Аломати роҳ, акс аз бойгонӣ

Бархӯрди "Дамас" бо "Дулан" ду кушта барҷой гузошт

183
(Таҷдидшуда 10:10 15.09.2018)
Вазорати умури дохилии Тоҷикистон мегӯяд, 14 сентябр бархӯрди худрави "Дамас" бо мошини боркаши "Дулан" ду кушта барҷой гузошт

ДУШАНБЕ, 15 сен — Sputnik. Тибқи иттилои Вазорати умури дохилӣ, Рӯзибой Исломқулов, ронандаи 19-солаи "Дамас" ҳангоми ҳангоми ҳаракат дар ҳудуди ҷамоати деҳоти Куруши ноҳияи Спитамен аз уҳдаи идораи воситаи нақлиёт набаромада, ба автомашинаи тамғаи "Дулан", таҳти идораи ронандаи 32-сола, Рӯзибоев Шамсиддин бархӯрдааст.

"Дар натиҷа мусофирони автомашинаи тамғаи "Дамас"  -  Шукуров Ғулом Неъматҷонович, соли таваллудаш 1981 ва Тошматов Маъруф Қучқорович, соли таваллудаш 1965, сокинони шаҳраки Навкати вилояти Суғд, ҷароҳатҳои вазнини ҷисмонӣ бардошта, дар беморхона ба ҳалокат расидаанд", — омадааст дар иттилоияи ВУД.

Манбаъ афзуд, ки садамаи дигари маргбор дар ин рӯз дар шаҳри Хоруғ ба қайд гирифта шудааст.

ВУД мегӯяд,  Рустам Қадамалиев, ронандаи 39-солаи автомашинаи "Чанху",  сокини шаҳри Хоруғ, ҳангоми ҳаракат аз самти маҳаллаи Хоруғи боло ба  ҷамоати Сучон, аз уҳдаи идораи воситаи нақлиёт набаромада, велосипедрони 20-сола, Ғуломҳусейнов Ошурмамад, сокини кӯчаи В.Гулмамади шаҳри Хоруғро зер намудааст.

"Дар натиҷа, вилосипедрон ҷароҳатҳои вазнини ҷисмонӣ бардошта, ҳангоми ба беморхона дастрас намудан, ба ҳалокат расидааст", — иттилоъ дод ВУД.

183
Барчаспҳо:
ҳалокат, бархӯрди худравҳо, бехатарӣ, роҳ, садама, Тоҷикистон