Зӯроварӣ нисбати занҳо, акс аз бойгонӣ

Қатли ҷавонзани рус дар Суғд

747
Мақомоти умури дохилӣ дар қатли ҷавонзани рус дар вилояти Суғд маъшуқашро муттаҳам мекунанд

ДУШАНБЕ, 26 окт — Sputnik. Тибқи иттилои дафтари матбуоти Вазорати умури дохилӣ, қатли ҷавонзани 30-сола шоми 24-уми октябр сурат гирифтааст.

ВУД афзуд, ки дар пайи  чорабиниҳои оперативӣ-ҷустуҷӯӣ марди 38-сола, сокини шаҳри Гулистон ҳамчун гумонбар дар содир намудани ҷинояти одамкушӣ дастгир карда шуд.

“Номбурда, рӯзи 24-уми октябри соли 2018, тахминан соати 18:30-дақиқа, дар ҳудуди маҳаллаи Навбунёди ноҳияи Бобоҷон Ғафуров, аз сабаби муноқишаи ба миён омада, бо ҳамзисташ, зани 30-солаи миллаташ рус, сокини шаҳри Бӯстон, ҷангу ҷанҷол карда, бо дастонаш ӯро буғӣ карда, ба ҳалокат расонидааст”, - омадааст дар иттилоияи ВУД.

Манбаъ таъкид намудааст, ки боздоштшуда қаблан барои дуздӣ суд шуда, феълан алайҳаш парванда бо иттиҳоми куштор оғоз гардида, тафтишот идома дорад.

747
Барчаспҳо:
боздошт, куштор, Тоҷикистон
Сейсмический график, архивное фото

Тоҷикистонро заминларзаи 5-баллӣ такон дод

186
(Таҷдидшуда 16:05 04.07.2020)
Маркази заминларза 201 километр ҷанубу шарқтар аз  Душанбе ва 50 километр дуртар аз водии Рашт  ҷойгир будааст

ДУШАНБЕ, 4 июл – Sputnik. Имрӯз, соати 14:53 ба вақти маҳаллӣ дар ҳудуди Тоҷикистон заминларза ба қайд гирифта шуд.

Тибқи иттилои АМИТ "Ховар", маркази заминларза 201 километр дуртар аз самти ҷанубу шарқии  Душанбе ва 50 километр дуртар аз водии Рашт  ҷойгир будааст.

Хисорот ба қайд гирифта нашуд: дар Тоҷикистон замин ларзид

Ба иттилои маркази зилзиласанҷии Академияи миллии илмҳои Тоҷикистон, қувваи заминларза аз рӯи ҷадвали Рихтер дар  марказ 5 ва дар шаҳри Душанбе 3 балро ташкил дод.

Хушбахтона дар натиҷаи заминҷунбӣ дар ҳудуди Ҷумҳурии Тоҷикистон хисорот ба қайд гирифта нашудааст.

186
Барчаспҳо:
заминларза, Тоҷикистон
Пожарный тушит огонь, архивное фото

Сӯхтор дар яке аз анбори мактаб дар шаҳри Душанбе: ВУД гунаҳгорро муайян кард

178
(Таҷдидшуда 13:51 04.07.2020)
Вазорати умури дохилаи Тоҷикистон аз сӯхтор дар бинои навсохтмони мактаб, воқеъ дар квартали 8-уми маҳаллаи Ховарони ноҳияи Шоҳмансури шаҳри Душанбе хабар дод

ДУШАНБЕ, 4 июл – Sputnik. Бино бар иттилои дафтари матбуоти ВУД сӯхтор санаи 4-уми июли соли равон соати 07:45 дақиқа дар анбори нигоҳдории масолеҳи сохтмонии бинои навсохтмони мактаб, воқеъ дар квартали 8-уми маҳаллаи Ховарони ноҳияи Шоҳмансури шаҳри Душанбе рух додааст.

Манбаъ таъкид доштааст, ки сохтмони биноеро, ки дар он сӯхтор ба амал омадааст ширкати “Балх-2015” ба ӯҳда дорад.

“Бо қабули хабар аз тарафи Нуқтаи маркази алоқаи Сарраёсати хадамоти давлатии оташнишонии ВКД Ҷумҳурии Тоҷикистон фавран ба ҷойи ҳодиса чор адад нақлиётҳои сӯхторхомушкунӣ ва гурӯҳи хадамоти навбатдори оташнишонии Сарраёсат сафарбар карда шуданд. Дар вақти ба маҳалли ҳодиса расидани кормандони Хадамоти давлатии оташнишонӣ анбори нигоҳдории масолеҳи сохтмонии бинои навсохтмонро дар масоҳати 20 метри мураббаъ оташ ва дуди ғализ фаро гирифта буд”, - қайд кардааст манбаъ.

ВУД зикр кардааст, ки дар натиҷаи гузаронидани амалиёти фаврии кормандони Хадамоти давлатии оташнишонӣ роҳҳои паҳншавии оташ ба зуддӣ пешгирӣ карда шуда, сӯхтор дар масоҳати аввалааш дар муддати кӯтоҳ ба пурагӣ хомӯш карда шуд.

“Коршиносони соҳа сабаби сӯхтор пошхӯрии шарораҳо ҳангоми истифодабарии асбоби барқии “Балгарка” буда, гунаҳгори ҳодиса коргари Ҷамъияти дорои масъулияташ маҳдуди “Балх-2015” Беҳзод Қурбонов мебошад”,- қайд намудааст ВУД Тоҷикистон.

Ҳамзамон манбаъ таъкид кардааст, ки дар натиҷаи сӯхтор ҳеҷ кас зарари ҷисмонӣ набардоштааст.

Дар ҳоли ҳозир, таҳқиқи ҳодиса аз тарафи Хадамоти давлатии оташнишонӣ идома дорад.

 

178
Барчаспҳо:
анбор, ВУД, Душанбе, мактаб, сӯхтор, Вазорати умури дохила, Тоҷикистон
Линии электропередачи

Барқхомӯшкунӣ дар тобистон: сокинон мегӯянд, бо равшании телефон таъоми шом мехӯрем

0
(Таҷдидшуда 18:21 04.07.2020)
Сокинони деҳоти ноҳияи Деваштичи Суғд аз мушкили қатъ шудани нерӯи интиқоли барқ ба манзилҳояшон таъкид мекунанд. Онҳо мегуянд, ин вазъ беш аз як моҳ ба ин тарф дар фасли тобистон давом дорад

ДУШАНБЕ, 4 июл – Sputnik. Масрур як сокини ҷамоати Ваҳдат дар суҳбат бо Sputnik Тоҷикистон гуфт, қатъи интиқоли барқ дар вақти шомгоҳон барои онҳо дар шароити рустоҳо мушкилӣ меорад.

"Бегоҳ аз кори саҳро меоӣ, ки дар хонаҳо барқ нест ва ҳама ҷо торик. Дар торикӣ чи гуна хуроки шом хурданро намедонӣ. Бо истифода аз равшании фонари телефонҳо хӯроки шом мехурем", - гуфт ӯ.

Фирӯз як сокини деҳаи Басманда ҳам аз мушкили хомӯшшавии барқ иброз намуд. Ӯ гуфт, хомӯшкунии барқи ин деҳа шомгоҳон аз соати 19 то 20 ва гоҳо аз соати 20 то соати 21: 30 дақиқа тӯл мекашад.

Муҳиддин Аҳмадзода, сармуҳандиси шабакаҳои барқии Истаравшан дар суҳбат ба Sputnik Тоҷикистон вазъи мавҷударо шарҳ дод.

Ӯ гуфт, "бо сабаби таъмири ноқилҳо ва чораҳои профилактикӣ ин гуна ҳолат ба вуҷуд меояд".

Вале сокинон таъкид меварзанд, ки чунин вазъ беш аз як моҳ ба ин тараф идома дорад, аммо ҳеҷ яке аз масъулини шабакаҳои барқи минтақа бо пахши эълон, расман аҳолиро огоҳ намекунанд.

Баъзе аз соҳибназарон иллати қатъи интиқоли нерӯи барқро ба фаъолияти чоҳҳои амудии (скважина) ҳудуди ҷамоат рабт медиҳанд.

Бино ба гуфтаи онҳо, ҳоло шумори ин гуна чоҳҳои обрасони зироати сокинон зиёд шудааст ва дар як вақт кор кардани аксари ин чоҳҳо, сабаби зиёд тасфидани зеристогоҳҳои барқӣ мегардад ва аз ҳамин хотир масъулин бо хомӯш намудани барқ то якуним соат кори зеристгоҳҳоро дам доданиянд.

Аммо сокинон мегӯянд, назар ба ин, ки барқи манзилҳои онҳо хомӯш карда шавад, бояд масулини идораи барқ, танзими кори чоҳҳои амудиро ба роҳ монанд.

0
Барчаспҳо:
маводи хӯрока, барқ, Суғд