Дучархаи сайёҳоне, ки 29 июл дар Данғара мавриди ҳамла қарор гирифтанд

Фоҷеаи дигар дар маҳали қатли сайёҳон: ҳалокати кормандони мақомот ва 3 духтарча

2371
(Таҷдидшуда 13:07 05.08.2018)
Дар деҳаи Сафобахши ҷамоати деҳоти Оқсӯ, маҳали ҳамла ба сайёҳони хориҷӣ дар ноҳияи Данғара фоҷиаи дигари маргбор рух додааст

ДУШАНБЕ, 5 авг — Sputnik. Тибқи иттилои дафтари матбуоти Вазорати умури дохилӣ, шоми 2-юми август,  Ғайбулло Ҷуразода, ронандаи 52-солаи  "КИА-Спортейдж", ҳангоми ҳаракат аз шаҳри Душанбе ба сӯи Кӯлоб дар ҳудуди деҳаи Сафобахш аз уҳдаи идораи воситаи нақлиёт набаромада, ба чуқурии 250-300-метр чаппа шудааст. 

"Дар натиҷа худи ронанда Ҷуразода ва мусофири автомашинаи мазкур Сангов Амирхон Нурмаҳмадович, соли таваллудаш 1975, сокини шаҳри Кӯлоб, ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд", — омадааст дар иттилоияи ВУД.

Аз ҳалокшудагон кормандони мақомот ном бурда мешавад. Аз ҷумла Амирхон Сангов, корманди баландпояи мақомоти амният будааст, ки тоза дар шаҳри Кӯлоб ба вазифа таъин гардидааст.  

Ба иттилои Вазорати умури дохилӣ, бар асари як садамаи дигар низ, ки субҳи 3 август дар ноҳияи Данғара рух дод, се духтарчаи ноболиғ ҷон доданд.

ВУД хабар дод, ки Заробиддин Хидиров, ронандаи 22-солаи "Опел-Вектра",  ҳангоми ҳаракат аз самти деҳаи Рахшонзамин ба самти деҳаи Ғиҷоваки ҷамоати деҳоти Пушинги Данғара, аз уҳдаи идора набаромада, ба мошини "ГАЗ-53 А", ки дар як самт ҳаракат мекардаанд, бархӯрдааст. Манбаъ мегӯяд, дар пайи бархӯрд "Опел" ба канали обгузар чаппа шудааст.

"Дар натиҷа, мусофирони ноболиғ — Умедова Мафтуна Ҳикматуллоевна, соли таваллудаш 2004, Исоева Басона Давлатмуродовна, соли таваллудаш 2008, Маҳмадиева Шаҳодат Фаруховна, соли таваллудаш 2006, сокинони ноҳияи Данғара ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд", — хабар додааст ВУД.

Мақомоти умури дохилӣ изҳор доштаанд, ки ронанда дар беморхона бистарӣ гашта, таҳқиқи ин ҳодиса идома дорад.

2371
Барчаспҳо:
ҳалокати ноболиғон, Данғара, ҳамла ба сайёҳон, садама, Тоҷикистон
ДТП, архивное фото

Боз як садамаи марговар: пиёдагарди 38-сола зери чархи “Фолсваген-Пасат” ба ҳалокат расид

63
Вазорати умури дохилаи Тоҷикистон боз аз як садамаи маргбор, ки дар ҳудуди деҳаи Ҳоҷиёни ҷамоати деҳоти М.Турсунзода рух додааст, хабар дод

ДУШАНБЕ, 3 июн - Sputnik. Бино бар иттилои дафтари матбуоти Вазорати умури дохилаи Тоҷикистон садамаи маргбор санаи 1-уми июни соли равон, тахминан соати 23:40 рух додааст.

Тибқи иттилои манбаъ, ронандаи автомашинаи тамғаи “Фолсваген-Пасат”, Ибрагимов Умедҷон Маҳмуродович, соли таваллудаш 1996, сокини ҷамоати деҳоти Зайнабобод, ноҳияи Рӯдакӣ ҳангоми ҳаракат кардан дар ҳудуди деҳаи Ҳоҷиёни ҷамоати деҳоти М.Турсунзода, аз ӯҳдаи идораи воситаи нақлиёт набаромада, пиёдагард Абдуалимов Зоир Тоирович, соли таваллудаш 1982, сокини ҷамоати деҳоти Чимтеппа-ро пахш намудааст. 

Манбаъ қайд кардааст, дар натиҷа Абдуалимов З.Т. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

Дар ҳоли ҳозир, кормандони милитсияи Тоҷикистон аз руи ин ҳодиса таҳқиқотро идома дорад.

Чанде пеш, Ронандаи автомашинаи тамғаи “Лексус RX-350”, Мухторов Шараф Насриддинович, соли таваллудаш 1988, сокини ноҳияи Файзобод, ҳангоми ҳаракат кардан дар роҳи автомобилгарди “Ваҳдат-Рашт”, воқеъ дар деҳаи Бӯстон, аз уҳдаи идора кардани воситаи нақлиёт набаромада, пиёдагард, Кучкинов Нуриддин Худойбердиевич, соли таваллудаш 1992, сокини ноҳияи Қубодиёнро пахш намуд

Дар натиҷа, Кучкинов ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.

63
Барчаспҳо:
пахш, пиёдагард, Турсунзода, деҳа, садама, вазорати умури дохила, Тоҷикистон
Бойцы Талибан в Провинции Нанганхар, архивное фото

Такзиби даргузашти роҳбари Толибон

266
(Таҷдидшуда 19:32 02.06.2020)
Созмони террористии Толибон, ки дар Тоҷикистону Русия мамнӯъ мебошад, даргузашти роҳбари созмон бар асари коронавирусро рад кард

ДУШАНБЕ, 2 июн - Sputnik. Забеҳулло Муҷоҳид, сухангӯи Толибони Афғонистон даргузашти раиси ин гурӯҳ бар асари мубтало шудан ба Ковид-19-ро рад кард.

Ба гузориши сомонаи "Парстудей", ба нақл аз хабаргузории садо ва симои Эрон, Забеҳулло Муҷоҳид рӯзи сешанбе гузоришҳо дар бораи даргузашти Мулло Ҳебатуллоҳ Охундзодаро рад кард ва гуфт, ки вай ҳамчунон раёсати Толибонро бар ӯҳда дорад.

Манбаъ зикр кардааст, ки пеш аз ин нашрияи амрикоии  Foreign Policy дар гузорише иддао карда буд, ки саркардаи Толибони Афғонистон ба далели олуда шудан ба вируси корона ҷон бохтааст.

Ин расона афзудааст, ки бархе аз коршиносони масоили сиёсии Афғонистон бар ин боваранд, ки расонаҳои амрикоӣ қасд доранд миёни сарони Толибони ин кишвар ихтилоф эҷод кунанд, то музокироти сулҳ миёни давлати Афғонистон ва Толибон баргузор нашавад.

266