Корманди нуқтаи сӯзишворӣ

Пул деҳ ё мекушам: ҳуҷум ба корманди НФС дар нимашаб

272
(Таҷдидшуда 10:40 18.08.2018)
Ҷавони 19-сола - корманди нуқтаи сӯзишворӣ ҳамкораш ҷавони 25-соларо 7 корд задааст. Ба иттилои ВУД мақсад аз ин ҷиноят тасарруфи пул будааст

ДУШАНБЕ, 18 авг — Sputnik. Дар шаҳри Душанбе кормандони милиса якҷо бо кормандони додситонӣ ҷавони 19-соларо ба иттиҳоми содир кардани ҷинояти сӯиқасд ба куштор боздошт кардаанд.

Ин ҷавон сокини ноҳияи Қубодиён буда, дар яке аз нуқтаҳои фурӯши сӯзишворӣ дар ноҳияи Фирдавсии шаҳри Душанбе кор мекардааст.

"Номбурда, рӯзи 17-уми августи соли 2018, тахминан соати 03:30-дақиқа, ба ҳуҷраи хазинадори нуқтаи сӯзишвории мазкур, марди 25-солаи сокини ноҳияи Фархор ворид шуда, бо мақсади тасарруфи маблағи пулӣ ҳамла намуда, бо воситаи корд ба узвҳои ҳаётан муҳими номбурда, аз он ҷумла 5-маротиба ба қафаси сина ва ду маротибаи дигар ба рони пояш задааст", — гуфта мешавад дар иттилои манбаъ.

Дар натиҷа ҷабрдида ҷароҳати вазнини ҷисмонӣ бардошта, дар беморхона бистарӣ шудааст.

Ҷавони муттаҳам боздошт ва парвандаи ҷиноӣ боз шуда, тафтишот идома дорад.

272
Барчаспҳо:
сӯиқасд, тафтишот, боздошт, НФС, Тоҷикистон
Преступник за решеткой

Падарро корд задааст: додгоҳи Хуҷанд ҳукми зиндони як сокини маҳаллиро содир кард

10
(Таҷдидшуда 14:01 05.07.2020)
Додгоҳи шаҳри Хуҷанди вилояти Суғд як сокини маҳаллиро бо ҷурми корд задани падараш равонаи зиндон кардааст

ДУШАНБЕ, 5 июл — Sputnik. Тибқи иттилли дафтари матбуотии додгоҳи Хуҷанд писра барои як корд ба шиками падараш задан 12 солу 6 моҳ равонаи зиндон гашт.

Ба иттилои манбаъ, судшаванда К.Ф.С. қаблан низ барои се сол зиндонӣ шуда  соли 2018 ба озодӣ баромадааст.

Манбаъ мегӯяд шаҳрванд К.Ф.С санаи 25 марти соли 2020 тахминан соати 21-08 дақиқа дар ҳолати мастӣ бо собиқ ҳамсараш К.М.О дар манзили истиқоматиаш воқеъ дар шаҳри Хуҷанд, вохӯрда, нисбаташ дашномҳои қабеҳ зада, хоҳиши тарк кардани манзили истиқоматиашро намуда, баъдан вориди ҳуҷраи хоби падараш шудааст.

“Ин вақт, падараш К.С.У. омада, аз чунин муносибати ӯ хабардор шуда, нисбаташ дашном карда, ба сару рӯяш бо ду-се шапалоқ задааст”,-афзудааст манбаъ.

Писар бошад аз сабаби он, ки дар ҳолати мастӣ қарор дошт, ба ғазаб омада, бо корд як маротиба ба тарафи чапи шиками падараш задааст, мегӯяд манбаъ.

“Занма рӯз намедиҳад”: чаро Холалӣ падарашро кушт-видео

Гуфта мешавад суди шаҳри Хуҷанд дар содир намудани ҷиноят бо моддаи 110 қисми 3 банди “б” КҶ Ҷумҳурии Тоҷикистон шаҳрванд К.Ф.С-ро гунащгор гунаҳкор дониста, ба вай бо ҳамин модда ҷазо дар намуди маҳрум сохтан аз озодӣ ба мўҳлати 12 солу 6 моҳ, бо адои ҷазо дар колонияи  ислоҳии дорои низомаш сахт таъин  карда шудааст.

10
Девушка в наручниках, архивное фото

Маст буд: боздошти Ҷононаи 24 - сола барои латукӯб ва таҳқири ду хоҳар дар Душанбе - навор

190
Ҷавондухтари 24 - сола дар ҳолати сархушӣ дар ҷойи ҷамъиятӣ ду хоҳарон - дугоникҳоро латукӯб намуд ва бо суханони дағал таҳқир кард

ДУШАНБЕ, 5 июл — Sputnik. Чанд рӯз қабл навори муноқишаи як духтар дар ҳолати мастӣ бо ду хоҳар - дугоникҳо дар шабакаҳои иҷтимоӣ чарх мезад ва корбарон аз рафтори норавои ҷавондухтар шадидан изҳори нигаронӣ мекарданд.

Бо дастрас шудани ин навор ба идораи пулиси Душанбе, кормандони ин ниҳод ҷавондухтари авбошро дастгир намуданд.

Бар хабари котиботи Раёсати умури дохила дар шаҳри Душанбе, авбошдухтар Сайфидинова Ҷононаи 24 - сола, зодаи ноҳияи Нуробод, деҳаи Оби Гарм, муваққатан истиқоматкунандаи шаҳри Душанбе мебошад.

Кордзанӣ дар маҳалаи Зарнисор: милитсия ҷавони 21-соларо дастгир кард

Номбурда рӯзи 2 - юми июл дар ҳолати сархушӣ ҳангоми дар кӯчаи Саъдӣ Шерозӣ рӯ ба рӯи "Корхонаи нассоҷӣ" қарор доштанаш бо хоҳарон-дугоникҳо шаҳрвандон Балосова Фотима ва Зуҳро муноқиша намуда, онҳоро мавриди лату куб қарор додааст.

"Ҳамзамон нисбати номбурдагон суханони қабеҳ зада, шаъну шарафи онҳоро дар назди дигар шаҳрвандон паст задаст", - таъкид мешавад дар хабар.

Манбаъ меафзояд, нисбати Сайфиддинова Ҷонона барои дағалона вайрон кардани тартиботи ҷамъиятӣ бо моддаи 460 (майдаавбошӣ) Кодекси ҳуқуқвайронкунии маъмурӣ парвандаи маъмурӣ тартиб дода шуда, нисбаташ бо қарори Суд ҷазо дар намуди ҳабси маъмурӣ ба муҳлати 5-шабонарӯз таъин карда шуд.

190
Барчаспҳо:
навор, ҷавондухтар, боздошт, авбошӣ
Министр финансов республики Таджикистан Файзиддин Каххорзода

Ҷалби қариб ним миллиард қарзу грант барои бунёди 68 мактаб дар Тоҷикистон

0
Маҷлиси намояндагони Тоҷикистон созишномаи қарзию грантиро ба тасвиб расонд, ки бар асоси он бунёди 68 мактаб ва 5 бинои маъмурии бахши маориф дар 18 шаҳру ноҳияи вилояти Хатлон ва шаҳри Душанбе дар назар аст

ДУШАНБЕ, 5 июл — Sputnik. Файзиддин Қаҳҳорзода, вазири молияи Тоҷикистон, зимни муаррифии лоиҳа дар ҷаласаи ахири парлумон гуфт, қарзу гранти мазкур барои татбиқи “Стратегияи миллии рушди маориф” равона мегардад.

Ба гуфтаи ӯ дар маҷмуъ дар доираи лоиҳа,  равона намудани 46 миллион доллари амрикоӣ, аз ҷумла 30 миллион доллар қарзи Бонки исломии рушд, 10 миллион доллар доллари амрикоӣ гранти Ташкилоти ҳамкории глобалӣ дар соҳаи маориф ва 6 миллион . доллар саҳми Ҳукумати Тоҷикистон пешбинӣ шудааст.

Қарз бо чӣ шарт гирифта шуду мактабҳоро дар куҷо месозанд?

Вазири молия афзуд, қарз аз ду сарчашма, маблағҳои қарзии Бонки исломии рушд ба муддати 25 сол, аз ҷумла 7 соли имтиёзӣ бо меъёри хизматрасонии 1,5 фоизи солона ва маблағҳои Фонди ҳамбастагии исломӣ оид ба рушд ба муддати 30 сол, аз ҷумла 10 соли имтиёзӣ бо меъёри хизматрасонии 0,75 фоизи солона дода мешавад.

“Дар доираи лоиҳа сохта ва ба истифода додани 68 мактаб ва 5 бинои маъмурӣ дар соҳаи маориф дар шаҳрҳои Душанбе ва Турсунзода ва дар шаҳру ноҳияҳои вилояти Хатлон, аз ҷумла шаҳри Кӯлоб, ноҳияҳои Балҷувон, Темурмалик, Восеъ, Данғара, Муъминобод, Мир Сайид Алии Ҳамадонӣ, Фархор, Панҷ, Ҷайҳун, Шаҳритус, Шамсиддини Шоҳин, Кушониён, Дӯстӣ, Хуросон ва Вахш пешбинӣ шудааст”, - хабар дод нашрияи парлумонии “Садои мардум” аз қавли Қаҳҳорзода.

Манбаъ таъкид кард, ки татбиқи лоиҳаи мазкур соли 2020 оғоз гардида, анҷоми он соли 2024 ба нақша гирифта шудааст.

0
Барчаспҳо:
грант, қарз, Тоҷикистон