Садамаи нақлиётӣ. Акс аз бойгонӣ

Ҳалокати пиёдагард дар паи садама дар шаҳри Хоруғ

883
(Таҷдидшуда 11:10 07.05.2018)
Дар шаҳри Хоруғ, ҷавони 28 сола марди 32-солаеро пахш карда ба ҳалокат расонидааст

ДУШАНБЕ, 7 май — Sputnik. Дар паи садамаи нақлиётӣ дар шаҳри Хоруғ як мард кушта шуд, хабар медиҳад равобити умумии Вазорати корҳои дохилии Тиҷикистон.

Ба гузоршии манбаъ, рӯзи 3-юми май, тахминан соати 20:00, ронандаи автомашинаи тамғаи "ВАЗ-21010", Карамхудоев Чоршанбе, соли таваллудаш 1990, сокини шаҳри Хоруғ, ҳангоми ҳаракат аз самти маҳаллаи Тем ба самти маҳаллаи Селхозтехникаи шаҳри мазкур, дар назди қаҳвахонаи "Ветерок", аз уҳдаи идораи воситаи нақлиёт набаромада пиёдагард, Қуватбеков Некрӯз, соли таваллудаш 1986, сокини ноҳияи Шуғнонро пахш кардааст.

"Дар натиҷа, пиёдагард, Қуватбеков Некрӯз ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст", —омадааст дар хабарнома.

Пас аз пахши пиёдагард, ронанда ҳаракатро идома дода, ба самти муқобили роҳ баромада, ба автомашинаи тамғаи "Опел-Астра", таҳти идораи Хумориков Наврас Давлатёрович, соли таваллудаш 1983, сокини ноҳияи Шуғнон, бархӯрдааст.

Манбаъ афзуда, ки ин ҳодиса мавриди таҳқиқ қарор дорад.

883
Барчаспҳо:
ҳалокати пиёдагард, садама, Вазорати корҳои дохилии Тоҷикистон, Хоруғ, Тоҷикистон

Афзоиши фавтидагон аз COVID-19 дар Эрон

112
Вазорати беҳдошти Эрон мегӯяд, теъдоди ҷонбохтагон аз COVID-19 дар ҷумҳурӣ ба 56 ҳазору 803 нафар расид

ДУШАНБЕ, 17 янв — Sputnik. Тибқи иттилои Вазорати беҳдошт, шабонарӯзи гузашта 86 нафар аз COVID-19 фавтида, теъдоди умумӣ ба 56 ҳазору 803 нафар расид.

Радиои тоҷикии Садои Хуросон аз қавли Вазорати беҳдошт, дармон ва омӯзиши пизишкии Эрон хабар додааст, ки дар 24 соати гузашта 6 ҳазору 16 бемори нави гирифтор ба корона дар Эрон шиносоӣ ва 631 нафар аз онҳо бистарӣ шуданд.

Бар асоси маҷмӯи беморони вируси  COVID-19 дар Эрон ба як миллиону 330 ҳазору 411 нафар расидааст, ки то кунун 1 миллиону 119 ҳазору 137 нафар аз ин беморон беҳбуд ёфта ва ё аз бемористонҳо ҷавоб шудаанд.

Манбаъ афзуд, бемории COVID-19бар асоси омори расмии кишварҳо то кунун беш аз наваду панҷ миллион нафарро дар дунё мубтало карда ва беш аз ду миллион нафар низ бар асари ин беморӣ ҷони худро аз даст додаанд.

112
Барчаспҳо:
Эрон

Ҳалокати писарчаи тоҷик ҳангоми бозӣ

354
(Таҷдидшуда 17:19 17.01.2021)
Фоҷиа бо кӯдакон аз оилаи тоҷикистонӣ рӯзи 15 январ дар вилояти Маскав ҳангоми яхмолакбозӣ рух додааст

ДУШАНБЕ, 17 янв — Sputnik. Дар вилояти Маскав писарчаи 8-солаи тоҷик ҳангоми барфбозӣ ба ҳалокат расидааст, хабар додааст ТАСС бо такя ба хадамоти матбуоти додситонии вилояти Маскав.

Зикр шудааст, ки писарча ҳангоми баромадан ба баландӣ барои лағжиш як нӯги гарданбандашро дар боло баста, гирифтани нӯги дигарашро аз гардан фаромӯш кардааст.

“Вақте хоҳар ҷисми беҳаракати бародарашро дидааст, талоши кумаки аввалия кардааст, аммо бенатиҷа. Роҳгузарон низ натавонистаанд, писарчаро наҷот диҳанд”, - хабар дод манбаъ.

Нашрияи "МК" дар мавриди тафсилоти ин ҳодиса хабар додааст, ки кӯдак зодаи Тоҷикистон буда, бо оилааш се моҳи қабл ба ноҳияи Дмитрови назди Маскав омадааст.

Зикр шудааст, ки баъди кумакхоҳии хоҳар, як роҳгузар бо ҳамсараш низ талош кардаанд, кӯдакро наҷот диҳанд, аммо натиҷа надодааст.

Дар робита ба ин қазия додситонии шаҳрии Дмитров санҷишро оғоз кардааст.

354
Барчаспҳо:
кӯдак, Русия, ҳалокат, фоҷиа
Сомони и доллары, архивное фото

Касри савдои хориҷии Тоҷикистон 1 миллиарду 774 миллион долларро ташкил кардааст

0
Гардиши савдои хориҷии ҷумҳурӣ соли гузашта тақрибан 4,6 миллиард долларро ташкил дод, ки ин нисбат ба соли 2019 0,8% зиёд аст

ДУШАНБЕ, 18 янв — Sputnik. Касри тавозуни савдои хориҷии Тоҷикистон барои соли 2020 1 миллиарду 744 миллион долларро ташкил додааст, хабар медиҳад Агентии омори назди президенти ҷумҳурӣ.

Гардиши савдои хориҷии ҷумҳурӣ соли гузашта тақрибан 4,6 миллиард долларро ташкил дод, ки ин нисбат ба соли 2019-ум 34,1 миллион ё 0,8% зиёдтар аст.

Содироти молҳо дар соли 2020 бо афзоиши 19,8% 1406,9 миллиард доллар, воридот - 3150,9 миллиард долларро ташкил дода, 5,9% коҳиш ёфтааст.

Маводи асосии содирот металлҳои қиматбаҳо, семент, нахи пахта ва меваҳои хушк мебошанд. Воридотро маҳсулоти нафтӣ ва ғалладона, маҳсулоти хӯрокворӣ бартарӣ медиҳанд.

Соли қиматӣ: нархи чиҳо чӣ қадар болову пойин рафтааст? – омори расмӣ

Русия шарики асосии тиҷоратии Тоҷикистон дар соли 2020 гардид, гардиши савдо 21,4% аз ҳаҷми умумиро ташкил дод. Қазоқистон дар савдо дар ҷои дуввум аст - 20%. Зиёда аз 15% - Швейтсария, Чин - 10,4%.

Соли гузашта, дар соли 2019, ҳаҷми гардиши савдои хориҷии Тоҷикистон аз 4,5 миллиард доллар буд.

0