Маст, акс аз бойгонӣ

Меҳмони маст соҳибхоназанро корд задааст

357
Вазорати умури дохилии Тоҷикистон аз боздошти ҷавони 27-сола дар шаҳри Исфара хабар дод, ки дар расондани зарари вазнини ҷисмонӣ муттаҳам мешавад

ДУШАНБЕ, 21 фев — Sputnik. Тибқи иттилои ВУД, марди 27-сола, сокини шаҳри Исфара, 19-уми феврали соли 2019, тахминан соати 08:00 дар ҳолати мастӣ дар меҳмонӣ соҳибхоназани 35-соларо корд задааст.

“Марди 27-сола ҳангоми дар хонаи истиқоматии зани 35-солаи сокини шаҳри Исфара қарор доштанаш, бо корди тамғаи “Финка” 1 маротиба ба шиками зани номбурда задааст”, - омадааст дар иттилоия.

Манбаъ таъкид кард, ки дар натиҷа, ҷабрдида ҷароҳати вазнини ҷисмонӣ бардошта, дар беморхона бистарӣ  шудааст. ВУД илова намуд, ки феълан аз рӯи ин ҳодиса тафтишот идома дорад.

357