ДУШАНБЕ, 12 ноя — Sputnik. Тибқи иттилои Вазорати умури дохилӣ, феълан бо иттиҳоми дуздӣ 4 сокини пойтахт, мардони 22, 23, 26, ва 23-сола боздошт гардидаанд.
Мақомоти тафтишотӣ мегӯянд, боздоштшудагон шаби 7 ба 8-уми ноябри соли 2018, тахминан соати 02:00 панҷараи тирезаи бинои марбут ба ширкати букмекерии “Формула-55”-ро шикаста, аз дохили сандуқи оҳанини он 9 ҳазору 463 сомониро дуздидаанд.
Манбаъ афзуд, бинои “Формула-55” дар кӯчаи Н.Муҳаммад ҷойгир шуда, ба соҳибкори 31-сола, сокини кӯчаи Деҳлавии пойтахт тааллуқ дорад.
ВУД афзуд, ки феълан аз рӯи ин ҳодиса тафтишот идома дорад.
