Шаҳри Душанбе, акс аз бойгонӣ

Баъди 5 сол: Боздошти келине, ки бо пули хушдоман ғайб задаст

241
Вазорати умури дохилии Тоҷикистон мегӯяд, келин маблағи хушдоманашро дуздида аз ҷои ҳодиса ғайб задааст

ДУШАНБЕ, 19 июл — Sputnik. Вазорати умури дохилии Тоҷикистон имрӯз, 19-уми июл аз боздошти зани 24-сола дар Душанбе хабар додааст, ки дар дуздии маблағи хушдоманаш муттаҳам мешавад.

Тибқи иттилои дафтари матбуоти ВУД, боздоштшуда, сокини ноҳияи Фирдавсии шаҳри Душанбе буда, 5 соли пеш даст ба дуздии маблағи хушдоман задааст.

"Номбурда, аз моҳи феврал то майи соли 2013 ҳангоми зиндагӣ дар хонаи хушдоманаш, сокини 58-солаи пойтахт аз ҳуҷраи хоби хушдоман бо роҳи пинҳонӣ 51 ҳазору 330-сомониро дуздида аз ҷойи ҳодиса ғайб задааст”, - омадааст дар иттилоия.

ВУД мегӯяд, феълан аз рӯи ин ҳодиса тафтишот идома дорад.

241
Барчаспҳо:
боздошт, келин, Тоҷикистон
Милиционеры в Душанбе, архивное фото

Ҷасади занро аз яхдон ёфтанд: рашки шавҳар дар Душанбе-видео

3878
(Таҷдидшуда 18:56 14.08.2020)
Вазорати умури дохилии Тоҷикистон бо нашри як гузориш аз қатли ҳамсар аз ҷониби шавҳар дар Душанбе хабар дод. Инчунин гузориш дод, ки чӣ гуна як сокини Данғара миллионҳо доллари атбои тоҷику чиниро гирифта, соҳиби хонаю мошинҳои зиёд ва занҳои ҷавон шудааст

ДУШАНБЕ, 14 авг — Sputnik. Тибқи гузориши ВУД, муайян шудааст, ки Саъдӣ Шарипови 42-сола пайваста нисбати  занаш рашк мекардааст ва шаби 23 июл дар пайи чунин як муноқиша ӯро буғӣ карда, куштааст.

Манбаъ афзуд, Шарипов барои пинҳон кардани ҷиноят, ҷасади модари 4 фарзандашро дар яхдон ҷой кардааст. Феълан муттаҳам дар боздоштгоҳ буда, таҳқиқи парвандаи ҷиноӣ алайҳи ӯ идома дорад. Назари худи боздоштшуда дар бораи ин қазия феълан маълум нест.

Боздошти Зоҳиров: аз тоҷири чинӣ 1,6 млн доллар гирифту кони тилло ваъда дод

Вазорати умури дохилии Тоҷикистон дар идомаи гузориши телевизионии худ аз боздошти Зоҳиров Эшонқул, сокини 39-солаи деҳаи Гулбулоқи ноҳияи Данғара хабар дод, ки аз соҳибкори чинӣ 1,6 миллион доллар гирифта, ваъда додаст, ки аз Ҳукумат иҷозатномаи коркарди кони тиллоро мегирад.

Тибқи гузориши ВУД, Зоҳиров соли 2010 бо шаҳрванди Чин, Ли Хо Фу, ҷамъияти“Истихроҷи маъданҳои куҳии Тоҷикистону Хитой”- ро таъсис дода, худаш директору Ли Хо Фу муовин шудааст. Манбаъ афзуд, ки Зоҳиров аз Ли Хо Фу 1,6 миллион доллар гирифта, ваъда додааст, ки ба иваз аз Ҳукумат иҷозатномаи коркарди кони тиллоро мегирад, аммо иҷро накардааст.

ВУД таъкид намуд, ки Зоҳиров инчунин аз шаҳрвандони Тоҷикистон бо ваъдаҳои гуногун беш аз 100 ҳазор доллар гирифта, барнагардондааст.

Намоиши хонаҳою мошинҳои гаронарзиш ва занҳои ҷавони Зоҳиров-видео

Мақомоти умури дохилӣ инчунин хонаю бӯстонсароҳо, занҳои то 20-cола ва мошинҳои гаронарзиши Зоҳировро намоиш доданд.

Дар гузориш таъкид шуд, қазияҳои қаллобии Зоҳиров баъди он ошкор шуд, ки ӯ моҳи майи соли равон бо мақсади тарсондани шаҳрвандони хориҷӣ дар ноҳияи Лахш сӯи шаҳрванди Чин, Ву Лиго ва шаҳрванди Қирғизистон Багӣ Эдир ду маротиба аз силоҳи шикорияш тир холӣ кардааст.

ВУД илова намуд, ки дар натиҷа ҳолатҳои қаллобии Зоҳиров ошкор гардида, алайҳи ӯ парвандаи ҷиноӣ оғоз гардид. Манбаъ таъкид кардааст, ки боздоштшуда инчунин аз 2014 то 2020 чор занро ба тариқи мусалмонӣ ба никоҳи худ дароварда, аз зиндагии якҷояшон 10 фарзанд дорад.

Феълан назари худи Зоҳиров дар бораи иттиҳоми эълоншуда алайҳи ӯ ва гузориши нашркардаи мақомот маълум нест.

3878
Барчаспҳо:
ҷазо, боздошт, Тоҷикистон
Новая эстакада в Душанбе

Бе ҳуҷҷати ронандагӣ ва бо суръати баланд: садама дар эстакадаи Душанбе - видео

1266
Ронандаи 30 - сола, ки воситаи нақлиёташро бо суръати баланд меронд, нахуст ба монеасанги канори роҳ ва сипас ба поясутуни симчӯб бархӯрда автомашинаашро чаппа кард

ДУШАНБЕ, 14 авг — Sputnik. Раёсати Вазорати умури дохили дар шаҳри Душанбе, навор аз як садамаи нақлиётӣ дар эстакадаи пойтахтро шарҳ дод. Навори мазкур чанде пеш ба шабакаҳои иҷтимоӣ роҳ ёфт ва мавриди баҳси корбарон қарор гирифт.

Зимнан, кормандони пулис ронандаи автомашинаеро, ки пас аз бархӯрдан ба монеасанги канори роҳ ва поясутуни симчӯб чаппа шуда буд, дастгир намуданд.

Дастгиршуда Оев Қосими 30 - сола, сокини шаҳри Душанбе буда, санаи 13-уми август, тақрибан соатҳои 15:00 дақиқа ҳангоми ҳаракат аз кӯчаи Н.Махсум ба тарафи кӯчаи Б.Ғафуров дар рӯ ба рӯи истгоҳи воситаҳои нақлиёти мусофирбар, аз уҳдаи идораи воситаи нақлиёт набаромада, ба монеасанги (бардюр) канори роҳ ва сипас ба бетони поясутуни симчӯб бархӯрда, автомашинаи худро чаппагардон кард.

Садама дар шоҳроҳи Душанбе-Хуҷанд: ВУД аз қурбонии ҳодиса гуфт

Манбаъ меафзояд, дар садамаи мазкур касе осеби ҷиддӣ надид.

Зимни пурсиш маълум гардид, ки  ронанда бидуни ҳуҷҷати ронандагӣ худравашро бо суръати ниҳоят баланд идора мекард, ки дар натиҷа ба садама дучор шуд.

РВУД дар шаҳри Душанбе мегӯяд, вобаста ба ҳолати мазкур маводҳои лозима тартиб дода шуда, таҳқиқ дар ин самт ҷараён дорад.

1266
Рустам Латифзода, раиси ҳизби аграрии Тоҷикистон

Аввалин номзад ба президентии Тоҷикистон маълум шуд

138
Ҳизби аграрии Тоҷикистон номзади худро ба интихоботи президентӣ пешниҳод кард

ДУШАНБЕ, 15 авг — Sputnik. Рустам Латифзода, раиси ҳизби аграрии кишвар аввалин номзад ба президентии Тоҷикистон эълон шуд.

Зайниддин Сафаров, муовини раиси ҳизби аграрии Тоҷикистон ва намояндаи Маҷлиси намояндагон дар анҷумани ғайринавбатии ҳизб номзадии Рустам Латифзода, раиси ин ҳизбро пешниҳод кард

Гуфта мешавад, ӯ бидуни алтернатива ва рақиб танҳо худашро пешниҳод ва бо як овоз дастгирӣ пайдо кард.

Ҳамин тавр Ҳизби аграрии Тоҷикистон номзади худро ба интихоботи президентӣ пешниход кард.

Рустам Латифзода - аввалин номзад ба президентии Точикистон дониста мешавад.

Дар ҳоли ҳозир, дигар ҳизбҳо сиёсии Тоҷикистон номзади худро барои курсии президенти Тоҷикистон пешниҳод накардаанд.

138
Барчаспҳо:
ҳизб, президент, номзад, интихобот, Тоҷикистон