Бинои ВУД Тоҷикистон, акс аз бойгонӣ

Шарҳи ВУД дар бораи худсӯзии зани 68-сола ва сабаби рондани 3 милиса аз мақомот

374
Вазорати умури дохилии Тоҷикистон худсӯзии Истат Қурбонова, зани 68-соларо дар боздоштгоҳи муваққатии идораи милисаи ноҳияи Айнӣ шарҳ дода, гуфтааст, бадрафтории кормандони ин ниҳод тасдиқ нашудааст

ДУШАНБЕ, 1 фев — Sputnik. Тибқи иттилои ВУД, се корманди боздоштгоҳи муваққатии ШВКД дар ноҳияи Айнӣ барои хунукназарӣ дар рафти адои хизмат, ки боиси худсӯзӣ намудани айбдоршаванда Қурбонова гардидааст, аз сафи мақомоти корҳои дохилӣ озод гардидаанд.

ВУД шарҳ додааст, ки моҳи августи соли 2018 алайҳи Истат Қурбонова бар асоси моддаҳои 338 ва 255-и Кодекси ҷиноӣ – ишғоли худсаронаи замин ва қасдан нобуд кардани амвол парванда оғоз шудааст.

Қурбонова бинобар саркашӣ ва пинҳон шудан аз мақомоти тафтишотӣ, аз моҳи октябри соли 2018 мавриди кофтукоб қарор гирифтааст.

Манбаъ афзуд, айбдоршаванда 3-юми январи соли 2019 боздошт гардида, 12 январ бояд аз боздоштгоҳи муваққатӣ ба муассисаи тафтишотии №9/5 воқеъ дар шаҳри Истаравшан интиқол дода мешуд.

“Пеш аз интиқол додан Қурбонова норозигӣ баён намуда, асабонӣ шуда ба кормандони милитсия дағалӣ менамояд. Кормандони милитсия ин ҳолатро дида аз беморхонаи марказии ноҳия духтур даъват мекунанд то ҳолати руҳии Қурбоноваро муоина намоянд”, - омадааст дар иттилоия.

ВУД афзуд, духтур Ҷабборов Пайрав  Қурбоноваро муоина кардааст ва сипас айбдоршаванда бо баҳонаи ба ҳоҷатхона рафтан худро дар дохили ҳоҷатхона бо либосҳояш оташ задааст.

“Кормандони милитсия ва духтури даъватшуда дарҳол оташро хомӯш намуда, ба Қурбонова ёрии аввалини тиббӣ мерасонанд ва барои паст намудани ҳолати асабоният ва дарди айбдоршаванда Қурбонова шахсан духтур Ҷабборов ба номбурда ёрии тиббӣ мерасонад. Ҳолати бадрафторӣ ва дағалӣ аз тарафи кормандони милитсия нисбати ин зани пиронсол тасдиқи худро наёфт”, - таъкид кардаанд мақомоти умури дохоилӣ.

Ин дар ҳолест, ки бар асоси иттилои нашргардида Истат Қурбонов дар идораи милиса мавриди бадрафторию шиканҷа қарор гирифта, худсӯзӣ кардааст.

Аммо ВУД Тоҷикистон ин иддаоро рад карда, изҳор доштааст, Қурбонова қаблан – солҳои 2000 ва 2007-ум низ барои авбошӣ, латукӯб, таҳқир ва истифодаи зӯроварӣ нисбати намояндаи ҳокимият суд шудааст.

374
Барчаспҳо:
парвандаи ҷиноӣ, худсӯзӣ, бадрафторӣ, Тоҷикистон
Президент Кыргызской Республики Сооронбай Жээнбеков

Жээнбеков: дар ҳар як мулоқот бо Раҳмон мо масъалаи сарҳадро муҳокима мекунем

102
Президенти Қирғизистон Сооронбой Жээнбеков дар як мусоҳиба мавзӯи коронавирус ва вазъи сарҳадиро бо Тоҷикистон матраҳ кард

ДУШАНБЕ, 8 авг — Sputnik.  Дар ҳоли ҳозир корҳо барои мушаххас кардани сарҳади Тоҷикистону Ӯзбекистон идома доранд, гуфт п резиденти Қирғизистон Сооронбой Жээнбеков дар мусоҳиба бо радиои "Биринчи Радио".

Президент қайд кард, ки вақте кор беҳтар шуд, музокирот пас аз паҳншавии коронавирус қатъ карда шуд, аммо ба ҳар ҳол, мулоқотҳо оид ба ин масъала, хусусан дар сарҳади Қирғизистону Тоҷикистон, идома доранд.

"Дар ҳама ҷое ки мо бо ҳамтои тоҷикам Эмомалӣ Раҳмон мулоқот мекардем, мо ҳамеша масоили сарҳадро баррасӣ мекунем. Ислоҳотҳо ҳастанд, аммо мушкил тавре ки ман қаблан зикр кардаам, ҳалли худро наёфтааст. Аммо, миёни ду кишвар ҳусни тафоҳум вуҷуд дорад" гуфт Жээнбеков.

Коронавирус ба музокироти марзии Тоҷикистону Қирғизистон таъсир расонд

Сарвари Қирғизистон қайд кард, ки баъзан шиддат дар масъалаҳои марзӣ бо мушкилоти ҳамарӯза афзоиш меёбад, аз ин рӯ мақомоти маҳаллӣ бо мардум зич ҳамкорӣ мекунанд.

Жээнбеков: вазъ дар марз бо Тоҷикистон то ҳол мушкил мемонад

Жээнбеков илова кард, ки ин мавзӯъро яктарафа ҳал кардан мумкин нест. Вай изҳори итминон кард, ки мавзӯи баҳсбарангез тавассути гуфтугӯ ҳаллу фасл хоҳад шуд.

102
Барчаспҳо:
Эмомалӣ Раҳмон, музокирот, сарҳад, Сооронбой Жээнбеков, Қирғизистон, Тоҷикистон

Мақомот: дар ҳамла ба зиндони Нангарҳор чор тоҷик ширкат доштанд

206
(Таҷдидшуда 18:55 08.08.2020)
Вазорати дифоъи Афғонистон мегӯяд, дар ҳамла ба зиндони Нангарҳор аз 11 муҳоҷим чор нафарашон шаҳрванди Тоҷикистон буданд

ДУШАНБЕ, 8 авг — Sputnik. Фавод Амон, муовини сухангӯи вазорати дифоъи Афғонистон ба Sputnik Тоҷикистон гуфт, дар ин ҳамла чаҳор шаҳрванди Тоҷикистон, се тан аз Ҳинд, як нафар аз Покистон ва се тани дигар аз Афғонистон даст доштанд.

"Ҳамаи онҳо аз сӯи нерӯҳои амниятии Афғонистон кушта шудаанд ва шахсияти онҳо таҳқиқ мешавад. Ҳамагӣ узви гуруҳи террористии ДОИШ ҳастанд", - гуфт Фавод Амон.

Тақрибан ҳаволии соати 7 – и шоми рӯзи якшанбеи гузашта як гуруҳи мусаллаҳ худрави бомбгузоришударо дар наздикии дари вурудии зиндони Нангарҳор мунфаҷир карданд ва сипас бо нируҳои муҳофизи зиндон даргир шуданд. Ин даргирӣ ҳудуди 23 соат идома дошт ва муҳоҷимон дар ин муддат девори зиндонро бо инфиҷор шикофта, ба дохили зиндон даромаданд ва 272 зиндониро раҳо сохтанд.

Тибқи иттилои вазорати дифоъи Афғонистон, дар ин ҳамла 11 шӯришӣ даст доштанд, ки илова бар онҳо 29 тан ғайринизомӣ низ кушта ва 50 тани дигар захмӣ шуданд.

Суолу фарзияҳои Серенко дар бораи ҳамла ба дидбонгоҳ: ба “ДОИШ” монанд нест

Бино ба ин манбаъ, ҳудуди 10 узви Толибон низ аз сӯи ҷангиёни муҳоҷим кушта шудаанд. Дар ҳамин ҳол, Фавод Амон мегӯяд, ҳамла ба зиндони Нангарҳор ҷузъи як силсилаҳуҷумҳои гуруҳи террористии ДОИШ дар Нангарҳор буд.

Ба қавли ӯ, гуруҳҳои дигари муҳоҷимон дар амалиётҳои ҷудогона мехостанд шаҳри Ҷалолобод, маркази Нангарҳор ва майдони ҳавоии вилоятро бомбаборон кунанд.

"Неруҳои командуи мо бо ин муҳоҷимон дар вулусволии Беҳсуд вориди ҷанг шуда, онҳоро шикаст доданд. Як гуруҳашонро, ба шумули фармондеҳи қаттоли ДОИШ ба номи Муҳаммад Саид, зинда дастгир кардем, ки сарашон таҳқиқ ҷараён дорад ва ба зудӣ аз натиҷаи ин бозрасиҳо ба расонаҳо иттилоъ хоҳем дод", - гуфт муовини сухангӯи вазорати дифоъи Афғонистон.

Дар ҳамин ҳол, бино ба иттилои расонаҳои Афғонистон, дар зиндони Нангарҳор ҳудуди 1,5 ҳазор маҳбус нигаҳ дошта мешуд, ки аз ин шумора 300 нафарашон доишӣ буданд ва гумон меравад, онҳое, ки муваффақ ба фирор шудаанд, узви ин гуруҳанд.

206

Ҷашнҳои рӯзи 9 август дар Тоҷикистон ва ҷаҳон

0
(Таҷдидшуда 22:50 08.08.2020)
Рӯзи нӯҳуми август аз Рӯзи байналмилалии мардуми таҳҷоӣ ҷашн грифта мешавад. Ҳамчунин дар Амрико аз Рӯзи ҳифзи ҷангал қайд мекунанд

Рӯзи 9 август дар ҷаҳон чӣ рух дод

Соли 1893  Бонки миллии  Италия таъсис дода шуд.

© Sputnik / Стас Этвеш / Вишнякова Мария

Соли 1912 дар натиҷаи заминҷунбӣ дар Туркия  6 ҳазор  нафар ба ҳалокат расида, зиёда аз 40 ҳазор нафар бе сарпаноҳ монданд.

Соли 1945 ба шаҳри Нагасакии Япония бомбаи атомӣ партофта шуд.

Соли 1992 дар  Барселона маросими пӯшидашавии бозиҳои XXV олимпӣ баргузор гардид.

Рӯзи 9 август дар Тоҷикистон чӣ рух дод

Соли 2005 раисҷумҳури Тоҷикистон Эмомалӣ Раҳмон дар музофоти Клай Кангвол бо Шоҳи Таиланд Пумипон Адунядед, ки аз соли 1950 тахтнишин буд, дидор ва мулоқот намуданд.

Соли 2008 масоили гуногунҷанбаи  Тоҷикистон ва Ҳиндустон баррасӣ шуд.

Ҷашнҳои рӯзи 7 август дар Тоҷикистон ва ҷаҳон

Соли 2007  дар шаҳри Душанбе шабакаи нави радиошунавонии FM «Имрӯз» ба пахши барномаҳо шурӯъ намуд

Соли 2008 Президенти Тоҷикистон Эмомалӣ Раҳмон дар маросими кушодашавии Бозиҳои 29-уми тобистонаи олимпӣ, ки дар шаҳри Пекин баргузор гардид, иштирок намуданд.

Соли 2011 бо иштироки Сарвари давлат муҳтарам Эмомалӣ Раҳмон дар деҳаи Шайдони Ҷамоати деҳоти Сари Хосори ноҳияи Балҷувон  маркази Минтақавии тавонбахшии кӯдакон ва наврасони маъюб ифтитоҳ ёфт.

Соли 2016 дар пойтахти Тоҷикистон — шаҳри Душанбе Симпозиуми байналмилалии сатҳи баланд оид ба Ҳадафи шашуми рушди устувор таҳти унвони "Таъмини дастрасии умум ба об ва беҳдошт" баргузор гардид

Ҷашнҳои рӯзи 9 август

Рӯзи байналмилалии мардуми таҳҷоӣ.

Рӯзи ҷумҳурӣ дар Сингапур.

Рӯзи миллии сулҳовар дар Канада.

Рӯзи ҳифзи ҷангал дар ИМА.

Рӯзи 9 август дар Тоҷикистон кӣ ба дунё омадааст

Соли 1945 – кинорежиссер Валерий Аҳадов.

Соли 1949 –ҳунарманд ва режиссер Юнус Юсуфов.

Соли 1974 – журналист Анора Саркорова.

0
Барчаспҳо:
ҷашн, ҷаҳон, Тоҷикистон