ДТП из-за образовавшегося гололёда в Таджикистане, архивное фото

КҲФ ронандаҳоро аз яхбандии роҳҳо огоҳ мекунад. Бархе гӯш намекунанд

74
(Таҷдидшуда 14:12 18.01.2018)
Ронандае аз рустои Навдеҳ дар Рашт ҳушдори Кумитаро нодида гирифту дар роҳи кӯҳистонӣ тундравӣ кард. Дар натиҷа худраваш ба партгоҳи 7-метрӣ фурӯ афтод

ДУШАНБЕ, 18 янв — Sputnik. Тағйири ногаҳони ҳаво рафту омадро дар роҳҳои куҳистонӣ душвору хатарнок кард, ки чандин тасодуфро дар пай дошт, гузориш медиҳад Кумитаи авзоъи изтирории Тоҷикистон.

“КҲФ Тоҷикистон аз эҳтимоли яхбандии роҳҳо дар кӯҳистонҳо дар паи бориши барфи бисёр хабар додаву шаҳрвандону меҳмонони кишварро огоҳ карда буд. Мутаассифона, ҳарчанд борҳо ронандагонро ба эҳтиёкориву риояи қоидаҳои ҳаракат даъват карда будем, боз ҳам на ҳама огоҳиҳоро шуниданд ва на қабул карданду на риоя”, — гуфтаанд дар равобити умумии КҲФ ҶТ.

Ба гуфтаи Кумита, ронандае аз рустои Навдеҳ дар ноҳияи Рашт ин ҳудорро нодида гирифту дар роҳи кӯҳистонӣ тундравӣ кард. Дар натиҷа, фармони худрави “Опел”-ро аз даст дод ва он ба партгоҳи 7-метрӣ фурӯ рафт.

Барои бартараф кардани пайомади ин рухдоди нақлиётӣ воҳиди махсуси вокуниши сареъи КҲФ дар минтақаи Рашт ба ҷои ҳодиса расид. Наҷотдиҳандагон бо автокран худравро аз партгоҳ берун кашиданд.

“Хушбахтона, ронанда ва мусофиронаш чандон осеб надидаву саломатанд. Ба онҳо ёрии аввалия расонида шуд ва ҳамагӣ аз бистарӣ шудан дар бемористон худдорӣ карданд”, — гуфтанд наҷотдиҳандагон.

Кумитаи ҳолатҳои фавқулода аз ронандагон хост қоидаҳои ҳаракат дар роҳҳои барфзадаву яхбастаи куҳистониро ҷиддан риоя карда ҳаёту саломатии худ ва ҳамсафаронашонро дар хатар наандозанд.

74
Барчаспҳо:
дужомадҳои нобаюсида, тасодуф, КҲФ Тоҷикистон, Тоҷикистон
Мавзуъ
Ҳушдори КҲФ аз барфрезӣ ва боди тунд
КҲФ ҶТ: худрав дар паи тундравии ронанда ба партгоҳи 150-метрӣ афтодааст
Кормандони КҲФ ҶТ дар вилояти Хатлон рӯдборҳоро соҳилбандӣ карданд
КҲФ аз шиддат ёфтани шамол дар ноҳияҳои вилояти Суғд ҳушдор медиҳад
КҲФ аз хатари лағжиши тарма дар роҳҳои кӯҳӣ ҳушдор медиҳад