ДУШАНБЕ, 3 янв — Sputnik. Тибқи иттилои ВУД, ба идораи милиса дар ноҳияи Хуросон, марди 28-сола, сокини шаҳри Ҳисор муроҷиат карда, арз доштааст, ки 16-уми декабри соли 2018, шахсони номаълум аз нуқтаи фурӯши сӯзишворӣ, воқеъ дар ноҳияи Хуросон 1 “систерна”-ашро дуздидаанд.
Манбаъ арзиши ин зарфи оҳанини 20-тоннагиро 20 ҳазор сомонӣ арзёбӣ кардааст.
ВУД мегӯяд, дар пайи корҳои ҷустуҷӯӣ муттаҳами 40-сола, сокини ноҳияи Шаҳринав боздошт гардида, тафтишоти пешакӣ идома дорад.
