Склад контрабандных товаров из Китая

Гумруки Тоҷикистон "Файзимоҳ"-ро муттаҳам ба қочоқи коло аз Чин кард

95
(Таҷдидшуда 20:28 17.10.2017)
Кормандони Хадамоти гумруки Тоҷикистон дар шаҳри Душанбе анбори колоҳои қочоқӣ аз Чинро пайдо кардаанд

ДУШАНБЕ, 17 окт — Sputnik. Ба гузориши равобити умумии Хадамоти гумруки ҶТ, мудири ширкати маҳдудмасъулияти "Файзимоҳ" муттаҳам ба қочоқи колоҳои ниёзи мардум, дастгоҳу таҷҳизот, пӯшок ва дигар колоҳо аз Чин шудааст.

Таможенный пост, архивное фото
© Sputnik / Валерий Мельников

Кормандони гумрук ошкор кардаанд, ки мудири ин ширкат бо чанд тан аз мансабдорони ваколатдор ҳамдаст шуда, бореро, ки аз Чин меовардааст, аз дидбонгоҳи гумрукии «Қулма» дар ноҳияи Мурғоб аз марз қочоқ мекарда ва сипас онро дар анборҳое дар шаҳри Душанбе нигаҳдорӣ мекардааст.

Дар ин анборҳо, ки дар кӯчаи Кофарниҳон, 78/2 дар ноҳияи Фирдавсӣ ҷой доранд, кормандони Хадамоти гумруки Тоҷикистон ба арзиши куллии 1 милюну 632 ҳазору 754 сомонӣ колои қочоқӣ ёфт шудааст.

Хадамоти гумруки ҶТ мудири ширкати маҳдудмасъулияти "Файзимоҳ" ва ҳамдастонашро муттаҳам ба қонуншиканӣ аз рӯи моддаи 289 қисми 2 Қонуни кайфарии Ҷумҳурии Тоҷикистон карда ва барои бозҷӯии ин қазия парванда оғоз кардааст.

Склад контрабандных товаров из Китая
Склад контрабандных товаров из Китая

95
Барчаспҳо:
"Файзимоҳ", Чин, қочоқ, Хадамоти гумруки Тоҷикистон, Тоҷикистон
Мавзуъ
"Дафина Алайф" аз гумрук нагузашт
Хадамоти гумрук аз қочоқи пӯшокҳои маткабии Узбакистон ҷилавгирӣ кард
Гумрук: Ҳаҷми тиҷорати хориҷии Тоҷикистон 12 дарсад коҳиш ёфтааст
Беш аз ҳазор ҳолати ҳуқуқвайронкунии гумрукӣ дар панҷ моҳ
Намояндагии Созмони гумруки Русия дар Тоҷикистон бунёд мешавад
Конверт с деньгами, архивное фото

Мудир боздошт шуд: 49 300 сомонӣ пора гирифту ба Донишгоҳи тиббӣ дохил накард

1709
(Таҷдидшуда 19:25 28.11.2020)
Ожонсии зидди фасод аз боздошти мудири Муассисаи давлатии таълимии томактабии рақами 23 - и шаҳри Бохтар хабар медиҳад, ки дар гирифтани ришва муттаҳам дониста мешавад

ДУШАНБЕ, 28 ноя — Sputnik. Кормандони Ожонси зидди фасод, Сафарова Латофат Саъдиевнаро боздошт намуданд, ки дар фиреби як зан муттаҳам дониста мешавад.

Ба иттилои манбаъ, номбурда дар вазифаи мудири Муассисаи давлатии таълимии томактабии №23-и шаҳри Бохтар кор мекард.

Ӯ бо истифода аз мақоми хизматиаш аз шаҳрванд Раджабова Д.А. барои ба Донишгоҳи тиббии Тоҷикистон дохил намудани ҷиянаш-Раҷабов И.Ф. дар давраи аз моҳи июни соли 2019 то моҳи декабри соли 2020 дар се ҳолат маблағи умумии 49 ҳазору 300 сомониро талаб карда гирифта буд.

Ятимов боздошт шуд: замин ваъда доду беш аз 1 миллион сомонии 6 корафтодаро азхуд кард

Манбаъ меафзояд, Сафарова маблағи мазкурро гирифта ба манфиати номбурда ягон амалро иҷро накардааст.

Ҳоло нисбати Сафарова Л.С. бо моддаи 247 қисми 4 банди "б" Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, ба суд ирсол шудааст.

1709
Барчаспҳо:
пора, боздошт, мудир
Баховаддин Баходурзода, исполняющий обязанности председателя города Исфара

Талоши оромии марз: раиси нави Исфара гуфт як рӯзи ҳафтаи корияшро дар Ворух мегузаронад

426
(Таҷдидшуда 10:10 29.11.2020)
Шаҳрдори нави Исфара Баҳоваддин Баҳодурзода, дуввумин рӯзи кории худро бо боздиду шиносоӣ ва санҷиши раванди корҳои сохтмониву омӯзиши мушкилоти иҷтимоии сокинони ҷамоат ва вохӯриву мулоқотҳо бо мардуми деҳоти Ворух гузаронидааст

ДУШАНБЕ, 28 ноя — Sputnik. Тибқи иттилои сухангӯи шаҳрдори Исфара Иқбол Тешавев, Баҳоваддин Баҳодурзода зимни мулоқот гуфтааст, Ворух мариди таваҷҷуҳи махсуси раҳбарияти кишвар аст.

Баҳоваддин Баҳодурзода зимни мулоқот бо сокинон гуфтааст, барои расидагӣ ба мушкилоти мардуми минтақа дар навбати худ гуфтааст, минбаъд ӯ як рӯзи ҳафтаи кории худро дар Ворух хоҳад гузаронид.

Ҳамзамон зимни мулоқот мардум ва шаҳрдор пиромуни масъалаҳои муҳими аҳамияти сиёсию стратегидоштае чун бунёди роҳи мустақими Ворух, ҳалли масъалаи чарогоҳ, пешгирии ҳолатҳои номатлуби рабуда шудани чорвои мардум аз ҷониби ҳамсоягон, баргардонидани чорвои қабалан рабудашуда гуфтугӯ кардааст.

Таъмиру азнавсозии қитъаҳои муайяни ноободи роҳи Исфара-Ворух, ҳуҷҷатгузории қитъаи азнавсозишудаистодаи кӯчаи ҳамшафати кӯдакистони деҳа, бунёди корхоҳои истеҳсолӣ ва ташкили ҷойҳои нави корӣ дар деҳа, баланд бардоштани масъулияти роҳбарони корхонаю ташкилотҳои шаҳрӣ ҷиҳати баррасӣ ва ҳаллу фасли саривақтии арзу муроҷиатҳои ворухиён, таъсис бахши идораи нотариалӣ дар деҳаи Ворух бо мақсади хотима додани сарсониҳои мардум ба марказ низ аз масоили гуфтугӯи шаҳрдор бо сокинон будааст.

Аз оҳангарию боғдорӣ то оши девзираи Исфара: филми “Чоркӯҳ” намоиш дода шуд

Манбаъ мегӯяд, азбаски  Баҳоваддин Баҳодурзода қаблан дар вазифаи муовнии раиси вилоят буду бо вазъи ин минтақа огоҳ аст, ворухиён умед доранд ба мукилоташон расидагӣ мекунад.

Минтақаҳои Ворух ва Чоркӯҳи Исфараи Тоҷикистон дар марз бо Қирғистон қарор дорад, ки аз ҳисоби заминҳои тақсимношуда сари ҷанд муддат ихтилофоте сар мезанад ва ҳатто кор то тиркушоӣ мерасад.

Об, роҳ, замин: мушкилоте, ки сокинони Чоркӯҳ аз Аҳмадзода тақозои ҳаллашро мекунанд

Ихтилофҳои марзӣ миёни Тоҷикистону Қирғизистон ҳанӯз аз солҳои 70 – 80–и асри гузашта идома дорад. Ду кишвар дар ҳоли ҳозир комиссияеро барои таъйин ва аломатгузории марзҳо эъзом кардаанд.

426
Барчаспҳо:
мулоқот, раис, Ворух, Исфара, Суғд, Тоҷикистон

Натиҷаи баҳсбарангез: муҳорибаи Майк Тайсон ва Рой Джонс бидуни ғолиб анҷом ёфт

65
(Таҷдидшуда 12:47 29.11.2020)
Дар Лос-Анҷелес муҳорибаи миёни ду муштзани машҳури ҷаҳон анҷом ёфт. Майк Тайсон ба рақиби ҷавонтараш тавоноии худро пурра нишон дод, аммо ҳайати доварон эълон карданд, ки муҳориба бидуни ғолиб анҷом ёфт

ДУШАНБЕ, 29 ноя — Sputnik. Дар Лос-Анҷелеси Амрико муҳорибаи бокс миёни ду муштзани номӣ Майк Тайсон ва Рой Джонс анҷом ёфт.

Пушти сари ҳар яке ин ду муштзан беш аз 50 муҳориба аст ва ҳар ду муштзан собиқ Чемпиони ҷаҳон мебошанд.

Майк Тайсон вазни вазнин дошт  ва Рой Джонс, ки харобтар буду барои ин муҳориба вазнашро зиёд кард, дар ринг каме мушкилӣ кашид.

Тайсон мухлисонашро дар ҳайрат гузошт. Пеш аз муҳориба ӯ гуфт "ҳаяҷон дораду сину солаш рафтааст".

“Ман Брюс ли ҳастам? Шумо чӣ фикр мекунед? Ман 54 сол дорам. Мехоҳам ӯро нокаут кунам? Бале” – гуфт Тайсон.

Аммо вақте, ки ба ринг баромад сину сол фаромуш шуд. Ӯ тамоми тавоноии худро нишон дод. Тайсон рақиби худро мисли давраи ҷавонӣ ба кунҷи ринг мебурду муштҳои сангин мезад. Дар ин муҳориба Тайсон аз даврони ҷавониаш, ки ӯро "Тайсони оҳанин" меномиданд, ҳеҷ фарқияте надошт.

Рой Джонс дар ин муҳориба натиҷаи хубе нишон надод. Аммо баъди 8 раунд доварон эълон карданд, ки дар ин муҳориба касе пирӯз нашуд. Аммо аксари мухлисони бокс бар онанд, ки дар ин муҳориба Майк Тайсон пирӯзӣ ба даст овард.

Худи муштзани номӣ Майк Тайсон аз хулосаи доварон норозигӣ кард ва як каме аз доварон хашмгин шуд. Аммо ба рақиби худ дӯстона рафтор кард.

Рой Джонс пас аз муҳориба гуфт, муштҳои Тайсон ба ӯ мушкилоти зиёде ба бор оварданд.

Рой Джонси 51-сола дар 75 муҳориба 66 пирӯзӣ ба даст оварду дар 9 муҳориба мағлуб шуд.  Майк Тайсон 58 муҳориба анҷом доду дар 50 муҳориба пирӯз шуд.

65
Барчаспҳо:
доварон, пирӯз, пирӯзӣ, ғолиб, муҳориба, бокс, Майк Тайсон