома дорад. Назари бевоситаи дастгиршуда дар мавриди иттиҳомоти эълонкардаи мақомот маълум нест.

828
Барчаспҳо:
боздошт, латукӯб, Тоҷикистон
Горы в  Таджикистане, архивное фото

Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон

0
(Таҷдидшуда 22:03 28.02.2021)
Ҳукумати ҷумҳурии Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст

ДУШАНБЕ, 28 фев – Sputnik. Қарорҳои Ҳукумати Тоҷикистон дар бораи номгузориҳои ҷадид зимни Маҷлиси вакилони халқи ВМКБ қироат карда шуданд.

Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.

Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.

Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.

Маҷлиси вакилони халқи ВМКБ дар бораи номгузориҳои ҷадид қарорҳои дахлдорро қабул намудааст.

0
Барчаспҳо:
Хоруғ, фурудгоҳ, Тоҷикистон