Роҳи пиёдагард, акс аз бойгонӣ

Боз қурбонӣ баъди нигарониҳо: кӯдак дар Данғара зери “Мерседес” монд

198
Вазорати умури дохилии Тоҷикистон аз як садамаи маргбор дар ноҳияи Данғара хабар дод, ки боиси ҳалокати кӯдаки 9-сола гардидааст

ДУШАНБЕ, 29 ноя — Sputnik.  Тибқи иттилои ВУД, ҳодиса 28-уми ноябр тахминан соати 11:30 рух додааст, ки дар натиҷа Тоҷиев Музамин, соли таваллудаш 2009, сокини деҳаи Ғиҷовак, хонандаи синфи 3-юм ба ҳалокат расидааст.

“Ронандаи автомашинаи тамғаи “Мерседес-Бенс”, Баҳриддини Нурӣ Маҳмадализода, соли таваллудаш 1991, сокини ноҳияи Данғара, ҳангоми ҳаракат аз самти ҷамоати деҳоти Корез ба самти деҳаи Ғиҷоваки ҷамоати деҳоти Пушинги ноҳияи мазкур, аз ӯҳдаи идораи воситаи нақлиёт набаромада, пиёдагарди ноболиғ, Тоҷиев Музамин Абдусатторовичро зер кардааст”, - омадааст дар иттилоия.

Манбаъ афзуд, ки дар натиҷа Тоҷиев дар ҷойи ҳодиса ба ҳалокат расида, феълан таҳқиқи ин ҳодиса идома дорад.

Ин дар ҳолест, ки ахиран Эмомалӣ Раҳмон, раисиҷумҳури Тоҷикистон дар мулоқот бо кормандони мақомоти умури дохилӣ Данғараро дар феҳрасти шаҳру навоҳие ном бурд, ки садамаҳои маргбор дар он зиёд рух медиҳанд ва таъкид намуда буд, ки барои ҷилавгирӣ аз чунин ҳодисаҳо чораандешӣ шавад.

198
Барчаспҳо:
хурдсол, ҳалокати пиёдагард, маргбор, Данғара, Тоҷикистон
Молоток судьи

Ҳукми муллои ҷинбарор эълон шуд: ҳам дуо мехонд ва ҳам маҳсу бахткушоӣ мекард

516
(Таҷдидшуда 13:55 11.08.2020)
Бо ҳукми суди шаҳри Ҳисор, Сочаев бо моддаҳои 1421 қисми 1 ва 247 қисми 3 банди "а" Кодекси ҷиноятии Тоҷикистон гунаҳгор дониста шуда, нисбаташ ҷазои маҳрум намудан аз озодӣ таъйин шуд

ДУШАНБЕ, 11 авг – Sputnik. Прокуратураи генералии Тоҷикистон ҳукми Сочаев Ҷурабой Нарзуқулович, сокини шаҳри Ҳисор, ки  худро дар маҳалли зисташ муллои ҷинбарор муаррифӣ намуда, аз шаҳрвандони зудбовар бар ивази маҳсу дуохонӣ, баровардани сеҳру ҷоду маблағҳои калон мегирифт, эълон намуд.

Манбаъ меафзояд, муллои ҷодугар аввалҳои моҳи октябри соли 2019 ба боварии шаҳрванд "А" даромада, барои дур намудани сеҳру ҷоду, аз ӯ 3000 сомонӣ пули табобат талаб намуд.

Зимнан, давоми чаҳор моҳ ҳафтае як ё ду маротиба ӯро ба манзили истиқоматии худ хонда бо суиистифода аз ҳиссиёт ва боварии динии ӯ нисбати номбурда ҳаракатҳои бадахлоқонаро анҷом дод.

 

Тафсилоти боздошти “Мулло-профессор” дар Ҳисор

Инчунин, ӯ бо ин роҳ шаҳрванд "А”-ро ба гумроҳӣ андохта, барои маҳси бадан ва табобат аз маблағи қаблан муқаррарнамуда, танҳо 1600 сомонӣ гирифт.

Гузашта аз ин, зимни тафтиши пешакӣ 5 лаҳзаи содир гардидани чунин ҷиноятҳо аз ҷониби Сочаев муайян ва ошкор карда шуд.

Бар хабари манбаъ, Сочаев аз охирҳои моҳи январ то феврали соли ҷорӣ, амалҳои зишти худро нисбати 5 нафар шаҳрвандон анҷом дода,бо ин кирдорҳои худ ҷиноятҳои дар моддаҳои 1421 қисми 1 ва 247 қисми 3 банди “а” КҶ Ҷумҳурии Тоҷикистон пешбинишударо содир намудааст.

Гуфта мешавад, нисбати номбурда парвандаи ҷиноятӣ оғоз гардида, бо ҳукми суди шаҳри Ҳисор нисбати Сочаев ҷазои маҳрум намудан аз озодӣ таъйин карда шуд.

516
Барчаспҳо:
Прокуратураи генералии Тоҷикистон, мулло, ҳукм
ДТП, архивное фото

Садамаи маргбор дар Ваҳдат ду кушта ва чор захмӣ барҷой гузошт

306
Мусофирони автомашинаи "Тайота - Королла" зоҳиран аъзои як хонавода буда, ду нафарашон бо бардоштани ҷароҳатҳои гуногун бистарии беморхона шуда, як пайванди дигарашон ҷон аз даст дод

ДУШАНБЕ, 11 авг – Sputnik. Вазорати умури дохилии Тоҷикистон аз як садамаи маргбори нақлиётӣ дар шаҳри Ваҳдат хабар медиҳад.

Ба иттилои манбаъ, ҳодисаи мазкур рӯзи 10 - уми август, тахминан соатҳои 16:30-дақиқа рух додааст.

Ронандаи автомашинаи тамғаи "Тайота-Каролла", Шаҳбози Раҷабалии 29 - сола, сокини ҷамоати деҳоти Зиракии шаҳри Кӯлоб ҳангоми ҳаракат аз самти шаҳри Душанбе ба самти шаҳри Кӯлоб дар ҳудуди ҷамоати деҳоти К.Исмоилови шаҳри Ваҳдат аз уҳдаи воситаи нақлиёт набаромада ба автомашинаи "Опел-Атра", таҳти идораи Салимов Хуршеди 42 - сола бархӯрдааст.

Ҳалокати комиссари ҳарбии шаҳри Гулистон дар садамаи нақлиётӣ

Манбаъ меафзояд, дар натиҷа, ронандаи автомашинаи "Тайота-Королла",  Салимов Х. ва мусофирони дар дохили он буда Қурбонова Мавҷудаи 30 - сола, Қурбонова Сафаргули чанд моҳа, сокинони шаҳри Кӯлоб ҷароҳатҳои ҷисмонӣ бардошта дар беморхона бистарӣ гардидаанд.

Ҳамчунин, мусофирони дигар, Одинаева Мадинаи 37 - сола ва Қурбонов Сарафрози 14 - сола, сокинони ҳамон ҷо, дар ҷойи ҳодиса ба ҳалокат расидаанд.

ВУД Тоҷикистон мегӯяд, аз рӯи ҳодисаи мазкур таҳқиқот идома дорад.

306
Барчаспҳо:
захмӣ, кушта, роҳ, мошин, садамавӣ, Ваҳдат
Народный поэт Таджикистана Гулназар Келди

“Худатонро эҳтиёт кунед!” Насиҳати Гулназар Келдӣ аз шифохонаи “Истиқлол”

0
 Гулназар Келдӣ, Шоири халқӣ ва муаллифи Суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфтааст

 ДУШАНБЕ, 11 авг — Sputnik. Худи шоир дар таъйиди ин хабар ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш маслиҳат донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт Шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода.

Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

Эълони омори тозаи сироят, фавт ва шифоёбӣ аз коронавирус дар Тоҷикистон

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

0